Lloy Austin

រដ្ឋមន្ត្រីការពារជាតិអាមេរិក មានជំងឺមហារីកក្រពេញប្រូស្តាត

ឧកញ៉ាសំពៅ — Wed, 10 Jan 2024 03:44:37 +0000

កាលពីថ្ងៃទី០៩ ខែមករា ក្រុមគ្រូពេទ្យបានទម្លាយឲ្យដឹងថា រដ្ឋមន្ត្រីការពារជាតិអាមេរិក លោក Lloyd Austin ដែលកំពុងសម្រាកព្យាបាលជំងឺស្ងាត់ៗនោះ គឺកំពុងមានជំងឺមហារីកក្រពេញប្រូស្តាត។ នេះបើតាមការចុះផ្សាយពីសារព័ត៌មាន FirstPost។

លោក Austin ត្រូវបានពិនិត្យឃើញពីជំងឺមហារីកនេះ អំឡុងពេលធ្វើការពិនិត្យសុខភាពជាប្រចាំ ហើយក៏ទទួលបានការវះកាត់តូចមួយកាលពីថ្ងៃទី២២ ខែធ្នូផងដែរ ប៉ុន្តែនៅថ្ងៃទី០១ មករា លោកត្រូវបានបញ្ជូនទៅកាន់មន្ទីរពេទ្យជាថ្មីម្ដងទៀត បន្ទាប់ពីមានអាការៈឈឺចាប់ខ្លាំង នៅផ្នែកត្រគៀក និងជើង។

ឆ្លងកាត់ការវិនិច្ឆ័យពីក្រុមគ្រូពេទ្យ ក៏រកឃើញថាលោក Austin បានឆ្លងមេរោគនៅតម្រងនោម និងតម្រូវឲ្យមានការសម្រាកព្យាបាលជាចាំបាច់។

រំលឹកបន្តិចថា ទាក់ទងនឹងបញ្ហាមួយនេះ រដ្ឋមន្ត្រីការពារជាតិអាមេរិកទទួលបានការរិះគន់ជាខ្លាំង ដោយសារការចូលសម្រាកនៅមន្ទីរពេទ្យរបស់លោក មិនបានផ្ដល់ដំណឹងទៅកាន់ប្រធានាធិបតីអាមេរិកឡើយ ពោលគឺបាត់ដំណឹងឈឹង ទើបតែពេលថ្មីៗនេះប៉ុណ្ណោះ ដែលប្រធានាធិបតីអាមេរិក និងរដ្ឋសភា ទទួលបានដំណឹងមួយនេះ។

បន្ថែមពីនោះ សមាជិកសភាគណបក្សសាធារណៈរដ្ឋមួយចំនួន បានអំពាវនាវឲ្យមានការតំណែងរបស់លោក Austin ថែមទៀត ប៉ុន្តែសេតវិមានប្រកាន់ជំហរ គាំទ្ររដ្ឋមន្ត្រីការពារជាតិរូបនេះដដែល និងអះអាងថា លោក Austin គ្មានគម្រោងក្នុងការលាលែងតំណែងឡើយ៕

The post រដ្ឋមន្ត្រីការពារជាតិអាមេរិក មានជំងឺមហារីកក្រពេញប្រូស្តាត appeared first on .

រដ្ឋមន្ត្រីការពារជាតិអាមេរិក៖ រុស្ស៊ីប្រាកដជាយកឈ្នះអ៊ុយក្រែនបានងាយ បើគ្មានការលូកដៃពីអាមេរិក

ឧកញ៉ាសំពៅ — Wed, 01 Nov 2023 04:57:00 +0000

កាលពីថ្ងៃទី៣១ ខែតុលា រដ្ឋមន្ត្រីការពារជាតិអាមេរិក លោក Lloyd Austin បាននិយាយថា រុស្ស៊ីច្បាស់ជាអាចយកឈ្នះសង្គ្រាមនៅអ៊ុយក្រែន បើសិនជាអាមេរិកបញ្ឈប់ការគាំទ្ររបស់ខ្លួន ចំពោះរដ្ឋាភិបាលក្រុងគៀវ។ នេះបើតាមការចុះផ្សាយពីសារព័ត៌មាន Reuters។

“ខ្ញុំអាចធានាបានថា បើសិនជាគ្មានការគាំទ្រពីពួកយើង នោះ ពូទីន នឹងទទួលបានជោគជ័យសម្រាប់សង្គ្រាមមួយនេះ។ បើសិនជាពួកយើងដកថយពេលនេះ ពូទីននឹងកាន់តែបង្ហាញអានុភាពកាន់តែខ្លាំង និងកាន់តែមានមហិច្ឆតាធំជាងមុនទៀត”។ នេះបើតាមសម្ដីរបស់លោក Austin បាននិយាយ។

