លោកឧកញ៉ា អុឹង គីមហុង សមាជិកមួយរូប នៃ REV UP Cambodia បានឱ្យដឹងនៅលើទំព័រហ្វេសប៊ុក នៅព្រឹកថ្ងៃសុក្រនេះថា អ្នកឧកញ៉ាលាង ពៅ (ជីបម៉ុង គ្រុប) និងរូបលោកផ្ទាល់ (ឧកញ៉ាគួរឲ្យស្រឡាញ់) ព្រមទាំងបងប្អូនទាំងអស់នៅក្នុងគ្រួសារ REV UP កម្ពុជា បានប្រមូលុយគ្នាចំនួនជិត ១មុឺនដុល្លារ មានអង្ករ ទឹកត្រី ទឹកសុីអីវ មី និងភេសជ្ជៈជាច្រើនទៀត ដើម្បីយកទៅជួយក្មួយៗកុមារកំព្រាចំនួន ២មណ្ឌល នៅក្រុងកំពង់សោម ខេត្តព្រះសីហនុ នាថ្ងៃអាទិត្យខាងមុខនេះ។

សូមជម្រាបថា កាលថ្ងៃទី០២ ខែមីនា ឆ្នាំ២០២៥ កន្លងទៅថ្មីៗនេះ អ្នកឧកញ៉ា លាង ពៅ (ភីធើរ) ក៏បានដឹកនាំគ្រួសារ Rev Up Cambodia ធ្វើដំណើរឆ្ពោះទៅខេត្តព្រះសីហនុ ដើម្បីផ្សព្វផ្សាយពីទេសចរណ៍កម្ពុជា ជាពិសេសតំបន់ឆ្នេរ និងការងារមនុស្សធម៌ ដែលផ្សារភ្ជាប់ជាមួយភាពសប្បាយរីករាយជាច្រើនផងដែរ៕

The post អ្នកឧកញ៉ា លាង ពៅ និងគ្រួសារ REV UP Cambodia ប្រមូលថវិកាបានជិត ១ម៉ឺនដុល្លារ ត្រៀមយកទៅជួយកុមារកំព្រា ២មណ្ឌល នៅខេត្តព្រះសីហនុ appeared first on .

នៅលើបណ្តាញសង្គមហ្វេសប៊ុក កាលពីព្រឹកថ្ងៃទី២៥ ខែកុម្ភៈ ម្សិលមិញនេះ អ្នកឧកញ៉ា លាង ពៅ (ភីធើរ) បានលើកឡើងថា អស់រយៈកាលជាង ៤ខែ មកហើយ ដែលពួកយើងបានបំបែកកំណត់ត្រាពិភពលោក Guinness World Record សម្រាប់ការតាំងរថយន្តប្រណិតច្រើនជាងគេបង្អស់នៅមុខប្រាសាទអង្គរវត្ត ដែលជាបេតិកភណ្ឌជាតិ និងបេតិកភណ្ឌពិភពលោកដ៏អស្ចារ្យរបស់យើងទាំងអស់គ្នា។

ក្នុងនាមជាកូនខ្មែរមួយរូប អ្នកឧកញ៉ាពិតជាមានមោទនភាព ដែលបានចូលរួមដឹកនាំឲ្យមានព្រឹត្តិការណ៍នេះកើតឡើង ហើយអ្នកឧកញ៉ាក៏សូមអរគុណដល់ក្រសួងទេសចរណ៍ និងក្រសួងពាក់ព័ន្ធទាំងអស់ ក៏ដូចជាបងប្អូនទាំងអស់គ្នា ដែលបានចូលរួមសាមគ្គីជាធ្លុងមួយ ដើម្បីបង្កើតនូវទស្សនីយភាពដ៏កម្រមួយនេះនៅក្នុងទឹកដីអច្ឆរិយៈ។

