Richard Branson

ក្រុមហ៊ុនមហាសេដ្ឋីអង់គ្លេស ផ្ដល់សេវាកម្មដំណើរកម្សាន្តទៅលំហអាកាសក្នុងម្នាក់ ជាង ៤សែនដុល្លារ

ឧកញ៉ាសំពៅ — Wed, 28 Jun 2023 08:53:00 +0000

ក្រុមហ៊ុន Virgin Galactin របស់មហាសេដ្ឋីអង់គ្លេស Richard Branson នឹងផ្ដល់បទពិសោធន៍មិនធ្លាប់មានដល់មនុស្សលោក គឺដំណើរកម្សាន្តទៅកាន់លំហអាកាស។ នេះបើតាមការចុះផ្សាយពីសារព័ត៌មាន Marca។

ប្រភពដដែលបន្ថែមថា ក្រុមហ៊ុនដែលមានមូលដ្ឋាននៅប្រលានយន្តហោះ Spaceport America នៅរដ្ឋ New Mexico នឹងផ្ដល់បទពិសោធន៍ដ៏អស្ចារ្យមួយនេះ ក្នុងតម្លៃសំបុត្រ ៤៥០ ០០០ ដុល្លារក្នុងម្នាក់។

គួររំលឹកថា ដំណើរកម្សាន្តប្លែកអារម្មណ៍មួយនេះបានចាប់ផ្ដើមហើយ ពោលជើងទីមួយ បានហោះហើរកាលពីថ្ងៃទី ២៧ មិថុនា ខណៈការហោះហើរបន្ទាប់គឺធ្វើឡើងនៅថ្ងៃទី ៣០ មិថុនាខាងមុខ ដោយប្រើយានអវកាស Galactic 01 និង Galactic 02។

សូមជម្រាបបន្ថែមថា ដំណើរកម្សាន្តទៅកាន់លំហអាកាសរបស់ក្រុមហ៊ុន Virgin Galactic សារនេះ គឺជាដំណើរកម្សាន្តបែបពាណិជ្ជកម្មដំបូងបំផុតប្រចាំប្រវត្តិសាស្ត្រ ដ្បិតកន្លងមកក្រុមហ៊ុននានាដែលធ្លាប់ហោះទៅកាន់លំហអាកាស គឺក្នុងគោលបំណងស្រាវជ្រាវប៉ុណ្ណោះ៕

The post ក្រុមហ៊ុនមហាសេដ្ឋីអង់គ្លេស ផ្ដល់សេវាកម្មដំណើរកម្សាន្តទៅលំហអាកាសក្នុងម្នាក់ ជាង ៤សែនដុល្លារ appeared first on .

មហាសេដ្ឋីអង់គ្លេស ក្លាយជាឯកអគ្គរដ្ឋទូតមូលនិធិជួយដល់អ៊ុយក្រែន

ឧកញ៉ាសំពៅ — Wed, 12 Apr 2023 03:09:16 +0000

កាលពីពេលថ្មីៗនេះ លោក Richard Branson មហាសេដ្ឋីអង់គ្លេស និងជាស្ថាបនិកក្រុមហ៊ុន Virgin Group បានទទួលងារជាឯកអគ្គរដ្ឋទូតនៃមូលនិធិ United24 បង្កើតឡើងក្នុងគោលបំណងរៃអង្គាសប្រាក់សម្រាប់ប្រទេសអ៊ុយក្រែន។

យោងតាមរបាយការណ៍ពីការិយាល័យប្រធានាធិបតីអ៊ុយក្រែនបានបង្ហាញថា លោក Volodymyr Zelensky បានចូលជួបជជែកជាមួយនឹង Branson នៅទីក្រុងគៀវ និងបានថ្លែងអំណគុណយ៉ាងជ្រាលជ្រៅ ជាមួយនឹងការក្លាយជាចំណែកជួយដល់អ៊ុយក្រែន។

“វាពិតជាមានសារៈសំខាន់ណាស់ ដែលបុគ្គលមានកេរ្តិ៍ឈ្មោះ និងមានគេទទួលស្គាល់ច្រើន ក្លាយជាចំណែកមួយនេះមូលនិធិមួយនេះ”។ នេះបើតាមសម្ដីរបស់ប្រធានាធិបតីបាននិយាយ។

