Meng Wanzhou

ជម្លោះការទូតដ៏ជូរចត់រយៈពេល ៣ឆ្នាំ រវាងក្រុងប៉េកាំងនិងវ៉ាស៊ីនតោន ទាក់ទងសំណុំរឿងកូនស្រីមហាសេដ្ឋីស្ថាបនិក Huawei ត្រូវបានបិទបញ្ចប់

ឧកញ៉ាកោះក្របី — Sun, 26 Sep 2021 07:38:32 +0000

ជម្លោះការទូតដ៏ជូរចត់រយៈពេល ៣ឆ្នាំ រវាងទីក្រុងប៉េកាំង អូតាវ៉ា និងវ៉ាស៊ីនតោន ទាក់ទងសំណុំរឿងកូនស្រីស្ថាបនិកក្រុមហ៊ុន Huawei ទំនងជាត្រូវបិទបញ្ចប់ហើយ បន្ទាប់ពីចិនសម្រេចដោះលែងជនជាតិកាណាដាពីរនាក់ពីពន្ធនាគារកាលពីថ្ងៃសុក្រ ខណៈនាយកប្រតិបត្តិក្រុមហ៊ុន Huawei អ្នកស្រី ម៉េង វ៉ាន់ចូវ ត្រូវបានដោះលែងនៅកាណាដា។

“ជីវិតរបស់ខ្ញុំមានភាពរញ៉េរញ៉ៃ និងគួរឲ្យធុញទ្រាន់ខ្លាំងណាស់ តែគ្រប់ស្ថានការណ៍លំបាកគឺតែងមានពន្លឺនៃក្ដីសង្ឃឹមជានិច្ច។ ខ្ញុំនឹងមិនភ្លេចឡើយរាល់បំណងល្អៗ និងពាក្យជូនពរដែលមនុស្សគ្រប់គ្នាទូទាំងពិភពលោកបានផ្ញើមកកាន់ខ្ញុំ”។ នេះគឺជាសម្ដីរបស់អ្នកស្រី Meng ប្រាប់ទៅកាន់សារព័ត៌មាន មុនឡើងយន្តហោះ Air China ទៅកាន់ទីក្រុង Shenzhen។

សំណុំរឿងក្រុមហ៊ុនទូរគមនាគមន៍យក្សចិន Huawei ត្រូវបានគេមើលឃើញពីការបំពុលទំនាក់ទំនងមើលមុខគ្នាមិនចំអស់រយៈពេលប្រមាណ ៣ឆ្នាំ រវាងប្រទេសចិន ជាមួយកាណាដា និងសហរដ្ឋអាមេរិក។ ដំបូងឡើយ វាកើតចេញពីការចាប់ខ្លួនអ្នកស្រី ម៉េង វ៉ាន់ចូវ ពីសំណាក់អាជ្ញាធរកាដាណា ទៅតាមសំណើរបស់អាមេរិក។ អាមេរិកដែលបានចោទប្រកាន់ក្រុមហ៊ុន Huawei ពីបទប៉ុនប៉ងរំលោភទណ្ឌកម្មអាមេរិកលើអ៊ីរ៉ង់ និងលួចបច្ចេកវិទ្យាពីក្រុមហ៊ុនអាមេរិក។

មានវ័យ ៤៩ឆ្នាំ អ្នកស្រីវ៉ាន់ចូវ ត្រូវបានក្រុងវ៉ាស៊ីនតោនចោទថា បានលួចលាក់រំលោភវិធានការដាក់ទណ្ឌកម្មរបស់អាមេរិកទៅលើអ៊ីរ៉ង់ តាមរយៈក្រុមហ៊ុនហុងកុងមួយដែលជាក្រុមហ៊ុនបុត្រសម្ព័ន្ធរបស់ Huawei ឈ្មោះ Skycom ដែលបានលក់ឧបករណ៍ទូរគមនាគមន៍ទៅឲ្យប្រទេសអ៊ីរ៉ង់។

អ្នកស្រី ម៉េង វ៉ាន់ចូវ ជាប្រធានគ្រប់គ្រងផ្នែកហិរញ្ញវត្ថុ ជាអនុប្រធានក្រុមប្រឹក្សាភិបាលក្រុមហ៊ុន Huawei ផងនោះ ត្រូវបានចាប់ខ្លួន កាលពីថ្ងៃទី១ ខែធ្នូ ឆ្នាំ ២០១៨ នៅពេលដែលលោកស្រីធ្វើដំណើរឆ្លងកាត់ប្រទេសកាណាដា។

