សហ​ស្ថាបនិក​ក្រុមហ៊ុន PayPal ដែល​បង្កើត​នៅ​ឆ្នាំ ១៩៩៨ រូប​នេះ​បាន​ទម្លាយ​ឲ្យ​ដឹង​ថា លោក​នឹង​លែង​មាន​វត្តមាន​ចូលរួម​នៅ​ក្នុង​ក្រុម​សម្រេចចិត្ត​ប្រចាំឆ្នាំ​របស់ Facebook ចាប់ពី​ឆ្នាំ ២០២២ តទៅ​ទៀត​ហើយ។

ដោយឡែក បើ​តាម​ការ​ឲ្យដឹង​ពី​មេធំ Facebook លោក Mark Zuckerberg បាន​បង្ហើប​ឲ្យ​ដឹង​ថា មហាសេដ្ឋី Thiel នឹង​បង្វែរ​ចំណាប់​អារម្មណ៍​របស់​លោក​ទៅ​កាន់​ផ្នែក​ផ្សេង​វិញ បើទោះជា​ចាកចេញ​ពី​សមាជិក​ក្រុម​សម្រេចចិត្ត​របស់ Facebook ក្ដី។

បញ្ជាក់​ដែរ​ថា មហាសេដ្ឋី​ដែល​មាន​ទ្រព្យសម្បត្តិ​ប្រមាណ ២,៦ ពាន់​លាន​ដុល្លារ​ម្នាក់នេះ គឺ​ធ្លាប់​មាន​បំណង​ចង់ចាកចេញ​ពី​សមាជិក​ក្រុមប្រឹក្សាភិបាល​របស់ Facebook តាំងពី​ឆ្នាំ ២០០៨ មក​ម៉្លេះ​ដោយសារ​កាលនោះ​លោក​មាន​រឿង​រកាំរកូស​ជាមួយ​ប្រធាន​ផ្នែក Facebook ជុំវិញ​បញ្ហា​នយោបាយ។

ជាមួយ​គ្នានេះ សារព័ត៌មាន​នានា​នៅ​មិនទាន់​ទទួល​បាន​ការ​បកស្រាយ​ច្បាស់លាស់​ជុំវិញ​រឿង​ចចាមអារ៉ាម​នៃ​ការ​ចាកចេញ​របស់ Peter Thiel នៅឡើយ ដ្បិត​បច្ចុប្បន្ន​រូបលោក​មិន​ទាន់​ចេញមុខ​បកស្រាយ​ជុំវិញ​រឿងរ៉ាវ​ទាំងនេះ៕

ប្រភព: Cnet

The post សហ​ស្ថាបនិក PayPal ប្រកាស​ដើរចេញពី​ក្រុម​ធ្វើការ​សម្រេចចិត្ត​របស់ Facebook appeared first on .