សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងជាប្រ​ធានក្រមការងារថ្នាក់ជាតិចុះជួយជួយខេត្តព្រៃវែង បានអញ្ជើញជួប​សំណេះសំ​ណាលដោយផ្ទាល់ជាមួយក្រុមគ្រូពេទ្យ និងប្រជាពលរដ្ឋដែលមានការសង្ស័យ ពិសេសពលករ ដែលទើបវិលត្រឡប់មកពីក្រៅប្រទេស ហើយត្រូវបាន​ដាក់ឱ្យនៅ​ដោយឡែករយៈពេល១៤ថ្ងៃ ក្រោមការតាម​​ដានពិនិត្យសុខភាពរកជំងឺកូវីដ១៩​ពីក្រុមគ្រូ​ពេទ្យ នៅតាមបណ្ដាស្រុកឃុំមួយចំនួន ដូចជា ឃុំព្រៃស្នៀត ឃុំរកា ឃុំព្រៃ​ព្នៅនៃស្រុកពារាំង ឃុំអង្គរទ្រត ឃុំដំរីពួន នៃស្រុកស្វាយអន្ទរ និងឃុំព្រែកខ្សាយ ស្ថិតនៃស្រុកពាមរក៏ ក្នុងខេត្តព្រៃវែង។

នៅក្នុងឱកាសជួបសំណេះសំណាលនោះ សម្ដេចក្រឡាហោម ស ខេង មានប្រសា​សន៍កោតសរសើរក្រុមគ្រូពេទ្យ ដែលបានខិតខំបំពេញ​ភារកិច្ចប្រកប​ដោយកា​រ​យកចិត្តទុកដាក់ក្នុងការពិនិត្យតាមដានសុខភាពប្រជាពលរដ្ឋ ព្រមទាំងបានសម្ដែង​ការលើកទឹកចិត្តខ្ពស់ដល់អាជ្ញាធរមូលដ្ឋានដែលបានរួមសហការគ្នាចុះអប់រំផ្សព្វផ្សាយ និងណែនាំបងប្អូនប្រជាពលរដ្ឋដែលមានការង្ស័យ ឬទើបវិលមកពីក្រៅប្រទេសនោះ បានអញ្ជើញមកពិនិត្យសុខភាព និងចូលរួមអនុវត្តវិធានការណែ​នាំដោយក្រសួងសុខា​ភិបាល។

ក្នុងឱកាសជួបសំណេះសំណាលនេះដែរ សម្ដេចក្រឡាហោម ស ខេង បានអញ្ជើញ​ចែកជូននូវម៉ាស់ ទឹកសម្លាប់មេរោគ និងសម្ភារៈមួយចំនួនទៀត ព្រមទាំងថវិកា ដល់ក្រុម​គ្រូពេទ្យ ដែលកំពុងបំពេញភារកិច្ចពិនិត្យតាមដានសុខភាពប្រជាពលរដ្ឋ និងជូនពលករ ដែលកំពុងស្ថិតក្រោមការតាមដានសុខភាពពីក្រុមគ្រូពេទ្យ និងបានផ្ដាំ​ផ្ញើ​ឱ្យខិតខំបន្តបំពេញភារកិច្ច និងយកចិត្តទុកដាក់ថែទាំ​សុខភាពតាមគោល​ការណ៍សុខាភិបាល។

ជាមួយគ្នានេះ បងប្អូនពលករ បានសម្តែងក្តីរំភើបចិត្តជាខ្លាំង ខណៈដែលបានជួប​ផ្ទាល់​ជាមួយសម្តេចក្រឡាហោម ស ខេង ដែលមានការយកចិត្តទុកដាក់ ជួយទំនុកប​ម្រុងដល់​ពួកគាត់ពីថ្នាក់ដឹកនាំនៃក្រសួងមហាផ្ទៃយ៉ាងកក់ក្តៅ ពេលដែល​ពួកគាត់​កំពុងតែជួបបញ្ហានាពេលនេះ។

