កៅអី CEO របស់ Parag Agrawal អាចនឹងរង្គោះរង្គើ ក្រោយ Elon Musk ចុះកុងត្រាផ្លូវការយក Twitter

ឧកញ៉ាសំពៅ — Fri, 06 May 2022 04:39:44 +0000

កាលពីពេលកន្លងទៅ មហាសេដ្ឋីមានបំផុតលើលោក Elon Musk បានសម្រេចទិញយកក្រុមហ៊ុនបណ្ដាញសង្គម Twitter ក្នុងទំហំទឹកប្រាក់ប្រមាណ ៤៤ ពាន់លានដុល្លារ ខណៈបច្ចុប្បន្នភាគីទាំងសងខាងកំពុងរត់ឯកសារផ្ទេរសិទ្ធគ្រប់គ្រងក្រុមហ៊ុន។

ការទិញក្រុមហ៊ុនចាបខៀវខាងលើរបស់ស្ថាបនិក SpaceX ក៏ទទួលបានការគាំទ្រខ្លាំងពីបុគ្គលល្បីៗជាច្រើន ហើយក៏ទទួលបានការឧបត្ថម្ភជាទឹកប្រាក់ដើម្បីសម្រួលដល់ការទិញនោះមួយចំនួនធំផងដែរ។

ជាក់ស្ដែង Elon Musk ទទួលបានកញ្ចប់ជំនួយពីវិនិយោគិនដូចជា Sequoia Capital និង Adreessen Horowitz ក្នុងទំហំទឹកប្រាក់ ៧,១ ពាន់លានដុល្លារ ពីក្រុមហ៊ុន Qatar ៣៧៥ លានដុល្លារ ស្របពេល Saudi Arabia ក៏មានចំណែកក្នុងនោះផងដែរ។

ទន្ទឹមនឹងនោះ បើសិនជាការផ្ទេរក្រុមហ៊ុនបានសម្រេចជាផ្លូវការ Twitter អាចនឹងមានការរៀបចំរចនាសម្ព័ន្ធការងារថ្មីឡើងវិញ ដើម្បីអាចសម្របសម្រួលទៅតាមអ្វីដែលមេធំ Tesla ចង់បាន។

ការកែប្រែមួយចំនួននោះអាចនឹងរាប់បញ្ចូលទាំងការផ្លាស់ប្ដូរ CEO ថ្មី ប្រព័ន្ធការងារ និងការរកចំណូលតាម Twitter ផងដែរ។ នេះបើតាមការចុះផ្សាយពីសារព័ត៌មានក្រៅស្រុកមួយចំនួន៕

ប្រភព: Independent

The post កៅអី CEO របស់ Parag Agrawal អាចនឹងរង្គោះរង្គើ ក្រោយ Elon Musk ចុះកុងត្រាផ្លូវការយក Twitter appeared first on .

ចាយពេល ១០ បុរសឥណ្ឌាឡើងតំណែងជា CEO ក្រុមហ៊ុន Twitter មួយឆ្នាំរកចំណូលខ្ទង់លានដុល្លារ

ឧកញ៉ាសំពៅ — Sat, 04 Dec 2021 07:43:53 +0000

លោក Parag Agrawal ទើបនឹងទទួលបានតំណែងជា CEO ប្រចាំក្រុមហ៊ុនបណ្ដាញសង្គមល្បីឈ្មោះ Twitter បន្ទាប់ពីបានចំណាយពេលធ្វើការនៅក្រុមហ៊ុនមួយនេះតាំងពីឆ្នាំ ២០១១ ដែលគិតមកទល់ពេលនេះគឺ ១០ ឆ្នាំគត់តែម្ដង។

ចូលធ្វើការដំបូងនៅក្រុមហ៊ុន Twitter បុរសជនជាតិឥណ្ឌារូបនេះគឺជាបុគ្គលិកផ្នែកវិស្វករបច្ចេកវិទ្យា ដែលបានបញ្ចប់ថ្នាក់សិក្សាបរិញ្ញាបត្រពីសកលវិទ្យាល័យ IIT Bombay និងជាបណ្ឌិត PhD ផ្នែកវិទ្យាសាស្ត្រកុំព្យូទ័រពីសាកលវិទ្យាល័យ Stanford University។

