Vantara ត្រូវបានស្គាល់ថាជាសួនសត្វឯកជន និងជា “មជ្ឈមណ្ឌលសង្គ្រោះសត្វព្រៃដ៏ធំបំផុតរបស់ពិភពលោក” គ្រប់គ្រងដោយ​ លោក Anant Ambani ដែលត្រូវជាកូនប្រុសរបស់ លោក Mukesh Ambani មហាសេដ្ឋីមានបំផុតរបស់ប្រទេស និងជាប្រធានក្រុមហ៊ុន Reliance Industries ។

យោងតាមអាជ្ញាធរសួនសត្វកណ្តាលរបស់ប្រទេសឥណ្ឌា បាននិយាយថា Vantara ដែលមានទីតាំងស្ថិតនៅភាគខាងលិចនៃរដ្ឋ Gujarat គឺជាជម្រកសត្វដំរីជាង ២០០ ក្បាល ព្រមទាំងសត្វខ្លាឃុំ ៥០ ក្បាល ខ្លា ១៦០ ក្បាល តោ ២០០ ក្បាល ខ្លារខិន ២៥០ ក្បាល និងក្រពើ ៩០០ ក្បាល ក្នុងចំណោមសត្វព្រៃជាច្រើនផ្សេងទៀត។

កាលពីដើមសប្តាហ៍នេះ តុលាការកំពូលឥណ្ឌា បាននិយាយថា ខ្លួនបានបញ្ជាឲ្យក្រុមមន្ត្រីរបស់ខ្លួន បើកការស៊ើបអង្កេតលើសួនសត្វ Vantara បន្ទាប់ពីទទួលបានពាក្យបណ្តឹងថា សួនសត្វនេះ បានទិញយកសត្វព្រៃមកដោយខុសច្បាប់ ជាពិសេសសត្វដំរី រួមទាំងការរំលោភបំពានលើច្បាប់សត្វព្រៃផ្សេងទៀត និងការលាងលុយកខ្វក់ ផងដែរ។

ប៉ុន្តែទោះជាយ៉ាងណាក៏ដោយ ជុំវិញពាក្យបណ្តឹងនេះ ខាងសួនសត្វ Vantara បាននិយាយនៅក្នុងសេចក្តីថ្លែងការណ៍មួយថា ខ្លួននឹងនៅតែប្តេជ្ញាចិត្តចំពោះតម្លាភាព ក្តីមេត្តា និងការអនុលោមតាមច្បាប់ពេញលេញ ហើយនឹងបន្តចូលរួមដល់ដំណើរការស៊ើបអង្កេតនេះ ៕​

The post ឥណ្ឌា បើកការស៊ើបអង្កេតលើសួនសត្វ របស់កូនប្រុសមហាសេដ្ឋីមានដាច់គេនៅអាស៊ី appeared first on .

ប្រភពដដែលនេះ បានបង្ហាញឲ្យដឹងទៀតថា ជុំវិញលទ្ធភាពដែលកំពុងត្រូវបានពិភាក្សាពាក់ព័ន្ធទៅនឹងទំនាក់ទំនងរវាងក្រុមហ៊ុន Reliance Jio និង OpenAI នោះ គឺដើម្បីចែកចាយសេវាកម្មបញ្ញាសិប្បនិម្មិត ChatGPT នៅក្នុងប្រទេសឥណ្ឌា កាន់តែទូលំទូលាយជាងមុន។

ជាមួយគ្នានេះ ក្រុមហ៊ុន OpenAI ក៏បានពិភាក្សាជាមួយក្រុមហ៊ុនជាដៃគូរបស់ខ្លួន ក្នុងការកាត់បន្ថយតម្លៃនៃការជាវសេវាកម្ម ChatGPT នៅក្នុងប្រទេសឥណ្ឌា មកនៅទាបជាង ២០ដុល្លារ ក្នុងមួយខែ ផងដែរ។

មិនតែប៉ុណ្ណោះ The Information ក៏បានរាយការណ៍បន្ថែមទៀតថាក្រុមហ៊ុន Reliance ដែលដឹកនាំដោយមហាសេដ្ឋី Mukesh Ambani ក៏បានពិភាក្សាអំពីការបង្ហោះ និងដំណើរការម៉ូដែល OpenAI ក្នុងស្រុក ដូច្នេះរាល់ទិន្នន័យរបស់អតិថិជនក្នុងស្រុកទាំងអស់ អាចត្រូវបានរក្សាទុកនៅក្នុងប្រទេសឥណ្ឌាផ្ទាល់។

