ក្នុងឪកាសនោះ ភរិយារបស់ឧកញ៉ា សេង ញ៉ក់ លោកស្រី លី អាផណ ព្រមទាំងឧកញ៉ាវ័យក្មេង លី ឆូកឆៃ អគ្គនាយកស្ថានីយ៍ទូរទស្សន៍ PNN ជាកូនបង្កើតអ្នកឧកញ៉ា លី យ៉ុងផាត់ ក៏បានអញ្ជើញចូលរួមផងដែរ។

PNN គឺជា​ស្ថានីយ៍ទូរទស្សន៍ក្នុងស្រុកមួយ​ដែល​បោះទុន​វិនិយោគ​ដោយ​អ្នក​ឧកញ៉ា លី យ៉ុង​ផាត់ ក្នុង​ទំហំ​ទឹកប្រាក់​សរុប​ប្រមាណ​ជា៤០លានដុល្លារ​អាមេរិក បើកដំណើការកាលពីខែមេសា ឆ្នាំ២០១៥។

ដើមឡើយ មេដឹកនាំ​ទូ​ទស្សន៍ ​PNN ត្រូវបាន​គេ​ដឹងថា មាន​លោក ​Glen Felgate ជាអគ្គនាយក​ស្ថានីយទូរទស្សន៍​PNN។ លោកធ្លាប់មាន​ប្រវត្តិ​គ្រប់គ្រង​ទូរទស្សន៍ CTN និង​ក្រុមហ៊ុន​ព័ត៌មាន​នៅ​ប្រ​ទស​មី​យ៉ាន់​ម៉ា។ ក្នុងនោះក៏មាន ជនជាតិ​ថៃ លោក SupitRattichunhachot ក្នុង​តំណែង​ជា​អគ្គនាយករង​ទទួលបន្ទុក​ផ្នែក​ផលិតកម្ម​វិធី, លោក សោម ឆា​យ៉ា ដែល​ធ្លាប់​កាន់កាប់​ទូរទស្សន៍ CTN ដែរនោះ ត្រូវបានតែងតាំង​ជា​អគ្គនាយករង PNN ទទួលបន្ទុក​ផ្នែក​ព័ត៌មាន។ លោក ប៉ែន បូ​ណា អតីត​និពន្ធ​នាយក​វិទ្យុ​បារាំង​អន្តរជាតិ ត្រូវបានតែងតាំង​ជា​និពន្ធ​នាយក​ព័ត៌មាន​នៃ PNN។

ក្រៅពី​មេដឹកនាំធំៗនៃ PNN អំឡុងកាលណោះ ការចាប់ផ្តើមស្ថានីយ៍ទូរទស្សន៍មួយនេះ ក៏ធ្វើឲ្យរង្គោះរង្គើផ្អើលដល់វិស័យសារព័ត៌មាន ស្របពេលដែលអ្នកកាសែត​របស់​PNNសុទ្ធតែ​មានបទពិសោធន៍​ព័ត៌មានខ្ពស់ ដែលសុទ្ធតែចាក់មក​ពី​វិទ្យុ​អាស៊ីសេរី, ពី​ទូរទស្សន៍​ហង្ស​មាស, ពី​ទូរទស្សន៍ CNC, ពីគេហទំព័រសប្បាយ ពី​វិទ្យុ​ស្ត្រី ១០២។ល។

មាន​ទីតាំង​ក្នុង​ខណ្ឌ​ជ្រោយចង្វា ជាយ​រាជធានី​ភ្នំពេញ​ស្ទី​ឌី​យោ​របស់​ទូរទស្សន៍ PNN ​ត្រូវបាន​សាងសង់ឡើង​ដោយ​ចំណាយ​ទឹកប្រាក់​អស់​ជាង១០លាន​ដុល្លារ​អាមេរិក​ហើយ១០លាន​ដុល្លារ​អាមេរិក​ផ្សេងទៀត ត្រូវបាន​ចំណាយ​លើ​ផ្នែក​បច្ចេកទេស៕

The post កូនប្រសារអ្នកឧកញ៉ា លី យ៉ុងផាត់ និមន្តព្រះសង្ឃប្រោសព្រំលើករាសីរីជូនបុគ្គលិក appeared first on .

