យោងតាមការចុះផ្សាយពីសារព័ត៌មាន Bloomberg បានរាយការណ៍ថា ទ្រព្យសម្បត្តិរបស់មហាសេដ្ឋីវ័យ ៨១ឆ្នាំរូបនេះ បានកើនឡើងជាង ២០ពាន់លានដុល្លារ គិតចាប់ពីខែមេសាមក ដែលធ្វើឲ្យចំនួនទ្រព្យសម្បត្តិសរុបរបស់លោក ឈានដល់ចំនួនសរុបប្រមាណ ៣៦,២ពាន់លានដុល្លារ។

ជុំវិញកើនឡើងនៃចំនួនទ្រព្យសម្បត្តិរបស់លោក Pangestu ត្រូវបានជំរុញដោយការហក់ឡើងយ៉ាងខ្ពស់នៃភាគហ៊ុនរបស់ PT Barito Renewables Energy ដែលជាក្រុមហ៊ុនថាមពលកំដៅផែនដីធំបំផុតនៅក្នុងប្រទេស។ ក្រុមហ៊ុននេះ បានបង្កើតប្រាក់ចំណូលច្រើនជាងមួយភាគបីនៃទ្រព្យសម្បត្តិសរុបរបស់លោក Pangestu។

ជម្រាបជូនផងដែរថា លោក Pangestu គឺជាកូនប្រុសរបស់ពាណិជ្ជករកៅស៊ូម្នាក់ ដែលបង្កើតក្រុមហ៊ុន Barito Pacific ឡើងក្នុងឆ្នាំ១៩៧៩ ក្នុងនាមជាក្រុមហ៊ុនរកស៊ីលើអាជីវកម្មឈើ។ ចាប់តាំងពីពេលនោះមក ក្រុមហ៊ុននេះ បានរីកធំទៅក្លាយជាក្រុមហ៊ុនរកស៊ីលើវិស័យផ្សេងទៀត រួមមានគីមីឥន្ធន: ថាមពល អចលនទ្រព្យ និងឈើ ជាដើម៕​

The post អ្នកមានបំផុតឥណ្ឌូណេស៊ី កើបលុយជាង ២០ពាន់លានដុល្លារ ក្រោយភាគហ៊ុនក្រុមហ៊ុនហក់ឡើងខ្ពស់ appeared first on .

រយៈពេល ៥ខែដំបូង នៃឆ្នាំ២០២៤នេះ ទ្រព្យសម្បត្តិសរុបរបស់កំពូលមហាសេដ្ឋីមានបំផុត ៥រូបប្រចាំតំបន់អាស៊ី គឺមានការកើនឡើងខ្លាំង ពោលគឺមានចំនួនជាង ៣៧០ពាន់លានដុល្លារឯណោះ ខណៈក្នុងចំណោមបុគ្គលទាំង ៥រូបនោះ មានមហាសេដ្ឋីឥណ្ឌា ២រូប មហាសេដ្ឋីឥណ្ឌូណេស៊ីមួយរូប និងមហាសេដ្ឋីចិន ២រូប។

ដោយផ្អែកតាមទិន្នន័យទទួលបានពី Forbes ខាងក្រោមនេះគឺសុទ្ធសឹងតែជាបញ្ជីឈ្មោះ មហាសេដ្ឋីមានបំផុតនៅអាស៊ីទាំង ៥រូបគិតត្រឹមថ្ងៃទី១៧ ខែឧសភា ឆ្នាំ២០២៤ ៖

១. លោក Mukesh Ambani ប្រធានក្រុមហ៊ុន Reliance Industries មានទ្រព្យសម្បត្តិសរុបប្រមាណ ១១២,២ពាន់លានដុល្លារ

២. លោក Gautam Adani ស្ថាបនិកក្រុមហ៊ុនឧស្សាហកម្ម Adani Group មានទ្រព្យសម្បត្តិសរុបប្រមាណ ៨១,៧ពាន់លានដុល្លារ

៣. លោក Prajogo Pangestu ស្ថាបនិកក្រុមហ៊ុនថាមពល Barito Pacific មានទ្រព្យសម្បត្តិសរុបប្រមាណ ៧៤,៩ពាន់លានដុល្លារ

៤. លោក Zhong Shanshan ប្រធានក្រុមហ៊ុនផលិតភេសជ្ជៈ Nongfu Spring មានទ្រព្យសម្បត្តិសរុបប្រមាណ ៦៧,២ពាន់លានដុល្លារ

៥. លោក Colin Zheng Huang ស្ថាបនិកក្រុមហ៊ុនពាណិជ្ជកម្ម PDD Holdings មានទ្រព្យសម្បត្តិសរុបប្រមាណ ៥០,៥ពាន់លានដុល្លារ៕

The post មហាសេដ្ឋីឥណ្ឌា Mukesh Ambani នៅតែជាកំពូលអ្នកមានដាច់គេនៅអាស៊ី appeared first on .