អ្វីដែលកាន់តែពិសេសជាងនេះ ក្រុមហ៊ុន Reliance បានពិភាក្សាអំពីការដំណើរការម៉ូដែល AI របស់ក្រុមហ៊ុន Meta និង OpenAI នៅក្នុងមជ្ឈមណ្ឌលផ្ទុកទិន្នន័យ ៣ ជីហ្គាវ៉ាត់របស់ខ្លួន ដែលក្រុមហ៊ុនខ្នាតយក្សរបស់ឥណ្ឌាមួយនេះ គ្រោងនឹងសាងសង់ឡើងនៅទីក្រុង Jamnagar រដ្ឋ Gujarat នាពេលឆាប់ៗខាងមុខនេះ ។

ជម្រាបជូនផងដែរថា Reliance Industries គឺជាក្រុមហ៊ុនធំជាងគេបំផុតមួយនៅក្នុងប្រទេសឥណ្ឌា ដែលរកស៊ីទៅលើវិស័យធំៗជាច្រើន រួមមានទាំងផ្នែកគីមីឥន្ធនៈ ការចម្រាញ់ ការរុករកប្រេង និងឧស្ម័ន ទូរគមនាគមន៍ ការលក់រាយ និងថាមពលបៃតង ជាដើម៕

The post OpenAI និង Meta កំពុងចរចាជាមួយក្រុមហ៊ុនមហាសេដ្ឋីមានដាច់គេនៅឥណ្ឌា សម្រាប់ភាពជាដៃគូ AI appeared first on .

ជុំវិញកិច្ចព្រមព្រៀងថ្មីចុងក្រោយនេះ Reliance Jio ដែលជាប្រតិបត្តិករទូរគមន៍ដ៏ធំបំផុតរបស់ឥណ្ឌា នឹងរាប់រងលើការស្តុកទុកឧបករណ៍ Starlink នៅក្នុងហាងលក់រាយរបស់ខ្លួន ហើយកាន់តែពិសេសក្រុមហ៊ុន Starlink ក៏អាចទទួលបានការចែកចាយដោយផ្ទាល់ នៅក្នុងហាងរាប់ពាន់កន្លែងរបស់ Reliance Jio នៅទូទាំងប្រទេស ផងដែរ។

គួរឲ្យផងដែរថា កន្លងមកក្រុមហ៊ុនរបស់មហាសេដ្ឋី Elon Musk និងលោក Ambani បានប្រកួតប្រជែងគ្នាយ៉ាងស្វិតស្វាញបំផុតអំពីរបៀបដែលប្រទេសឥណ្ឌា គួរត្រូវផ្លាស់ប្តូររបត់នៃការប្រើប្រាស់អ៊ីនធឺណិតតាមរយ:ផ្កាយរណប ហើយនៅទីបំផុត រដ្ឋាភិបាលទីក្រុងញូវដែលី ក៏អាចរកឃើញវិធីសាស្រ្តក្នុងការបញ្ចុះបញ្ចូលឲ្យក្រុមហ៊ុនរបស់មហាសេដ្ឋីលំដាប់លោកទាំងពីរ មកចូលរួមវិនិយោគរួមគ្នាជំនួសវិញ។

ដំបូងឡើយ ក្រុមហ៊ុន Reliance របស់លោក Ambani មានការព្រួយបារម្ភថា Musk អាចគ្របដណ្ដប់លើលំហទូរគមនាគមន៍របស់ឥណ្ឌា នៅពេលដែលមហាសេដ្ឋីអាមេរិករូបនេះ ចាប់ផ្តើមដាក់លក់ផលិតផលរបស់ខ្លួននៅក្នុងប្រទេសនេះ។