PNN បានបោះទុនទឹកប្រាក់ប្រមាណជាង១០លានដុល្លារហើយ ដែលសរុបរយៈពេល៦ឆ្នាំ លើការជំរុញ និងលើកស្ទួយផលិតភាពភាពយន្តខ្មែរតាមរយៈផលិតកម្មក្នុងស្រុកនានា។

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ប្រធានផ្នែកគ្រប់គ្រងការចាក់ផ្សាយនៃស្ថានីយ៍ទូរទស្សន៍ PNN កញ្ញា ទូច បុប្ផា បានឲ្យដឹងថា ផលិតកម្មក្នុងស្រុកដែលបានចូលរួមចាប់ដៃគូរសហការជាមួយស្ថានីយ៍ភីអិនអិន ក្នុងការលើកស្ទួយភាពយន្តខ្មែរមានដូចជា ផលិតកម្មរបស់អ្នកនិពន្ធ និងដឹកនាំរឿងជើងចាស់ អ្នកស្រី ពាន់ ភួងបុផ្ផា ផលិតកម្ម LD ផលិតកម្ម PR ផលិតកម្ម ភូមិពេជ្រ និង ផលិតកម្ម Ad Creator ជាដើម។

កញ្ញាបន្តថា “ការដែល ភីអិនអិន ហ៊ានចំណាយទុនច្រើនសន្ធឹកលើវិស័យភាពយន្ត គឺដោយសារភីអិនអិនបានមើលឃើញថា ចង់ឲ្យរឿងខ្មែរមានគុណភាពល្អកត្តាចម្បង គឺទុនផលិត។ បើយើងក្រឡេកមើលទុនផលិតរបស់ផលិតករខ្មែរពីមុន បើប្រៀបធៀបគឺតិចតួចមែនទែន ធ្វើឲ្យពិបាកក្នុងការធ្វើឲ្យភាពយន្តមួយភាពមានគុណភាព ដូច្នេះហើយយើងចាប់ផលិត ផ្តល់នូវតម្លៃផលិតមួយ ដែលទ្វេរមួយជាពីរ ឬបី ទៅលើទុនផលិតជាក់ស្តែងនៅលើទីផ្សារនៅឆ្នាំ២០១៥។”

បើតាមកញ្ញា ១ឆ្នាំ២ឆ្នាំចុងក្រោយនេះ សន្ទុះការគាំទ្ររឿងខ្មែរឡើងខ្លាំង បើគិតពី rating កាលពីមុន បើទោះបីរឿងខ្មែរល្អប៉ុណ្ណាគឺបានត្រឹម 7.0 ប៉ុន្តែបច្ចុប្បន្ន មានអ្នកគាំទ្រច្រើនរហូតឡើងដល់ 9.0 ឬ 10.0។ បើប្រៀបធៀបទៅរឿងខ្មែរគេគាំទ្រច្រើនជាងរឿងបរទេស ខណៈពីមុនគេគាំទ្ររឿងបរទេសច្រើនជាងរឿងខ្មែរ។

កញ្ញាបន្តថា ជាការពិតការផលិតភាពយន្តគឺដើម្បីទាក់ទាញពាណិជ្ជកម្មក្នុងការរកប្រាក់ចំនេញ ប៉ុន្តែយើងក៏មានគោលការណ៍ចម្បងក្នុងការផលិតនូវភាពយន្តដែលលើកកម្ពស់ទស្សនវិស័យវិជ្ជមាននៅក្នុងសង្គម ការផ្សារភ្ជាប់ទំនាក់ទំនងរវាងសហគមន៍ សោភណ្ឌភាពនៃតំបន់ទេសចរណ៍ក្នុងស្រុក។ ដូច្នេះអ្នកទស្សនា នឹងទទួលបាននូវការកម្សាន្ត ការអប់រំរួមជាមួយភាពវិជ្ជមានសម្រាប់ជាការលើកទឹកចិត្ត។

នេះជាភាពវិជ្ជមានមួយសម្រាប់ភាពយន្តខ្មែរ ការដែលមានការគាំទ្ររឿងខ្មែរច្រើនជាងរឿងបរទេស ហើយការគាំទ្រនេះគឺដោយសារគុណភាពការផលិតល្អច្រើនជាងមុន សាច់រឿងល្អជាងមុន មានតួស្រស់ស្អាតសង្ហា ភាពប៉ិនប្រសប់ ទេពកោសល្យរបស់តួ បូករួមបច្ចេកទេសទំនើប។

