ក្នុង​ចំណោម​បុគ្គល​ទាំង ៣ រូប​ខាងលើ បងប្អូន​ត្រកូល Chearavanont គឺ​មាន​ដាច់គេ​អស់​រយៈពេល​ជាច្រើន​ឆ្នាំ​មកហើយ ស្របពេល​ប្រវត្តិអាជីវកម្ម​របស់​ស្ដេចត្រាញ់​នេះ​ក៏​ធ្លាប់​ត្រូវបាន​ឧកញ៉ាញូវស៍​ចុះផ្សាយ​រួច​ម្ដង​ដែរ ពោល​ក្រុមហ៊ុន CP Group គឺ​ល្បី​សុះសាយ​ជុំវិញ​តំបន់​អាស៊ី និង​អឺរ៉ុប ហើយ​កម្ពុជា​ក៏​ជា​ប្រទេស​នាំចូល​ផលិតផល CP មក​ចែកចាយ​ក្នុង​ស្រុក​ផង​ដែរ។

ដោយឡែក សម្រាប់​មុខជំនួញ​របស់​លោក Chalerm វិញ​គឺ​ជា​ភេសជ្ជៈប៉ូវកម្លាំង​ដែល​ប្រជាជន​គ្រប់វ័យ​សុទ្ធតែ​បាន​ស្គាល់​គឺ Red Bull ឬ​គេ​និយម​ហៅ​ថា “គោជល់” ក៏​កំពុង​មាន​ចរាចរណ៍​លើ​ទីផ្សារ​ប្រទេស​កម្ពុជា​អស់​រយៈពេល​ជាច្រើន​ឆ្នាំ​មក​ហើយ​ដែរ ដោយ​មាន​ក្រុមហ៊ុន L.Y.P Group របស់​អ្នក​ឧកញ៉ា លី យ៉ុងផាត់​ជា​អ្នកចែកចាយ​ផ្ដាច់មុខ​នៅ​កម្ពុជា។

ចុងក្រោយ​គឺ ផលិតផល​ស្រាបៀ​ឆាង​របស់​អ្នកជំនួញ​មាន​ដុង​ពី​ក្មេង Charoen ដែល​ចាប់ផ្ដើម​រកស៊ី​ជាមួយ​ឪពុក​ពី​ការ​លក់​ទឹកសុទ្ធ​តាម​ចិញ្ចើមផ្លូវ​ រហូត​ដល់​ក្លាយ​ជា​ម្ចាស់​រោងចក្រ​ផលិត​ស្រាបៀ​ធំ​បំផុត​ប្រចាំ​ប្រទេស។

ស្រាបៀ​មាន​និមិត្ត​សញ្ញា​រូប​ដំរី ធ្លាប់ជា​ផលិតផល​នាំចូល​ផ្ដាច់​មុខ​របស់​ក្រុមហ៊ុន Attwood Import and Export របស់​ឧកញ៉ា លឹម ឈីវហូ ដោយ​បាន​ចុះ​កិច្ចព្រមព្រៀង​តាំងពី​ខែមករា ២០១៦ មក​ម៉្លេះ ប៉ុន្តែ​ប៉ុន្មាន​ខែ​មុន​ក្រុមហ៊ុន​ខាងលើ​បាន​បញ្ឈប់​ការ​នាំចូល​ស្រាបៀ​ឆាង​ពី​ប្រទេស​ថៃ។ នេះបើតាមក្រុមហ៊ុន Attwood បានប្រាប់សារព័ត៌មានឧកញ៉ាញូស៍នៅរសៀលថ្ងៃចន្ទ សីហានេះ៕

The post មុខជំនួញធំៗមហាសេដ្ឋីមានបំផុតនៅថៃ ៣ រូប កំពុងវ៉ៃលុកទីផ្សារកម្ពុជា appeared first on .

មានសហគ្រិន វិនិយោគិនខ្មែរ និងធុរកិច្ចបរទេសជាច្រើន មិនតិចអ្នកទេដែលស្ងប់ស្ងែងនឹងការនិយោគរបស់អ្នកឧកញ៉ា លី យ៉ុងផាត់ ដែលអាចបង្កើតការងារដល់ប្រជាពលរដ្ឋដើម្បីរកប្រាក់ចំណូល និងបង់ពន្ធជូនរដ្ឋយ៉ាងច្រើនសន្ធឹកសន្ធាប់ ។ ផ្អែកលើអាណាចក្រជំនួញដំបូងក្រុមហ៊ុនហ៊ុន L.Y.P Group អ្នកឧកញ៉ា លី យ៉ុងផាត់ បាននឹងកំពុងក្តោបក្តាប់សេដ្ឋកិច្ចកម្ពុជាមួយផ្នែកគាំទ្រដល់កំណើនសេដ្ឋកិច្ចជាតិ។