ប៉ុន្តែទោះជាយ៉ាងណា៏ដោយ តាមរយ:កិច្ចព្រមព្រៀងចែកចាយចុងក្រោយដែលត្រូវបានចុះហត្ថលេខានេះ នឹងមើលឃើញថាក្រុមហ៊ុនរបស់លោក Ambani អាចផ្តល់ជូននូវផលិតផលរបស់ក្រុមហ៊ុនគូប្រជែង ទៅក្នុងទីផ្សារដែលកំពុងមានភាពរីកចម្រើនយ៉ាងឆាប់រហ័ស ជំនួសវិញ។

ជ​ម្រាបជូនផងដែរថា កិច្ចព្រមព្រៀងរបស់ក្រុមហ៊ុន Reliance នេះ ត្រូវបានធ្វើឡើងបន្ទាប់ពីការប្រកាសភាពជាដៃគូស្រដៀងគ្នានេះផងដែរ រវាង Starlink និងក្រុមហ៊ុនទូរគមនាគមន៍ធំបំផុតទី២ របស់ឥណ្ឌា Bharti Airtel។ ហើយទាំងកិច្ចព្រមព្រៀងរបស់ Airtel និង Jio ទទួលបានលក្ខខណ្ឌដូចគ្នា នៅពេលដែល Starlink ទទួលបានការយល់ព្រមពីសំណាក់រដ្ឋាភិបាលឥណ្ឌា ដើម្បីចាប់ផ្តើមប្រតិបត្តិការរបស់ខ្លួននៅក្នុងប្រទេសនេះ៕

The post ក្រុមហ៊ុនអ្នកមានដាច់គេនៅអាស៊ី គ្រោងចាប់ដៃមហាសេដ្ឋីមានបំផុតលើលោក បោះទុនវិនិយោគនៅឥណ្ឌា appeared first on .

លោក Ambani ប្រធានក្រុមហ៊ុន Reliance Industries ដែលផ្តោតសំខាន់លើវិស័យថាមពល ការលក់រាយ និងការកម្សាន្ត បានឃើញទ្រព្យសម្បត្តិរបស់ខ្លួនធ្លាក់ចុះ ២០% ក្នុងរយៈពេលប្រាំខែចុងក្រោយនេះ មកនៅត្រឹមចំនួន ៩៦,៧ពាន់លានដុល្លារ ប៉ុណ្ណោះ។

បន្ទាប់ពីឈានដល់កម្រិតកំពូលជាមួយចំនួនទ្រព្យសរុប ១២១ពាន់លានដុល្លារ ក្នុងខែកក្កដា លោក Mukesh Ambani ដែលត្រូវបានចាត់ទុកថាជាអ្នកមានបំផុតនៅអាស៊ី បានមើលឃើញទ្រព្យសម្បត្តិរបស់ខ្លួនស្រកចុះវិញជាបន្តបន្ទាប់ ខណៈដែលក្រុមហ៊ុនរបស់ខ្លួន បានជួបប្រឈមមុខនឹងការធ្លាក់ចុះប្រាក់ចំណូលយ៉ាងច្រើន។ កំណើននៃការលក់ និងប្រាក់ចំណេញនៃអាជីវកម្មលក់រាយរបស់លោក Ambani ហាក់មានកំណើនយឺតយ៉ាវ ដោយសារដៃគូប្រកួតប្រជែងបានពង្រីកខ្លួនយ៉ាងឆាប់រហ័ស នៅក្នុងទីក្រុងកំពូលៗរបស់ប្រទេសឥណ្ឌា ក្នុងរយ:ពេលចុងក្រោយនេះ។

ទន្ទឹមនឹងនេះ លោក Adani ដែលជាស្ថាបនិកក្រុមហ៊ុន Adani Group បាននិងកំពុងប្រឈមមុខនឹងបញ្ហាផ្លូវច្បាប់​រើ​ខ្លួនមិនរួច បន្ទាប់ពីត្រូវបានរដ្ឋអាជ្ញាសហរដ្ឋអាមេរិក ចោទប្រកាន់ពីបទសូកប៉ាន់ កាលពីខែវិច្ឆិកា។

ជុំវិញការចោទប្រកាន់នេះ បានធ្វើទ្រព្យសម្បត្តិសរុបរបស់លោក Adani ធ្លាក់ចុះដល់ ៣៣% មកនៅត្រឹមចំនួន ៨២,១ពាន់លានដុល្លារ ពីចំនួនខ្ពស់បំផុតដែលត្រូវបានកត់ត្រាទុកកាលពីខែមិថុនា ក្នុងឆ្នាំនេះ។