សូមជម្រាបដែរថា មូលនិធិ United24 គឺបង្កើតឡើងដោយរដ្ឋាភិបាលអ៊ុយក្រែននៅថ្ងៃទី ០៥ ខែឧសភា ឆ្នាំ ២០២២ ដើម្បីរៃអង្គាសប្រាក់ជួយដល់អ៊ុយក្រែន ក្នុងការធ្វើសង្គ្រាមជាមួយរុស្ស៊ី។ យោងតាមគេហទំព័រផ្លូវការបានបង្ហាញថា គិតត្រឹមថ្ងៃទី ០២ មេសា ២០២៣ មូលនិធិមួយនេះទទួលបានទឹកប្រាក់ប្រមាណ ៣០៥លានដុល្លារហើយ៕

The post មហាសេដ្ឋីអង់គ្លេស ក្លាយជាឯកអគ្គរដ្ឋទូតមូលនិធិជួយដល់អ៊ុយក្រែន appeared first on .

ក្រុមមហាសេដ្ឋីមានបំផុតលើលោកទម្លាយគន្លឹះមួយ ជួយឲ្យឆាប់ទទួលបានភាពជោគជ័យ

ឧកញ៉ាសំពៅ — Mon, 27 Jun 2022 05:09:13 +0000

បើសង្កេតមើលឲ្យដិតដល់មែនទែន ក្រុមមហាសេដ្ឋីមានបំផុតលើលោកភាគច្រើនគឺមានទម្លាប់មួយដូចគ្នា គឺចូលចិត្តអានសៀវភៅ។ តួយ៉ាងដូចជា Bill Gates, Elon Musk និង Warren Buffett ជាដើមសុទ្ធតែមានចំណង់ចំណូលចិត្តលើការអានដូចៗគ្នា។

ខាងក្រោមគឺជាដំបូន្មានរបស់ក្រុមមហាសេដ្ឋីដែលចូលចិត្តអាន និងតែងតែបង្ហើបជារឿយៗថា ការអានសៀវភៅគឺជាគន្លឹះមួយ ជួយឲ្យឆាប់សម្រេចគោលដៅ និងជួយឲ្យជីវិតឆាប់ទទួលបានភាពជោគជ័យ។ នេះបើតាមការចុះផ្សាយពី Timesofindia។

1/ Bill Gates

សហស្ថាបនិកក្រុមហ៊ុន Bill Gates បានអានសៀវភៅយ៉ាងតិចអស់ ៥០ ក្បាលក្នុងមួយឆ្នាំៗ ហើយជារឿយៗលោកតែងតែចែករំលែកចំណេះដឹង និងណែនាំសៀវភៅល្អៗតាមរយៈការបង្ហោះសារលើគណនីផ្លូវការរបស់លោក។

“វា (ការអានសៀវភៅ) គឺជាវិធីសាស្ត្រមួយដ៏ល្អដែលខ្ញុំបានរៀន និងមានទម្លាប់តាំងពីនៅក្មេងមកម៉្លេះ”។ នេះបើតាមអ្វីដែលលោកបានប្រាប់នៅក្នុងកិច្ចសម្ភាសន៍ជាមួយ New York Times។

2/ Elon Musk

នាយកប្រតិបត្តិក្រុមហ៊ុន Tesla និង SpaceX បានទម្លាយឲ្យដឹងនៅក្នុងកិច្ចសម្ភាសន៍ជាមួយ Bloomberg ថា លោកគឺជាក្មេងដែលវក់នឹងការអានសៀវភៅ។ សម្រាប់រយៈពេលប៉ុន្មានឆ្នាំកន្លងមកនេះ លោកតែងតែនិយាយអំពីសៀវភៅដែលលើកទឹកចិត្ត និងជំរុញចិត្តលោក។

ក្នុងចំណោមសៀវភៅទាំងអស់នោះ គឺមានដូចជា The Lord of The Rings, Benjamin Franklin, They Hitchhiker’s Guide to the Galaxy ជាដើម។

3/ Warren Buffett

បើសិនអ្នកជាអ្នកស្រលាញ់ និងជាហ្វេនរបស់ Warren Buffett នោះអ្នកប្រាកដជាដឹងយ៉ាងច្បាស់ថា បុគ្គលម្នាក់នេះគឺពិតជាចូលចិត្តអានសៀវភៅខ្លាំងណាស់ រហូតដល់ចំណាយពេលប្រមាណ ៨០% នៃពេលទំនេររបស់លោក អានសៀវភៅជារៀងរាល់ថ្ងៃថែមទៀត។

