រំលឹកផងដែរថា ក្នុងការប្រកួតដ៏កក្រើកមួយដែលត្រូវបានចាក់ផ្សាយនៅលើ Netflix ទៅកាន់អ្នកទស្សនារាប់លាននាក់លើពិភពលោក កាលពីថ្ងៃទី១៥ ខែវិច្ឆិកាកន្លងទៅ​ បានបញ្ចប់ទៅដោយ Jake Paul ទទួលបានជ័យជម្នះ។ ប៉ុន្តែទោះបីជាយ៉ាងណាក៏ដោយ ការប្រកួតនេះ ត្រូវបានអ្នកគាំទ្រ និងអ្នកភ្នាល់មួយចំនួន​ រិះគន់ធ្ងន់ៗថា ហាក់ជាការសម្តែង និងអ្នកខ្លះទៀតថាការប្រកួតនេះប្រហែលជាត្រូវបានរៀបចំឡើងទុកជាមុន។

យ៉ាងណាមិញ នៅពេលថ្មីៗនេះ Tyson ប្រហែលជាអាចមានឱកាសដើម្បីសាងភាពស្អាតស្អំរបស់ខ្លួនឡើងវិញ ក្នុងការប្រកួតសងសឹកមួយ បន្ទាប់ពីព្រះអង្គម្ចាស់ Turki Alalshikh ដែលប្រធានអាជ្ញាធរផ្នែកកម្សាន្តទូទៅរបស់ប្រទេសអារ៉ាប៊ីសាអូឌីត ហ៊ានផ្តល់រង្វាន់ជាទឹកប្រាក់រាប់លានដុល្លារ បើសិនកីឡាករប្រដាល់ជើងចាស់រូបនេះ អាចទទួលបានជ័យជម្នះវិញ។

យោងតាមការចុះផ្សាយពីគេហទំព័រ ​​FTTV Boxing បានបង្ហាញឲ្យដឹងទៀតថា ព្រះអង្គម្ចាស់ Alalshikh នឹងផ្តល់ទឹកប្រាក់ ៧០០លានដុល្លារ ដល់ Tyson ប្រសិនអាចយកឈ្នះ Jake Paul ក្នុងការផ្តួលដៃគូឲ្យសន្លប់ បើមានការប្រកួតឡើងវិញ។

ទន្ទឹមនឹងនេះ ព្រះអង្គម្ចាស់ Alalshikh បាននិយាយថា ៖”ជ័យជម្នះរបស់ Jake Paul ហាក់ជារឿងកំប្លែងមួយ។ ខ្ញុំសន្យាថានឹងផ្តល់លុយឲ្យ Mike Tyson ៧០០លានដុល្លារប្រសិនបើគាត់យល់ព្រមប្រកួតជាមួយ Jake Paul ម្តងទៀត ដោយការវាយពិតប្រាកដ ហើយផ្តួលដៃគូឲ្យសន្លប់ក្នុងរយៈពេលត្រឹមបីនាទីនោះ”៕

The post ខ្សែរាជវង្សអារ៉ាប៊ីសាអូឌីតម្នាក់ ហ៊ានផ្តល់លុយ ៧០០លានដុល្លារ ដល់ Mike Tyson បើអាចផ្តួល Jake Paul ក្នុងការប្រកួតឡើងវិញ appeared first on .

ចំណូល​សរុប​ពី​អាជីព​ជា​អ្នកប្រដាល់ Mike Tyson រក​បាន​មិន​តិច​ជាង​ ១ ពាន់​ដុល្លារ​ឡើយ តែ​ដោយសារ​ការ​ចាយវាយ​ខ្ជះខ្ជាយ​ពេក ទើប​ទំហំ​ទ្រព្យសម្បត្តិ​នៅសល់​​ត្រឹមជាង ៤០០ លាន​ដុល្លារ​ប៉ុណ្ណោះ។

ខ្សែ​ជីវិត​របស់​ស្ដេច​ប្រដាល់​ Mike Tyson បាន​ដាំ​ក្បាល​ចុះ​បន្ទាប់ពី​បរាជ័យ​ក្នុង​ការ​ការពារ​ជើងឯក ក្រោម​ថ្វីដៃ​អ្នកប្រដាល់ Buster Douglas កាលពី​ឆ្នាំ​១៩៩០។ មួយឆ្នាំ​ក្រោយ​បាត់បង់​ខ្សែក្រវាត់​លំដាប់​ពិភពលោក Mike ត្រូវ​ទទួលរង​ការចោទប្រកាន់​ពី​បទ​រំលោភ​សេពសន្ថវៈ​ពី​បវរកញ្ញា​អាមេរិក Desiree Washington ហើយ​បើ​ទោះជា​ប្រកែក​ដាច់​អហង្ការ​បែប​ណា​ក្ដី​ក៏ Mike ត្រូវ​ផ្ដន្ទាទោស​ជាប់​ពន្ធនាគារ​រយៈពេល ៦ ឆ្នាំ​ដែរ។