ជម្រាបជូនផងដែរថា ភាគហ៊ុនរបស់ក្រុមហ៊ុន Adani Energy Solutions បានធ្លាក់ចុះ ២៣% ធៀបទៅនឹងឆ្នាំមុន ខណៈដែលក្រុមហ៊ុន Adani Power បានធ្លាក់ចុះ ៣៩% ពីកម្រិតកំពូលរបស់ខ្លួននៅឆ្នាំនេះ ដែលត្រូវបានកត់ត្រាទុកកាលពីក្នុងខែមិថុនាកន្លងទៅ៕

The post កំពូលអ្នកមានដាច់គេនៅឥណ្ឌាពីររូប របូតតំណែងជាមហាសេដ្ឋីទ្រព្យ ១០០ពាន់លានដុល្លារដូចគ្នានៅឆ្នាំនេះ appeared first on .

ស្ថិតនៅក្នុងផ្ទៃដីលាតសន្ធឹង ៣០០ហិចតា មានឧទ្យាន បឹង និងសួនច្បារ Stoke Park គឺជាអចលនទ្រព្យដ៏ស្រស់ស្អាត មានទីតាំងនៅជាទីក្រុងឡុងដ៍។ បើតាមការឲ្យដឹងពី Luxury Launches អចលនទ្រព្យនេះ មានប្រវត្តិកត់ត្រាជាង ១០០០ឆ្នាំ ព្រមទាំងមានភូមិគ្រឹះនៅចំកណ្តាលនៃអចលនទ្រព្យ ដែលបានសាងសង់ឡើងនៅអំឡុងឆ្នាំ១៩៦០ ។

នៅក្នុងភូមិគ្រឹះនោះ បានបែងចែកចេញជាបន្ទប់ដ៏ស្រស់ស្អាតចំនួន៤៩ កន្លែងទទួលទានអាហារចំនួន៣ កន្លែងហាត់ប្រាណមានទំហំ ៤ ០០០ម៉ែត្រការ៉េ អាងហែលទឹកក្នុង និងក្រៅផ្ទះ ទីលានវាយកូនបាល់ចំនួន១៣កន្លែង និងទីលានវាយកូនហ្គោលលាតសន្ធឹងលើផ្ទៃដីយ៉ាងធំទូលាយ។ នៅឆ្នាំ២០២១ អចលនទ្រព្យទាំងមូលនេះ ត្រូវបានទិញយកដោយមហាសេដ្ឋីឥណ្ឌាលោក Mukesh Ambani ក្នុងតម្លៃដល់ទៅ ៧៩លានដុល្លារ។

សូមជម្រាបជូនផងដែរថា​ លោក Mukesh Ambani គឺជាមហាសេដ្ឋីមានជាងគេនៅឥណ្ឌា និងមានជាងគេនៅអាស៊ី ដោយគិតត្រឹមថ្ងៃទី១ ខែវិច្ឆិកា ឆ្នាំ២០២៤នេះ ទ្រព្យសម្បត្តិដ៏មហាសាលរបស់លោក ត្រូវបានទស្សនាវដ្តី Forbes ស្ទាបស្ទង់ថាមានទំហំ ១០៤,៦ពាន់លានដុល្លារ៕

The post ស្ងាត់ៗ! Roll-Royce ចេញស្ពតពាណិជ្ជកម្ម នៅមុខភូមិគ្រឹះមហាសេដ្ឋីមានដាច់គេនៅអាស៊ី appeared first on .

ជាសកម្មភាពប្រចាំថ្ងៃ រាល់ក្រោកពីដំណេកនាពេលព្រឹកព្រលឹម លោកស្រី Nita ត្រូវពិសារទឹកតែ ដែលមានតម្លៃថ្លៃបំផុតនៅលើពិភពលោក ពោលរហូតដល់ទៅ ៣០០ ០០០ដុល្លារ ខណៈមានពាក្យចចាមអារ៉ាមថា រៀងរាល់ព្រឹកលោកស្រីតែងតែទិញតែ ហើយបើសរុបជារៀងរាល់ខែវិញនោះ ត្រូវចំណាយខ្ទង់ ៩លានដុល្លារឯណោះ សម្រាប់ការទិញតែរសជាតិថ្មីៗចូលក្នុងផ្ទះ ខណៈនេះអាចថាជាចំនួនដ៏ច្រើន និងមិនគួរឲ្យជឿ តែបើក្រឡេកទៅមើលដបទឹកមានទំហំ ៧៥០មីលីលីត្ររបស់លោកស្រី គឺមានតម្លៃប្រមាណ ៥០ ០០០ដុល្លារទៅហើយ ដែលថ្លៃជាងគេបំផុតនៅលើលោក។