រយៈពេល ៩ ថ្ងៃ បន្ទាប់ពីការចាប់ខ្លួនលោកស្រី វ៉ាន់ចូវ ពោលគឺនៅថ្ងៃទី ១០ ធ្នូ ឆ្នាំ ២០១៨ អាជ្ញាធរចិន បានចាប់ខ្លួនជនជាតិកាណាដាពីរនាក់ គឺ លោក Michael Kovrig អតីតអ្នកការទូតបម្រើការឲ្យអង្គការវិភាគនយោបាយ International Crisis Group និងម្នាក់ទៀតគឺលោក Michael Spavor ដែលជាអ្នកធ្លាប់ផ្តល់ប្រឹក្សាទំនាក់ទំនងជាមួយកូរ៉េខាងជើង។

បណ្តាប្រទេសលោកខាងលិចបានចោទចិនថា ចាប់ជនជាតិកាណាដា ធ្វើជាចំណាប់ខ្មាំងកាទូត។ តែចិនកាលណោះបានឆ្លើយតបវិញថា ជនជាតិកាណាដាទាំងពីរនាក់ត្រូវបានចាប់ខ្លួនពីបទចារកម្មដែលធ្វើឲ្យប៉ះពាល់ដល់សន្តិសុខចិន ហើយនេះមិនមែនជាសងសឹកកាណាដា និងយកពួកគេទាំងពីរជាកំណាប់ខ្មាំងកាទូតឲ្យកាណាដាដោះលែងលោកស្រី ម៉េង វ៉ាន់ចូវ ប្រធានផ្នែកហិរញ្ញវត្ថុរបស់ក្រុមហ៊ុន Huawei ឡើយ៕

The post ជម្លោះការទូតដ៏ជូរចត់រយៈពេល ៣ឆ្នាំ រវាងក្រុងប៉េកាំងនិងវ៉ាស៊ីនតោន ទាក់ទងសំណុំរឿងកូនស្រីមហាសេដ្ឋីស្ថាបនិក Huawei ត្រូវបានបិទបញ្ចប់ appeared first on .

ទីបំផុតសំណុំរឿងជាង ៣ ឆ្នាំ កូនស្រីស្ថាបនិក Huawei ជិតរកបានច្រកចេញ បញ្ចប់ការមើលមុខគ្នាមិនចំរវាងអាមេរិកនិងចិន

ឧកញ៉ាសំពៅ — Sat, 25 Sep 2021 05:29:18 +0000

បើយោងតាមរបាយការណ៍ថ្មីបំផុតបានទម្លាយឲ្យដឹងថា អ្នកស្រី Meng នឹងទទួលបានសេរីភាពពេញទី ហើយអាចវិលត្រឡប់ទៅកាន់មាតុភូមិវិញ ក្រោយបានយល់ព្រមលក្ខខណ្ឌមួយចំនួនជាមួយតុលាការនៅប្រទេសកាណាដា។

កូនស្រីស្ថាបនិកក្រុមហ៊ុន Huawei អ្នកស្រី Meng Wanzhou ដែលអាមេរិកចោទមានពាក់ព័ន្ធពីបទបំពានលើទណ្ឌកម្មលើប្រទេសអឺរ៉ង់ រហូតដល់មានការផ្ទុះជម្លោះរវាងមហាអំណាចចិននិងអាមេរិក។

“ជីវិតរបស់ខ្ញុំមានភាពរញ៉េរញ៉ៃ និងគួរឲ្យធុញទ្រាន់ខ្លាំងណាស់ តែគ្រប់ស្ថានការណ៍លំបាកគឺតែងមានពន្លឺនៃក្ដីសង្ឃឹមជានិច្ច។ ខ្ញុំនឹងមិនភ្លេចឡើយរាល់បំណងល្អៗ និងពាក្យជូនពរដែលមនុស្សគ្រប់គ្នាទូទាំងពិភពលោកបានផ្ញើមកកាន់ខ្ញុំ”។ អ្នកស្រី Meng ប្រាប់ទៅកាន់សារព័ត៌មាន មុនឡើងយន្តហោះ Air China ទៅកាន់ទីក្រុង Shenzhen។

