Mohsin Issa

បងប្អូនមហាសេដ្ឋី Issa ប្រកាសលក់ហាងមាន់បំពង KFC ជាង ២០០កន្លែង ដើម្បីដោះបំណុល

ឧកញ៉ាសំពៅ — Thu, 07 Dec 2023 03:54:20 +0000

បងប្អូនមហាសេដ្ឋី Issa គឺលោក Zuber និងលោក Mohsin បានប្រកាសលក់ហាងមាន់បំពង KFC នៅចក្រភពអង់គ្លេស និងប្រទេសអៀរឡង់ ២១៨ហាង ដើម្បីយកប្រាក់សងបំណុលរបស់ពួកគេ។

យោងតាមការចុះផ្សាយពីគេហទំព័រ Telegraph បានបង្ហាញថា ក្រុមហ៊ុនរបស់មហាសេដ្ឋីទាំង២ គឺ EG Group បានសម្រេចលក់ហាងទាំងអស់នោះ ទៅកាន់ក្រុមហ៊ុន Yum Brands ដែលជាក្រុមហ៊ុនមេនៃហាងលក់អាហារសម្រន់ល្បីៗដូចជា KFC, Pizza Hut និង Taco Bell ជាដើម។

ដំណើរការនៃការលក់ហាងច្រើនជាង ២០០កន្លែង របស់មហាសេដ្ឋីទាំង២រូបនេះ គឺគ្រោងនឹងបញ្ចប់នៅឆមាសទីមួយ នាឆ្នាំក្រោយ ប៉ុន្តែទំហំទឹកប្រាក់ដែល EG Group នឹងទទួលបាន មិនទាន់ត្រូវបានទម្លាយឲ្យដឹងនៅឡើយទេ។

គួររំលឹកបន្តិចថា បំណុលរបស់ EG Group គឺមានរហូតដល់ ៩,៦ពាន់លានដុល្លារ កាលពីចុងឆ្នាំទៅ ប៉ុន្តែកាលពីខែមុន ពួកគេបានប្រកាសថា បំណុលរបស់ខ្លួនបច្ចុប្បន្នគឺមានតែ ៥,៧ពាន់លានដុល្លារប៉ុណ្ណោះ បន្ទាប់ពីលក់ទ្រព្យសម្បត្តិខ្លះ ដើម្បីរំលោះបំណុល៕

The post បងប្អូនមហាសេដ្ឋី Issa ប្រកាសលក់ហាងមាន់បំពង KFC ជាង ២០០កន្លែង ដើម្បីដោះបំណុល appeared first on .

បងប្អូនមហាសេដ្ឋី Issas គាំទ្រក្រុមហ៊ុនផលិតសម្ភារៈកីឡាថ្មី ដើម្បីប្រជែងទីផ្សារជាមួយ NIKE និង Adidas

ឧកញ៉ាសំពៅ — Tue, 15 Feb 2022 08:25:14 +0000

ក្រុមហ៊ុនផលិតសម្ភារៈកីឡាធំបំផុតលើលោក គឺគ្មានអ្នកណាអាចវ៉ាដាច់ Adidas និង NIKE បានឡើយ ដោយសារម៉ាកយីហោមួយនេះបានឈរជើងលើប្រឡូកក្នុងវិស័យកីឡាជាយូរយារណាស់មកហើយ និងទទួលបានភាពជោគជ័យខ្លាំងផងដែរ។

តែកាលពីពេលថ្មីៗនេះ មានដំណឹងល្ហៀងៗមកថា បងប្អូនត្រកូល Issas ដែលជាមហាសេដ្ឋី និងជាវិនិយោគិនលើវិស័យជាច្រើន ចាប់អារម្មណ៍ជាមួយនឹងក្រុមហ៊ុនផលិតសម្ភារៈកីឡាថ្មីមួយ ថែមទាំងបានជ្រោមជ្រែងអាជីវកម្មខ្នាតតូចមួយនេះ ជាមួយឆន្ទៈប្រជែងទីផ្សារ Adidas និង NIKE ទៀតផង។

ក្រុមហ៊ុនដែលបងប្អូនត្រកូល Issas ជួយគាំទ្រមានឈ្មោះថា Castore ដែលបានបង្កើតឡើងនៅឆ្នាំ ២០១៦ ដោយបងប្អូន Tom និង Phil Beahon ជាមួយនឹងទំហំទឹកប្រាក់ប្រមាណ ៨០ ០០០ ផោន ឬជាង ១០ ម៉ឺនដុល្លារ ដែល ៤០% នៃទឹកប្រាក់នោះជាចំណែកបានមកពីការដាក់បញ្ចាំផ្ទះឪពុកម្ដាយរបស់ពួកគេ។

៥ ឆ្នាំក្រោយបន្ទាប់ពីបង្កើតអាជីវកម្មមួយនេះ Castore បានផ្ដល់ឱកាសការងារជូនមនុស្សជាង ១៥០ កន្លែង ស្របពេលបងប្អូនត្រកូល Issas កំពុងជំរុញឲ្យពួកគេងាកមកផ្គត់ផ្គង់សម្ភារៈកីឡាផ្សេងៗដូចជា ធ្វើការជាមួយម្ចាស់ពាន Wimbledon, Andy Murray សហការជាមួយក្រុមនៅក្របខណ្ឌ Premier League ព្រឹត្តិការណ៍ប្រណាំងឡាន McLaren F1 និងកីឡា Cricket នៅអង់គ្លេសជាដើម។ នេះបើតាមការអះអាងពី ECHO៕

ប្រភព: manchestereveningnews

The post បងប្អូនមហាសេដ្ឋី Issas គាំទ្រក្រុមហ៊ុនផលិតសម្ភារៈកីឡាថ្មី ដើម្បីប្រជែងទីផ្សារជាមួយ NIKE និង Adidas appeared first on .