សម្ដេចក្រឡាហោម បានបង្ហាញទឹកចិត្តរំភើបរីករាយបន្ទាប់​ពីបានសង្កេតឃើញបង​ប្អូនប្រជាពលរដ្ឋ ពិសេសពលករ ដែលទើបវិលមកពីក្រៅប្រទេស មានស្មារតីចូលរួម​សហការជាមួយអាជ្ញាធរ និងក្រុមគ្រូពេទ្យ ដោយស្នាក់នៅដាច់ដោយឡែក១៤ថ្ងៃ ដើម្បីពិនិត្យតាមដានសុខភាព ដែលនេះ ជាការចូលរួមយ៉ាងសំខាន់ ក្នុងការបញ្ចៀស​ការឆ្លងជំងឺកូវីដ១៩ជាយថាហេតុដល់ក្រុមគ្រួសារ និងសាច់ញាតិ។

សម្ដេចក្រឡាហោម ស ខេង ឧបនាយករដ្ឋមន្ត្រីក៏បានមានប្រសាសន៍​គូសបញ្ជាក់ទៀត​ថាបច្ចុប្បន្ននេះ រាជរដ្ឋាភិបាលកម្ពុជា កំពុងផ្ដោតការយកចិត្តទុកដាក់ខ្ពស់​បំផុតចំពោះ​ការ​​ការពារ​សេចក្ដីសុខ និសុវត្ថិភាពជូនដល់បងប្អូនប្រជាពលរដ្ឋនៅ​ក្នុងបរិបទដែល​មនុស្សជាតិលើពិភពលោក កំពុងទទួលរងការគំរាមកំហែងខ្ពស់ដោយជំងឺកូវីដ១៩។

សម្ដេចក៏បានបន្ថែមទៀតថាការអនុវត្តវិធានការដាក់នៅដោយឡែកនេះ គឺមិនមែន​សម្រាប់​តែដើម្បីត្រៀមជួយសង្គ្រោះបងប្អូនដែល​ទើបវិលត្រឡប់ចូលប្រទេស​វិញឲ្យ​បានទាន់ពេលវេលាប្រសិនបើមានជំងឺកូវីដ១៩នោះទេ ប៉ុន្តែការណ៍នេះ​ក៏ជាវិធានការ​ដ៏ចាំបាច់បំផុតដើម្បីជួយទប់ស្កាត់ការរាលដាលជំងឺនេះទៅដល់ប្រជាពលរដ្ឋក្នុងសហគមន៍ទូទៅដែរ ដែលពួកគាត់មិនបានចេញទៅក្រៅប្រទេសនោះ៕

The post ពលករខ្មែរ ដែល​ត្រឡប់ពី​ប្រទេស​ថៃ សម្តែង​​ក្តីរំ​ភើប​ចិត្ត ខណៈ​​ស​ម្តេ​​ច​​ក្រឡា​ហោម​ ស ខេង អញ្ជើ​ញ​ជួប​​សំណេះ​សំណា​ល​សួរ​សុខ​ទុក្ខ appeared first on .

លោក ខៀវ បូរិន អគ្គនាយក នៃអគ្គនាយកដ្ឋានសហគមន៍មូលដ្ឋាន  មានប្រ​សា​ស​​ន៍ថា ថវិកា ២០,០០០ដុល្លារ (ម្ភៃពាន់ដុល្លារអាម៉េរិក) សម្រាប់ឆ្នាំទី២នេះ លោក BEN DEVIS ស្ថាបនិក BeTreed Adventure សហការជាមួយសហគមន៍តាបស នឹង​បន្ត​អ​នុ​វ​ត្ត​ន៍កា​រ​ងា​រដូចខាងក្រោម៖ ១. បន្តជួសជុលផ្លូវលំ តភ្ជាប់ពីសហគមន៍មក​ដែនជម្រកសត្វ​ព្រៃភ្នំត្នោត និងផ្លូវលំជុំវិញដែ​នជ​ម្រ​កសត្វព្រៃដើម្បីងាយស្រួលល្បាត