នៅ​ឆ្នាំ ១៩៩៥ ក្រោយ​ត្រូវ​បាន​ដោះលែង​ពី​ពន្ធនាគារ​អតីត​អ្នកប្រដាល់​រូប​នេះ សល់​លុយ​ក្នុង​កុង ៣០០ លាន​ដុល្លារ ដែល​អាច​ឲ្យ​មនុស្ស​ធម្មតា​រស់នៅ​បាន​ដោយ​ស្រួល តែ​សម្រាប់ Mike Tyson គឺ​គ្រាន់​ជា​កំទេច​លុយ​ប៉ុណ្ណោះ ពោល ៣៣ ខែ​ដំបូង​ជាមួយ​ជីវិត​ក្រៅ​ពន្ធនាគារ Mike ជះ​លុយ​អស់​មិន​តិច​លាន​ដូចជា​៖

៤,៥ លាន ដុល្លារ សម្រាប់ យានយន្ត ដែល ១៩ គ្រឿង ទិញ ជូន មិត្តភក្ដិ
១០ ម៉ឺន ដុល្លារ ជា រៀងរាល់ ខែ សម្រាប់ គ្រឿងអលង្ការ និង សម្លៀកបំពាក់
៤០ ម៉ឺន ដុល្លារ សម្រាប់ សត្វ ចិញ្ចឹម ដូចជា ព្រាប និង ខ្លា
១២,៥ ម៉ឺន ដុល្លារ ប្រចាំ ឆ្នាំ សម្រាប់ ការ ថែទាំ សត្វ ចិញ្ចឹម
២៤ ម៉ឺន ដុល្លារ ជា រៀងរាល់ ខែ សម្រាប់ ការ ដើរលេង ហ៊ឺហា សំញែង ទ្រព្យ
៣០ ម៉ឺន ដុល្លារ ក្នុង ការ ថែទាំ សួនច្បារ
២៣ ម៉ឺន ដុល្លារ សម្រាប់ ការ ទិញ ទូរស័ព្ទ និង ថ្លៃ កាត

នៅ​អំឡុង​ពេលនោះ Mike Tyson ក៏​មាន​ផ្ទះ​ជាច្រើន​កន្លែង​ផង​ដែរ ដូចជា​ភូមិគ្រឹះ​នៅ Connecticut ដែល​មាន​បន្ទប់​គេង ២១ បន្ទប់ទឹក ២៤ កាស៊ីណូ និង​ក្លឹប​កម្សាន្ត​ក្នុង​នោះ​ស្រាប់​ទៀត។ រីឯ​យានយន្ត​វិញ ឡាន​សរុប​ដែល Mike បាន​ទិញ​គឺ ១១១ ​គ្រឿង ដែល​មាន​ស្ទើរ​គ្រប់​ម៉ូដែល មិនថា Ferrari, Lamborghini, Range Rover, Mercedes-Benz, Bentley និង Roll Royce ជា​ដើម។

រហូតដល់​ពេលខ្លះ Mike ភ្លេច​ទាំង​ឲ្យ​ឡាន​មិត្តភក្ដិ​ខ្ចី និង​មិន​ចាំ​កន្លែង​ដាក់​ឡាន​ថែមទៀត ដោយសារ​មាន​ឡាន​ច្រើនពេក។

ដោយសារ​ការ​ចាយវាយ​របៀប​នេះ​ហើយ នៅ​ឆ្នាំ ២០០៧ Mike Tyson បាន​ប្រកាស​ក្ស័យធន​ទ្រព្យ​សម្បត្តិ​ និង​ជំពាក់​លុយ​រដ្ឋាភិបាល​រហូត​ដល់ ៦០ លាន​ដុល្លារ។ តែ​ដោយ​មាន​ការ​ជួយ​ជ្រោមជ្រែង​ពី​ប្រពន្ធ ដោយ​បង្កើត​កម្មវិធី Broadway ទើប​បុរស​ធ្លាប់​មាន​រហស្សនាម​កណ្ដាប់​ដៃ​ដែក អាច​ដោះ​បំណុល​ និង​សាង​ទ្រព្យ​មកវិញ​បាន​ខ្លះ​ ខណៈ​បច្ចុប្បន្ន​លោក​មាន​ទ្រព្យ​ប្រមាណ ១០ លាន​ដុល្លារ៕

