ក្រុមគ្រួសារលោក Nargeolet បានដាក់ពាក្យបណ្តឹងទៅតុលាប្រចាំ King County រដ្ឋ Washington ក្នុងកម្មវត្ថុទាមទារសំណងជំងឺចិត្ត ដ្បិតកាលពីខែមិថុនា ឆ្នាំ២០២៣ កន្លងទៅ ក្រុមហ៊ុន OceanGate បានប្រើប្រាស់នាវាឈ្មោះ Titan ដឹកអ្នកដំណើរប្រាំនាក់ ជ្រមុជទឹកចុះទៅទស្សនាខ្មោចកប៉ាល់ Titanic ស្ថិតនៅក្រោមបាតមហាសមុទ្រអាត្លង់តិចខាងជើង។ ជាអកុសល នាវាបានរងនូវកម្រិតសម្ពាធទឹកខ្ពស់ ផ្ទុះបែកជាបំណែក និងបណ្តាលឲ្យអ្នកដំណើរទាំងអស់នៅក្នុងនោះ បាត់បង់ជីវិតមួយរំពេច។

គួរឲ្យដឹងថា បើរំលឹកកាលពីពេលលោកនៅមានជីវិត Nargeolet ត្រូវបានគេដាក់រហស្សនាមឲ្យថាជា Mr. Titanic ព្រោះអីលោកបានជ្រមុជទឹកទៅកាន់នាវា Titanic ដល់់ទៅ ៣៧លើក ច្រើនជាងគេបំផុតនៅលើពិភពលោក ហើយមួយវិញទៀតលោកក៏ជាបុគ្គលិកម្នាក់របស់ក្រុមហ៊ុន OceanGate ផងដែរ។

សូមជម្រាបបន្ថែមថា នៅក្នុងហេតុការណ៍ជាមួយគ្នានេះ មានជនរងគ្រោះចំនួន ៤នាក់ផ្សេងទៀត តួយ៉ាងមហាសេដ្ឋីអង់គ្លេសលោក Hamish Harding, លោក Shahzada Dawood អនុប្រធានក្រុមហ៊ុន Engro Corporation Limited រួមជាមួយកូនប្រុសឈ្មោះ Suleman Dawood និងម្នាក់ទៀតមានឈ្មោះថា Stockton Rush ជាស្ថាបនិក និងជាអគ្គនាយកក្រុមហ៊ុន OceanGate តែម្តង៕

The post គ្រួសារជនរងគ្រោះក្នុងហេតុការណ៍គ្រោះថ្នាក់នាវាមុជទឹក Titan ប្តឹងទារសំណង ៥០លានដុល្លារពីក្រុមហ៊ុន OceanGate appeared first on .

“ពួកយើងជឿថា CEO Stockton Rush,លោក Shahzada Dawood និងកូនប្រុស Suleman Dawood, លោក Hamish Harding និងលោក Paul-Henri Nargeolet បានបាត់បង់ជីវិតហើយ។ ពួកយើង​សូមចូលរួមរំលែកទុកជាមួយ​វិញ្ញាណក្ខន្ធ​ទាំង ៥នាក់ ក៏ដូចជាក្រុមគ្រួសារសព​ផងដែរ”។ នេះបើ​យោងតាម​សេចក្ដីថ្លែងការណ៍​របស់​ក្រុមហ៊ុន OceanGate Expeditions។

សូមជម្រាបដែរថា កិច្ចសហប្រតិបត្តិការស្វែងរកនាវាមុជទឹក Titan រយៈពេល ៥ថ្ងៃត្រូវបាន​បញ្ចប់ បន្ទាប់ពី​មាន​ការ​រកឃើញនូវ​កម្ទេចកម្ទី​នាវា​ដឹកអ្នកដំណើរ ៥នាក់ ហើយ​ឆ្មាំសមុទ្រអាមេរិក​សន្និដ្ឋាន​ថា យានមួយនេះបានផ្ទុះ​ អំឡុងពេល​ព្យាយាម​ឡើងមក​ផ្ទៃទឹកវិញ។

គួររំលឹកបន្ថែមថា ដំណើរកម្សាន្ត​សោកនាដកម្ម​មួយ​នេះ គឺមានគោលបំណង​បញ្ជូន​មនុស្ស​មួយ​ក្រុមតូច ដើម្បី​ទៅទស្សនា​សាកសព​កប៉ាល់ទីតានិក ដែលបានលិច​កាលពីឆ្នាំ ១៩១២ ក្នុង​ជម្រៅ​រហូតដល់ ៣ ៨០០ ម៉ែត្រ ខណៈកន្លងមក​ក្រុមហ៊ុន OceanGate Expeditions តែងតែ​រៀបចំ​កញ្ចប់​ដំណើរកម្សាន្ត​មួយនេះ ប៉ុន្តែមិនដែលមាន​បញ្ហានោះឡើយ៕

The post ឆ្មាំសមុទ្រអាមេរិកសន្និដ្ឋានថា នាវាមុជទឹកបានផ្ទុះ ខណៈមនុស្សក្នុងនោះបាត់បង់ជីវិតទាំងអស់ appeared first on .