យោងតាមការចុះផ្សាយពីសារព័ត៌មាន Bloomberg បានបង្ហាញថា បច្ចុប្បន្ន ទ្រព្យសម្បត្តិរបស់លោក Pangestu គឺមានប្រមាណ ២៥,៣ពាន់លានដុល្លារ ដោយបានរបូតតំណែង​ជាអ្នកមានដាច់គេនៅឥណ្ឌូណេស៊ី ទៅកាន់លោក Low Tuck Kwong ដែលមានទ្រព្យសម្បត្តិជិត ២៨ពាន់លានដុល្លារវិញ។

រំលឹកបន្តិចថា បើទោះជាមហាសេដ្ឋីម្នាក់នេះ របូតលុយអស់ ៤ពាន់លានដុល្លារក្នុងមួយថ្ងៃក៏ពិតមែន ប៉ុន្តែបើធៀបនឹងឆ្នាំទៅ លោកនៅតែមានផលចំណេញខ្ពស់ដដែល ដ្បិតកាលពីឆ្នា២០២៣ តម្លៃហ៊ុនរបស់ក្រុមហ៊ុន Barito Renewables កើនឡើងដល់ ៨៥០% និងធ្វើឲ្យលោកកើនទ្រព្យសម្បត្តិដល់ទៅ ២៦,៥ពាន់លានដុល្លារឯណោះ៕

The post មហាសេដ្ឋីឥណ្ឌូណេស៊ី ខាតលុយ ៤ពាន់លានដុល្លារក្នុងមួយថ្ងៃ appeared first on .

យោងតាមការចុះផ្សាយពីសារព័ត៌មាន Forbes បានបង្ហាញថា ទ្រព្យសម្បត្តិរបស់លោក Elon Musk មានការកើនឡើងជាង ១០០ពាន់លានដុល្លារ បន្ទាប់ពីតម្លៃហ៊ុនរបស់ក្រុមហ៊ុន Tesla មានការហក់ឡើងខ្លាំង។

ខាងក្រោមនេះគឺជាបញ្ជីឈ្មោះកំពូលអ្នកមានដាច់គេលើលោកទាំង១០រូប ដែលមានការកើនឡើងទ្រព្យសម្បត្តិច្រើនបំផុត គិតពីដើមឆ្នាំរហូតដល់ថ្ងៃទី១៥ ខែធ្នូ ឆ្នាំ២០២៣ ៖

1/ Elon Musk មានទ្រព្យសម្បត្តិសរុប ២៥៤,៩ពាន់លានដុល្លារ កើនឡើងប្រហែល ១០៨,៤ពាន់លានដុល្លារ ខណៈប្រភពចំណូលគឺក្រុមហ៊ុន Tesla និង SpaceX

2/ Mark Zuckerberg មានទ្រព្យសម្បត្តិសរុប ១១៨,៦ពាន់លានដុល្លារ កើនឡើងប្រហែល ៧៤,៨ពាន់លានដុល្លារ ខណៈប្រភពចំណូលគឺក្រុមហ៊ុន Facebook

3/ Jeff Bezos មានទ្រព្យសម្បត្តិសរុប ១៧២,៣ពាន់លានដុល្លារ កើនឡើងប្រហែល ៦៥ពាន់លានដុល្លារ ខណៈប្រភពចំណូលគឺក្រុមហ៊ុន Amazon

4/ Prajogo Pangestu មានទ្រព្យសម្បត្តិសរុប ៥២,៨ពាន់លានដុល្លារ កើនឡើងប្រហែល ៤៧,៩ពាន់លានដុល្លារ ខណៈប្រភពចំណូលគឺក្រុមហ៊ុននាំចេញកៅស៊ូ និងគីមីឥន្ធនៈ

5/ Larry Page មានទ្រព្យសម្បត្តិសរុប ១១១,៧ពាន់លានដុល្លារ កើនឡើងប្រហែល ៣៤,៤ពាន់លានដុល្លារ ខណៈប្រភពចំណូលគឺក្រុមហ៊ុន Google

