ក្នុងដំណើរទស្សនកិច្ចនោះផងដែរ មហាសេដ្ឋីឥណ្ឌារូបនេះ ក៏មានគម្រោងជួបជាមួយរដ្ឋាភិបាល និងត្រៀមជួបជាមួយក្រុមហ៊ុនបច្ចេកវិទ្យានៅប្រទេសវៀតណាមផងដែរ។

គួររំលឹកដែរថា វានឹងក្លាយជាដំណើរទស្សនកិច្ចលើកដំបូងទៅកាន់ប្រទេសវៀតណាម របស់សហស្ថាបនិកក្រុមហ៊ុនបច្ចេកវិទ្យា Infosys ហើយឪពុកក្មេកនាយករដ្ឋមន្ត្រីអង់គ្លេសរូបនេះ នឹងចែករំលែកបទពិសោធន៍លើការធ្វើអាជីវកម្ម អស់រយៈពេលរាប់សិបឆ្នាំមកនេះ។

សូមជម្រាបដែរថា លោក Murthy គឺជាមហាសេដ្ឋីមានបំផុតនៅឥណ្ឌាមួយរូប ដែលបច្ចុប្បន្នមានទ្រព្យសម្បត្តិប្រហែល ៤ពាន់លានដុល្លារ៕

The post ឪពុកក្មេកនាយករដ្ឋមន្ត្រីអង់គ្លេស ត្រៀមបំពេញទស្សនកិច្ចទៅប្រទេសវៀតណាមសប្ដាហ៍ក្រោយ appeared first on .

លោក Murthy បានបញ្ជាក់ថា សេដ្ឋកិច្ចអាល្លឺម៉ង់ និងជប៉ុន រីកលូតលាស់ខ្លាំង ព្រោះយុវជននៅទីនោះ ធ្វើការគ្មានហត់នឿយ តាំងពីចប់សង្គ្រាមលោកលើកទី២ ទើបសេដ្ឋកិច្ច​របស់ពួកគេ មានការរីកចម្រើនខ្លាំងសព្វថ្ងៃ។

ជាមួយគ្នានេះ ឪពុកក្មេកនាយករដ្ឋមន្ត្រីអង់គ្លេស ក៏និយាយថែមទៀតថា សង្វាក់ផលិតកម្មនៅ​ឥណ្ឌា គឺមានសភាពយឺតជាងគេបំផុតមួយលើលោក ដ្បិតយុវជននៅទីនោះ មានទម្លាប់អាក្រក់ មិនគិតគូររឿងសេដ្ឋកិច្ចជាតិ។

ក្រុមហ៊ុនធំៗនៅក្នុងប្រទេសឥណ្ឌា គួរតែបង្កើនការលើកទឹកចិត្តដល់យុវជន ដើម្បីឲ្យពួកគេខិតខំ​ធ្វើការ ពន្លឿនកំណើនសេដ្ឋកិច្ចជាតិ ដើម្បីប្រកួតប្រជែងជាមួយមហាអំណាចដទៃ។ នេះបើតាមសម្ដីរបស់​មហាសេដ្ឋីឥណ្ឌា ដែលមានទ្រព្យសម្បត្តិប្រមាណ ៤ពាន់លានដុល្លារ៕

The post ឪពុកក្មេកនាយករដ្ឋមន្ត្រីអង់គ្លេស ប្រាប់យុវជនឥណ្ឌាឲ្យធ្វើរឿងមួយ ទើបអាចជួយសេដ្ឋកិច្ចជាតិបាន appeared first on .

ជារឿងគួរឱ្យភ្ញាក់ផ្អើលមួយផងដែរ ដោយនាយករដ្ឋមន្ត្រីថ្មី របស់ចក្រភពអង់គ្លេស ដែលឡើងកាន់តំណែងសារនេះ គឺជាកូនកាត់អាស៊ីមួយរូប ខណ:លោក Sunak មានឪពុក គឺជាជនជាតិឥណ្ឌា ស្របពេលឪពុកក្មេងរបស់លោកវិញ ក៏ជាមហាសេដ្ឋីមួយរូប នៅក្នុងប្រទេសឥណ្ឌាផងដែរ ។

គួរឱ្យដឹងផងដែរថា អំឡុងពេលកំពុងសិក្សានៅសាកលវិទ្យាល័យ Stanford ក្នុងរដ្ឋកាលីហ្វ័រញ៉ា លោក Sunak សាងសេ្នហ៍ ជាមួយភរិយារបស់លោកសព្វថ្ងៃ គឺលោកស្រី Akshata Murthy ដែលត្រូវបានគេស្គាល់ថាជាកូនស្រីច្បងរបស់មហាសេដ្ឋីឥណ្ឌាម្នាក់ គឺលោក N.r. Narayana Murthy ។