២. រៀបចំកំណត់ទីតាំងក្នុង ដែន ជម្រកសត្វព្រៃ  ដើម្បីដាក់ជាចំការពូជឈើនាងនួន និងដាំចម្ការ​នា​ងនួនថ្មីលើផ្ទៃដីចំនួន ៤ហិកតា ដែលទើបបានដោះដូរជាមួយប្រជាជន

៣. អនុវត្តន៍ការដោះដូរដីជាមួយប្រជាជន ដែលមានចម្ការនៅក្នុងតំ​ប​ន់​ស្នូ​ល​នៃ​ដែ​ន​ជ​ម្រ​ក​ស​ត្វ​ព្រៃ​ភ្នំ​ត្នោត-ភ្នំពក

៤. ធ្វើការល្បាតជាមួយសហគមន៍៕

The post លោក បេន ដេវីស ទទួលបាន​ថវិ​កា​២ម៉ឺនដុល្លារ ពីក្រសួង​បរិ​ស្ថា​ន ដើ​ម្បីអភិរក្សធន​ធាន​ធម្ម​ជា​តិ​​នៅ​ដែន​ជម្រ​ក​សត្វព្រៃ​ភ្នំ​ត្នោត-ភ្នំពក appeared first on .

សម្តេចតេជោ ហ៊ុន សែន នាយករដ្ឋមន្រ្តី បានចេញបញ្ជាណែនាំបន្ថែម​ក្នុងការដោះ​ស្រាយ​ជូនពលករ ដែលបានវិលត្រឡប់មកពីប្រទេសថៃកន្លងមកចំនួនប្រមាណ ៥ម៉ឺននាក់ ហើយដែលចំនួននេះនឹងមានមកជាបន្តបន្ទាប់ទៀត ដែលអាចនឹង​កើនទៅដល់​៦ម៉ឺននាក់។

ប្រធានគណៈកម្មការជាតិប្រយុទ្ធប្រឆាំងនឹងជំងឺកូវីឌ-១៩ សម្តេចតេជោ បានណែនាំទៅ​ក្រសួងសុខាភិបាល “ត្រូវតាមដានត្រួតពិនិត្យនៅតាមទល់ដែនអោយបានហ្មត់ចត់ ហើយក្នុងនោះត្រូវត្រៀមរៀបចំបំពាក់សម្ភារៈបរិក្ខារពេទ្យ និងរៀបចំទីកន្លែង​ពិនិត្យសុ​ខភាពអោយបានល្អដល់ពលករ។

ក្រសួងសុខាភិបាល ត្រូវធ្វើជាម្ចាស់ការលើការងារនេះ ហើយសហការជាមួយក្រុម​ការងារនៅតាមព្រំដែនទាំងអស់។ ទន្ទឹមនឹងនេះ គឺត្រូវត្រៀមទិញមុង, ភួយ, កន្ទេល, ខ្នើយ, ក្រមា សម្រាប់ប្រគល់ជូនបងប្អូនកូនក្មួយពលករ​ដែលត្រូវដាក់អោយស្នាក់​នៅដាច់ដោយឡែកបណ្តោះអា​សន្នចំនួន​១៤ថ្ងៃ​ ដូចជានៅតាមសាលារៀន តាមស​ហគម ឬនៅតាមលំនៅដ្ឋានជាមួយក្រុមគ្រួសារជាដើម” ។

សម្តេចតេជោ​ ហ៊ុន​ សែន​ បានបញ្ជាក់ផងដែរថា “ ពេលណាបងប្អូនចាកចេញពីទីនោះ គឺសូមប្រគល់សំម្ភារៈទាំងនោះជូនទៅគាត់យកទៅប្រើប្រាស់តែម្តង។

ចំពោះមធ្យោបាយសម្រាប់ដឹកជញ្ជូនបងប្អូនកូនក្មួយពលករវិញ គឺត្រូវប្រើប្រាស់​រថយន្តកងទ័ពមកពីកងពលលេខ៩០ និង កងពលលេខ៩៩ ដែលត្រូវ​រៀបចំដាក់​ដំបូលអោយបានស្រួល។