ក្នុងនាមជាមហាសេដ្ឋីលេខមួយប្រចាំប្រទេសឥណ្ឌា ប្រាកដណាស់ផ្ទះរបស់គ្រួសារ Ambani ត្រូវតែធំដាច់គេផងដែរ ពោលផ្ទះរបស់លោកស្រីមានឈ្មោះថា Antilia សាងសង់ឡើងអស់ទឹកប្រាក់ចំនួន ២ពាន់លានដុល្លារ មានកំពស់ ២៧ជាន់ ដោយក្នុងផ្ទះនោះ លោកស្រីត្រូវចំណាយយ៉ាងហោចណាស់ ៣០លានដុល្លារក្នុងមួយខែៗ ទៅលើប្រាក់ខែបុគ្គលិកធ្វើការនៅក្នុងផ្ទះប្រមាណ ៦០០នាក់ ជាមួយនឹងកងអង្គរក្សតាមចាំការពារសុវត្ថិភាព ២៤/៧ ។

ផ្ទះដ៏ធំនេះ មានជណ្តើរយន្តប្រអប់ល្បឿនលឿនចំនួន៩ មានផ្ទៃទូលាយអាចចតឧទ្ធម្ភាចក្របានចំនួន៣ និងមានការ៉ាស់ចំនួន ៦ជាន់ទុកសម្រាប់ចតរថយន្តប្រណីតប្រមាណ ១៧០គ្រឿង។ ក្នុងចំណោមនោះ រថយន្តដែលថ្លៃជាងគេបំផុតរបស់លោកស្រី គឺជាម៉ាកយីហោរបស់ក្រុមហ៊ុន Mercedes Benz បំពាក់ដោយពេជ្រសុទ្ធចំនួន ៣០០ ០០០គ្រាប់។

ជារឿងធម្មតាទៅហើយ មនុស្សស្រីតែងតែមានតម្រូវការខ្ពស់ចំពោះសម្លៀកបំពាក់ ហើយលោកស្រី Nita ក៏មិនខុសអីពីនារីទូទៅដែរ ដ្បិតថារាល់ថ្ងៃលោកស្រីមានសម្លៀកបំពាក់បែបប្រពៃណីយឥណ្ឌា (Saree)  យ៉ាងច្រើន ដោយក្នុងនោះ មានឈុត Saree តម្លៃដល់ទៅ ៤លានដុល្លារឯណោះ ដែលជាតម្លៃដ៏ថ្លៃជាងគេបំផុតនៅលើលោក ព្រោះវាបានតុបតែឡើងមកជាមួយបំណែកមាសយ៉ាងច្រើនសម្បើម។

មិនតែប៉ុណ្ណោះ គ្រប់កាបូបយួរដៃរបស់លោកស្រី គឺត្រូវតែផលិតឡើងមកដោយភាពឯតខ្ចោះ ហើយត្រូវប្រាកដថាមានតែមួយគត់ គ្មានពីរនៅលើលោក ខណៈសូម្បីតែស្រោមទូរសព្ទ ក៏មានតម្លៃ ៥០លានដុល្លារ ជាមួយនឹងភាពប្រណីតទាក់ទាញក្រសែភ្នែក តាមរយៈការផលិតចេញពីមាសសុទ្ធ អមដោយត្បូងពេជ្រព័ណ៌ផ្កាឈូកមួយគ្រាប់យ៉ាងធំ ត្រដែតលើខ្នងទូរស័ព្ទ។

