យ៉ាងណាមិញ មូលហេតុចម្បងៗដែលធ្វើឲ្យ Oxford មានភាពលេចធ្លោ និងពិសេសខ្លាំងបំផុតនោះ រួមមាន៖

១. ប្រព័ន្ធគ្រប់គ្រងបែបសហមហាវិទ្យាល័យ

Oxford មិនមែនត្រឹមតែជាសាកលវិទ្យាល័យតែមួយនោះទេ ប៉ុន្តែវាត្រូវបានបង្កើតឡើងដោយការប្រមូលផ្តុំនៃ មហាវិទ្យាល័យ (Colleges) ចំនួន៣៩ និងសាលាបែបឯកជន (Permanent Private Halls) ចំនួន៤ ផ្សេងទៀតផងដែរ។

២. វិធីសាស្ត្របង្រៀនបែបផ្ដាច់មុខ (The Tutorial System)

នេះជាវិធីសាស្រ្តបែបអប់រំដ៏ពិសេសបំផុតនៅ Oxford ដែលខុសប្លែកពីសាកលវិទ្យាល័យភាគច្រើនផ្សេងទៀតលើលោក។  ជារៀងរាល់សប្តាហ៍ និស្សិតត្រូវជួបពិភាក្សាដេញដោលជាមួយសាស្ត្រាចារ្យជំនាញ ក្នុងក្រុមតូចបំផុតដែលមាននិស្សិតត្រឹមតែ ១ ទៅ ៣ នាក់ ប៉ុណ្ណោះ។

មុនការជួបជុំ និស្សិតត្រូវស្រាវជ្រាវ និងសរសេរអត្ថបទ (Essay) យ៉ាងស៊ីជម្រៅម្នាក់មួយ រួចយកមកអាន និងការពារគំនិតរបស់ខ្លួនទល់មុខជាមួយសាស្ត្រាចារ្យ។ វិធីសាស្ត្រនេះជួយពង្រឹងសមត្ថភាពវិភាគ គិតបែបស៊ីជម្រៅ និងការជជែកដេញដោលលំដាប់ខ្ពស់។

៣. ធនធាន និងបណ្ណាល័យលំដាប់ពិភពលោក

បណ្ណាល័យ Bodleian (The Bodleian Libraries) ជាប្រព័ន្ធបណ្ណាល័យដ៏ធំបំផុតមួយក្នុងពិភពលោក ដែលមានផ្ទុកសៀវភៅ និងឯកសារជាង ១៣ លានក្បាល។ តាមច្បាប់របស់ចក្រភពអង់គ្លេស រាល់សៀវភៅទាំងអស់ដែលបានបោះពុម្ភនៅក្នុងប្រទេស ត្រូវតែមានច្បាប់ចម្លងមួយច្បាប់រក្សាទុកនៅ Bodleian។

៤. កន្លែងផលិតអ្នកដឹកនាំពិភពលោក 

ឥទ្ធិពលរបស់ Oxford ទៅលើឆាកអន្តរជាតិត្រូវបានគេទទួលស្គាល់ជាយូរណាស់មកហើយ ថាជាកន្លែងបង្កើតធនធានមនុស្សដ៏បំផុតរបស់ពិភពលោក។ នាយករដ្ឋមន្ត្រីអង់គ្លេសចំនួន ៣០រូប សុទ្ធសឹងតែចេញពីសាកវិទ្យាល័យមួយនេះ។ 

មិនតែប៉ុណ្ណោះ មេដឹកនាំពិភពលោកជាង៣០ រូប ផ្សេងទៀត រួមទាំងអ្នកឈ្នះរង្វាន់ណូបែល ជាង ៧០ រូប និងអ្នកវិទ្យាសាស្ត្រល្បីៗដែលផ្លាស់ប្តូរពិភពលោកជាច្រើន ក៏កើតចេញពីសាកលវិទ្យាល័យ Oxford នេះផងដែរ៕

The post មូលហេតុអ្វីធ្វើឲ្យសាកលវិទ្យាល័យ Oxford មានលក្ខខណៈពិសេសខ្លាំង?  appeared first on .