សៀវភៅដែលបុរសរហស្សនាម បិតាវិនិយោគិនម្នាក់នេះតែងតែណែនាំឲ្យអានមានដូចជា The Intelligent Investor, Security Analysis, Investing Between the Lines ជាដើម។

4/ Mark Zuckerberg

ស្ថាបនិក Meta Platforms គឺជាបុគ្គលម្នាក់ដែលចូលចិត្តអានសៀវភៅ ហើយបើទោះជាលោកបានបោះបង់ការសិក្សាពាក់កណ្ដាលទីក្ដី ក៏កន្លងមកលោកបានដាក់កំហិតខ្លួនឯងដោយសន្យាថា នឹងអានសៀវភៅឲ្យចប់យ៉ាងតិច ២ ក្បាលជារៀងរាល់សប្ដាហ៍។

“ការអានរឹតតែច្រើន គឺបានជួយឲ្យខ្ញុំនឹកឃើញនូវប្រធានបទថ្មីៗកាន់តែច្រើនដូចគ្នា”។ នេះបើតាមសម្ដីរបស់មហាសេដ្ឋីអាមេរិកធ្លាប់បាននិយាយ។

5/ Richard Branson

បុរសដែលមានទ្រព្យសម្បត្តិប្រមាណ ៣,៩ ពាន់លានដុល្លារម្នាក់នេះ ក៏អានសៀវភៅអស់មិនតិចក្បាលផងដែរ ហើយសៀវភៅដែលលោកធ្លាប់បានណែនាំឲ្យអានមានដូចជា Just Kids និពន្ធដោយ Patti Smith, 1984 និពន្ធដោយ George Orwell និង Just Mercy និពន្ធដោយ Bryan Stevenson។

6/ Jeff Bezos

មហាសេដ្ឋីមានបំផុតលើលោកទី ៣ រូបនេះ គឺចាប់ផ្ដើមបង្កើត Amazon តំបូងដោយការលក់សៀវភៅអនឡាញប៉ុណ្ណោះ ហើយក្រោយមកផ្លេតហ្វមមួយនេះក៏ក្លាយជាក្រុមហ៊ុនពាណិជ្ជកម្មធំបំផុតលើលោក។

Jeff Bezos គឺជាមនុស្សវក់នឹងការអាន ហើយសៀវភៅខ្លះៗដែលលោកបានណែនាំឲ្យអានមានដូចជា Built To Last, Rework, Creation ជាដើម។

“នៅវ័យ ១៩ ឆ្នាំ ខ្ញុំបានអានសៀវភៅមួយក្បាល The Intelligent Investor ហើយសព្វថ្ងៃនេះខ្ញុំកំពុងធ្វើការងារ តាមដំណាក់កាលដូចទៅនឹងអ្វីដែលបានសរសេរនៅក្នុងសៀវភៅដែលខ្ញុំបានអាននៅវ័យ ១៩ ឆ្នាំ”។ នេះគឺជាសាររបស់មហាសេដ្ឋី Warren Buffett ដែលមានទ្រព្យសម្បត្តិច្រើនជាង ៩០ ពាន់លានដុល្លារ៕

The post ក្រុមមហាសេដ្ឋីមានបំផុតលើលោកទម្លាយគន្លឹះមួយ ជួយឲ្យឆាប់ទទួលបានភាពជោគជ័យ appeared first on .

មកដឹងប្រវត្តិលោក Richard Branson មហាសេដ្ជីដំបូងគេឡើងទៅដល់ទីអាវកាស យកឈ្នះ ស្ថាបនិក Amazon

ឧកញ៉ាកោះក្របី — Wed, 27 Oct 2021 00:31:34 +0000

លោក Richard Branson នៅពលេថ្មីៗនេះ បានក្លាយជាមហាសេដ្ឋីដំបូងគេលើពិភពលោក ដែលធ្វើដំណើរតាមរយ:យានអាវកាសផ្ទាល់ខ្លួនទៅដល់ទីអាវកាស។ ការប្រកួតរវាងអ្នកមានកំពូលៗ ក្នុងដំណើរកម្សាន្តទៅកាន់លំហអាកាស គេអាចសន្មត់ថា មហាសេដ្ឋី Branson បានយកឈ្នះ ស្ថាបនិកក្រុមហ៊ុន Amazon មហាសេដ្ឋី Jeff Bezos ដោយសារយាន Virgin Galactic បានធ្វើការហោះហើរមុន Blue Origin។