ជាក់ស្តែង នៅរយៈពេលប៉ុន្មានឆ្នាំចុងក្រោយនេះ មហាសេដ្ឋីដែលរះចេញពីទិសនិរតីនៃកម្ពុជារូបនេះ បាននិងកំពុងពង្រីកការវិនិយោគលើគម្រោងធំៗជាច្រើនគួរឲ្យចាប់អារម្មណ៍ ក្នុងនោះ រួមមានដូចជា៖

-ឆ្នាំ២០១៧ អ្នកឧកញ៉ា លី យ៉ុងផាត់ ចាប់ដៃគូជាមួយនឹងវិនិយោគិនថៃ ដោយបានបោះទុនវិនិយោគរាប់លានដុល្លារ បើកដំណើរការផ្សារលក់ទំនិញបោះដុំ យីហោពីប្រទេសថៃ គឺផ្សារ ម៉ាក្រូ ។

-ឆ្នាំ ២០១៨ បានបោះទុនជាង ១០លានដុល្លារ សាងសង់សួនសត្វភ្នំពេញសាហ្វារី ដែលជាសួនសត្វដ៏ធំជាងគេបំផុតនៅកម្ពុជា ដែលមានផ្ទៃដី ជាង៦០ ហិកតានេះ បាននិងកំពុងបើកដំណើរការទទួលភ្ញៀវចូលទស្សនាជារៀងរាល់ថ្ងៃ។

-ឆ្នាំ២០១៨ ក្រុមហ៊ុន L.Y.P Group បានបើកឲ្យដំណើរការនូវមជ្ឈមណ្ឌលអាពាហ៍ពិពាហ៍ សន្និបាត និងពិព័រណ៍ដ៏ធំប្រណីតមួយ ដែលមានឈ្មោះថា ឌឹ ព្រីមៀរ សែនសុខ សេនធ័រ ដោយបោះទុនវិនិយោគសាងសង់អស់ទឹកប្រាក់ជាង ១០លានដុល្លារអាមេរិក។

-ឆ្នាំ២០១៨ អ្នកឧកញ៉ា លី យ៉ុងផាត់ សហការវិនិយោគរួមគ្នា ជាមួយនឹងវិនិយោគិនថៃ បោះទុនជាង ១០លានដុល្លារអាមេរិក បើកឲ្យដំណើរការសាកល្បងនូវផ្សារទំនើបលក់គ្រឿងសំណង់ និងសម្ភារលំនៅដ្ឋាន Global House ដ៏ធំជាងគេនៅកម្ពុជា។

ដោយឡែក សម្រាប់កិច្ចការបរទេសវិញ អ្នកឧកញ៉ា លី យ៉ុងផាត់ គឺជាអ្នកការទូតសេដ្ឋកិច្ច និងជំនួញដ៏ប៉ិនប្រសប់មួយរូប ដែលបានគៀងគេវិនិយោគិនបរទេសមកបណ្តាក់ទុនរកស៊ីកម្ពុជា ខណៈដែលលោកក៏ជាធ្លាប់កាន់តួនាទីជាទីប្រឹក្សាផ្នែកសេដ្ឋកិច្ចពិសេសដ៏ឆ្នើមរបស់សម្តេចតេជោនាយករដ្ឋមន្រ្តីកម្ពុជា។

ឆ្នាំ២០០១ លោកជាប់ឆ្នោតជាអនុប្រធានសភាពាណិជ្ជកម្មកម្ពុជា។ ឆ្នាំ២០០៥ ត្រូវបានតែងតាំងជាទីប្រឹក្សាជាន់ខ្ពស់នៃសមាគមចិនគ្រួសារត្រកូល លី។ ពីឆ្នាំ២០០៦រហូតដល់បច្ចុប្បន្ន លោកឧកញ៉ា លី យ៉ុងផាត់ ក៏បានក្លាយជាសមាជិកព្រឹទ្ធសភានៃកម្ពុជា។
បច្ចុប្បន្ននេះ អ្នកឧកញ៉ា លី យ៉ុងផាត់ ក៏កំពុងកាច់ចង្កូតដឹកនាំដោយផ្ទាល់ទៅលើសមាគមឧកញ៉ានៅកម្ពុជាទៀតផង។

