យោងតាមការចុះផ្សាយពី Forbes បានបង្ហាញថា មហាសេដ្ឋីថៃដែលធ្លាប់ជាគ្រូពេទ្យវះកាត់​ម្នាក់នេះ គឺជាស្ថាបនិក​ក្រុមហ៊ុនអាកាសចរណ៍ Bangkok Airways និងជា​សហស្ថាបនិក​ក្រុមហ៊ុន Bangkok Dusit Medical Services (BDMS) ដែលមានខ្សែសង្វាក់មន្ទីរពេទ្យឯកជនធំបំផុត របស់ប្រទេសមួយនេះទាក់ទងនឹងប្រាក់ចំណូល និងមូលធនទីផ្សារ។

ក្រោយមានសន្ទុះភ្ញៀវទេសចរណ៍បរទេសវិញ រាប់ទាំងអ្នកមកដើរកម្សាន្ត និងអ្នកមកព្យាបាល​ជំងឺ​ផង បានធ្វើឲ្យ​តម្លៃភាគហ៊ុន​របស់​ក្រុមហ៊ុន Bangkok Airways កើនឡើងប្រហែល ៥៦% ខណៈ​តម្លៃភាគហ៊ុន​របស់ BDMS កើនបាន ១៩% បើធៀបនឹងឆ្នាំទៅ។

ដោយសារ​តម្លៃភាគហ៊ុនក្រុមហ៊ុន​យក្សទាំង ២ របស់​លោក Prasert កើនឡើង ដូច្នេះ​ទំហំទ្រព្យសម្បត្តិ​របស់​មហាសេដ្ឋីថៃ​ម្នាក់នេះ ក៏មានការកើនឡើង​ប្រមាណ ២៣% ដល់ទៅ ៣,៨ពាន់លានដុល្លារផងដែរ។

សូមជម្រាបដែរថា ក្រុមហ៊ុន Bangkok Airways ទទួលបានប្រាក់ចំណូល ៥,៧៤ពាន់លានបាត ឬប្រមាណ ១៦៥លានដុល្លារ ច្រើនជាងឆ្នាំទៅរហូត​ដល់ ៣ដង ខណៈ​មន្ទីរពេទ្យឯកជនធំបំផុត BDMS កើនប្រាក់ចំណូល ៥% ប្រមាណ ២៤ពាន់លានបាត៕

The post មហាសេដ្ឋីថៃកើបលុយគ្រប់ច្រក ក្រោយកំណើនភ្ញៀវទេសចរណ៍បរទេសមានសន្ទុះវិញ appeared first on .