យោងតាម Forbes បានបង្ហាញថា ការធ្លាក់ចុះនៃទ្រព្យសម្បត្តិរបស់លោក Quang នៅក្នុងរយៈពេលខ្លីនោះ បានធ្វើឱ្យលោកស្ថិតនៅលេខរៀងលំដាប់ទី៣ ៣៦៤ ក្នុងបញ្ជីឈ្មោះមហាសេដ្ឋីពិភពលោក បន្ទាប់ពីការធ្លាក់ចុះ ១១% នៃភាគហ៊ុនរបស់ក្រុមហ៊ុន Masan គិតចាប់តាំងពីដើមឆ្នាំនេះមក។

គួរជម្រាបជូនថា លោក Quang បានបង្កើតក្រុមហ៊ុន Masan Group ក្នុងឆ្នាំ១៩៩៦ ហើយចាប់តាំងពីពេលនោះមក លោកបានប្រែក្លាយវាទៅជាក្រុមហ៊ុនធំជាងគេមួយរបស់ប្រទេសក្នុងវិស័យម្ហូបអាហារ និងភេសជ្ជៈ ដោយកាន់កាប់ម៉ាកយីហោជាច្រើនរួមមានប្រែនទឹកជ្រលក់ Chinsu និងហាងលក់រាយ WinMart។ លោក Quang ក៏ជាសមាជិកក្រុមប្រឹក្សាភិបាលនៃក្រុមហ៊ុនទូរគមនាគមន៍ Techcombank ផងដែរ។

លោក Quang ត្រូវបានទទួលស្គាល់ជាលើកដំបូងថាជាមហាសេដ្ឋីដោយទស្សនាវដ្តី Forbes ក្នុងឆ្នាំ២០១៩ ជាមួយនឹងទ្រព្យសម្បត្តិសរុបប្រមាណ ១,៣ពាន់លានដុល្លារ នៅពេលនោះ៕

The post ប្រធានក្រុមហ៊ុន Masan Group របូតតំណែងជាមហាសេដ្ឋីរបស់ប្រទេសវៀតណាម ក្នុងរយៈពេលខ្លី appeared first on .

តាមការចុះផ្សាយពីសារព័ត៌មាន VN Express បានរាយការណ៍ថា លោក Quang បានបាត់មុខពីបញ្ជីមហាសេដ្ឋីមានទ្រព្យសម្បត្តិច្រើនបំផុត កាលពីថ្ងៃចន្ទ ទី១៥ ខែមករាកន្លងទៅ បន្ទាប់ពីលោកត្រូវបានទស្សនាវដ្តី Forbes ដាក់ចូលក្នុងបញ្ជីរបស់ខ្លួន កាលពីថ្ងៃទី៣ ខែមករា ជាមួយនឹងទ្រព្យសម្បត្តិប៉ាន់ស្មានសរុបប្រមាណ ១ពាន់លានដុល្លារ។

ជុំវិញមូលហេតុដែលធ្វើឲ្យ លោក Quang ធ្លាក់ចេញពីបញ្ចីឈ្មោះរបស់ Forbes នេះ គឺបណ្តាលមកពីតម្លៃភាគហ៊ុនរបស់ក្រុមហ៊ុន Masan Group MSN បានធ្លាក់ចុះរហូតដល់ទៅ ៣% គិតចាប់តាំងពីថ្ងៃទី៣ ខែមករាមក។

ជម្រាបជូនផងដែរថា បច្ចុប្បន្ននេះ មានមហាសេដ្ឋីវៀតណាមត្រឹមតែ ៥រូបប៉ុណ្ណោះ ត្រូវបានដាក់បញ្ចូលទៅក្នុងបញ្ជីអ្នកមានទ្រព្យសម្បត្តិច្រើនបំផុតរបស់ Forbes ដោយក្នុងនោះ មានលោក Pham Nhat Vuong ប្រធានក្រុមហ៊ុន Vingroup ស្ថិតនៅលំដាប់កំពូលជាមួយនឹងទឹកប្រាក់សរុបចំនួន ៤,៥ពាន់លានដុល្លារ ប្រធាន​ក្រុមហ៊ុន Vietjet លោកស្រី Nguyen Thi Phuong Thao ឈរលេខ២ មានទ្រព្យសម្បត្តិ ២,៣ពាន់​លាន​ដុល្លារ និងលោក Tran Dinh Long ប្រធាន​ក្រុមហ៊ុន​ដែកថែប Hoa Phat Group មាន​ទឹកប្រាក់ចំនួន ២,២ពាន់​លាន​ដុល្លារ។

ចំណែកឯបុគ្គលពីររូបផ្សេងទៀត ដែលបានជាប់ក្នុងបញ្ជីនេះដែរនោះ គឺលោក Tran Ba Duong ប្រធានក្រុមហ៊ុន Truong Hai Auto Corporation និងក្រុមគ្រួសាររបស់លោក រួមជាមួយនឹងប្រធានក្រុមហ៊ុន Techcombank លោក Ho Hung Anh ដោយម្នាក់ៗមានទ្រព្យសម្បត្តិសុទ្ធចំនួន ១,៤ពាន់លានដុល្លារ៕

The post ប្រធានក្រុមហ៊ុនខ្នាតយក្សវៀតណាម Masan Group បាត់មុខពីបញ្ជី Forbes សារជាថ្មី appeared first on .