ការលើកឡើងរបស់រដ្ឋមន្ត្រីការពារជាតិរូបនេះ គឺដើម្បីបង្ហាញការគាំទ្រ ចំពោះសំណើរបស់ប្រធានាធិបតីអាមេរិក ដែលបានដាក់ទៅកាន់រដ្ឋសភា សុំបញ្ចេញកញ្ចប់ជំនួយតម្លៃ ១០៦ពាន់លានដុល្លារ សម្រាប់ប្រទេសអ៊ុយក្រែន អ៊ីស្រាអែល និងដោះស្រាយវិបត្តិសន្តិសុខព្រំដែនអាមេរិក។

សូមជម្រាបដែរថា កន្លងមករដ្ឋសភាអាមេរិក បានអនុម័តកញ្ចប់ជំនួយសម្រាប់ប្រទេសអ៊ុយក្រែន រហូតដល់ ១១៣ពាន់លានដុល្លាររួចមកហើយ តាំងពីរុស្ស៊ីបើកការឈ្លានពានកាលពីខែកុម្ភៈ ឆ្នាំ២០២២ ខណៈសង្គ្រាមរវាងប្រទេសទាំង២ ហាក់មិនងាយនឹងបញ្ចប់ឆាប់ៗឡើយ ដោយរុស្ស៊ីប្រកាន់ជំហរ ចាត់ទុកវាជាប្រតិបត្តិការយោធាពិសេស ស្របពេលអ៊ុយក្រែនហៅវាថា ជាការឈ្លានពាន រំលោភបូរណភាពទឹកដី៕

The post រដ្ឋមន្ត្រីការពារជាតិអាមេរិក៖ រុស្ស៊ីប្រាកដជាយកឈ្នះអ៊ុយក្រែនបានងាយ បើគ្មានការលូកដៃពីអាមេរិក appeared first on .

សមាជិកសភាអាមេរិកម្នាក់ ស្នើសុំឲ្យកាត់ប្រាក់ខែរដ្ឋមន្ត្រីការពារជាតិមកនៅត្រឹម ១ដុល្លារ

ឧកញ៉ាសំពៅ — Fri, 29 Sep 2023 06:26:05 +0000

កាលពីថ្ងៃទី២៨ ខែកញ្ញាម្សិលមិញ លោកស្រី Marjorie Taylor Greene សមាជិកសភាតំណាងរាស្ត្រ មកពីគណបក្សសាធារណរដ្ឋ បានស្នើឲ្យសភាអនុម័តលើសំណើសុំកាត់ប្រាក់ខែរដ្ឋមន្ត្រីការពារជាតិ Lloyd Autstin មកនៅត្រឹម ១ដុល្លារ។ នេះបើតាមការចុះផ្សាយពីសារព័ត៌មាន USAToday។

លោកស្រី Marjorie បានរិះគន់យ៉ាងខ្លាំងទៅលើរដ្ឋមន្ត្រីការពារជាតិស្បែកខ្មៅម្នាក់នេះ ដោយសង្កត់ធ្ងន់ថា លោកមិនបានបំពេញតួនាទីបានត្រឹមត្រូវ ហើយកំពុងធ្វើឲ្យខូចសណ្ដាប់ធ្នាប់កងយោធាអាមេរិក។

U.S. Central Command Commander Gen. Lloyd Austin III addresses military recruits during an induction ceremony during halftime of an NFL football game between the Tampa Bay Buccaneers and the New York Giants in Tampa, Fla., Sunday, Nov. 8, 2015. (AP Photo/Phelan M. Ebenhack)

“រដ្ឋលេខាធិការ Austin មិនបានបំពេញការងាររបស់គាត់បានល្អឡើយ ហើយក៏កំពុងបំផ្លាញកងយោធារបស់អាមេរិកថែមទៀត។ ការដឹកនាំរបស់គាត់ហាក់មិនមានទំនុកចិត្តសោះ ហើយគាត់សមតែត្រូវបានដកចេញពីតំណែង”។ នេះបើតាមសម្ដីរបស់សមាជិកសភា Marjorie ប្រាប់ទៅកាន់បណ្ដាញសារព័ត៌មាន។

សូមជម្រាបដែរថា បច្ចុប្បន្នសមាជិកសភាទាំងអស់កំពុងប្រជុំគ្នា ធ្វើការបោះឆ្នោតចំពោះការអនុម័តវិសោធនកម្មពីលោកស្រី Marjorie Taylor Greene ដើម្បីកាត់បន្ថយប្រាក់ខែរបស់លោក Lloyd Austin មកត្រឹម ១ដុល្លារ ខណៈបើតាមប្រាក់ខែបច្ចុប្បន្ន រដ្ឋមន្ត្រីការពារជាតិស្បែកខ្មៅដំបូងរបស់អាមេរិក អាចទទួលបានចំណូលប្រហែល ២២១ ០០០ដុល្លារ ក្នុងមួយឆ្នាំ៕

The post សមាជិកសភាអាមេរិកម្នាក់ ស្នើសុំឲ្យកាត់ប្រាក់ខែរដ្ឋមន្ត្រីការពារជាតិមកនៅត្រឹម ១ដុល្លារ appeared first on .