មកទល់ពេលនេះ បងប្អូនកូនក្មួយពលករទាំងអស់ដែលបានវិលត្រឡប់មកប្រទេសវិញ គឺមិនមានបង្ករហានិភ័យណាមួយនៅតាមសហគមនៅឡើយទេ។

សម្តេចតេជោ ហ៊ុន សែន បានអបអរសាទរ និងកោតសរសើរដល់ថ្នាក់ភូមិ, ថ្នាក់ឃុំ, ស្រុក និងថ្នាក់ជាតិ ដែលបានចុះជួយនៅតាមមូលដ្ឋាន​ ក្នុងនោះរួមទាំង​ការអប់រំឃោ​សនា ផ្សព្វផ្សាយ​ណែនាំទប់ស្កាត់ជំងឺឆ្លងកូវីឌ-១៩ ដែលធ្វើអោយយើងគ្រប់គ្រង​ស្ថានការណ៍បានល្អមកទល់ពេលនេះ៕

The post សម្តេចតេ​ជោ ​ប្រាប់​​ឲ្យក្រ​សូងសុ​ខា​​ភិ​បាល​ត្រៀម​កន្លែង​​ពិនិ​ត្យ​សុខ​ភាព​ជូ​នពល​ក​រម​ក​​ពីប្រទេ​សថៃ appeared first on .

សម្តេចតេជោ បានបញ្ជាឱ្យអាជ្ញាធរគ្រប់គ្រងនៅតាមទីផ្សារ មិនឱ្យមានការតម្លើងថ្លៃត្រី និងហាមឃាត់មិនឱ្យនាំត្រីចេញទៅលក់នៅក្រៅប្រទេសឡើយ នៅក្នុងស្ថានភាព​ដូច​សព្វថ្ងៃនេះ ដើម្បីរក្សាទុកសម្រាប់ផ្គត់ផ្គង់តម្រូវការរបស់ប្រជាពលរដ្ឋក្នុងប្រទេស។

ជាមួយគ្នានេះ សម្តេចតេជោនាយករដ្ឋមន្រ្តី ក៏បានចាត់ចែងរោងចក្រផលិត​មីក្នុង​ប្រ​ទេស ដើម្បីជួយផលិតមីជូនរាជរដ្ឋាភិបាល សម្រាប់ផ្គត់ផ្គង់ជូនប្រជាពលរដ្ឋ ដែល​ខ្វះខាតស្បៀងអាហារ និងបានត្រៀមរៀបចំឱ្យរោង​ចក្រផលិតទឹក​បរិសុទ្ធក្នុង​ប្រទេស ត្រៀមផលិតទឹកស្អាតដប ដើម្បីបម្រុងទុកសម្រាប់​ជួយផ្គត់ផ្គង់ដោះ​ស្រាយជូនប្រជា​ពលរដ្ឋ។ 

សម្តេចតេជោ ហ៊ុន សែន បានបញ្ជាក់យ៉ាងច្បាស់ថា ទោះបីយើង​មិនទំនើបដូចប្រទេស​គេ តែយើងមានវិធានការជាក់ស្តែង ច្បាស់លាស់ក្នុងការចាត់ចែងដោះស្រាយបញ្ហា គឺយើងអាចស្រោចស្រង់ដោះស្រាយជូនប្រជាពលរដ្ឋយើងបាន មិនឱ្យធ្លាក់​ទៅក្នុងការ​ភ័យខ្លាច បាត់បង់អស់ក្តីសង្ឃឹមក្នុងជីវិតឡើយ។