ក្នុងតំណែងជាវិស្វករបច្ចេកវិទ្យាប្រចាំក្រុមហ៊ុន Agrawal រ៉ាប់រង និងខិតខំអភិវឌ្ឍន៍ប្រព័ន្ធផ្សព្វផ្សាយ Twitter Ads និងព្យាយាមបង្កើនកំណើនអ្នកប្រើប្រាស់ឲ្យបានកាន់តែច្រើន ជាពិសេសគឺអ្នកប្រើប្រាស់តាមផ្ទះតែម្ដង។

ដោយឡែកតំណែងថ្មីជានាយកប្រតិបត្តិប្រចាំ Twitter បានជួយឲ្យបុរសវ័យ ៣៧ ឆ្នាំទទួលបានប្រាក់បៀវត្សប្រចាំឆ្នាំ ១ លានដុល្លារអាមេរិក និងបន្តជាបេក្ខភាពនៃផែនការប្រាក់លើកទឹកចិត្តសម្រាប់ថ្នាក់ដឹកនាំកំពូលប្រចាំក្រុមហ៊ុនជាមួយគម្រោងបន្ថែមប្រាក់លើកទឹកចិត្ត ១៥០% នៃប្រាក់បៀវត្សប្រចាំឆ្នាំគោលផងដែរ។ នេះបើតាមការឲ្យដឹងពីគេហទំព័រផ្លូវការរបស់ Twitter ទៅកាន់ US SEC។

បន្ថែមពីប្រាក់បៀវត្សប្រចាំឆ្នាំដ៏ច្រើនសន្ធឹក បុរសជនជាតិឥណ្ឌាក៏ទទួលបានអត្ថប្រយោជន៍ដ៏អស្ចារ្យមួយទៀត ដែលនោះគឺក្រុមប្រឹក្សាភិបាលប្រចាំក្រុមហ៊ុននឹងផ្ដល់ចំណែកភាគហ៊ុនដែលនឹងមានតម្លៃរហូតដល់ ១២,៥ លានដុល្លារអាមេរិកទៅកាន់លោក Agrawal ផងដែរ។

ប្រភពដដែលបន្ថែមថា ថវិកា ១២,៥ លានដុល្លារអាមេរិក នឹងផ្ដល់ឲ្យក្នុងរយៈពេល ១៦ ត្រីមាសស្មើៗគ្នា គិតចាប់ពីថ្ងៃទី ០១ ខែកុម្ភៈ ២០២២តទៅ ហើយនៅខែមេសា ២០២២ ក្រុមប្រឹក្សាភិបាលនឹងសម្រេចប្រគល់ប្រាក់នោះទៅឲ្យ Agrawal តាមរយៈការបញ្ចេញសមត្ថភាពរបស់លោក ថាមិនត្រូវលោកអាចនឹងទទួលបានប្រាក់ទាំងអស់នោះមុនកាលកំណត់ប្រសិនបើលោកដឹកនាំក្រុមហ៊ុនបានល្អ។

បញ្ជាក់ដែរថា Agrawal បានចូលរួមនៅក្នុងបញ្ជីឈ្មោះ CEO ជនជាតិឥណ្ឌាសម្រាប់ក្រុមហ៊ុនធំៗនៅអាមេរិកដែលមានដូចជា លោក Sundar Pichai (GOOGLE), Satya Nadella (Microsoft), Arvind Krishna (IBM), Shantanu Narayen (Adobe CEO) និង Rangarajan Raghuram (Vmware) ជាដើម៕

ប្រភព: livemint

The post ចាយពេល ១០ បុរសឥណ្ឌាឡើងតំណែងជា CEO ក្រុមហ៊ុន Twitter មួយឆ្នាំរកចំណូលខ្ទង់លានដុល្លារ appeared first on .

Parag Agrawal

កៅអី CEO របស់ Parag Agrawal អាច​នឹង​រង្គោះរង្គើ ក្រោយ Elon Musk ចុះ​កុងត្រា​ផ្លូវការ​យក Twitter

ចាយ​ពេល ១០ បុរសឥណ្ឌា​ឡើង​តំណែង​​ជា CEO ក្រុមហ៊ុន Twitter មួយ​​ឆ្នាំ​រក​ចំណូល​ខ្ទង់​លាន​ដុល្លារ

កៅអី CEO របស់ Parag Agrawal អាចនឹងរង្គោះរង្គើ ក្រោយ Elon Musk ចុះកុងត្រាផ្លូវការយក Twitter

ចាយពេល ១០ បុរសឥណ្ឌាឡើងតំណែងជា CEO ក្រុមហ៊ុន Twitter មួយឆ្នាំរកចំណូលខ្ទង់លានដុល្លារ