យោងតាមការចុះផ្សាយពី Sky News បានបញ្ជាក់ថា នាវាមុជទឹកនោះ​បានបាត់ដំណឹងពី​នាវា​ធំ​លើផ្ទៃទឹក Polar Prince ប្រហែល​ម៉ោង ៩ និង ៤៥នាទីព្រឹកថ្ងៃអាទិត្យ ប៉ុន្តែឆ្នាំសមុទ្រអាមេរិក​ទើប​នឹង​ទទួល​ដំណឹង​មួយនេះ នាវេលាម៉ោង ៥ និង ៤០នាទីល្ងាចប៉ុណ្ណោះ។

ដោយឡែក បងប្អូនជីដូនមួយរបស់​មហាសេដ្ឋីអង់គ្លេស អ្នកស្រី Kathleen Cosnett បាន​រិះគន់​ក្រុមហ៊ុន OceanGate អំពី​ប្រតិបត្តិការ​ដ៏យឺតយ៉ាវ​មួយ​នេះ ពោលអ្នកស្រីយល់ថា ពួកគេ​គួរតែរាយការណ៍​ដល់​ឆ្នាំសមុទ្រ ក្រោយបាត់ដំណឹង​ត្រឹម ៣ម៉ោង មិនមែនរង់ចាំ​រហូតដល់ ៨ម៉ោងឡើយ៕

The post គ្រួសារមហាសេដ្ឋីអង់គ្លេស រិះគន់ក្រុមហ៊ុន OceanGate សម្រាប់ការជូនដំណឹង “យឺតយ៉ាវ” appeared first on .

លោក Arthur Loibl វ័យ ៦១ ឆ្នាំ ជាអ្នកជំនួញ និងជា​អ្នកផ្សងព្រេងចូលនិវត្តន៍ ធ្លាប់បាន​ចុះ​ទៅមើល​សាកសព​កប៉ាល់ទីតានិកដោយផ្ទាល់​កាលពី ២ឆ្នាំមុន ជាមួយ​ក្រុមហ៊ុន OceanGate Expeditions ហើយលោក​រៀបរាប់ថា ដំណើរកម្សាន្តមួយនោះ ប្រៀបដូចជាយកជីវិតទៅចោល។ នេះបើតាមការចុះផ្សាយពី CNA។

បុរសជនជាតិអាល្លឺម៉ង់​បានប្រាប់ទៅកាន់សារព័ត៌មាន AP ថា លោក​មាន​បំណង​ចង់​ទៅមើល​ទីតាំង​លិចកប៉ាល់ទីតានិក តាំងពីឆ្នាំ ២០១៦ ដែលគ្រានោះក្រុមហ៊ុនរុស្ស៊ី​មួយ ​ដាក់សំណើ​មកលោក ក្នុងតម្លៃ​កន្លះលានដុល្លារ សម្រាប់ការមុជដល់ទីតាំង ប៉ុន្តែលោកបដិសេធ។

រំលងបានមួយឆ្នាំ ក្រុមហ៊ុន OceanGate ក៏​បញ្ចេញប្រតិបត្តិការណ៍មួយនេះ ដោយចំណាយ​ទឹកប្រាក់​ប្រហែល ១១០ ០០០ ដុល្លារ សម្រាប់​ការ​មុជទៅបាតសមុទ្រ​ក្នុងឆ្នាំ ២០១៩ ប៉ុន្តែ​ដោយសារ​ការធ្វើតេស្តបរាជ័យ ដំណើរកម្សាន្ត​របស់លោក​ត្រូវ​ពន្យារពេល ២ឆ្នាំទៀត។

នៅឆ្នាំ ២០២១ ដំណើរកម្សាន្ត​ទៅកាន់​ទីតាំងលិច​កប៉ាល់ទីតានិក​ទទួលបានជោគជ័យ ដោយ​មាន​អ្នករួមដំណើរដូចជា លោក Arthur អ្នកជំនាញមុជទឹកជនជាតិបារាំង Paul-Henri Nargeolet លោក Stockton Rush និងជនជាតិអង់គ្លេស ២ រូបទៀត។

ប៉ុន្តែទម្រាំបានដល់ទីតាំងដែលកប៉ាល់ទីតានិកលិច លោក Arthur រៀបរាប់ថា វាមិនងាយស្រួលទេ ដោយសារបញ្ហាបច្ចេកទេសផង និង​ការរក្សាលំនឹងផង វាត្រូវចំណាយពេល ១០ម៉ោងកន្លះ ទើបអាចដល់ទីតាំង។