សូមជម្រាបបន្ថែមថា លោកស្រី Nita ជាភរិយារបស់លោក Mukesh Ambani ដែលជាកំពូលមហាសេដ្ឋីមានបំផុតនៅឥណ្ឌា និងមានបំផុតនៅអាស៊ី ខណៈបច្ចុប្បន្នរូបលោកមានទ្រព្យសម្បត្តិប្រមាណ ១១៣,៥ពាន់លានដុល្លារគិតត្រឹមថ្ងៃទី៩ ខែកញ្ញា (Forbes) ដោយអ្នកទាំងពីរមានកូនបីនាក់ជាចំណងដៃឈ្មោះថា Akash, Isha និងកូនប្រុសពៅ Anant ដែលទើបរៀបការថ្មីៗថ្មោងជាមួយអ្នកនាង Radhika ដោយបានចំណាយលើពិធីអស់ទឹកប្រាក់ជាង ៦០០លានដុល្លារ៕

The post ភរិយាកំពូលមហាសេដ្ឋីម្នាក់នៅឥណ្ឌា ចង់មិនចង់ ត្រូវចាយប្រាក់ខ្ទង់លានដុល្លារជារៀងរាល់ថ្ងៃ appeared first on .

យោងតាមការចុះផ្សាយពីគេហទំព័រ Indianwatch បានបង្ហាញថា ពិធីមង្គលការដែលចំណាយលុយរាប់រយលានដុល្លារនេះ ក៏មានកាដូដល់កូនកំដរខាងកូនកម្លោះផងដែរ ដោយក្នុងនោះគឺជានាឡិកាដៃតម្លៃប្រហែល ៣សែនដុល្លារក្នុងមួយគ្រឿង។

នាឡិកានោះគឺជាប្រភេទ Royal Oak Limited Edition របស់ក្រុមហ៊ុន Audemars Piguet មានទំហំមុខ ៤១ម.ម ស្រោបដោយមាស 18K និងទ្រនិចនាឡិកាពណ៌មាសផ្កាឈូក។

សូមជម្រាបដែរថា តាមរយៈវីដេអូដែលបានចែកចាយលើបណ្ដាញសង្គម បានបង្ហាញថា លោក Anant Ambani ចំណាយលុយប្រហែល ៣លានដុល្លារ ទៅលើការទិញនាឡិកា ជូនដល់កូនកំដរ ក៏ដូចជាមិត្តជិតស្និទ្ធរបស់លោកប្រហែល ១០នាក់ នៅក្នុងថ្ងៃមង្គលការរបស់ខ្លួន៕

View this post on Instagram

A post shared by Indian Watch Connoisseur (@indianwatchconnoiseur)

The post កូនកំដរកូនប្រុសពៅអ្នកមានដាច់គេនៅអាស៊ី ទទួលបាននាឡិកាដៃតម្លៃ ៣សែនដុល្លារ appeared first on .

ពិធី​អាពាហ៍ពិពាហ៍​ដ៏ធំសម្បើមនេះ នឹងត្រូវធ្វើឡើងរយ:ពេល ៤ថ្ងៃ ដោយរាប់គិតពីថ្ងៃទី១២ ដល់ទី១៥ ខែកក្កដានេះ នាមជ្ឈមណ្ឌល Jio World Convention Center ក្នុង​ទីក្រុង Mumbai។ ជាមួយគ្នានេះ អាជ្ញាធរក្នុងទីក្រុង Mumbai ក៏បានត្រៀមរួចរាល់ផងដែរ ក្នុងការបិទផ្លូវមួយចំនួនក្បែរកន្លែងប្រារព្ធពិធីនោះ ដោយសារតែនឹងមានភ្ញៀវលំដាប់កំពូលៗ VIP មិនថាទាំងនៅក្នុងប្រទេស និងក្រៅប្រទេស ដែលនឹងត្រូវមកចូលរួម។

ទន្ទឹមនឹងនេះ បើតាមការចុះផ្សាយពីសារព័ត៌មាន Bloomberg បានបង្ហាញឲ្យដឹងថា អតីតនាយករដ្ឋមន្ត្រីចក្រភពអង់គ្លេសពីររូប គឺលោក Boris Johnson និងលោក Tony Blair រួមជាមួយតារាកំពូលរបស់អាមេរិក អ្នកនាង Kim Kardashian និង Khloe Kardashian ក៏ដូចជាប្រធានក្រុមហ៊ុន Samsung Electronics លោក Jay Lee ត្រូវបានគេរំពឹងថានឹងមកចូលរួមក្នុងពិធីមង្គលការកូនប្រុសពៅរបស់ លោក Mukesh Ambani ។