ប្រភព: moneymakers

The post ជំងឺតួឯក ជាមូលហេតុទាញអតីតស្ដេច​ប្រដាល់​ Mike Tyson ពីអភិជនមាន​លុយ​វាល់​លាន ធ្លាក់​ខ្លួនដល់សព្វថ្ងៃ appeared first on .

ត​ទៅ​នេះ​ គឺជា​បញ្ជី​ឈ្មោះ​បុគ្គល​ល្បីៗ​ ៥​ រូប​ដែល​ចាយ​លុយ​ពេញដៃ​សម្រាប់​ការ​ចំណាយ​លើ​ថ្លៃ​ម្ហូបអាហារ៖

1/ Justin Bieber

កាលពី​ឆ្នាំ ២០១៤ E! News បាន​រាយការណ៍​ថា គ្រាន់តែ​ទៅ​មើលកុន​ Bieber ចាយ​លុយ ២៤១ ដុល្លារ​សម្រាប់​អាហារសម្រន់​ ហើយ​ក្នុង​ឆ្នាំ​ដដែល​នោះ គេ​ចាយ​អស់​ ២៤០ ដុល្លារ​បន្ថែម​ទៀត​គ្រាន់តែ​ញាំ​អាហារ​សម្រន់​បែប​ម៉ិកស៊ីកូ​។ តែ​អ្វី​ដែល​គួរ​ឲ្យ​ភ្ញាក់ផ្អើល​បំផុត​នោះ​គឺ មាន​ម្ដង​ Justin Bieber ចាយ​លុយ ១ ម៉ឺន​ដុល្លារ​ សម្រាប់​ការ​ខ្ចប់​អាហារ​បែប​ចិន​។

2/ Mike Tyson

អតីត​កីឡាប្រដាល់​រូប​នេះ​ត្រូវ​បាន​គេ​រាយការណ៍​មក​ថា ​ក្នុង​មួយ​ឆ្នាំ លោក​ចាយ​អស់​មិន​ក្រោម ២០ ម៉ឺន​ដុល្លារ​ឡើយ​សម្រាប់​ថ្លៃ​ហូបចុក​ តែ​មិន​មែន​សម្រាប់​ខ្លួនឯង​ឡើយ តែ​ដើម្បី​សម្រាប់​សត្វ​ចិញ្ចឹម​គឺ ខ្លា​ Bengal ៣ ក្បាល។ យ៉ាងណាមិញ E! News រាយការណ៍​មក​ថា Mike Tyson ឈប់​ចិញ្ចឹម​ខ្លា​ទាំងនោះ​ទៀតហើយ​ ព្រោះ​តែ​ការ​ចំណាយ​លើ​ពួកវា​អស់​ច្រើនពេក និង​ដោយសារ​មាឌ​របស់​ពួក​វា​កាន់តែ​ធំឡើងៗ​។

3/ Mark Cuban

លោក​គឺ​ជា​មហាសេដ្ឋី​តែ​មួយ​រូប​គត់​នៅ​ក្នុង​បញ្ជី​ឈ្មោះ​មួយ​នេះ ដោយ​មាន​ម្ដង កាលពី​ឆ្នាំ ២០១១ លោក​បាន​ធ្វើ​ពិធី​ជប់លៀង​មួយ ហើយ Fox Sports រាយការណ៍​ថា គ្រាន់តែ​ថ្លៃ​ចំណាយ​លើ​ម្ហូបអាហារ​នា​ល្ងាច​នោះ មហាសេដ្ឋី​រូប​នេះ ចាយ​អស់ ១១ ម៉ឺន​ដុល្លារ ខណៈ​ ៩ ម៉ឺន​ដុល្លារ គឺ​សម្រាប់​តម្លៃ​ស្រា​សំ​ប៉ា​ញ​មួយ​ដប​ដែល​មាន​ឈ្មោះ​ថា Ace of Spades Champagne ហើយ​គាត់​ថែម​ទាំង​បាន​ឲ្យ​ប្រាក់​ធីប ២ ម៉ឺន​ដុល្លារ​សម្រាប់​បុគ្គលិក​ទីនោះ​ផង​ដែរ។