មុខវិជ្ជានេះមានលក្ខណៈពិសេស និងចំណុចលេចធ្លោជាច្រើនដែលធ្វើឲ្យវាខុសប្លែកពីការសិក្សាសេដ្ឋកិច្ច ឬនយោបាយនៅសាកលវិទ្យាល័យដទៃទៀត នៅលើពិភពលោក។ 

ចំណុចពិសេសទីមួយ គឺការផ្សារភ្ជាប់គ្នារវាងវិទ្យាសាស្ត្រទាំងបី (Interdisciplinary Approach)៖​ 

ជំនួសឱ្យការសិក្សាតែទ្រឹស្តីសេដ្ឋកិច្ចសុទ្ធ (ដូចជាតារាង និងរូបមន្តគណិតវិទ្យា) Oxford ជំរុញឱ្យនិស្សិតមើលឃើញពីទំនាក់ទំនងគ្នារវាង ទ្រឹស្តីសេដ្ឋកិច្ច និងតថភាពនយោបាយ។ 

ក្នុងនោះដែរនិស្សិត ក៏នឹងត្រូវសិក្សាពីរបៀបដែលការសម្រេចចិត្តខាងនយោបាយជះឥទ្ធិពលលើទីផ្សារសេដ្ឋកិច្ច ហើយថាតើតម្លៃធម៌ និងទស្សនវិជ្ជាបែបណាដែលនៅពីក្រោយគោលនយោបាយទាំងនោះ។

ចំណុនពិសេសទីពីរ គឺប្រព័ន្ធសិក្សាបែប “Tutorial System” (ចំណុចពិសេសបំផុតរបស់ Oxford) ​ដែលមានដូចចាការពិភាក្សាតាមក្រុមតូចៗ:  ក្រៅពីការស្តាប់ការបង្រៀននៅក្នុងសាលធំ (Lectures) និស្សិតត្រូវចូលរួមក្នុងថ្នាក់ Tutorial ដែលមានសិស្សតែ ២ ទៅ ៣ នាក់ប៉ុណ្ណោះ ជាមួយសាស្ត្រាចារ្យជំនាញម្នាក់។

ការជជែកដេញដោល និងសរសេរអត្ថបទ (Essays): រៀងរាល់សប្តាហ៍ និស្សិតត្រូវស្រាវជ្រាវ និងសរសេរអត្ថបទលើប្រធានបទសេដ្ឋកិច្ចនយោបាយណាមួយ រួចយកទៅអាន និងការពារគំនិតរបស់ខ្លួនទល់មុខជាមួយសាស្ត្រាចារ្យជំនាញ។ វិធីនេះជួយពង្រឹងសមត្ថភាពវិភាគ និងការគិតបែបស៊ីជម្រៅ។

ចំណុចពិសេចុងក្រោយ គឺការផ្តោតលើការវិភាគបែបប្រវត្តិសាស្ត្រ និងស្ថាប័ន (Historical and Institutional Context)។ ការសិក្សាសេដ្ឋកិច្ចនយោបាយនៅ Oxford មិនមែនមើលតែលើទិន្នន័យបច្ចុប្បន្ននោះទេ ប៉ុន្តែវាជីកកកាយកាន់តែជ្រៅទៅក្នុងប្រវត្តិសាស្ត្រនៃការបង្កើតប្រព័ន្ធសេដ្ឋកិច្ចពិភពលោក រួមទាំងតួនាទីរបស់ស្ថាប័នធំៗ (ដូចជា ធនាគារកណ្តាល រដ្ឋាភិបាល អង្គការអន្តរជាតិ) ក្នុងការរៀបចំច្បាប់ទម្លាប់សេដ្ឋកិច្ច និងទ្រឹស្តីរបស់ទស្សនវិទូ និងអ្នកសេដ្ឋកិច្ចល្បីៗកាលពីអតីតកាលជាដើម។

The post មកដឹងលក្ខណៈពិសេសនៃមុខវិជ្ជា សេដ្ឋកិច្ចនយោបាយ នៅសាកលវិទ្យាល្អដាច់គេបំផុតលើលោក Oxford  appeared first on .