មហាសេដ្ឋីត្រកូល Issa ចង់ទិញយកក្រុមហ៊ុនផលិតឱសថធំបំផុតមួយនៅអង់គ្លេស ក្នុងតម្លៃ ១០ ពាន់លានផោន

ឧកញ៉ាសំពៅ — Thu, 20 Jan 2022 07:13:08 +0000

បងប្អូនមហាសេដ្ឋី ២ រូបដែលនៅពីក្រោយក្រុមហ៊ុន Asda និង EG Group កំពុងពិចារណាទិញយកក្រុមហ៊ុន Boots ដែលជាក្រុមហ៊ុនផលិតឱសថធំបំផុតមួយនៅចក្រភពអង់គ្លេស ដែលមានតម្លៃប្រហែល ១០ ពាន់លានផោន ឬជិត ១៤ ពាន់លានដុល្លារ។

លោក Mohsin និង Zuber Issa ត្រូវបានគេដឹងថាកំពុងជួបពិភាក្សាជាមួយក្រុមប្រឹក្សាភិបាលក្នុងការស្វែងរកលទ្ធភាពនៃការទិញយកក្រុមហ៊ុនខាងលើ ខណៈបច្ចុប្បន្នបងប្អូន ២ នាក់នេះកំពុងមានឱសថស្ថានច្រើនជាង ២ ០០០ កន្លែងនៅក្នុងដៃ។

ជាមួយគ្នានោះ Boots បច្ចុប្បន្នកំពុងស្ថិតក្រោមការគ្រប់គ្រងរបស់ក្រុមហ៊ុនយក្សអាមេរិក Wallgreens Boots Alliance ដែលកាលពីសប្ដាហ៍មុនពួកគេបានបើកការប្រជុំស្ដីពីអនាគតរបស់ Boots ស្របពេលលឺល្ហៀងៗថា ក្រុមហ៊ុនឯកជនធំបំផុត ២ លើលោកគឺ Bain Capital និង CVC Capital កំពុងពិចារណាទិញក្រុមហ៊ុននេះដូចគ្នា។

យ៉ាងណា ខាង WBA នៅមិនទាន់ចេញមុខបកស្រាយនៅឡើយទាក់ទិននឹងចចាមអារ៉ាមខាងលើ តែគេជឿថា WBA ប្រហែលជាមិនទុក Boots ឡើយ ប្រសិនបើមានសំណើណាអាចទាក់ចិត្តពួកគេបាន ខណៈកន្លងមកការលក់របស់ Boots ធ្លាក់ចុះខ្លាំងរហូតដល់ក្រុមហ៊ុនមេសម្រេចចិត្តជួលភ្នាក់ងារផ្សេងមកទប់ទល់។

បញ្ជាក់ដែរថា បងប្អូនត្រកូល Issa គឺជាវិនិយោគិនដ៏ជោគជ័យមួយនៅលើពិភពលោក ដោយពួកគេបណ្ដាក់ទុនលើអាជីវកម្មស្ទើរគ្រប់វិស័យ ជាក់ស្ដែងកាលពីឆ្នាំទៅ EG Group បានទិញយកក្រុមហ៊ុន Leon ដែលជាក្រុមហ៊ុនអាហារសម្រន់ធំមួយ និងទិញបានអាជីវកម្មដុតនំប៉័ងធំបំផុតទី ២ នៅអង់គ្លេស Cooplands ថែមទៀត៕

ប្រភព: business-live

The post មហាសេដ្ឋីត្រកូល Issa ចង់ទិញយកក្រុមហ៊ុនផលិតឱសថធំបំផុតមួយនៅអង់គ្លេស ក្នុងតម្លៃ ១០ ពាន់លានផោន appeared first on .

Mohsin Issa

បងប្អូនមហាសេដ្ឋី Issa ប្រកាសលក់ហាងមាន់បំពង KFC ជាង ២០០កន្លែង ដើម្បីដោះបំណុល

បងប្អូន​មហាសេដ្ឋី Issas គាំទ្រ​ក្រុមហ៊ុន​ផលិត​សម្ភារៈ​កីឡា​ថ្មី ដើម្បី​ប្រជែង​ទីផ្សារ​ជាមួយ NIKE និង Adidas

បងប្អូនមហាសេដ្ឋី Issas គាំទ្រក្រុមហ៊ុនផលិតសម្ភារៈកីឡាថ្មី ដើម្បីប្រជែងទីផ្សារជាមួយ NIKE និង Adidas