បន្ទាប់ពីជោគជ័យដំណើរកម្សាន្តដ៏ព្រឺព្រួចមក មហាសេដ្ឋីរូបនេះ ត្រូវបានក្រុមហ៊ុន Virgin Galactic ប្រកាសលក់សំបុត្រដំណើរកម្សាន្តទៅកាន់លំហអាកាសសាជាថ្មី ដោយតម្លៃសំបុត្រលើកនេះ គឺចាប់ពី ៤៥០,០០០ ដុល្លារឡើងទៅ។ តម្លៃនេះគឺកើនទ្វេដង បើធៀបមុនពេល Richard ហោះហើរទៅដល់ទីអាវកាសលើកទីមួយ ដែលកាលនោះសំបុត្រកក់ចន្លោះពី ២០ ទៅ ២៥ ម៉ឺនដុល្លារតែប៉ុណ្ណោះ។

ជាមួយបទពិសោធន៍ដ៏អស្ចារ្យបំផុត ដែលមិនធ្លាប់មានមហាសេដ្ឋីណាមួយ អាចធ្វើបាននៅឡើយ លោក Branson កំពុងតែធ្វើឲ្យមនុស្សជាច្រើនងាកមកចាប់អារម្មណ៍យ៉ាងខ្លាំង និងមានមនុស្សមិនតិចឡើយ ដែលចង់ដឹងថាគាត់ជានរណា។

តើលោក Richard Branson មានប្រវត្តិ និងកំពុងក្តោបក្តាប់ក្រុមហ៊ុនប៉ុន្មានៅក្នុងដៃ សូមតាមដានជាមួយគេហព័ទឧកញ៉ាញូស៍ ដូចតទៅ៖

លោក Richard Branson ជាជនជាតិអង់គ្លេស គិតមកដល់ពេលបច្ចុប្បន្នមានវ័យ ៧១ ឆ្នាំ។ លោកបានបង្ហាញពីបំណងចង់ក្លាយជាសហគ្រិនតាំងពីក្មេង ខណៈបច្ចុប្បន្ន គឺជាអ្នកជំនួញដ៏ជោគជ័យធំបំផុតមួយរូប ដែលផ្តើមជីវិតពីការមានគំនិតបង្កើតទស្សនាវដ្តីដំបូងរបស់គាត់នៅអាយុ ១៦ ឆ្នាំ។

នៅឆ្នាំ ១៩៧០ លោកបានចាប់ផ្តើមបង្កើតអាជីវកម្មកត់ត្រាតាមសំបុត្រ និងកន្លែងថតសំឡេង Virgin Records ហើយត្រូវបានគេស្គាល់ថាជា Virgin Megastores ក្នុងឆ្នាំ ១៩៧២។ ក្រោយមកក្រុមហ៊ុន Virgin របស់ Branson បានកើនឡើងប្រាក់ចំណូលយ៉ាងឆាប់រហ័សក្នុងកំឡុងឆ្នាំ ១៩៨០ កាលនោះ លោកចាប់ផ្តើមក្រុមហ៊ុនអាកាសចរណ៍ Virgin Atlantic និងពង្រីកក្រុមហ៊ុន Virgin Records បន្ថែម។

ក្នុងឆ្នាំ ១៩៩៧ លោក Branson បានបង្កើតក្រុមហ៊ុន Virgin Rail Group ដើម្បីដេញថ្លៃ សម្រាប់សិទ្ធិផ្តាច់មុខផ្លូវដែកអ្នកដំណើរ ក្នុងអំឡុងពេលធ្វើឯកជនភាវូបនីយកម្ម នៃក្រុមហ៊ុន British Rail ។ ក្រុមហ៊ុន Virgin Trains បានដំណើរការសិទ្ធិផ្តាច់មុខរបស់ InterCity West Coast ពីឆ្នាំ ១៩៩៧ ដល់ឆ្នាំ ២០១៩ ។ សិទ្ធិផ្តាច់មុខ InterCity CrossCountry ពីឆ្នាំ ១៩៩៧ ដល់ឆ្នាំ ២០០៧ និងសិទ្ធិផ្តាច់មុខ InterCity East Coast ពីឆ្នាំ ២០១៥ ដល់ឆ្នាំ ២០១៨។