យ៉ាងណាមិញខាងក្រោមនេះជាព័ត៌មានត្រួសៗ អំពីតម្លៃនៃការសិក្សា នៅក្នុងសាកលវិទ្យាល័យ Oxford របស់ចក្រភពអង់គ្លេស៖

១. ថ្លៃសិក្សាសម្រាប់និស្សិតអន្តរជាតិ (Overseas Students)

សម្រាប់និស្សិតដែលមកពីក្រៅប្រទេស (រួមទាំងប្រទេសកម្ពុជា) ថ្លៃសិក្សាមានតម្លៃខ្ពស់ជាងនិស្សិតក្នុងស្រុក ដោយគិតជាមធ្យមក្នុងមួយឆ្នាំ៖

សម្រាប់ថ្នាក់បរិញ្ញាបត្រ មានតម្លៃចន្លោះពី ៣៧ ៣០០ ផោន ដល់ ៦២ ៨០០ ផោន (ប្រហែល  ​៤៨ ០០០ដុល្លារ ដល់ ៨០ ០០០ដុល្លារ) ក្នុងមួយឆ្នាំ។

សម្រាប់ថ្នាក់អនុបណ្ឌិត និងបណ្ឌិត មានតម្លៃចន្លោះពី ២៦ ០០០ ផោន ដល់ជាង ៥០ ០០០ ផោន ក្នុងមួយឆ្នាំ (អាស្រ័យលើជំនាញ)។ ហើយសម្រាប់កម្មវិធីសិក្សាពិសេស MBA  អាចមានតម្លៃចាប់ពី ៧៨ ០០០ផោនឡើងទៅ ក្នុងមួយកម្មវិធី។

២. ថ្លៃសិក្សាសម្រាប់និស្សិតក្នុងស្រុក (Home Students – ចក្រភពអង់គ្លេស)

សម្រាប់និស្សិតដែលមានសញ្ជាតិអង់គ្លេស ឬមានសិទ្ធិស្នាក់នៅអចិន្ត្រៃយ៍ក្នុងប្រទេស ថ្លៃសិក្សាត្រូវបានកំណត់កម្រិតដោយរដ្ឋាភិបាល។ សម្រាប់ថ្នាក់បរិញ្ញាបត្រ មានតម្លៃប្រហែលជិត ១០ ០០០ផោន ក្នុងមួយឆ្នាំ។ 

គួរជម្រាបជូនផងដែរថា Oxford មានកម្មវិធីអាហារូបករណ៍ជាច្រើនសម្រាប់និស្សិតអន្តរជាតិដែលមានសមត្ថភាពខ្ពស់ផងដែរ ដូចជា៖

-Clarendon Fund: ផ្តល់អាហារូបករណ៍ពេញថ្លៃសិក្សា និងប្រាក់ឧបត្ថម្ភការរស់នៅសម្រាប់ថ្នាក់ក្រោយឧត្តមសិក្សា (Master/PhD)។

-Reach Oxford Scholarship: សម្រាប់និស្សិតមកពីប្រទេសកំពុងអភិវឌ្ឍដែលចង់រៀនថ្នាក់បរិញ្ញាបត្រ។

The post មកដឹងអំពីតម្លៃសិក្សនៅក្នុងសាកលវិទ្យាល័យល្អដាច់គេនៅលើពិភពលោក Oxford  appeared first on .