អ្វីដែលជាការគូសបញ្ជាក់ក្នុងការគៀងគរអ្នកវិនិយោគ អ្នកឧកញ៉ា លី យ៉ុង ផាត់ មានទំនាក់ទំនងល្អជាមួយអ្នកជំនួញ និងមន្រ្តីជាច្រើនក្នុងប្រទេសថៃ។ ប៉ុន្តែប៉ុន្មានឆ្នាំចុងក្រោយនេះ អ្នកឧកញ៉ាប្តូរចង្កួតការទូតបង្វែរទៅគៀងគរក្រុមវិនិយោគិនចិន និងលោកខាងលិចវិញម្តង។
ជាក់ស្តែង អ្នកឧកញ៉ា លី យ៉ុងផាត់ ក៏បាននិងកំពុងសាងសង់គម្រោងទីក្រុងមិត្តភាពកម្ពុជា-ចិន ក្នុងទឹកដីអភិវឌ្ឍន៍ទីក្រុងរណប ហ្គាឌិន ស៊ីតធី ហើយត្រូវបានរំពឹងថា គ្រោងចំណាយទុនជាង ១.៥០០ លានដុល្លារអាមេរិក ដែលវិនិយោគរួមគ្នា រវាងក្រុមហ៊ុន LYP Group ជាមួយនឹងក្រុមហ៊ុនចិន។

ក្រៅពីអាណាចក្រជំនួញប្រាក់ពាន់លាននៅរាជធានីភ្នំពេញ អ្នកឧកញ៉ា លី យ៉ុងផាត់ ត្រូវបានមហាជនស្គាល់ភាគច្រើនថាជា“ស្តេចកោះកុង” ។ មែនទែនទៅ រហ័សនាម “ស្តេចកោះកុង”នេះ ទំនងដោយ សារតែអ្នកឧកញ៉ា មានកំណើតកើតជានៅទីនោះ និងបានក្លាយជាអ្នកជំនួញដ៏មានឥទ្ធិពលល្បីល្បាញ និងចាក់គ្រឹះយ៉ាងរឹងមាំ នៅខេត្តជាប់ព្រំដែនថៃ។ លើសពីនេះអ្នកឧកញ៉ា ក៏កំពុងក្តោបក្តាប់សេដ្ឋកិច្ច ខេត្តកោះកុងផងដែរ៕

The post លី យ៉ុងផាត់ អ្នកការទូត​សេដ្ឋកិច្ច និងជាអ្នកជំនួញ​ដ៏​ឆ្នើម​រះពី​ទិ​សនិរតី​នៃកម្ពុជា appeared first on .

សញ្ញាបត្របណ្ឌិតកិត្តិយសដ៏មានតម្លៃ ដែលគណៈគ្រប់គ្រងសាកលវិទ្យាល័យ BANGKOKTHONBURI ផ្ដល់ជូនដោយផ្ទាល់ ជូនប្រធានសមាគមឧកញ៉ាកម្ពុជា អ្នកឧកញ៉ា លី យ៉ុងផាត់ នាពេលនេះ ពិតជាមានអត្ថន័យ និងកិត្តិយសមិនអាចកាត់ថ្លៃបាន។ ទន្ទឹមគ្នានោះ ថ្នាក់ដឹកនាំ និងសមាជិកទាំងអស់នៃ សមាគនឧកញ៉ាកម្ពុជា ក៏បានចូលរួមអបអរសាទរ និងបង្ហាញក្ដីរំភើបជូន អ្នកឧញ៉ាប្រធាន ផងដែរ។

សាកលវិទ្យាល័យ Bangkokthonburi គឺជាគ្រឹះស្ថានឧត្តមសិក្សាដ៏ល្បីឈ្មោះមួយ ស្ថិតនៅទីក្រុងបាងកក និងបានបង្កើតឡើងជិតអស់រយៈពេល ២០ឆ្នាំមកហើយ ពោលគឺតាំងឆ្នាំ ២០២២ មកម្ល៉េះ។ ស្ថាប័នអបរំជំនាញមួយនេះ មានមហាវិទ្យាល័យអប់រំ និងបណ្ដុះបណ្ដាលនិស្សិតតាំងពីកម្រិតថ្នាក់បរិញ្ញាបត្រ បរិញ្ញាបត្រជាន់ខ្ពស់ និងថ្នាក់បណ្ឌិត លើផ្នែកគ្រប់គ្រងពាណិជ្ជកម្ម ច្បាប់ វិទ្យាសាស្ត្រនយោបាយ និងវិទ្យាសាស្រ្តអប់រំ៕

The post ប្រធានសមាគមនឧកញ៉ាកម្ពុជា អ្នកឧកញ៉ា លី យ៉ុងផាត់ ទទួលសញ្ញាបត្រ “បណ្ឌិតកិត្តិយស” ពីសាកលវិទ្យាល័យ BANGKOKTHONBURI ប្រទេសថៃ appeared first on .