ប៉ូឡូញទទូចឲ្យ ៤០ ប្រទេស រួមគ្នាប្រឆាំងការដាក់បញ្ចូលអត្តពលិកពីរុស្ស៊ី សម្រាប់ព្រឹត្តិការណ៍អូឡាំពិក ២០២៤

ឧកញ៉ាសំពៅ — Fri, 03 Feb 2023 09:55:00 +0000

រដ្ឋមន្ត្រីកីឡាប៉ូឡូញ Kamil Bortniczuk បាននិយាយកាលពីថ្ងៃព្រហស្បតិ៍ថា លោកមានការរំពឹងទុកពីប្រទេសជាច្រើន ជុំវិញការចេញមុខប្រឆាំងការដាក់បញ្ចូលអត្តពលិកពីប្រទេសរុស្ស៊ី និងបេឡារុស សម្រាប់ព្រឹត្តិការណ៍អូឡាំពិក ២០២៤ ដែលនឹងធ្វើឡើងនៅទីក្រុងប៉ារីស ប្រទេសបារាំង។ នេះបើតាមការចុះផ្សាយពី Bangkokpost។

“ខ្ញុំគិតថា សប្ដាហ៍ក្រោយនឹងមានការប្រឆាំងដ៏រឹងមាំមួយពីអ្នកតំណាងប្រទេសចំនួន ៤០ ក្នុងការជំទាស់ពីការចូលរួមព្រឹត្តិការណ៍អូឡាំពិក ពីសំណាក់អត្តពលិករុស្ស៊ី និងបេឡារុស”។ នេះបើតាមសម្ដីរបស់រដ្ឋមន្ត្រីកីឡាប៉ូឡូញបាននិយាយ។

បន្ថែមពីនោះ លោកមានសេចក្ដីរំពឹងថា ក្នុងចំណោមប្រទេសទាំង ៤០ នោះ នឹងមានសមាជិកសហភាពអឺរ៉ុប និងចក្រភពអង់គ្លេស ហើយលោកក៏ទទូចសុំឲ្យអាមេរិកចេញមុខ ចំពោះបញ្ហានេះផងដែរ។

ប៉ុន្តែមហាអំណាចលោកខាងលិចទម្លាយថា ពួកគេនឹងគាំទ្រការចូលរួមរបស់អត្តពលិករុស្ស៊ី និងបេឡារុស សម្រាប់ការប្រកួតក្នុងនាមជាសមាជិកអព្យាក្រិត។

សូមជម្រាបដែរថា ប្រធានាធិបតីអ៊ុយក្រែន Volodymyr Zelenskyy ក៏បានចេញមុខសុំមិនឲ្យមានវត្តមានអត្តពលិករុស្ស៊ី ក្នុងព្រឹត្តិការណ៍អូឡាំពិក ជាផ្នែកមួយនៃទណ្ឌកម្មអន្តរជាតិ ជុំវិញប្រទេសរុស្ស៊ីបើកការឈ្លានពានចូលទឹកដីរបស់ខ្លួន។

យ៉ាងណា គណៈកម្មាធិការអូឡាំពិកអន្តរជាតិ ហៅកាត់ IOC បានអះអាងថា ពួកគេកំពុងសិក្សាពីបញ្ហាមួយនេះ សម្រាប់អត្តពលិករុស្ស៊ីឲ្យចូលរួមប្រកួតកីឡាអូឡាំពិករដូវក្ដៅ ក្នុងនាមជាអត្តពលិកអព្យាក្រិត៕

The post ប៉ូឡូញទទូចឲ្យ ៤០ ប្រទេស រួមគ្នាប្រឆាំងការដាក់បញ្ចូលអត្តពលិកពីរុស្ស៊ី សម្រាប់ព្រឹត្តិការណ៍អូឡាំពិក ២០២៤ appeared first on .