ក្នុងឆ្នាំ ២០០៤ លោកបានបង្កើតសាជីវកម្មយានអវកាស Virgin Galactic ដែលមានមូលដ្ឋាននៅ Mojave Air and Space Port ក្នុងរដ្ឋកាលីហ្វ័រញ៉ា ដោយបានកត់សម្គាល់សម្រាប់យានអវកាស Suborbital SpaceShipTwo ដែលត្រូវបានរចនាឡើងសម្រាប់ទេសចរណ៍អវកាស។

ឆ្នាំ ២០០៧ លោកត្រូវបានគេដាក់ក្នុងបញ្ជីមនុស្សមានឥទ្ធិពលបំផុត ១០០ នៅលើពិភពលោក។ នៅខែកក្កដាឆ្នាំ ២០២១ ទស្សនាវដ្តី Forbes បានចុះបញ្ជីទ្រព្យសម្បត្តិសុទ្ធប៉ាន់ស្មានរបស់លោក Branson ចំនួន ៦ ពាន់លានដុល្លារ។

នៅថ្ងៃទី ១១ ខែកក្កដា ឆ្នាំ ២០២១ លោក Branson បានធ្វើដំណើរជាអ្នកដំណើរនៅលើយន្តហោះ Virgin Galactic Unity 22 នៅគែមនៃលំហ ដែលជាការហោះហើរសាកល្បង suborbital សម្រាប់ក្រុមហ៊ុនអាកាសចរណ៍ Virgin Galactic របស់លោក។ បេសកកម្មនេះមានរយៈពេលប្រហែលមួយម៉ោង ដោយឡើងដល់រយៈកម្ពស់ខ្ពស់បំផុត ៥៣.៥ ម៉ាយ (៨៦.១ គីឡូម៉ែត្រ)។ មានវ័យ ៧១ ឆ្នាំ លោក Branson គឺជាមនុស្សចំណាស់ជាងគេទី ៣ ដែលបានហោះហើរទៅកាន់ទីអវកាស និងជាមហាសេដ្ឋីដំបូងគេដែលបានធ្វើដូច្នេះ។

មិនត្រឹមតែទទួលបានភាពជោគជ័យនៅក្នុងការដឹកជញ្ជូនភ្ញៀវនៅលើផ្លូវអាកាស និងផ្លូវទឹកប៉ុណ្ណោះទេ ក្នុងពេលថ្មីៗនេះផងដែរ ក្រុមហ៊ុនមួយទៀត ដែលមានឈ្មោះថា Virgin Galactic ហាក់កំពុងឆ្ពោះទៅរកភាពជោគជ័យមួយកម្រិតទៀត នៅក្នុងវិស័យទេសចរណ៍ទៅកាន់ទីឋានអវកាស។

បន្ទាប់ពីលោក Branson រួមជាទាំងសមាជិកអាកាសយានិកចំនួន ៥ រូបផ្សេងទៀត បានធ្វើដំណើរទៅដល់ទីលំហ និងវិលត្រលប់មកកាន់ភពផែនដីវិញយ៉ាងជោគជ័យ។

Richard Branson គឺជាស្ថាបនិកនៃ Virgin Group។ លោកកំពុងក្តោបក្តាប់ក្រុមហ៊ុនជាង ៤០០ ដែលវិនិយោគចូលទៅក្នុងវិស័យចម្រុះជាច្រើន ចាប់ពីការធ្វើដំណើរ ទូរគមនាគមន៍ សុខភាព ធនាគារ និងតន្ត្រី៕

The post មកដឹងប្រវត្តិលោក Richard Branson មហាសេដ្ជីដំបូងគេឡើងទៅដល់ទីអាវកាស យកឈ្នះ ស្ថាបនិក Amazon appeared first on .