4/ Beyonce

តារាចម្រៀង Beyonce គឺ​ជា​បុគ្គល​ម្នាក់​មិន​ញញើត​ក្នុង​ការ​ចំណាយ​ប្រាក់​ឡើយ ពោល​បើ​ឃើញ​ស្រឡាញ់​ពេញចិត្ត​គឺ​ទិញ​យក​តែ​ម្ដង ជាក់ស្ដែង​អ្នកនាង​ក៏​ជា​អ្នក​ស្រឡាញ់​សុខភាព​ខ្លាំង​ផង​ដែរ​ដោយ​មាន​ដល់ទៅ​ចុងភៅ​ផ្ទាល់ខ្លួន​ដើម្បី​តាមដាន​របប​អាហារ​របស់​អ្នកនាង​ឲ្យ​មាន​តុល្យភាព​។

ដោយឡែក​ គេ​ដឹង​ថា​ ក្នុង​មួយ​ខែៗ គ្រាន់​តែ​ចាយ​ទៅ​លើ​ចុងភៅ​ម្នាក់​នោះ Beyonce ដក​លុយ​ពី​កាបូប​ប្រមាណ ៧ ៥០០ ដុល្លារ​ ហើយ​នៅ​មាន​អ្នក​ចាំ​តាមដាន​របប​អាហារ​ដែល​ទទួល​បាន​ខ្ពស់​បំផុត ៤ ០០០​ ដុល្លារ​ទៀត​ផង។

5/ Shaquille O’Neal

Shaquille O’Neal ឬ​ត្រូវ​គេ​ហៅ​ថា Shaq គឺជា​បុគ្គល​ម្នាក់​ដែល​មាន​ការ​ចាយវាយ​ធំ​សម្បើម ដោយ​មាន​ម្ដងនោះ គ្រាន់តែ​ទៅ​ទិញ​ឥវ៉ាន់​នៅ Walmart លោក​ចាយ​អស់ ៧ ម៉ឺន​ដុល្លារ​រហូត​ធ្វើ​ឲ្យ​ក្រុម​សន្តិសុខ​ផ្ទាល់ខ្លួន​មាន​ការ​ភាន់ច្រឡំ​ស្មាន​តែ​គេ​លួច​កាត​ធនាគារ​របស់​លោក​ថែម​ទៀត។

សម្រាប់​ការ​ហូបចុក​វិញ Shaq ក៏​ដៃ​ទូលាយ​ដូចគ្នា​ដោយ​ក្នុង​មួយ​ខែ លោក​ចាយ​អស់ ១២ ៧៧៥ ដុល្លារ​សម្រាប់​ចំណីអាហារ​។ ហើយ​បើ​មើលទៅ​លើ​ការ​ចំណាយ​ផ្សេងៗទៀត គឺ​អាច​ឲ្យ​ប្រិយមិត្ត​ចំហ​មាត់​បាន ដោយ​អតីត​កីឡាករ​បាល់បោះ ចាយ​អស់​ជាង ៧០ ម៉ឺន​ដុល្លារ​ក្នុង​មួយ​ខែ​ ដោយ ជាង ១០ ម៉ឺន​ដុល្លារ​សម្រាប់​ដំណើរ​កម្សាន្ត​ ៤៦ ៥០០ ដុល្លារ​សម្រាប់​ថ្លៃ​មើលថែ​កូន ២៣ ៩៥០ ដុល្លារ​សម្រាប់​សំលៀកបំពាក់ ៦០ ៤១៧ សម្រាប់​ការទិញ​កាដូ​ ២៤ ៣០០ ដុល្លារ​សម្រាប់​ថ្លៃ​ប្រេងឥន្ធនៈ និង​ជាង ៤០ ម៉ឺន​ដុល្លារ​សម្រាប់​ការ​ទូទាត់​ប្រាក់កម្ចី​ទិញ​ផ្ទះ​ ៣ កន្លែង​៕

ប្រភព: Cheatsheet

The post ស្រុកខ្មែរ​អាហារ​មួយ​ពេល​ចាយ​ច្រើន​បំផុត ៥ ដុល្លារ តែ​​សេដ្ឋី​​ស្រុក​គេ​ អាហារ​មួយ​ពេល​អស់ខ្ទង់​ម៉ឺន​ដុល្លារក៏​មាន​ appeared first on .