ព្រឹត្តិការណ៍អូឡាំពិកនៅចិន មិនអនុញ្ញាតឲ្យភ្ញៀវបរទេសចូលទស្សនាទេ

ឧកញ៉ាសំពៅ — Thu, 30 Sep 2021 07:04:55 +0000

ព្រឹត្តិការណ៍ Oympics រដូវរងា ដែលនឹងធ្វើឡើងនៅទីក្រុងប៉េកាំងប្រទេសចិននាឆ្នាំក្រោយ នឹងមិនអនុញ្ញាតឲ្យមានអ្នកចូលរួមទស្សនាមកពីក្រៅប្រទេសជាដាច់ខាត ពោលគឺសំបុត្រចូលទស្សនាគឺនឹងដាក់លក់តែចំពោះប្រជាជននៅក្នុងប្រទេសចិនតែប៉ុណ្ណោះ។

បើយោងតាមគណៈកម្មការគ្រប់គ្រងផ្នែករៀបចំកម្មវិធី International Olympic បាននិយាយកាលពីថ្ងៃពុធថា មូលហេតុដែលសម្រេចមិនឲ្យជនជាតិបរទេសមកពីក្រៅតំបន់ចូលរួម គឺដើម្បីទប់ស្កាត់ការឆ្លងវីរុស COVID-19។

ប្រភពដដែលបន្ថែមថា រាល់បេក្ខភាពចូលរួមប្រកួតដែលបានចាក់វ៉ាក់សាំងរួចរាល់ នឹងមិនចាំបាច់ធ្វើចត្តាឡឺស័ក ២១ ថ្ងៃឡើយ ស្របពេលបេក្ខភាពដែលមិនទាន់ចាក់ និងមានលិខិតស្នើសុំមិនធ្វើចត្តាឡឺស័ក នឹងត្រូវធ្វើការសម្រេចតាមក្រោយ។

ដោយឡែក សម្រាប់តំបន់ប្រកួតវិញគឺ នឹងត្រូវដាក់ខ័ណ្ឌដាច់ពីគ្នា ហើយនេះគឺជាការសម្រេចចិត្តពី IOC ខណៈម្ចាស់ផ្ទះភាគីចិនជាអ្នករៀបចំ និងគ្រោងសម្ពោធគម្រោងនេះនៅខែតុលា ដើម្បីជៀសវាង និងការពារពីការប្រកួតអន្តរជាតិទៅជាប្រភពចម្លងមេរោគ។

ករណីនេះផងដែរ គឺបានកើតឡើងរួចហើយសម្រាប់ព្រឹត្តិការណ៍ Tokyo 2020 Games ដែលបានពន្យារពេល ១ ឆ្នាំ ដោយសារបញ្ហារាតត្បាតជំងឺ COVID-19 ទូទាំងពិភពលោក ខណៈកន្លងទៅការប្រកួតនៅទីក្រុងតូក្យូគឺហាមមិនឲ្យមានអ្នកចូលទស្សនាស្ទើរគ្រប់ការប្រកួតតែម្ដង។

ងាកមកមើលការរៀបចំនៅទីក្រុងប៉េកាំងម្ដង គឺរាល់ការប្រកួតទាំងក្នុងស្រុក និងអន្តរជាតិ គ្រប់បេក្ខភាព និងបុគ្គលិកនានានៅក្នុងតំបន់ប្រកួត គឺត្រូវតម្រូវឲ្យធ្វើតេស្ដរក COVID-19 ជារៀងរាល់ថ្ងៃ ខណៈកាលវិភាគព្រឹត្តិការណ៍ 2022 Beijing Olympics នឹងធ្វើឡើងចន្លោះថ្ងៃទី ០៤ ដល់ ២០ កុម្ភៈខាងមុខ៕

ប្រភព: bangkokpost

The post ព្រឹត្តិការណ៍អូឡាំពិកនៅចិន មិនអនុញ្ញាតឲ្យភ្ញៀវបរទេសចូលទស្សនាទេ appeared first on .

Olympic Game

ប៉ូឡូញទទូចឲ្យ ៤០ ប្រទេស រួមគ្នាប្រឆាំងការដាក់បញ្ចូលអត្តពលិកពីរុស្ស៊ី សម្រាប់ព្រឹត្តិការណ៍អូឡាំពិក ២០២៤

ព្រឹត្តិការណ៍​អូឡាំពិកនៅចិន ​មិន​អនុញ្ញាត​ឲ្យ​​​ភ្ញៀវ​បរទេស​ចូល​ទស្សនា​ទេ

ព្រឹត្តិការណ៍អូឡាំពិកនៅចិន មិនអនុញ្ញាតឲ្យភ្ញៀវបរទេសចូលទស្សនាទេ