ប្រភពដដែលនេះ បានបង្ហាញឲ្យដឹងទៀតថា គម្រោងមួយដែលត្រូវបានបង្កើតឡើងតាមរយៈក្រុមហ៊ុន G-Unit Film & Television របស់ 50 Cent សន្យាថានឹងលាតត្រដាងពីភាពងងឹតនៃជីវិតរបស់ Diddy ដោយសហការផ្ទាល់ជាមួយក្រុមហ៊ុន Netflix ដើម្បីបង្ហាញពីទង្វើអាក្រក់របស់តារារូបនេះ ដូចជាការជួញដូរផ្លូវភេទ ប្រើអំពើហឹង្សា និងជំរិតទារប្រាក់ ជាដើម។

គួរឲ្យដឹងផងដែរថា ជុំវិញការ​ប្រកាស​អំពី​ភាពយន្ត​ឯកសារ​នេះ 50 Cent ក៏បានធ្វើការ​បញ្ជាក់នៅលើ​ប្រព័ន្ធ​ផ្សព្វផ្សាយ​សង្គម​របស់​ខ្លួនថា៖ “ខ្ញុំធ្លាប់បានប្រាប់អ្នកទាំងអស់គ្នារួចមកហើយអំពីរឿងអាស្រូវទាំងនេះ។ ជាពិសេសពិធីជប់លៀងរបស់ Diddy ប៉ុន្តែគ្មាននរណា​មិន​ជឿ​ខ្ញុំ​ទេ។ ហើយឥឡូវនេះ អ្នកច្បាស់ជានឹងបានភ្លឺភ្នែក” ។

50 Cent និង Diddy ត្រូវបានគេដឹងថាតែងមានទំនាក់ទំនងតានតឹងជាមួយគ្នាយូរមកហើយ និងបានផ្លែផ្កាឲ្យគ្នាតាមរយៈតន្រ្តី ផងដែរ ដែលសំដៅទៅលើសកម្មភាពគួរឲ្យសង្ស័យដែលបានកើតឡើងនៅ «White Party» របស់ Diddy ។ តារារ៉េបរូបនេះក៏បានបង្ហាញពីការសង្ស័យទាក់ទងនឹងការជាប់ពាក់ព័ន្ធរបស់ Diddy ក្នុងការសម្លាប់តារារ៉េប Tupac Shakur នៅឆ្នាំ១៩៩៦ ផងដែរ។

ជម្រាបជូនផងដែរថា ក្រៅតែពីការផលិតឯកសារដើម្បីចាក់លើ Netflix ហើយ 50 Cent ក៏មានគម្រោងក្នុងការផលិតប្រេងលាបទារក (Baby Oil) ដែលដាក់ឈ្មោះថា Diddy ផងដែរ ដោយសារប្រេងនេះ ត្រូវបានរកឃើញរក្សាទុកនៅក្នុងផ្ទះរបស់ Diddy ជាច្រើន និងជាភស្តុតាំងដ៏សំខាន់ដើម្បីឈានដល់ការចាប់ខ្លួន ពាក់ព័ន្ធទៅនឹងការជួញដូរផ្លូវភេទ របស់តារារ៉េបរូបនេះ ផងដែរ៕

The post តារារ៉េបជើងចាស់ 50 Cent គ្រោងចេញភាពយន្តឯកសារលើ Netflix ដើម្បីបក​អាក្រាត​ទង្វើអាក្រក់របស់ Diddy appeared first on .

តែទោះជាយ៉ាងណា ថ្មីៗនេះ Diddy បានក្លាយជាកម្មវត្ថុនៃបណ្តឹងជាច្រើនដែលចោទប្រកាន់រូបលោក ពីបទរំលោភបំពានលើរាងកាយ និងការជួញដូរផ្លូវភេទ ដែលទើបតែនឹងបែកធ្លាយ រហូតឈានដល់ការចាប់ខ្លួន នៅទីក្រុងញូវយ៉ក កាលពីថ្ងៃទី១៦ ខែកញ្ញា ឆ្នាំ២០២៤ នេះ។

យ៉ាងណាមិញ មុនពេលឈានដល់ការចាប់ខ្លួននេះ តើ Diddy គឺជានរណា?