ក្រុមហ៊ុន Virgin Galactic បង្កើនតម្លៃសំបុត្រមួយទ្វេជាពីរសេដ្ឋីៗណាចង់ឡើងទៅលេងទីអវកាស

ឧកញ៉ាសំពៅ — Wed, 11 Aug 2021 00:35:24 +0000

ការប្រកួតរវាងមហាសេដ្ឋី និងមហាសេដ្ឋីក្នុងដំណើរកម្សាន្តទៅកាន់លំហអាចសន្មតបានថាសេដ្ឋី Richard Branson បានយកឈ្នះ ស្ថាបនិកក្រុមហ៊ុន Amazon លោក Jeff Bezos ដោយសារយាន Virgin Galactic បានធ្វើការហោះហើរមុន Blue Origin។

បន្ទាប់ពីជោគជ័យដំណើរកម្សាន្តដ៏ព្រឺព្រួចបែបមហាសេដ្ឋីនេះ ក្រុមហ៊ុន Virgin Galactic បានប្រកាសលក់សំបុត្រដំណើរកម្សាន្តទៅកាន់លំហអាកាសសាជាថ្មី ដោយតម្លៃសំបុត្រលើកនេះគឺចាប់ពី ៤៥០ ០០០ ដុល្លារឡើងទៅ។

តម្លៃនេះគឺកើនទ្វេដង បើធៀបមុនពេល Richard ហោះហើរទៅទីអវកាសលើកទីមួយ ដែលកាលនោះសំបុត្រកក់ចន្លោះពី ២០ ទៅ ២៥ ម៉ឺនដុល្លារតែប៉ុណ្ណោះ។ ក្រុមហ៊ុនក៏ផ្ដល់ជាជម្រើសសម្រាប់អតិថិជនដូចជាមានកៅអីម្នាក់ឯង កៅអី ២ ជាប់គ្នាសម្រាប់គូស្នេហ៍ មិត្តភក្ដិ ឬគ្រួសារ និងជម្រើសអស្ចារ្យគឺ ម៉ៅផ្ដាច់មួយយានតែម្ដង។

យានអវកាសរបស់ Virgin គឺរចនាមកផ្ទុកបានចំនួនមនុស្ស ៦ នាក់ តែក្រុមហ៊ុនចេញមុខអះអាងថា បច្ចុប្បន្ន ៤ នាក់ក្នុងមួយយាន គឺជាចំនួនដែលក្រុមហ៊ុនកំណត់៕

ប្រភព: scmp

The post ក្រុមហ៊ុន Virgin Galactic បង្កើនតម្លៃសំបុត្រមួយទ្វេជាពីរសេដ្ឋីៗណាចង់ឡើងទៅលេងទីអវកាស appeared first on .

Richard Branson

ក្រុមហ៊ុនមហាសេដ្ឋីអង់គ្លេស ផ្ដល់សេវាកម្មដំណើរកម្សាន្តទៅលំហអាកាសក្នុងម្នាក់ ជាង ៤សែនដុល្លារ

មហាសេដ្ឋីអង់គ្លេស ក្លាយជាឯកអគ្គរដ្ឋទូតមូលនិធិជួយដល់អ៊ុយក្រែន

ក្រុមមហាសេដ្ឋី​មាន​បំផុត​លើ​លោក​ទម្លាយ​គន្លឹះ​មួយ​ ជួយ​ឲ្យ​ឆាប់​ទទួល​បាន​ភាព​ជោគជ័យ

មកដឹងប្រវត្តិលោក Richard Branson មហាសេដ្ជីដំបូងគេឡើងទៅដល់ទីអាវកាស យកឈ្នះ ស្ថាបនិក​ Amazon

ក្រុមហ៊ុន Virgin Galactic បង្កើន​តម្លៃ​​សំបុត្រ​មួយ​ទ្វេ​ជាពីរសេដ្ឋីៗ​ណា​ចង់​ឡើង​ទៅ​លេង​ទី​អវកាស​​

ក្រុមមហាសេដ្ឋីមានបំផុតលើលោកទម្លាយគន្លឹះមួយ ជួយឲ្យឆាប់ទទួលបានភាពជោគជ័យ

មកដឹងប្រវត្តិលោក Richard Branson មហាសេដ្ជីដំបូងគេឡើងទៅដល់ទីអាវកាស យកឈ្នះ ស្ថាបនិក Amazon

ក្រុមហ៊ុន Virgin Galactic បង្កើនតម្លៃសំបុត្រមួយទ្វេជាពីរសេដ្ឋីៗណាចង់ឡើងទៅលេងទីអវកាស