សម្តេច បានឲ្យដឹងលើទំព័រហ្វេសប៊ុកផ្លូវការទៀតថា កាលពីកន្លងទៅថ្មីៗនេះ សម្តេចតេ​ជោ ក៏បានបញ្ជាឲ្យផ្អាកមិនឱ្យនាំអង្ករ និងស្រូវចេញទៅក្រៅប្រទេស ហើយអនុញ្ញាត​ឱ្យនាំចេញតែអង្ករក្រអូបតែប៉ុណ្ណោះ ដើម្បីត្រៀមស្បៀងផ្គត់ផ្គង់ប្រជាពលរដ្ឋ ខណៈ​កម្ពុជា កំពុងប្រយុទ្ធប្រឆាំងនឹងជំងឺឆ្លងកូវីដ-១៩៕

The post សម្តេច​តេជោ ហ៊ុន សែន បញ្ជា​ឱ្យ​ផ្អាក​​​ការ​​នាំត្រី​ចេញ​ពីកម្ពុជា ទៅ​លក់​​នៅ​ក្រៅប្រទេស appeared first on .

រាជរដ្ឋាភិបាលថៃ តាមរយៈលោក ប្រាយុទ្ធ ចាន់អូចា ប្រកាសដាក់បម្រាមគោចរ​ទូទាំងប្រទេស ចូលជាធរមានចាប់ពីយប់ថ្ងៃទី ៣ ខែមេសាឆ្នាំ ២០២០តទៅ ដែលមានខ្លឹមសារដូចខាងក្រោម៖

១. ហាមមិនឲ្យប្រជាជនទូទាំងប្រទេសចេញក្រៅផ្ទះ ចាប់ពីម៉ោង ១០:០០ យប់ដល់​ម៉ោង ៤:០០ ព្រឹក លើកលែងតែមានការចាំបាច់ ឬអ្នកបំពេញ​ការងារផ្នែកវេជ្ជសាស្រ្ត ធនាគារ ដឹកជញ្ជូនសម្ភារៈ គ្រឿងឧបភោគបរិភោគ ផលិតផលកសិកម្ម ថ្នាំពេទ្យ បរិក្ខាពេទ្យ កាសែត ប្រេងឥន្ទនៈ ទំនិញនាំចេញនាំចូល ការដឹកជញ្ជូន​មនុស្សទៅដាក់​នៅដោយឡែក ការចេញចូលធ្វើការដូរវេនយប់ ឬការធ្វើដំណើរទៅព្រលានយន្តហោះ ត្រូវមានលិខិតធានាភាពចាំបាច់ក្នុងការធ្វើដំណើរ និង​​ឯកសារបញ្ជាក់ទំនិញទាំងនោះ។ ជនណាដែលល្មើសនឹងបម្រាមខាងលើ ត្រូវជាប់ពន្ធនាគាររហូតដល់ ២ឆ្នាំ ឬពិន័យ​ប្រមាណ ១២៥០ដុល្លារ ឬត្រូវពិន័យ និងជាប់ពន្ធនាគារ។

២. ក្នុងករណីសេចក្តីប្រកាស ឬបទបញ្ជាកន្លងមក ដែលមានខ្លឹមសារដូចក្នុងចំណុចទី១ នៅតាមខេត្ត តំបន់ ឬទីកន្លែងផ្សេងទៀត ត្រូវបន្តអនុវត្តដដែល។

៣. ក្នុងករណីអ្នកដំណើរមិនអាចចេញពីប្រទេសថៃបាន ចាត់ឲ្យគណៈកម្មការកូវីដខេត្ត ក្រុង ចាត់ចែងគ្រប់គ្រងអ្នកទាំងនោះ ដើម្បីការពារការរាតត្បាតជំងឺតាមលក្ខខណ្ឌ និងពេលវេលាដែលបានកំណត់។

ស្ថានទូតខ្មែរប្រចាំប្រទេសថៃ ជំរុញឲ្យពលករខ្មែរនៅថៃ ចូលរួមសហការជាមួយអា​ជ្ញាធរថៃ ក្នុងការអនុវត្តតាមសេចក្តីប្រកាសបម្រាមគោចរនេះ ឲ្យបានខ្ជាប់ខ្ជួន ដើម្បីទប់ស្កាត់ការរាលដាលនៃជំងឺកូវីដ១៩។