“អ្នកសាកស្រមៃមើល អង្គុយនៅក្នុងបំពង់ដែកមួយដែលមានប្រវែងតែប៉ុន្មានម៉ែត្រ ដោយអ្នក​មិនអាច​ឈរ មិនអាចលត់ជង្គង់​រាប់ម៉ោង ហើយត្រូវអង្គុយរក្សាលំនឹងនាវា និងដាច់ខាត​មិនឲ្យ​មាន​ការ​ជ្រួលច្របល់ឡើយ។ ខ្ញុំគិតថាខ្លួនឯងឆោត និងហ៊ានខ្លាំងណាស់ ព្រោះមើលទៅ​វាដូចជា ប្រតិបត្តិការមរណៈអញ្ចឹង”។ នេះបើតាមសម្ដីរបស់​លោក Arthur បាននិយាយ៕

The post អ្នកធ្លាប់ទៅទស្សនាសាកសពកប៉ាល់ទីតានិក និយាយថា វាដូចជា “ប្រតិបត្តិការមរណៈ” appeared first on .

យោងតាមអ្នកជំនាញ​បាន​សន្ឋិដ្ឋាន​ថា ខ្យល់អុកស៊ីសែននៅក្នុងនាវា​ដ៏តូចមួយនេះ អាចប្រើប្រាស់​បាន​រយៈពេល ៩៦ ម៉ោង ដូច្នេះមានន័យថា ខ្យល់អុកស៊ីសែន​អាចនឹង​អស់ពី​ក្នុង​នាវា​នៅវេលាម៉ោង ០៦ ល្ងាចនេះ។

ដោយឡែក CNN ក៏បានរាយការណ៍បន្ថែមថា ក្រុមអ្នកជួយសង្គ្រោះ​ទទួល​បាន​សម្លេង​ម៉្យាង​ទទួលបាន​ពីឧបករណ៍ស្រូបសម្លេង ដែលមានសមត្ថភាព​ចាប់សម្លេងបានដល់​ទៅ ៣ ៩០០ ម៉ែត្រ​ក្នុងបាតសមុទ្រ ខណៈសម្លេងនោះលឺដូចជាការ​គោះទ្វារ​ខ្លាំងៗរៀងរាល់ ៣០នាទីម្ដង រយៈពេល ៤ម៉ោង ហើយសន្និដ្ឋាន​ថាវាគឺជា​សម្លេងចេញពី​នាវាដែល​បាន​លិច។

យ៉ាងណា ក្រុមអ្នកសង្គ្រោះ​នៅតែព្យាយាម​រុករកនាវាមួយនោះ ព្រោះការលឺសម្លេងនៅក្នុង​បាត​មហាសមុទ្រ​ដ៏​ល្វឹងល្វើយ មិនខុសគ្នាពីការរាវម្ជុលក្នុងបាតសមុទ្រឡើយ ស្របពេល​ពេលវេលា​ដែល​ពួកគេ​មាន​ក៏កាន់តែខើចផង ធ្វើឲ្យ​ភាគរយ​នៃការ​សង្គ្រោះ​មានតិចជាង ១% ទៅទៀត។

សូមជម្រាបបន្ថែមថា នាវាមុជទឹកដែលបាន​បាត់ដំណឹងនោះ គឺមានបំណងទៅ​ទស្សនា​សាកសព​កប៉ាល់​ទីតានិក ដែលបានលិចកាលពីឆ្នាំ ១៩១២ ក្នុងជម្រៅ​រហូតដល់ ៣ ៨០០ ម៉ែត្រ ខណៈ​កន្លងមក​នាវាមុជទឹក Titan ធ្លាប់បាន​មុជទៅដល់​ទីតាំង​លិចកប៉ាល់ទីតានិក​ប៉ុន្មានលើករួច​មកហើយ ប៉ុន្តែមិនដែលមានបញ្ហាទេ៕

The post ពេលវេលាកាន់តែខើច ខណៈការរុករកនាវាលិចក្នុងមហាសមុទ្រអាត្លង់ទិកនៅគ្មានតម្រុយ appeared first on .