គិតត្រឹមឆ្នាំ២០២១នេះ ភីអិនអិន ផលិតរឿងភាគបានជាង៥០រឿងហើយ ប្រមាណ២ពាន់ម៉ោង។ ឆ្នាំ២០២១ ភីអិនអិន បានត្រៀមជាង១០រឿងសម្រាប់ការចាក់ផ្សាយ ៥ទៅ៦រឿងបាននឹងកំពុងចាក់ផ្សាយ។ ចំណែកឆ្នាំ២០២២ ភីអិនអិន ក៏បានត្រៀមជាង១០រឿងទៀត ដើម្បីបំពេញតម្រូវការទស្សនិកជន អ្នកគាំទ្រផងដែរ។ 

សូមជម្រាបជូនថា ស្ថានីយ៍ទូរទស្សន៍ PNN គឺជាក្រុមហ៊ុនបុត្តសម្ព័ន្ធនៃក្រុមហ៊ុនមេ អិល. វ៉ាយ. ភី គ្រុប របស់អ្នកឧកញ៉ា លី យ៉ុងផាត់ ដែលបានឈរជើងក្នុងពិភពជំនួញនៅកម្ពុជាជាង៣០ឆ្នាំមកហើយ ខណៈក្រុមហ៊ុនរបស់មហាសេដ្ឋីកំពូលលំដាប់ប្រទេសមួយនេះបានវិវឌ្ឍន៍ខ្លួនយ៉ាងលឿងជាទីបំផុត៕

The post ស្ថានីយ៍ទូរទស្សន៍ PNN វិនិយោគទឹកប្រាក់ ១០លានដុល្លារ ក្នុងការលើកស្ទួយផលិតភាពយន្តខ្មែរ appeared first on .

នៅព្រឹកម៉ោង១០ស្អែកនេះប្រិយមិត្តអ្នកស្នេហាកុនខ្មែរផលិតករ អ្នកដឹកនាំរឿង អ្នក​ឧបត្ថម្ភ​ដែល​មាន​បំណង​ចោទសួរកញ្ញាអំពីរឿងភាគអ្នកទីបីនេះអាច ខលមកកាន់ស្ថានីយ៍វិទ្យុ១០២FM​ដើម្បី​ឆ្លើយ​ឆ្លង​បានចម្លើយភ្លាមៗ។ លោកជំទាវ ជា ស៊ុនដាណែត នាយិកា​គ្រប់​គ្រង​វិទ្យុអែហ្វអឹម​១០២​បាន​មានប្រសាសន៍ថា «ដោយសារតែPNN មានកុនខ្មែរគ្រាន់បើមើលហើយ ទើបខ្ញុំរាល់ថ្ងៃ មើល​តែPNN ទេ និយាយពិត!PNN ជ្រើសរើសដៃគូសហការ តាម ខ្ញុំដឹង មិនមែនចេះតែទទួលទេ ដូច្នេះ​ខ្ញុំ​គិត​ថា​នេះជារឿងអប់រំសង្គម អប់រំស្ត្រី!» អ្នកនិពន្ធម៉ីសនសុធារីឱ្យដឹងយ៉ាងខ្លីថា «នេះ​ជា​ការ​ឃោសនា​​មួយ​ដើម្បីជួយដល់ភាពយន្តភាគខ្មែរ ក៏ជាគោលការណ៍ចម្បងរបស់ម៉ីសន​សុធារី​ហ្វេនក្លឹប​MST គ្រប់​គ្នាចង់ឃើញសង្គមយើងពោរពេញទៅដោយការជ្រោមជ្រែង និងលើកកម្ពស់​សិល្បៈ​មួយ​ប្រភេទ​ដែលនៅត្រដាបត្រដួសនៅឡើយ»។ ភាពយន្តភាគរឿង អ្នកទីបី បានបង្ហាញ​អំពី​ល្បិច​ល្បង​ល្បួង​ស្នេហ៍បោកបញ្ឆោតបំផ្លាញអនាគតនារីវ័យក្មេង និងការប្រើអន្ទាក់លាភសក្ការៈលុយកាក់ គំនិត​ភ្លើត​ភ្លើន​សម្ភារៈនិយមចង់ឈ្នះចាញ់ ដែលសុទ្ធសឹងជាពុទ្ធិដ៏មានតម្លៃ​សម្រាប់​ព្រមានឱ្យមាន​ការ​គ្រប់គ្រង​ខ្លួនឯងឡើងវិញ ក្នុងចំណោមបុរសនិងនារី ខណៈបញ្ហាស្នេហាត្រីកោណ​និង​ការ​បណ្តាក់​ទុនរឿងបេះដូង ប្តូរយកឱកាស ឋានៈលុយកាក់ នៅតែពុះ​កញ្ជ្រោល​ក្នុងសង្គម​ខ្មែរ​បច្ចុប្បន្ន។ ​