ខាងក្រោមនេះជាបុគ្គលលេចធ្លោមួយចំនួនដែលជារាជវង្ស និងកូនៗមហាសេដ្ឋី ដែលបានបញ្ចប់ការសិក្សា ឬបានសិក្សានៅសាលវិទ្យាល័យលំដាប់កំពូលរបស់ពិភពលោកមួយនេះ៖

សម្រាប់សមាជិករាជវង្ស ដូចជាព្រះអង្គម្ចាស់ Jigme Khesar Namgyel Wangchuck នៃប្រទេសប៊ូតាន។ ព្រះអង្គបានសិក្សាផ្នែកនយោបាយ (Politics) និងទទួលបានសញ្ញាបត្រថ្នាក់អនុបណ្ឌិតផ្នែកវិទ្យាសាស្ត្រនយោបាយពីមហាវិទ្យាល័យ Magdalen College នៃសាកលវិទ្យាល័យ Oxford។

ព្រះអង្គម្ចាស់ Abdullah II មហាសក្សត្រនៃប្រទេសហ្សកដានី។ ព្រះអង្គបានសិក្សាជំនាញកិច្ចការអន្តរជាតិ (International Affairs)។ 

ព្រះអង្គម្ចាស់ Naruhito ព្រះមហាក្សត្របច្ចុប្បន្ននៃប្រទេសជប៉ុន (Emperor of Japan): ព្រះអង្គបានសិក្សាផ្នែកប្រវត្តិសាស្ត្រ (History) ចន្លោះឆ្នាំ១៩៨៣ ដល់ឆ្នាំ១៩៨៥ ដោយផ្តោតលើប្រវត្តិសាស្ត្រដឹកជញ្ជូនតាមផ្លូវទឹក។

ដោយឡែកកូនៗរបស់មហាសេដ្ឋី ដូចជាត្រកូល Ambani (មហាសេដ្ឋីមានបំផុតនៅ អាស៊ី) សុទ្ធសឹងតែបានជ្រើសរើសយកសាកលវិទ្យាល័យ Oxford សម្រាប់ការសិក្សាថ្នាក់អនុបណ្ឌិត ឬកម្មវិធីជំនួញតម្រង់ទិសជាដើម។ 

ទន្ទឹមនឹងនេះ កូនៗរបស់ត្រកូល Rothschild ដែលជាមហាសេដ្ឋីធនាគារដ៏មានឥទ្ធិពលបំផុតមួយក្នុងប្រវត្តិសាស្ត្រពិភពលោក សុទ្ធតែជាអតីតនិស្សិតលេចធ្លោនៅមហាវិទ្យាល័យ Christ Church របស់ Oxford។

ក្រៅពីនោះកូនៗរបស់មហាសេដ្ឋីប្រេងកាតនៅតំបន់មជ្ឈិមបូព៌ា ដូចជាព្រះអង្គម្ចាស់ និងកូនៗរបស់អ្នកជំនួញធំៗមកពីប្រទេសអារ៉ាប៊ីសាអូឌីត អេមីរ៉ាតអារ៉ាប់រួម (UAE) និងកាតា ភាគច្រើនត្រូវបានបញ្ជូនទៅសិក្សាជំនាញ PPE (ទស្សនវិជ្ជា នយោបាយ និងសេដ្ឋកិច្ច) ឬជំនាញគ្រប់គ្រងពាណិជ្ជកម្មនៅ Oxford ដើម្បីទៅបន្តវេនគ្រប់គ្រងអាណាចក្រជំនួញ និងប្រទេសជាតិ៕

The post កូនៗមហាសេដ្ឋី សមាជិករាជរង្សណាខ្លះបានរៀននៅសាកលវិទ្យាល័យ Oxford ? appeared first on .

គួរឲ្យដឹងផងដែរថានេះជាឆ្នាំទី១០ ជាប់គ្នាៗហើយ ដែល Oxford បន្តគ្រងតំណែងកំពូលមួយនេះ ខណៈពេលដែលសាកលវិទ្យារបស់អង់គ្លេសចំនួន ១១ ផ្សេងទៀត ក៏ស្ថិតនៅក្នុងចំណោមសាកលវិទ្យាល្អដាច់គេទាំង១០០ របស់  Times Higher Education ផងដែរ។ ក្នុងនោះផងដែររួមមានសាកលវិទ្យាល័យ Harvard ដែលបច្ចុប្បន្នបានជាប់ចំណាត់ថ្នាក់លេខ៥។ 