សម្រាប់លក្ខខណ្ឌដែលអនុញ្ញាតឲ្យមានការដោះលែងអ្នកស្រី Meng គឺកំពុងស្ថិតនៅក្នុងការពិចារណាយ៉ាងតឹងសរសៃករវាងប្រទេសមហាអំណាចចិន និងសហរដ្ឋអាមេរិក។

ការចរចានៅតែបន្ត តែនៅថ្ងៃសុក្រក្រសួងយុត្តិធម៌អាមេរិកហៅកាត់ DOJ បានយល់ព្រមពន្យារពេលកាត់ទោសអ្នកស្រី Meng។នេះមានន័យថា DOJ នឹងមិនធ្វើអ្វីកូនស្រីស្ដេចត្រាញ់ Huawei ឡើយរហូតដល់ខែធ្នូ ២០២២ ប្រសិនបើលក្ខខណ្ឌនៃការដោះលែងអាចសម្រេចបាន ស្របពេលអ្នកស្រីអាចប្រព្រឹត្តិខ្ជាប់ខ្ជួនថែមទៀតនោះ សំណុំរឿងខាងលើនឹងលុបចោលជាមិនខាន។

បញ្ជាក់ដែរថា សហរដ្ឋអាមេរិកបានចោទប្រកាន់អ្នកស្រី Meng ថាជាមេខ្លោងនៃការបំភ័ន្តប្រតិបត្តិការធនាគារ HSBC រវាងក្រុមហ៊ុន Huawei និង Skycom ដែលបាននាំឲ្យធនាគារក្លាយជាឫសគល់នៃការបំពានទណ្ឌកម្មអាមេរិកប្រឆាំងនឹងអឺរ៉ង់។

តាំងពីពេលនោះអ្នកស្រី Meng ត្រូវបានឃ្លាំងមើល និងឃុំខ្លួននៅវីឡាក្នុងទីក្រុង Vancouver ប្រទេសកាណាដារយៈពេលជិត ៣ ឆ្នាំ រហូតដល់ថ្ងៃសុក្រកន្លងទៅនេះទើប DOJ សម្រេចប្រកាសបញ្ចប់ការឃុំខ្លួនអ្នកស្រី។

យ៉ាងណា រឿងនេះនៅមិនទាន់ដាច់ស្រេចឡើយ ដោយលក្ខខណ្ឌឲ្យមានការដោះលែង គឺតម្រូវឲ្យអ្នកស្រី Meng សារភាពទោសកំហុសដែលបានប្រព្រឹត្តខុសទៅកាន់ធនាគារ HSBC ហើយអ្នកស្រីត្រូវយល់ព្រមទទួលខុសត្រូវចំពោះគម្រោងការបន្លំស្ថាប័នហិរញ្ញវត្ថុពិភពលោកផងដែរ។ យ៉ាងណា DOJ ក៏មិនទាន់អស់ចិត្តដោយពួកគេបង្ហើបថា បានកំពុងរៀបចំឯកសារឡើងតុលាការជាមួយក្រុមហ៊ុនយក្ស Huawei ដែលគ្រប់គ្រងដោយឪពុកបង្កើតអ្នកស្រី Meng វិញម្ដង៕

ប្រភព: bbc

The post ទីបំផុតសំណុំរឿងជាង ៣ ឆ្នាំ កូនស្រីស្ថាបនិក Huawei ជិតរកបានច្រកចេញ បញ្ចប់ការមើលមុខគ្នាមិនចំរវាងអាមេរិកនិងចិន appeared first on .

បុគ្គលិកជាន់ខ្ពស់កាន់លុយឲ្យក្រុមហ៊ុន Huawei ជាប់ឃុំខ្លួន ៤ឆ្នាំ អាចមានឱកាសវិលទៅប្រទេសចិនវិញ

ឧកញ៉ាសាមញ្ញ — Tue, 21 Sep 2021 08:58:06 +0000

ប្រធានផ្នែកហិរញ្ញវត្ថុរបស់ក្រុមហ៊ុនបច្ចេកវិទ្យា Huawei Technologies Co. Ltd លោកស្រី Meng Wanzhou បានបន្តកិច្ចពិភាក្សាជាមួយក្រសួងយុត្តិធម៌របស់អាមេរិក ជុំវិញកិច្ចព្រមព្រៀងមួយ ដែលអាចអនុញ្ញាតិឲ្យលោកស្រីវិលត្រលប់ទៅកាន់ប្រទេសចិនវិញ។