ភាពយន្ត​ភាគ រឿងអ្នកទីបី ដឹកនាំផលិតដោយលោក លៀក លីណានៃផលិតកម្ម LD និង​មាន​អ្នក​និពន្ធ ឆាយ សុមាលី អ្នកដឹកនាំរឿងពីររូប គឺលោក មង្គល និង លោកស៊ីណាន ដែលភីអិនអិន នឹង​ចាប់​ផ្តើម​ចាក់ផ្សាយភាគដំបូង ថ្ងៃសុក្រទី០៣ ខែកក្កដា ឆ្នាំ​២០២០​នេះ​តទៅ ពីថ្ងៃចន្ទ ដល់សុក្រ នៅ​វេលា​ម៉ោង​៨ដល់ម៉ោង៩យប់។

The post ស្អែកនេះភីអិនអិនទទួលសំណួរប្រិយមិត្តអំពីកុនខ្មែរតាមវិទ្យុ​អែហ្វអឹម​១០២ appeared first on .

ក្នុង​ខ្សែភាពយន្ត​ខាង​លើ​លោក ភុល សុវណ្ណដានីន ត្រូវ​បាន​ផលិតកម្ម LD Picture ជ្រើសរើស​ឲ្យ​ដើរ​ តួអង្គ​ព្រាននារី​។ រឿង « អ្នកទី ៣ » ជា​ប្រភេទ​ខ្សែភាពយន្ត​ភាគ​ និយាយ​ពី ជីវិត​ពិត​ដ៏​ល្អ​ពិសេស ក្នុង​អត្ថន័យ​លើក​កម្ពស់​សីលធម៌​រស់​នៅ កែលំអ​ផ្នត់​គំនិត​និង​ផ្លាស់​ប្ដូរ​ទស្សនៈ​អំពី​ស្នេហា​ មនោ​សញ្ចេតនា​ ក្នុង​ចំណោម​យុវនារី​នា​ពេល​បច្ចុប្បន្ន។​

លោក​ ភុល សុវណ្ណដានីន ដើរ​តួ គឺ​ជា ចាងហ្វាង​​ផលិតកម្ម ជា​អ្នក​មាន​ទ្រព្យ ជា​មនុស្ស​មាន​ស្រី​ច្រើន។លោក​បាន​​ថ្លែង​ថា រឿង​ក្នុង​សាច់​រឿង មិន​សុខ​ពី​ជីវិត​ពិត​ឡើយ មាន​លុយ​គឺ ជា​ពិត​ជា​​ងាយ​ស្រួល ចង់​មាន​ស្រី ចង់​សប្បាយ វា​មិន​មែន​ជា​បញ្ហា​ឡើយ ប៉ុន្តែ​ការ​សប្បាយ ​ប្រសិន​មិន​ចេះ​គិត​ត្រឹម​ត្រូវ នឹង​នាំ​ឲ្យ វិនាស​ដល់​ក្រុម​គ្រួសារ​ជាក់​ជា​មិន​ខាន។

តាម​រយ​​សាច់​រឿង​នេះ ដាលីន​ថា បាន​អប់រំ​ឲ្យ​បុរស​ទាំង​អស់ ​ត្រូវ​ចេះ​បែង​ចែក​ភាព​សប្បាយ​របស់​ខ្លួន​ឲ្យ​បាន​ត្រឹម​ត្រូវ ជា​មួយ​ក្រុម​គ្រួសារ ជា​មួយ ស្រី​ខាង​ក្រៅ។ ប្រសិន​បើ​​​ជ្រុល​ជា​មាន​ស្រី ត្រូវ​លៃ​យ៉ាង​​ណា​កុំ​ឲ្យ​​ជាប់​​ដៃ​ជាប់​ជើង កុំ​ទៅ​បំផ្លាញ​អនាគត​គេ ហាម​ផ្ដាច់​មិន​ត្រូវ​បោះ​បង់​ចោល​ប្រពន្ធ​កូន​ឡើយ។