ក្នុងករណីពលករខ្មែរនៅប្រទេសថៃមានបញ្ហា អាចទំនាក់ទំនងទៅកាន់ស្ថានទូតកម្ពុជា ប្រចាំប្រទេសថៃតាមរយៈហ្វេសប៊ុកផេក ឬលេខទូរស័ព្ទ ០៩២ ៨០៥០ ៥៦១ និងលេខ ០៩៤ ០៩២៥៩០៥៕

The post រាជរដ្ឋាភិបាល​ថៃ ប្រកាស​ដាក់​បម្រាម​គោចរ​ទូទាំងប្រទេស ចាប់ពី​យប់​ថ្ងៃទី ៣​មេសា​តទៅ appeared first on .

នៅក្នុងព្រះរា​ជ​សារ​​របស់​ព្រះ​ករុណាព្រះបាទសម្ដេចព្រះបរមនាថ នរោត្ដម សីហមុនី ព្រះ​ម​ហា​ក្សត្រនៃ​ព្រះរា​ជា​ណា​​ច​ក្រ​កម្ពុជា ចុះថ្ងៃទី៣១ ខែមីនា ឆ្នាំ២០២០ ផ្ញើជូនជន​រួមជាតិ ព្រះ​អង្គ​​បានគូសបញ្ជាក់ថា « ទូល​ព្រះ​​បង្គំ ខ្ញុំព្រះករុណាខ្ញុំ និង សម្ដេចព្រះ​មហាក្សត្រី ព្រះវរ រាជ​មាតា​ជាតិខ្មែរ ជាទីគោរព​ស​ក្ការៈ​ដ៏​ខ្ពង់ខ្ពស់បំផុត សូមព្រះ​អនុញ្ញាត និងអនុញ្ញាតពី​សម្ដេច ព្រះ​ម​ហា​សង្ឃរាជទាំងពីរគណៈ និង​ព្រះថេរា​នុត្ថេរៈគ្រប់ព្រះង្គ សម្ដេច ឯកឧត្ដម លោកជំទាវ អ​ស់​លោ​ក លោកស្រី លោកតា លោ​កយាយ មាមីង បងប្អូន ក្មួយៗ ជនរួមជាតិទាំងអស់ អវត្ត មាន​ពី​មាតុប្រទេស ចាប់ពី​ថ្ងៃ​ទី​០១​ ខែមេសា ឆ្នាំ២០២០តទៅ ធ្វើដំណើរទៅទីក្រុងប៉េកាំង នៃសាធារ​ណ​រដ្ឋប្រជា​មានិតចិន ដើ​ម្បី​ពិនិត្យ-ព្យាបាលព្រះរាជសុខភាព។

នៅក្នុងឱកាស​អវត្ត​មាន​រប​ស់​ទូ​លព្រះបង្គំ ខ្ញុំព្រះករុណាខ្ញុំ​ ខាងលើនេះ សម្ដេច​វិបុលសេនាភក្ដី សាយ ឈុំ ប្រធាន​ព្រឹ​ទ្ធ​ស​ភា​ នឹងទទួល​ជួយទូល​ព្រះ​បង្គំ​ ខ្ញុំព្រះករុណាខ្ញុំ ក្នុងឋានៈជាប្រមុខរដ្ឋស្ដីទី នៃព្រះរាជា ណាចក្រ​ក​ម្ពុ​ជា»។

ព្រះរាជដំណើរយាងជាទៀងទាត់រៀងរាល់៦ខែម្ដង របស់ព្រះ​ករុ​ណាព្រះបាទ​សម្ដេច​ព្រះបរមនាថ នរោត្ដម សីហមុនី ព្រះមហាក្សត្រនៃ​ព្រះរាជា​ណា​​ចក្រ​ក​ម្ពុ​​​ជា និងសម្ដេច​ព្រះមហាក្សត្រី នរោត្ដម មុនិនាថ សីហនុ ព្រះវររាជមាតាជាតិខ្មែរ ក្នុង​សេ​រី​ភា​ព​ សេចក្ដី​ថ្លៃថ្នូរ និងសុភមង្គល ទៅកាន់រដ្ឋធានីប៉េកាំង នៃសាធារណរដ្ឋ​ប្រជា​មា​និ​​តចិន ដើ​ម្បី​ពិ​និ​​ត្យ-ព្យាបាលព្រះរាជសុខភាព៕