6/ Amancio Ortega មានទ្រព្យសម្បត្តិសរុប ៩៧,៤ពាន់លានដុល្លារ កើនឡើងប្រហែល ៣៣,២ពាន់លានដុល្លារ ខណៈប្រភពចំណូលគឺក្រុមហ៊ុនលក់សម្លៀកបំពាក់ Zara

7/ Sergey Brin មានទ្រព្យសម្បត្តិសរុប ១០៧,៣ពាន់លានដុល្លារ កើនឡើងប្រហែល ៣៣ពាន់លានដុល្លារ ខណៈប្រភពចំណូលគឺក្រុមហ៊ុន Google

8/ Steve Ballmer មានទ្រព្យសម្បត្តិសរុប ១១០,៩ពាន់លានដុល្លារ កើនឡើងប្រហែល ៣២,៤ពាន់លានដុល្លារ ខណៈប្រភពចំណូលគឺក្រុមហ៊ុន Microsoft

9/ Laryy Ellison មានទ្រព្យសម្បត្តិសរុប ១៣៣,២ពាន់លានដុល្លារ កើនឡើងប្រហែល ៣០,៨ពាន់លានដុល្លារ ខណៈប្រភពចំណូលគឺក្រុមហ៊ុន Oracle

10/ Jensen Huang មានទ្រព្យសម្បត្តិសរុប ៤៣,៦ពាន់លានដុល្លារ កើនឡើងប្រហែល ២៩,៨ពាន់លានដុល្លារ ខណៈប្រភពចំណូលគឺក្រុមហ៊ុនបច្ចេកវិទ្យា Nvidia៕

The post កំពូលមហាសេដ្ឋី ១០រូប កើបលុយបានច្រើនដាច់គេក្នុងឆ្នាំ២០២៣ appeared first on .

យោងតាមការចុះផ្សាយពីទស្សនាវដ្ដី Forbes បានបង្ហាញថា ទ្រព្យសម្បត្តិរបស់លោក Pangestu គឺមានច្រើនជាងដាច់ លោក Low Tuck Kwong ដែលស្ថិតនៅលេខរៀងទី២ នៃបញ្ជីឈ្មោះអ្នកមានបំផុតនៅឥណ្ឌូណេស៊ី ពោលលោក Kwong មានទ្រព្យសម្បត្តិ ២៦,៥ពាន់លានដុល្លារ។

ការកើនឡើងដ៏សំបើមនៃទំហំទ្រព្យសម្បត្តិរបស់លោក Pangestu គឺ ដោយសារតម្លៃភាគហ៊ុន​នៃក្រុមហ៊ុន Barito Renewables Energy ដែលទើបចុះបញ្ជីផ្សារហ៊ុនកាលពីខែមុន មានការកើនឡើងកប់ពពក ពោលកើនរហូតដល់ ៥ដងឯណោះ ដែលធ្វើស្ដេចត្រាញ់​គីមីឥន្ធនៈ​រូបនេះទទួលបានផលចំណេញយ៉ាងច្រើន។

សូមជម្រាបដែរថា មហាសេដ្ឋីមានបំផុតនៅឥណ្ឌូណេស៊ីរូបនេះ គឺមានដើមកំណើតពីកូន​អ្នកជួញដូរកៅស៊ូ ហើយចាប់ផ្ដើមអាជីវកម្មដំបូងក្នុងចុងទសវត្សឆ្នាំ ១៩៧០ ជាអ្នកជួញដូរកៅស៊ូ តាមឪពុកម្ដាយ។

ក្រោយមកក្នុងឆ្នាំ១៩៩៣ លោកបានបង្កើតក្រុមហ៊ុនមួយឈ្មោះថា Barito Pacific Timber ប៉ុន្តែបានប្ដូរឈ្មោះទៅជា Barito Pacific បន្ទាប់ពីមានការបែងចែករចនាសម្ព័ន្ធក្រុមហ៊ុន។

លុះដល់ឆ្នាំ២០០៧ លោក Pangestu បានកាប់កាន់ចំណែគភាគហ៊ុនគីមីឥន្ធនៈ Chandra Asri រហូតដល់ ៧០% ហើយក្នុងឆ្នាំ២០១១ លោកបានបង្រួមក្រុមហ៊ុននេះ ជាមួយក្រុមហ៊ុន Tri Polyta Indonesia ដើម្បីបង្កើតបានជាក្រុមហ៊ុនផលិតគីមីឥន្ធនៈ ធំបំផុតប្រចាំប្រទេស៕

The post ស្ដេចត្រាញ់គីមីឥន្ធនៈមួយរូប ក្លាយជាអ្នកមានដាច់គេប្រចាំឥណ្ឌូណេស៊ី appeared first on .