តារា​ប្រុស​ដែល​មាន​​ងារ​ជា ប៉ូលិស​រូប​នេះ​បាន​​សង្កត់​ធន់​ថា ការ​បែក​បាក់​គ្រួសារ មិន​មែន​ជា​រឿង​​ងាយ​ស្រួល​ឡើយ ច្បាស់​ណាស់​គ្រួសារ​មិន​មាន​សុភមង្គល​នោះ​ទេ វា​នឹង​ប៉ះពាល់​ដល់​អារម្មណ៍​កូនៗ​ខ្វះ​ភាព​លក់​ក្ដៅ ដូច​នេះ​បុរស​ទាំង​អស់​ត្រូវ​គិត មុន​សម្រេចចិត្ត​លួច​ទៅ មាន​ស្រី ក្បត់​ប្រពន្ធ​កូន​នោះ។

ខ្សែភាពយន្ត​រឿង « អ្នកទី៣ » ​មាន​ទាំង​អស់​ចំនួន​៤០​ភាគ ភាពយន្ត​មួយ​នេះ ប្រជុំ​ទៅ​ដោយ​តារា​ល្បីៗ​ជា​ច្រើន​​​រួម​មាន ​កញ្ញា. ស៊ឹម ស្រីមុំ លោក. លឹម ជាឡាយ លោក ភុល សុវណ្ណដានី កញ្ញា. សាយ ចាន់រាសី កញ្ញា. សួង ស៊ីធឿន ព្រម​ទាំង សិល្បករ​សិលក្បៈ​ការិនី​ជា​ច្រើន​រូប​ទៀត។

កញ្ញា ទូច បុប្ផា​អ្នក​គ្រប់គ្រង​កម្មវិធី​ផ្សាយ​របស់​ទូរទស្សន៍​ភីអិនអិន នឹង​​ជា​អ្នក​ដែលចូលរួម​យ៉ាង​សកម្ម​ក្នុង​ការ​លើក​កម្ពស់​ទីផ្សារ​ភាពយន្តខ្មែរនៅកម្ពុជាបានឱ្យដឹងថា នេះជារឿងភាគ​ដែល​សរសេរ​ចេញ​ពី​ជីវិត​ពិត​ក្នុងសង្គមជាក់ស្តែង​ ក៏ជារឿងដំបូង​ដែលវាយលុកចំៗ​ទៅនឹងផ្នត់គំនិត​របស់​យុវវ័យ​ភ្លើតភ្លើន​មួយ​ចំនួន​ឱ្យមើល​ឃើញច្បាស់អំពី​ លទ្ធផល​នៃការ​ធ្វេសប្រហែស មាក់ងាយ​ស្ថានការណ៍​និងការ​ទុកចិត្ត​ខ្លួនជ្រុលពេក ជាហេតុបណ្តាលឱ្យអំពើអនាចារ្ស​នានាមក​រួមរឹតជីវិត​បាន បង្ក​ជា​កំហុស​ពិបាក​បកក្រោយ​។កញ្ញា​បន្ថែម​ថា ភាពយន្តភាគ រឿង​ «អ្នកទីបី»ក្រៅតែពី​លាតត្រដាង​អំពី​ ស្ថានភាពផុយស្រួយនៃ​តួនាទីនិងកិត្តិនាម​ក្នុងវិស័យ​សិល្បៈទំនើប ថែមទាំងបង្ហាញ​អំពី​ចរិត​លក្ខណៈនៃបុគ្គល​(តួអង្គ)ម្នាក់ៗ​ដែលនឹង​ធ្វើឱ្យជីវិត​ខ្លួន​ត្រូវលិចលង់ ឬ​ថ្កុំថ្កើងបាន ព្រោះ​តែការ​ជ្រើសរើស​គោលដៅជីវិតរៀងៗខ្លួន។

តាម​ការ​បញ្ជាក់​ពី ​អ្នក​គ្រប់គ្រង​កម្មវិធី​ផ្សាយ ខ្សែភាពយន្ត​ភាគ​រឿង «អ្នកទីបី»​នេះ ដែល​គ្រោង​នឹង​ចាក់​បញ្ចាំង​លើ​កញ្ចក់​​ទូរទស្សន៍​ភីអិនអិន​​ដើម​ខែ កក្កដា ឆ្នាំ ២០២០ ខាង​មុខ​​នេះ​ហើយ៕

រូបថត៖ Art Ain

The post មួយ​រឿង​នេះ ភុល សុវណ្ណដានីន ស៊ី​តួ​ស្រី ​បាន​សម្រេច​ច្រើន​នាក់ appeared first on .