The post ព្រះមហា​ក្សត្រ យាង​ចេញ​ទៅ​ពិនិត្យ និង​​ព្យាបាល​ព្រះ​​រាជសុខ​ភាព នៅ​​ប្រ​ទេស​ចិន​នៅ​ថ្ងៃនេះ appeared first on .

ករណីអ្នកជាសះស្បើយ០២នាក់ គឺស្ថិតនៅខេត្តកែប មានបុរសជនជាតិខ្មែរអាយុ៣០ (កាន់សាសនាឥស្លាម និងមានទីលំនៅនៅខេត្តកំពត) ដែលបានវិលត្រឡប់មកពី​ចូលរួមពិធីសាសនានៅប្រទេសម៉ាឡេស៊ី និងបុរសជនជាតិម៉ាឡេស៊ី អាយុ៦១ឆ្នាំ មកពីប្រទេសម៉ាឡេស៊ី បានជាសះស្បើយ ដោយទទួលបានលទ្ធផល​តេស្តអវិជ្ជមាន​កូវីដ១៩ចំនួន ០២លើក ត្រូវបានអនុញ្ញាតឲ្យចេញពីមន្ទីរពេទ្យខេត្តកែប។

គិតចាប់ពីខែមករា រហូតដល់ថ្ងៃទី៣១ ខែមីនា ឆ្នាំ២០២០ សំណាកដែលត្រូវ​បានយកទៅធ្វើការវិភាគសរុបទូទាំងប្រទេស មានចំនួន ៥.៧៦៨ករណី៕

The post អបអរសាទរ៖ កម្ពុជា អត់មានអ្នក​ឆ្លងកូវីដ១៩ថ្មីទេ មានតែអ្នក​ជាសះ​ស្បើយ២នាក់បន្ថែមទៀត appeared first on .

ក្នុងពិធីប្រគល់ និងទទួលថ្នាំបាញ់ចំនួន២០ធុង និង​ឧបករណ៍៤០គ្រឿង សម្រាប់បាញ់​សម្លាប់មេរោគលើយន្តហោះ ជូនរដ្ឋលេខាធិការដ្ឋាន​អាកាសចរណ៍ស៊ីវិលនេះ ឯកឧត្ដម​នា​យឧត្តមសេនីយ៍ ម៉ៅ ហាវណ្ណាល់ រដ្ឋលេខាធិការដ្ឋានអាកាស​ចរណ៍ស៊ីវិល​បានមាន​ប្រសាសន៍ថា ថ្នាំបាញ់ចំនួន២០ធុង និងឧបករណ៍៤០គ្រឿង គឺពិតជា​មានសារៈ​សំខាន់​ណាស់ សម្រាប់បាញ់លើយន្តហោះពិសេស ( VVIP Flight) ជាព្រះ​ទីនាំងនៃ ព្រះ​ករុណា​ ព្រះ​បាទ​ សម្ដេច​ព្រះ​បរម​នាថ​ នរោត្តម​សីហមុនី​ ព្រះ​មហាក្សត្រ​នៃ​ព្រះ​រាជាណា​ចក្រ​កម្ពុជា​ និង​សម្ដេច​ព្រះ​មហាក្សត្រី​ នរោត្តម​ មុនិនាថ​ សីហនុ​ ព្រះ​វររាជ​មា​តា​ជាតិ​ខ្មែរ សម្តេច​អគ្គមហាសេនាបតីតេជោ ហ៊ុន សែន នាយក​រដ្ឋមន្ត្រីនៃ​ព្រះរាជាណាចក្រកម្ពុជា និង​ថ្នាក់ដឹកនាំកំពូលៗនៃរាជរដ្ឋាភិបាលកម្ពុជា សម្រាប់​បាញ់លើ​ក្រុមហ៊ុនអាកាស​ចរណ៍កម្ពុជា ​ដែលត្រូវការ​ចាំបាច់។