ក្រៅពីនោះ ក៏នៅមានភ្ញៀវកិត្តិយសពិសេសៗមួយចំនួនទៀត ដូចជាអ្នកប្រដាល់កំពូលអាមេរិក លោក Mike Tyson ប្រធានសហព័ន្ធបាល់ទាត់ពិភពលោក FIFA លោក Gianni Infantino អគ្គនាយកក្រុមហ៊ុនប្រេង Saudi Aramco លោក Amin Nasser នាយកប្រតិបត្តិក្រុមហ៊ុនប្រេង BP លោក Murray Auchincloss ក៏ដូចជា CEO ក្រុមហ៊ុនឱសថ GSK លោកស្រី Emma Walmsley និងនាយកក្រុមហ៊ុនអាកាសចរណ៍ Lockheed Martin លោក Jim Taiclet ផងដែរ។

គួរឲ្យដឹងផងដែរថា ជុំវិញពិធីមង្គលការដ៏ធំជាងគេបំផុតប្រចាំប្រទេសឥណ្ឌានេះ ត្រូវបានគេរំពឹងថានឹងមានភ្ញៀវចូលរួមសរុបប្រមាណ ១ ២០០ នាក់។

ជម្រាបជូនទៀតថា អ្វីដែលកាន់តែពិសេសនោះ បើតាមការបញ្ជាក់ពីលោក Rajan Mehra នាយកប្រតិបត្តិក្រុមហ៊ុនជួលយន្តហោះឥណ្ឌា Club One Air បានបង្ហើបឲ្យដឹងថា មហាសេដ្ឋីលោក Mukesh Ambani បានជួលយន្តហោះប្រភេទ Falcon-2000 ចំនួន ៣ គ្រឿង​ទុកសម្រាប់ដឹកជញ្ជូនភ្ញៀវមកកាន់ពិធីមង្គលការ ហើយយន្តហោះឯកជនប្រមាណជាង ១០០ គ្រឿងផ្សេងទៀត ក៏ត្រូវបានរំពឹងថានឹងប្រើប្រាស់សម្រាប់កម្មវិធីដ៏ធំនេះផងដែរ៕

The post ភ្ញៀវលំដាប់កំពូលៗ VIP ណាខ្លះ នឹងមកចូលរួមពិធីមង្គលការកូនប្រុសពៅមហាសេដ្ឋីឥណ្ឌា Mukesh Ambani? appeared first on .

យោងតាមការចុះផ្សាយពីសារព័ត៌មាន VNExpress បានបង្ហាញថា កំពូលអ្នកមាននៅអាស៊ី Mukesh Ambani បានទទួលមរតកពីឪពុក Dhirubhai Ambani ដែលទទួលអនិច្ចកម្មកាលពីឆ្នាំ២០០២ និងបានបន្សល់ទុកនូវក្រុមហ៊ុនខ្នាតយក្សមួយ ដែលក្រោយមកបានប្ដូរឈ្មោះទៅជាក្រុមហ៊ុន Reliance Industries ហើយបច្ចុប្បន្នជាក្រុមហ៊ុនឯកជនធំបំផុតនៅឥណ្ឌា ខណៈលោក Ambani មានទ្រព្យសម្បត្តិជិត ១២៣ពាន់លានដុល្លារ។

ទាយាទស្នងមរតកមានបំផុតទី២ គឺអ្នកស្រី Francois Bettencourt Meyers ជាចៅស្រីបង្កើតរបស់ស្ថាបនិកក្រុមហ៊ុន L’Oréal និងទទួលបានមរតកពីម្ដាយរបស់លោកស្រី ដែលទទួលអនិច្ចកម្មកាលពីឆ្នាំ២០១៧ និងបានបន្សល់ទុកតំណែងជាអនុប្រធានក្រុមហ៊ុន និងភាគហ៊ុន ៣៣% ខណៈទ្រព្យសម្បត្តិរបស់លោកស្រីគឺប្រមាណ ៨៩ពាន់លានដុល្លារ។