គួរឲ្យដឹងថា តារាងចំណាត់ថ្នាក់សម្រាប់សាកលវិទ្យាល័យល្អបំផុតនេះ ត្រូវបានធ្វើឡើងជារៀងរាល់ឆ្នាំ ពោលគឺចាប់តាំងពីឆ្នាំ២០០៤ មកម្លេះ ហើយវាត្រូវបានបង្កើតឡើងដោយផ្អែកលើការវិភាគឯកសារស្រាវជ្រាវជិត ១៩ លានសន្លឹក សំឡេងឆ្នោតចំនួន ១,៥ លានសំឡេង នៅក្នុងការស្ទង់មតិ រួមទាំងទិន្នន័យលើសាកលវិទ្យាល័យសរុបជាង ៣០ ០០០ ផងដែរ។ 

ខាងក្រោមនេះជាបញ្ជីឈ្មោះសាកលវិទ្យាល័យល្អបំផុតទាំង៥ នៅលើពិភពលោក ចេញដោយ Times Higher Education ៖

១. University of Oxford ចក្រភពអង់គ្លេស 

២. Massachusetts Institute of Technology សហរដ្ឋអាមេរិក 

៣. University of Cambridge ចក្រភពអង់គ្លេស 

៤. Princeton University សហរដ្ឋអាមេរិក 

៥. Harvard University សហរដ្ឋអាមេរិក

The post សាកលវិទ្យាល័យ Oxford របស់ចក្រភពអង់គ្លេស បន្តគ្រងតំណែងជាសាកលវិទ្យាល័យល្អបំផុតនៅលើពិភពលោក ១០ឆ្នាំជាប់ៗគ្នា  appeared first on .

ប៉ុន្តែ​គិត​មក​ទល់​ពេលនេះ ទឹកប្រាក់​ ១៥៥ លាន​ផោន ឬ​ប្រហែល ១៧០ លាន​ដុល្លារ ដែល​មហាសេដ្ឋី​ស្រី​បាន​សន្យា​នេះ​ គឺ​មិនទាន់​មាន​រូបរាង​នៅឡើយ ជាហេតុ​ធ្វើ​ឲ្យ University of Oxford អាច​នឹង​លុបចោល​កិច្ចសន្យា​ដែល​បាន​ធ្វើឡើង​កាលពី​ឆ្នាំទៅ។

បើពិនិត្យមើលឲ្យមែនទែនទៅ ភាគី​ទាំងសងខាង​បាន​សន្យានឹង​គ្នា​ថា នឹង​ធ្វើការ​បរិច្ចាគ​តាម​ដំណាក់កាល ហើយ​ជំហានដំបូង​ស្ត្រីមាន​បំផុត​នៅ​វៀតណាម​សន្យា​ថា នឹង​បរិច្ចាគ ៥០ លានផោន ឬ​ប្រមាណ ៥៥ លាន​ដុល្លារ​នៅចុងខែមិថុនា ប៉ុន្តែ​គិត​មកដល់​ខែតុលានេះ ទឹកប្រាក់ដែលបាន​សន្យា​នោះ​ បែរជាមិនដឹងនៅទីណាឲ្យពិតប្រាកដ។ នេះ​បើតាម​ការ​ចុះផ្សាយពី​ Yahoo។

សូមជម្រាបដែរថា ក្រុមអតីតនិស្សិតនៅ Linacre College បានចាប់ផ្ដើមយុទ្ធនាការ​ ប្រឆាំងនឹង​ការ​ប្ដូរឈ្មោះ​មួយ​នេះ ហើយថែមទាំងបាន​ចោទទង្វើនេះថា ជា​ការលក់​កេរ្តិ៍ឈ្មោះ​របស់សាលា ដើម្បី​តែប្រាក់​ទៀត​ផង។

គួររំលឹកថា ស្ត្រីដែលមានរហស្សនាម Madame Thao គឺជាស្ត្រីដែលមាន​ឥទ្ធិពល​បំផុតនៅ​វៀតណាម ហើយ​លោកស្រី​ក៏​មាន​ទ្រព្យសម្បត្តិ​ប្រមាណ ៣ ពាន់លានដុល្លារ​ផងដែរ៕

The post University of Oxford អាចកែប្រែចិត្ត ក្រោយស្ត្រីមានបំផុតនៅវៀតណាមមិនបរិច្ចាគប្រាក់តាមសន្យា appeared first on .