លោកស្រី Meng ជាកូនស្រីស្ថាបនិកក្រុមហ៊ុន Huawei ដែលត្រូវបានចាប់ខ្លួន តាំងពីខែធ្នូឆ្នាំ ២០១៨ មកម្លេះ នៅពេលលោកស្រីធ្វើដំណើរឆ្លងកាត់ប្រទេសកាណាដា តាមរយ:សំណើរបស់សហរដ្ឋអាមេរិក ពីបទបត្យាប័ន ។

Meng Wanzhou, chief financial officer of Huawei, arrives at B.C. Supreme Court to attend her extradition hearing, in Vancouver, B.C., Wednesday, Aug. 4, 2021. THE CANADIAN PRESS/Darryl Dyck

ប៉ុន្តែទើបតែពេលថ្មីៗនេះ របាយការណ៍ដែលចេញផ្សាយដោយ Globe And Mail បានធ្វើការបង្ហាញថា លោកស្រី Meng អាចនឹងមានឱកាសវិលត្រលប់ទៅកាន់ប្រទេសចិនវិញ ប្រសិនបើលោកស្រីយល់ព្រមតាមសំណើរ ដោយតម្រូវឲ្យធ្វើការសារភាពចំពោះកំហុសដែលបានចោទប្រកាន់ពីបទឆបោក និងការលាងលុយកខ្វក់ របស់ក្រុមហ៊ុន ។ ប្រភពដដែលបានបង្ហាញទៀតថា នឹងមានការផាកពិន័យធ្ងន់ធ្ងរទៅលើលោកស្រី Meng និងក្រុហ៊ុន Huawei ផងដែរ ។

មិនតែប៉ុណ្ណោះ លោក Li Haidong ដែលជាសាស្រ្តាចារ្យនៅវិទ្យាស្ថានទំនាក់ទំនងអន្តរជាតិ នៃសាកលវិទ្យាល័យកិច្ចការបរទេសចិន បានប្រាប់កាសែត Global Times កាលពីថ្ងៃអាទិត្យថា កិច្ចចរចា ដែលបានរាយការណ៍ដូចខាងលើបានបង្ហាញថា ភាគីនីមួយៗ ហាក់ដូចជាមានអាកប្បកិរិយា បើកចំហ ដើម្បីឆ្ពោះទៅរកកិច្ចព្រមព្រៀងជាក់លាក់មួយ ឬស្វែងរកដំណោះស្រាយ។

ប៉ុន្តែទោះជាយ៉ាងណា លោកស្រី Meng នៅតែប្រកាន់ជំហរបន្តរក្សាភាពគ្មានទោសពៃរ៍របស់លោកស្រី តាមរយ:ការចោទប្រកាន់ថា អាជ្ញាធរអាមេរិកធ្វើហួសពីដែនសមត្ថកិច្ចរបស់ខ្លួន ដែលបានចាប់ឃុំខ្លួនលោកស្រី ទាំងដែលករណីទាំងអស់នោះ បានកើតឡើងនៅខាងក្រៅទឹកដីសហរដ្ឋអាមេរិកប៉ុណ្ណោះ ។

សូមបញ្ជាក់ផងដែរថា លោកស្រី Meng ដែលជាប្រធានផ្នែកហិរញ្ញវត្ថុ និងជាកូនស្រីរបស់ស្ថាបនិកក្រុមហ៊ុន Huawei ត្រូវបានចាប់ខ្លួន នៅថ្ងៃទី ១ ខែធ្នូ នៅក្នុងទីក្រុង Vancouver ប្រទេសកាណាដា តាមរយ:សំណើរបស់សហរដ្ឋអាមេរិក ក្រោមការចោលប្រកាន់លោកស្រី ពីបទឆបោកធនាគារ និងការលាក់បាំងក្រុមហ៊ុន HSBC អំពីការទំនាក់ទំនងនៃក្រុមហ៊ុនបុត្រសម្ព័ន្ធរបស់ Huawei ជាមួយប្រទេសអ៊ីរ៉ង់ ៕

ប្រភព: Global Times

ប្រែសម្រួល៖ ឧកញ៉ាសាមញ្ញ

The post បុគ្គលិកជាន់ខ្ពស់កាន់លុយឲ្យក្រុមហ៊ុន Huawei ជាប់ឃុំខ្លួន ៤ឆ្នាំ អាចមានឱកាសវិលទៅប្រទេសចិនវិញ appeared first on .