កម្មវិធី«ជជែក​តារា» នេះជាផ្នែកមួយនៃយុទ្ធការផ្សព្វផ្សាយ​សាចរឿងទូរទស្សន៍ចំនួន​៤០ភាគ​គត់​ដែលមាន​ចំណងជើងថា«អ្នកទីបី»។ តារាល្បីៗ​រួម​មាន ​កញ្ញា. ស៊ឹម ស្រីមុំ លោក. លឹម ជាឡាយ លោក ភុល សុវណ្ណដានី កញ្ញា. សាយ ចាន់រាសី កញ្ញា. សួង ស៊ីធឿននិងមានវត្តមាន​នៅក្នុងយុទ្ធនាការផ្សព្វផ្សាយនេះ។

មាន​តែអ្នកសារព័ត៌មាន​ដែលទទួលបានការអញ្ជើញប៉ុណ្ណោះ​ដែលនឹងចូលរួមជាមួយ​យុទ្ធនាការ​ដែល​មាន​ឈ្មោះថា «ជជែកតារា»ក្រោយប្រធានបទ ពី​«អារម្មណ៍ពិត មកជាការសម្តែង​ »។

កញ្ញា ទូច បុប្ផា​អ្នក​គ្រប់គ្រង​កម្មវិធី​ផ្សាយ​របស់ទូរទស្សន៍ភីអិនអិន​ក៏ជាអ្នកដែលចូលរួមយ៉ាងសកម្ម​ក្នុងការ​លើកកំពស់ទីផ្សារ​ភាពយន្តខ្មែរនៅកម្ពុជាបានឱ្យដឹងថា នេះជារឿងភាគ​ដែលសរសេរ​ចេញ​ពី​ជីវិតពិត​ក្នុងសង្គមជាក់ស្តែង​ ក៏ជារឿងដំបូង​ដែលវាយលុកចំៗ​ទៅនឹងផ្នត់គំនិត​របស់យុវវ័យ​ភ្លើតភ្លើន​មួយ​ចំនួន​ឱ្យមើលឃើញច្បាស់អំពី​ លទ្ធផល​នៃការ​ធ្វេសប្រហែស មាក់ងាយ​ស្ថានការណ៍​និងការ​ទុកចិត្ត​ខ្លួនជ្រុលពេក ជាហេតុបណ្តាលឱ្យអំពើអនាចារ្ស​នានាមក​រួមរឹតជីវិត​បាន បង្ក​ជា​កំហុស​ពិបាកបកក្រោយ​។

កញ្ញា​បន្ថែម​ថា ភាពយន្តភាគ រឿង​ «អ្នកទីបី»ក្រៅតែពី​លាតត្រដាងអំពី​ ស្ថានភាពផុយស្រួយនៃ​តួនាទីនិងកិត្តិនាម​ក្នុងវិស័យ​សិល្បៈទំនើប ថែមទាំងបង្ហាញ​អំពី​ចរិតលក្ខណៈនៃបុគ្គល​(តួអង្គ)ម្នាក់ៗ​ដែលនឹង​ធ្វើឱ្យជីវិត​ខ្លួន​ត្រូវលិចលង់ ឬ​ថ្កុំថ្កើងបាន ព្រោះ​តែការ​ជ្រើសរើសគោលដៅជីវិតរៀងៗខ្លួន។

កញ្ញា ស៊ឹម ស្រីមុំ តារាសម្តែង​ដ៏មាន​រូបឆោម​លោមពណ៌ត្រូវបាន​គេជ្រើសរើស​មកជាតួអង្គឯក​ក្នុង​ភាពយន្ត​ភាគដែលនឹងចាក់ផ្សាយចេញ​ក្នុងពេលឆាប់ៗខាងមុខ​នេះ។
​
នេះជា​សេណារីយោស្នាដៃ​របស់អ្នកនិពន្ធ ឆាយ​សុមាលី ដែលមាន​ទឹកដៃល្អ​និងល្បីឈ្មោះផ្នែក​ខ្សែ​រឿង​​ទូរទស្សន៍ជាច្រើនមកហើយនិងត្រូវបានដឹកនាំផលិតដោយលោក លៀក លីណា ដឹកនាំ​រឿង​ដោយលោក អៀ ស៊ីណានិងលោកមង្គល ។

The post តារាប្រុស​ស្រី​ល្បីៗ​និយាយ​លើ​តុកា​ហ្វេ​រឿង​«អ្នកទីបី»​ appeared first on .