លោកស្រី Nguyen ដែលត្រូវបានគេស្គាល់យ៉ាងទូលំទូលាយថា ជា Madam Thao គឺជាមហាសេដ្ឋីស្រ្តីដំបូង និងតែមួយគត់របស់វៀតណាម ដែលចាប់ផ្តើមរកស៊ីពីបាតដៃ​ទទេរ ពីការលក់ម៉ាស៊ីនទូរសារ និងជ័រកៅស៊ូ ហើយលោកស្រីក៏ជានិស្សិតមួយរូប ដែលបញ្ចប់ការសិក្សានៅប្រទេសរុស្ស៊ី ផងដែរ ។

គួរឱ្យដឹងថា នៅត្រឹមអាយុ ២១ ឆ្នាំ Madam Thao អាចរកបានប្រាក់ចំណូលចំនួន ១ លានដុល្លារ ជាលើកដំបូង ហើយរហូតដល់ពេលឥឡូវនេះ លោកស្រីត្រូវបានគេប៉ាន់ស្មានថាមានទ្រព្យសម្បត្តិសរុបរហូតដល់ទៅ ២,៧ ពាន់លានដុល្លារ ។

​ជាមួយទ្រព្យសម្បត្តិដ៏ច្រើនសន្ធឹកសន្ធាប់បែបនេះ បច្ចុប្បន្ន Madam Thao គឺជាម្ចាស់ក្រុមហ៊ុនអាកាសចរណ៍ VietJet និងមានអាជីវកម្មអចលនទ្រព្យដ៏ធំនៅក្នុងប្រទេស រួមជាមួយការវិនិយោគលើការរុករកប្រេង និងឧស្ម័ន ក៏ដូចជាការផ្តល់ហិរញ្ញប្បទានឥន្ធន:ហ្វូស៊ីលផងដែរ ។

រំលឹកថា នៅថ្ងៃទី ៣១ ខែតុលា ឆ្នាំ ២០២០ Madam Thao បានបរិច្ចាគទឹកប្រាក់ចំនួន ១៨០ លានដុល្លារជូនដល់មហាវិទ្យាល័យ Linacre តាមរយ:ក្រុមហ៊ុន Sovico Group ដែលស្ថិតនៅក្រោមការគ្រប់គ្រងរបស់លោកស្រី ហើយនៅខែវិច្ឆិកា មហាវិទ្យាល័យនោះ បានយល់ព្រមប្តូរឈ្មោះទៅជា មហាវិទ្យាល័យ Thao បន្ទាប់ពីទទួលការបរិច្ចាគនោះ ។

តែទោះជាយ៉ាងណាក៏ដោយ ដោយសារតែទំនាក់ទំនងយ៉ាងជិតស្និទ របស់ Madam Thao ជាមួយរដ្ឋាភិបាលកុម្មុយនិស្តវៀតណាម រដ្ឋមន្ត្រីក្រសួងអប់រំអង់គ្លេស លោកស្រី Michelle Donelan កំពុងបើកការស៊ើបអង្កេតយ៉ាងសកម្ម ចំពោះការបរិច្ចាគទឹកប្រាក់នេះ ហើយនឹងមានការផ្តល់ជូនព័ត៌មានថ្មីៗ នៅក្នុងពេលឆាប់ៗនេះ ។

នៅក្នុងការបើកការស៊ើបអង្កេតនេះ គឺបានធ្វើឡើង ក្នុងបំណងដើម្បីធានាបាននូវតម្លៃរបស់ចក្រភពអង់គ្លេស មិនត្រូវបានគេសម្របសម្រួល ហើយជនបរទេស នឹងមិនអាចមានឥទ្ធិពលហួសហេតុ មកលើសាកលវិទ្យាល័យ របស់ចក្រភពអង់គ្លេសមួយនេះឡើយ ។