ជាមួយគ្នានេះ អ្នកឧកញ៉ា លាង ពៅ (ភីធើរ) និងគ្រួសារ Rev Up Cambodia សូមប្រកាសថា នឹងបន្តចូលរួមផ្សព្វផ្សាយវិស័យទេសចរណ៍កម្ពុជាឲ្យបានកាន់តែទូលំទូលាយនៅក្នុងស្រុក ក៏ដូចជាទៅដល់ឆាកអន្តរជាតិផងដែរ ជាមួយកម្មវិធីផ្សេងៗជាបន្តបន្ទាប់ ដូចជា ព្រឹត្តិការណ៍ Sunday Drive ថ្ងៃទី០២ ខែមីនា ឆ្នាំ២០២៥ ខាងមុខនេះជាដើម៕

The post ក្រោយបំបែកកំណត់ត្រាពិភពលោក អ្នកឧកញ៉ា លាង ពៅ (ភីធើរ) និង Rev Up Cambodia នឹងរៀបចំព្រឹត្តិការណ៍ Sunday Drive ផ្សព្វផ្សាយពីទេសចរណ៍កម្ពុជា ទៅអន្តរជាតិ appeared first on .

តាមរយៈការបង្ហោះលើផេកហ្វែសប៊ុកផ្លូវការរបស់ Rev Up Cambodia ក៏បានបញ្ជាក់បន្ថែមដែរថា ព្រឹត្តិការណ៍ Sunday Drive អ្នកគាំទ្រក៏នឹងអាចមានឱកាសពិសេស អាចបានជិះរថយន្ត Super Car ដ៏ទំនើបក្នុងក្តីស្រមៃរបស់ខ្លួន ជាមួយលោកអ្នកឧកញ៉ា លាង ពៅ (ភីធើរ) ផ្ទាល់នៅក្នុងទីរួមខេត្តព្រះសីហនុ បានផងដែរ។

យ៉ាងណា ដើម្បីមានឱកាសទទួលបាននូវបទពិសោធន៍ទទួលយកអារម្មណ៍នៃល្បឿនដ៏លឿនរបស់រថយន្ត Super Car ជាមួយអ្នកឧកញ៉ា លាង ពៅ (ភីធើរ) ដោយផ្ទាល់ អ្នកគាំទ្រគ្រាន់តែ៖

១. ចុច Like & Follow គណនីផ្លូវការរបស់ Rev Up Cambodia ទាំងនៅលើ Facebook និង TikTok
២. ចែករំលែក (Share ) Poster និងភ្ជាប់ (Tag) មិត្តភ័ក្ត្រចំនួន ៥នាក់
៣. ប្រើប្រាស់ Hashtag #RevUpForTourism

សូមជម្រាបថា អ្នកឧកញ៉ា លាង ពៅ (ភីធើរ) គឺជាស្ថាបនិក Rev Up Cambodia ដែលបានរៀបចំព្រឹត្តិការណ៍ធំៗជួបជុំអ្នកស្រឡាញ់រថយន្ត Super Car ជាច្រើនរួចមកហើយ ដោយឡែកកាលពីពេលថ្មីៗ អ្នកឧកញ៉ា ក៏បានទទួលស្វាគមន៍យ៉ាងកក់ក្តៅប្រតិភូ Gumball 3000 និងអ្នកស្នេហាវិស័យរថយន្ត រៀបចំព្រឹត្តិការណ៍ធំបំផុតមិនធ្លាប់មាននៅកម្ពុជា Gumball 3000 បានយ៉ាងជោគជ័យ ដោយអាចបំបែកឯកគ្គទកម្មពិភពលោក Guiness World Record ពីការចតរថយន្តប្រណីត Super Car និង Hyper Car ច្រើនជាងគេបំផុតនៅមុខប្រាសាទអង្គរវត្ត ដែលព្រឹត្តិការន៍នេះវាបានជួយជំរុញទេសចរមកពីជុំវិញពិភពលោកមកកាន់កម្ពុជា កើនឡើងមួយកម្រិត៕

The post ឡូយណាស់! ឱកាសមិនចេះតែមាន បានជិះ Super Car ជាមួយអ្នកឧកញ៉ា លាង ពៅ (ភីធើរ) នៅខេត្តព្រះសីហនុ គ្រាន់តែធ្វើរឿងមួយនេះ appeared first on .