Diddy កើត និងធំធាត់ឡើងនៅក្នុងទីក្រុងញូវយ៉ក និងជាកន្លែងដែលឪពុករបស់គេត្រូវបានសម្លាប់ នៅពេល Diddy មានអាយុត្រឹម ៣ឆ្នាំ។ ប្រាំបួនឆ្នាំក្រោយមក ក្រុមគ្រួសារ Diddy បានផ្លាស់ទៅរស់នៅ Mount Vernon ដែលជាជាយនៃទីក្រុងញូវយ៉ក។

Diddy បានចូលរៀននៅសកលវិទ្យាល័យ Howard ក្នុងទីក្រុង Washington, DC ប៉ុន្តែក្រោយមកបានឈប់រៀនវិញ ដើម្បីទទួលឱកាសក្នុងការក្លាយជាអ្នកហាត់ការនៅផលិតកម្ម Uptown Records ក្នុងទីក្រុងញូវយ៉ក។ ក្នុងរយៈពេលត្រឹមតែមួយឆ្នាំ Diddy បានឡើងកូដយ៉ាងខ្លាំង និងបានកាន់តំណែងជាអនុប្រធានក្រុមហ៊ុននោះ និងជារឿយៗត្រូវបានគេដាក់រហស្សនាមថា “Puffy” ។

នៅក្នុងឆ្នាំ១៩៩៣ Diddy បានចាកចេញពីផលិតកម្ម Uptown និងបានទៅបង្កើតផលិតកម្មផ្ទាល់ខ្លួនមួយ ឈ្មោះថា Bad Boy Entertainment។ មិនយូរប៉ុន្មានដោយសារតែជាមនុស្សមានកេរ្តិ៍ឈ្មោះ និងឥទ្ធិពលក្នុងឧស្សាហកម្មតន្រ្តីនេះស្រាប់ Diddy បានទាញយកតារាល្បីៗជាច្រើនមកកាន់ផលិតកម្មថ្មីរបស់ខ្លួន និងថែមទាំងជួយបណ្តុះបណ្តាលក្មេងៗមានទេពកោសល្យ ឲ្យល្បីឈ្មោះផងដែរ។ ក្នុងនោះ តារាចម្រៀងប៉ុបដ៏ល្បីល្បាញ Justin Bieber និងតារារ៉េប Usher ក៏ស្ថិតក្នុងចំណោមតារាក្មេងៗដែលកើតចេញពីផលិតកម្មរបស់ Diddy នេះផងដែរ។

ទន្ទឹមនឹងសន្ទុះនៃភាពល្បីល្បាញ Diddy ក៏ទទួលរងនឹងការចោទប្រកាន់ជុំវិញបទល្មើសជាច្រើនដូចគ្នា ជុំវិញការជួញដូរផ្លូវភេទ ការចាប់បង្ខំ ការរំលោភផ្លូវភេទទៅលើកុមារមិនទាន់គ្រប់អាយុ ការជួញដូរវីដេអូអាសអាភាស ការប្រើប្រាស់អំពើហិង្សា ករណីបំផ្លាញទ្រព្យសម្បត្តិឯកជន និង​មានករណីជាច្រើនទៀត។

គួរឲ្យដឹងថា បច្ចុប្បន្ន Sean Combs ឬ Diddy កំពុងតែត្រូវបានដាក់ឲ្យនៅក្នុងពន្ធនាគារ និង កំពុងតែធ្វើការតវ៉ាក្ដី បន្ទាប់ពីអ្នកនាង Cassie Ventura ដែលជាតារាចម្រៀងស្រីម្នាក់ និងជាអតីតមិត្តស្រីរបស់លោក បានធ្វើការប្ដឹងករណីការចាប់បង្ខំផ្លូវភេទ និងការធ្វើបាបរាងកាយ ដែលធ្វើឲ្យលោកត្រូវបានចាប់ខ្លួន ក្នុងពេលឆែកផ្ទះ ហើយក៏រកឃើញភស្ដុតាងពាក់ព័ន្ធបទល្មើសជាច្រើនបន្ដបន្ទាប់ទៀត៕

The post កំពុងល្បីដោយសារ​ប្រព្រឹត្តិ​បទល្មើសច្រើនរាប់មិនអស់ តើ Puff Diddy ជានរណា? appeared first on .