ចំណែកឯបងប្អូនត្រកូល Walton ទាំង ៣រូប គឺជាអ្នកស្នងមរតកមានបំផុតលើលោក ដោយពួកគេទទួលបានមរតកពីឪពុក Sam Walton ដែលទទួលអនិច្ចកម្មកាលពីឆ្នាំ១៩៩២ និងបានបែងចែកទ្រព្យសម្បត្តិឲ្យកូនៗស្មើៗគ្នា។

ក្នុងនោះលោក Rob Walton ជាបងប្រុស មានទ្រព្យសម្បត្តិប្រហែល ៨៧ពាន់លានដុល្លារ ខណៈលោក Jim Walton ជាប្អូនប្រុស មានទ្រព្យសម្បត្តិប្រហែល ៨៨ពាន់លានដុល្លារ ស្របពេលអ្នកស្រី Alice Walton មានទ្រព្យសម្បត្តិប្រហែល ៨២ពាន់លានដុល្លារ៕

The post ណែនាំទាយាទស្នងមរតកតជំនាន់ មានលុយច្រើនបំផុតលើលោក ចំនួន ៥រូប appeared first on .

ការប្រគុំតន្ត្រីឯកជននេះ ត្រូវបានធ្វើឡើងនៅទីក្រុង Mumbai កាលពីល្ងាចថ្ងៃទី៥ ខែកក្កដា សម្រាប់ជាការជប់លៀងអបអរដល់ Anant Ambani និងគូដណ្តឹង Radhika ព្រមទាំងមានការចូលរួមពីមិត្តភក្តិជិតស្និទ្ធ និងក្រុមគ្រួសាររបស់ពួកគេ ផងដែរ។

បើយោងតាមសារព័ត៌មាន Straits Times បានបង្ហាញឲ្យដឹងថា Justin Bieber បានលើកយកបទចម្រៀងល្បីៗរបស់ខ្លួនជាច្រើន មកសម្តែងទៅកាន់ភ្ញៀវ VIP រាប់រយនាក់ នៅក្នុងការប្រគុំតន្ត្រីលក្ខណ:ឯកជនដ៏ធំនេះ។

ទន្ទឹមនឹងនេះ ប្រព័ន្ធផ្សព្វផ្សាយរបស់ឥណ្ឌា បានរាយការណ៍ផងដែរថា Justin Bieber បានចំណាយពេលខ្លីប៉ុណ្ណោះក្នុងដំណើរមកកាន់ប្រទេសឥណ្ឌានេះ ដោយក្រោយពីសម្តែងរួច រូបគេបានវិលត្រលប់ទៅកាន់ផ្ទះនៅអាមេរិកវិញភ្លាមៗ ដើម្បីបានជួបជាមួយភរិយា Hailey Bieber ដែលកំពុងពពោះកូនដំបូង។

នេះមិនមែនជារឿងថ្មីនោះឡើយ ដែលមហាសេដ្ឋីកំពូលឥណ្ឌា បានចំណាយលុយច្រើនសន្ធឹកសន្ធាប់ ដើម្បីប្រារព្ធពិធីធំៗជាច្រើន ដោយគូស្នេហ៍មួយគូនេះ បានរៀបចំពិធី Pre-Wedding យ៉ាងប្រណីតបំផុតចំនួនពីរលើករួចមកហើយ ដោយមួយនៅក្នុងប្រទេសឥណ្ឌា កាលក្នុងខែមីនា និងមួយទៀតនៅលើនាវាទេសចរណ៍ដែលធ្វើដំណើរពីប្រទេសអ៊ីតាលី ទៅកាន់ភាគខាងត្បូងនៃប្រទេសបារាំង កាលនៅចុងខែឧសភា។

ជម្រាបជូនផងដែរថា ពិធីមង្គលការដ៏ធំរវាង Anant Ambani និង Radhika Merchant ត្រូវបានកំណត់រៀបចំធ្វើឡើងចាប់ពីថ្ងៃទី១២ ដល់ថ្ងៃទី១៤ ខែកក្កដា ខាងមុខនេះ៕

The post អ្នកមានបំផុតនៅអាស៊ី ចាយលុយ ១០លានដុល្លារ ជួល Justin Bieber មកច្រៀងអបអរ មុនពិធីមង្គលការកូនប្រុសពៅរបស់ខ្លួន appeared first on .