ជាមួយគ្នានេះ ឯកឧត្ដម បានថ្លែងអំណរគុណដល់ ឯកឧត្តម Wang Wentian ឯកអគ្គរដ្ឋទូតវិសាមញ្ញ និងពេញសមត្ថភាពនៃសាធារណរដ្ឋប្រជា​មានិត​ចិន ប្រចាំព្រះរាជាណាចក្រកម្ពុជា ដែលបានផ្តល់នូវឧបករណ៍ សម្ភារ និង ថ្នាំសម្លាប់​មេរោគនេះ ។

ឯកឧត្ដម បានគូសបញ្ជាក់ថា នេះជានិមិត្តរូបនៃកិច្ចសហប្រតិបត្តិការគ្រប់វិស័យ ក្រោមពាក្យស្លោក «មិត្តភាពដែកថែប កម្ពុជា-ចិន» ដើម្បីទប់ស្កាត់ និងការពារ​ការរីរាលដាល​​មេរោគCOVID-19។ ឯកឧត្ដមបានលើកឡើងថា ការទប់​ស្កាត់មេ​រោគCOVID-19នេះ រដ្ឋ​លេខា​ធិការដ្ឋានអាកាសចរណ៍ស៊ីវិល កំពុងអនុវត្តន៍នូវវិធានការ វាស់កំដៅយ៉ាងតឹងរឹង​គ្រប់មន្ត្រីថ្នាក់​ដឹក​នាំ និងភ្ញៀវជាតិ អន្តរជាតិ ទាំងអស់ពេល​ចូលបំពេញការងារ និងបានបាញ់ថ្នាំ​សម្លាប់​មេរោគ ក្នុងបរិវេណ អគារធ្វើការ និងគ្រប់​នាយកដ្ឋាន ព្រមទាំងការិយាល័យធ្វើការទាំងអស់ ក្នុងគោលបំណងទប់ស្កាត់ និងការ​ពារការរាលដាលមេរោគCOVID-19 ដែលជាសត្រូវមើល​មិនឃើញ។

ទន្ទឹមនឹងនេះ ចំពោះមន្ត្រីដែលបញ្ចប់បេសកម្មក្រៅប្រទេស ពេលមក​ដល់​កម្ពុជាវិញ នឹង​តម្រូវឱ្យនៅដាច់ដោយឡែក ដោយស្នាក់នៅផ្ទះចំនួន១៤ ថ្ងៃសិនមុនចាប់ផ្តើមធ្វើការ។

សូមបញ្ជាក់ថា ការផ្តល់សម្ភាររបស់ស្ថានទូតចិនជូនដល់រដ្ឋ​លេខា​ធិការដ្ឋាន​អា​កាសចរ​ណ៍ស៊ីវិលនេះ គឺជាការឆ្លើយតបតាម​ការសន្យារបស់ លោកស្រី Zuo Wenxing អនុ​ប្រធានស្ថានបេសកកម្ម និងជាទីប្រឹក្សា នយោបាយ  ប្រចាំស្ថានទូតចិននៅកម្ពុជា ដែលបានសន្យាផ្តល់ នូវឧបករណ៍ សម្ភារ និងថ្នាំសម្លាប់មេរោគ ក្នុងឱកាស​ជំនួប​ពិភាក្សារការងារជាមួយ ឯកឧត្ដម នាយឧត្តមសេនីយ៍ ម៉ៅ ហាវណ្ណាល់ កាល​ពីថ្ងៃទី ១១ ខែមីនា ឆ្នាំ២០២០ កន្លងទៅ៕

The post ស្ថានទូតចិ​ន ​ប្រគ​ល់​ថ្នាំបាញ់​ស​ម្លាប់​​មេរោគ​លើ​យន្តហោះ​កម្ពុជា appeared first on .