រកឃើញទ្រព្យសម្បត្តិគ្រួសាមេយោធា Min Aung Hlaing ពេលបង្ក្រាបគ្រឿងញៀននៅថៃ

ឧកញ៉ាសំពៅ — Thu, 12 Jan 2023 03:54:00 +0000

តម្រួតប្រទេសថៃបានធ្វើការចុះបង្ក្រាបទីតាំងជួញដូរគ្រឿងញៀនមួយកន្លែង ហើយក៏បានរកឃើញទ្រព្យសម្បត្តិមួយចំនួនធំដែលជាកម្មសិទ្ធិរបស់កូនៗមេយោធាមីយ៉ាន់ម៉ា Min Aung Hlaing នៅទីនោះផង។

យោងតាមការចុះផ្សាយពី Reuters បានបង្ហាញថា ការបង្ក្រាបទីតាំងគ្រឿងញៀននោះធ្វើឡើងនៅទីក្រុងបាងកក និងឃាត់ខ្លួនអ្នកជំនួញ Tun Min Latt វ័យ ៥៣ ឆ្នាំ ដែលត្រូវបានគេដឹងថា មានទំនាក់ទំនងស្អិតល្មួតជាមួយមេយោធាមីយ៉ាន់ម៉ា។

ប្រភពដដែលបន្ថែមថា ការចុះបង្ក្រាបទីតាំងគ្រឿងញៀនកាលពីខែកញ្ញា ប៉ូលិសបានរឹបអូសទ្រព្យសម្បត្តិជិត ៩ លានដុល្លារ មានដូចជាឡានទំនើប នាឡិកា កាបូបដៃថ្លៃៗ និងប្រាក់សុទ្ធ ២៣៩ ០៩១ ដុល្លារផង។

បើទោះជាទ្រព្យសម្បត្តិទាំងនោះ គេដឹងថាជាកម្មសិទ្ធិរបស់កូនៗទាំង ២ នៃមេដឹកនាំយោធាមីយ៉ាន់ម៉ា ប៉ុន្តែពួកគេមិនត្រូវបានឃាត់ខ្លួនដោយប៉ូលិសថៃឡើយ ហើយដីកាចាប់ខ្លួនគឺធ្វើសម្រាប់តែចាប់ខ្លួនលោក Tun Min Latt តែម្នាក់ប៉ុណ្ណោះ៕

The post រកឃើញទ្រព្យសម្បត្តិគ្រួសាមេយោធា Min Aung Hlaing ពេលបង្ក្រាបគ្រឿងញៀននៅថៃ appeared first on .

មេដឹកនាំរបបយោធាមីយ៉ាន់ម៉ា លើកតម្កើងពូទីនជាមេដឹកនាំពិភពលោក

ឧកញ៉ាសំពៅ — Wed, 07 Sep 2022 23:54:00 +0000

កាលពីថ្ងៃទី ០៥ កញ្ញាកន្លងទៅ មេដឹកនាំរបបយោធាមីយ៉ាន់ម៉ា Min Aung Hlaing បានធ្វើដំណើរទស្សនកិច្ចទៅកាន់ប្រទេសរុស្ស៊ី ក្នុងគោលបំណងរឹតបន្តឹងចំណងមិត្តភាពរវាងមហាអំណាចពិភពលោក និងប្រទេសនៅតំបន់អាស៊ាន។

ក្នុងអំឡុងពេលធ្វើទស្សនកិច្ចនោះ លោក Aung Hlaing ក៏បានជួបសំណេះសំណាលជាមួយនឹងប្រធានាធិបតីរុស្ស៊ី វ៉្លាឌីមៀរ ពូទីនផងដែរ ហើយថែមទាំងកោតសរសើរថ្នាក់ដឹកនាំរូបនេះថា សក្ដិសមឥតខ្ចោះក្នុងការក្លាយជាមេដឹកនាំពិភពលោក។

“ខ្ញុំពិតជាមានមោទនភាពចំពោះអ្នកណាស់ ព្រោះអ្នកគឺជាសសរទ្រូងរបស់ប្រទេសរុស្ស៊ី និងអាចដឹកនាំប្រទេសឲ្យក្លាយជាមហាអំណាចលេខ ១ ក្នុងលោក។ ពួកយើងមិនគួរហៅអ្នកត្រឹមជាថ្នាក់ដឹកនាំរុស្ស៊ីឡើយ តែគួរតែជាថ្នាក់ដឹកនាំពិភពលោកទាំងមូល ដ្បិតអ្នកអាចគ្រប់គ្រងស្ថិរភាពទូទាំងសកលលោកបាន”។ នេះបើតាមសម្ដីរបស់មេដឹកនាំរបបយោធាមីយ៉ាន់ម៉ាបាននិយាយ។

បន្ថែមពីនោះ CNA ក៏បានរាយការណ៍បន្ថែមថា ថ្នាក់ដឹកនាំប្រទេសទាំង ២ បានជួបជជែកគ្នាយ៉ាងជក់ចិត្ត និងបើកចំហពីការប្ដេជ្ញា ចាប់ដៃគ្នាក្នុងផ្ដោះប្ដូរយោបល់លើបញ្ហាដែលកំពុងកើតមានឡើងក្នុងប្រទេសទាំង ២៕

The post មេដឹកនាំរបបយោធាមីយ៉ាន់ម៉ា លើកតម្កើងពូទីនជាមេដឹកនាំពិភពលោក appeared first on .