ក្នុងចំណោម​អ្នកដំណើរទាំង ៥នាក់នោះ ក៏មាន​វត្តមានរបស់​មហាសេដ្ឋីអង់គ្លេស​មួយរូបគឺ លោក Hamish Harding ដែលជា​ប្រធានក្រុមហ៊ុន​អាកាសចរណ៍ Action Aviation ខណៈបុរសវ័យ ៥៨ឆ្នាំ ក៏ជា​បុគ្គលមួយរូប ចូលចិត្តធ្វើដំណើរផ្សងព្រេងគ្រោះថ្នាក់ផងដែរ។

យោងតាមការចុះផ្សាយពី Marca បានបង្ហាញថា កន្លងមកលោក Harding ធ្លាប់បាន​ធ្វើដំណើរ​ទៅកាន់លំហអាកាស​ ជាមួយ​ម្ចាស់កំណត់ត្រា Guinness World Record ចំនួន ៣នាក់ ហើយកាលពី​ឆ្នាំ ២០២១ លោកក៏បានបង្កើតកំណត់ត្រា ២ ជាមួយ​អ្នកជំនួញ Victor Vescovo ដោយពួកគេទាំងពីរ បានជ្រមុជដល់ចំណុចជ្រៅបំផុតនៃបាតសមុទ្ររបស់ផែនដី ដែលមានឈ្មោះថា Challenger Deep។

បន្ថែមពីនោះ កាលពីខែមិថុនា ឆ្នាំ ២០២២ បុរសដែលមានទ្រព្យសម្បត្តិប្រហែល ១ពាន់លាន​ដុល្លារ​ ក៏បាន​មានវត្តមាន​សម្រាប់ការ​ហោះហើរ​ទៅកាន់​លំហអាកាស ជាមួយ​ក្រុមហ៊ុន​ Blue Origin របស់​មហាសេដ្ឋីអាមេរិក Jeff Bezos ផងដែរ។

សូមជម្រាបបន្ថែមថា មកទល់ពេលនេះ ក្រុមអ្នកសង្គ្រោះកំពុង​ដុតដៃដុតជើង ស្វះស្វែងរក​នាវា​មុជទឹកដែលបាត់ខ្លួននៅ​មហាសមុទ្រអាត្លង់ទិក ដ្បិត​ខ្យល់អុកស៊ីសែន​នៅក្នុង​នាវា​មួយ​នោះ​ក៏​កំពុង​មាន​តិចតួច មិនអាចទ្រទ្រង់​ដល់​អ្នកដំណើរ​បាន​យូរ​ផងដែរ៕

The post មហាសេដ្ឋីបាត់ខ្លួននៅមហាសមុទ្រអាត្លង់ទិក ធ្លាប់ធ្វើដំណើរកម្សាន្តគ្រោះថ្នាក់ជាច្រើន appeared first on .

យោងតាមការចុះផ្សាយពី Unilad បានបង្ហាញថា នាវាមុជទឹក​ខ្នាតតូចមួយនេះ អាចផ្ទុក​មនុស្ស ៥ នាក់ ខណៈអ្នកបាត់ខ្លួនទាំង ៥នាក់នោះ​ត្រូវបានកំណត់​អត្តសញ្ញាណ​រួចហើយគឺ មហាសេដ្ឋីអង់គ្លេស Hamish Harding អ្នកស្រាវជ្រាវជនជាតិបារាំង Paul-Henri Nargeolet អ្នកជំនួញ​ជនជាតិ​ប៉ាគីស្ថាន Shahzada Dawood និងកូនប្រុស Sulaiman និងចុងក្រោយគឺ CEO នៃក្រុមហ៊ុន OceanGate លោក Stockton Rush។

ទាក់ទងជាមួយនឹងការសង្គ្រោះនាវាមុជទឹកនេះផងដែរ ក្រុមអ្នកសង្គ្រោះបង្ហើបថា ពួកគេ​មាន​ការ​លំបាកក្នុងការស្វែងរក ដ្បិតនាវាមួយនេះតូចពេក ខណៈ​ខ្យល់អុកស៊ីសែន​ដែលមាន​ផ្ទុក​ក្នុងនាវា មិនអាចផ្គត់ផ្គង់គ្រប់គ្រាន់ ដល់​មនុស្សទាំង ៥នាក់ ក្នុងរយៈពេលច្រើនជាង ២៤ ម៉ោងឡើយ។

សូមជម្រាបដែរថា ការកម្សាន្តដ៏គ្រោះថ្នាក់មួយនេះ គឺមានបំណងទៅទស្សនា​ចំណុចលិចកប៉ាល់​ទីតានិក ដែលបានលិចកាលពីឆ្នាំ ១៩១២ ប៉ុន្តែ​បានបាត់​ដំណឹង​ស្ងាត់ឈឹង ស្របពេល​តម្លៃ​កៅអី​នោះ​គឺ​ប្រហែល ២៥០ ០០០ ដុល្លារ​ក្នុងម្នាក់ ហើយតម្រូវឲ្យអ្នកចូលរួម​ត្រូវ​ចុះហត្ថលេខា​លើ​សេចក្ដីសម្រេចមួយចំនួនផងដែរ៕

The post មានមហាសេដ្ឋីម្នាក់ជាប់ក្នុងនាវាមុជទឹក ដែលបាត់ដំណឹងអស់រយៈពេល ៥ថ្ងៃ appeared first on .