ប៉ុន្តែទោះជាយ៉ាងនេះក្តី ខាងមហាវិទ្យាល័យ Linacre បានចេញមុខការពារ ចំពោះការបរិច្ចាគទឹកប្រាក់ ១៨០ លានដុល្លារនេះ ដោយបញ្ជាក់ថា គឺគោរពតាមការណែនាំរបស់រដ្ឋាភិបាល និងច្បាប់ត្រឹមត្រូវ ។

លើសពីនេះ អ្នកនាំពាក្យម្នាក់របស់មហាវិទ្យាល័យខាងលើ បាននិយាយថា ៖ ” អំណោយដ៏សំខាន់នេះ នឹងគាំទ្រដល់ការផ្តល់អាហរូបករណ៍ក្រោមឧត្តមសិក្សាដល់និស្សិត រួមទាំងការបង្កើតមជ្ឈមណ្ឌលស្រាវជ្រាវថ្មី និងបង្កើតគេហទំព័រមហាវិទ្យាល័យថ្មី ជាមួយនឹងសម្ភារ:កែលម្អជាច្រើន សម្រាប់និស្សិតបញ្ចប់ការសិក្សា ” ៕

The post សាកលវិទ្យាល័យ Oxford ចេញមុខការពារអំណោយសប្បុរសធម៌រាប់លានដុល្លារ ពីស្ត្រីមាន​បំផុតនៅវៀតណាម appeared first on .

ការ​វិនិយោគ​មួយ​នេះ​គឺ​ធ្វើឡើង​តាម​រយៈ​ក្រុមហ៊ុន​ផលិត​វ៉ាក់សាំង Serum Institute of India ហៅ​កាត់ SII។ នេះ​បើតាម​ការ​អះអាង​ពី​ Oxford University ស្របពេល​មន្ទីរ​ពិសោធន៍​មួយ​នេះ​​នឹង​ដាក់​ឈ្មោះ​តាម​ម្ចាស់ក្រុមហ៊ុន​ SII គឺ​គ្រួសារ​ត្រកូល Poonawalla។

ដោយឡែក ការ​សាងសង់​មួយ​នេះ​ក៏​​មាន​ការ​ចូលរួម​សហការ​រវាង​សកលវិទ្យាល័យ Oxford, AstraZeneca និង SII ដែល​ជា​អ្នក​ផលិត​វ៉ាក់សាំង​ធំ​បំផុត​លើ​លោក​សម្រាប់​ប្រទេស​ដែល​មាន​ចំណូល​មធ្យម​ និង​ទាប​ជាច្រើន​ផង​ដែរ។

បញ្ជាក់​ដែរ​ថា SII គឺ​បាន​ចាប់កំណើត​នៅ​ឆ្នាំ ១៩៦៦ ដែល​រក​ឃើញ​ដោយ​លោក Cyrus Poonawalla ដែល​ជា​កូន​អ្នក​បង្កាត់ពូជ​សេះ ខណៈ​បច្ចុប្បន្ន​លោក​គឺ​ជា​មហាសេដ្ឋី​មាន​បំផុត​ទី ៥ នៅ​ឥណ្ឌា ហើយ​កាលពី​ឆ្នាំ ២០១៩ Cyrus ក៏​ត្រូវបាន​ប្រគល់​សញ្ញាបត្រ​កិត្តិយស​ដោយ​សាកលវិទ្យាល័យ Oxford ផង​ដែរ៕

ប្រភព: wtvbam

The post មហាសេដ្ឋី​ឥណ្ឌា​​ចាយ​លុយ​ជាង ៦០​ លាន​ដុល្លារ​ជួយ​សកលវិទ្យាល័យ Oxford សាងសង់​មន្ទីរពិសោធន៍ appeared first on .