ដោយឡែក ថ្ងៃនេះឧកញ៉ាញូវ សូមបង្វែអារម្មណ៍លោកអ្នក ឱ្យមកដឹងពីមុខជំនួញ ក៏ដូចជាទ្រព្យសម្បត្តិរបស់ លោក N.r. Narayana Murthy ដែលជាឪពុកក្មេងរបស់ នាយករដ្ឋអង់គ្លេសថ្មី លោក Rishi Sunak ។

លោក N.r. Narayana Murthy គឺជាសហគ្រិនដ៏ជោគជ័យបំផុតមួយរូប ក្នុងការវិនិយោគទៅលើក្រុមផ្នែកបច្ចេកវិទ្យា នៅក្នុងប្រទេសឥណ្ឌា ដោយគាត់បានបង្កើតក្រុមហ៊ុនមួយមានឈ្មោះថា Infosys Techonologies Ltd ដែលបានក្លាយជាក្រុមហ៊ុនឥណ្ឌាដំបូងគេបង្អស់ ដែលត្រូវបានចុះបញ្ជីនៅក្នុងផ្សារហ៊ុន របស់សហរដ្ឋអាមេរិក ។

ក្រុមហ៊ុន Infosys របស់លោក Murthy ដំបូងឡើយ បានចាប់ផ្តើមជាមួយបុគ្គលិកជំនាញកុំព្យូទ័រ ត្រឹមតែ ៦ នាក់ប៉ុណ្ណោះ នៅក្នុងឆ្នាំ ១៩៨១ ។ ប៉ុន្តែវាបានចាប់ផ្តើមរីកចម្រើនបន្តិចម្តងៗ រហូតដល់ដើមទស្សវត្សរ៍ឆ្នាំ ១៩៩០ នៅពេលដែលរដ្ឋាភិបាលឥណ្ឌាចាប់ផ្តើមធ្វើសេរីភាវូបនីយកម្មសេដ្ឋកិច្ច និងនិយតកម្ម ដែលបានរួមចំណែកដ៏ធំបំផុត ដល់កំណើនយ៉ាងឆាប់រហ័ស នៅក្នុងវិស័យបច្ចេកវិទ្យា និងកំព្យូទ័រក្នុងប្រទេស ។

រហូតដល់ឆ្នាំ ១៩៩៩ ក្រុមហ៊ុន Infosys បានចូលរួមជាមួយក្រុម NASDAQ ដើម្បីពង្រីកអាជីវកម្មរបស់ខ្លួន រហូតបានក្លាយជាក្រុមហ៊ុនឥណ្ឌាដំបូងគេ ដែលត្រូវបានចុះឈ្មោះនៅក្នុងបញ្ជី នៅទីផ្សារហ៊ុនរបស់សហរដ្ឋអាមេរិក។

លុះដែលខែមេសា ឆ្នាំ ២០០៤ លោក Murthy បានប្រកាសថា Infosys អាចរកប្រាក់ចំណូលប្រចាំឆ្នាំសរុប កើនឡើងដល់ចំនួន ១,០៦ ពាន់លានដុល្លារ ដែលជាកើនឡើងដ៏គួរឱ្យភ្ញាក់ផ្អើល រហូតដល់ទៅ ៣៣% នៃប្រាក់ចំណូល ដែលធៀបទៅនឹងឆ្នាំសារពើពន្ធរបស់ក្រុមហ៊ុនពីមុន ។

តែទោះជាយ៉ាងណាក៏ដោយ លោក Murthy បានសម្រេចចិត្តចូលនិវត្តន៍ពីក្រុមហ៊ុន ដែលគាត់បានសាងឡើងដោយផ្ទាល់ដៃ នៅក្នុងឆ្នាំ ២០០៦។ ហើយទ្រព្យសម្បត្តិសរុបបច្ចុប្បន្នរបស់លោក Murthy ត្រូវបានគេប៉ាន់ប្រមាណថាមានចំនួន ៤,៥ ពាន់លានដុល្លារ និងកំពុងជាប់ចំណាត់ថ្នាក់លេខ ៤១ ក្នុងបញ្ជីមហាដ្ឋីមានបំផុត ក្នុងប្រទេសឥណ្ឌា របស់ទស្សាវដ្តី Fobes ៕

The post នាយករដ្ឋមន្ត្រីអង់គ្លេសថ្មី មានឪពុកក្មេកជាមហាសេដ្ឋី appeared first on .