ជាមួយគ្នានេះ ICC បាននិយាយនៅក្នុងសេចក្តីថ្លែងការណ៍មួយរបស់ខ្លួនថា ៖”ការបង្ហាញខ្លួនរបស់លោក Rodrigo Roa Duterte គឺគ្រោងនឹងត្រូវធ្វើឡើងនៅថ្ងៃសុក្រ ទី១៤ ខែមីនា ឆ្នាំ២០២៥ វេលាម៉ោង ១៤:០០ នាទីរសៀល (ម៉ោងក្នុងស្រុក ឬម៉ោង ៩:០០ យប់ ម៉ោងនៅហ្វីលីពីន) នៅចំពោះមុខអង្គជំនុំជម្រះ Chamber I នៃតុលាការឧក្រិដ្ឋកម្មអន្តរជាតិ”។

រម្លឹកផងដែរថា លោក Duterte ត្រូវបានតុលាការ ICC ចាប់បញ្ជូនខ្លួនមកកាន់ទីក្រុងឡាអេ ប្រទេសហូឡង់ តាមរយ:យន្តហោះឯកជនមួយ កាលពីថ្ងៃពុធកន្លងទៅ បន្ទាប់ពីត្រូវបានចាប់ខ្លួននៅទីក្រុងម៉ានីល ពីបទមនុស្សឃាត ដែលពាក់ព័ន្ធនឹងសង្គ្រាមប្រឆាំងគ្រឿងញៀនរបស់លោក ដោយក្នុងនោះទាំងឈ្មួញ និងអ្នកប្រើប្រាស់រាប់ពាន់នាក់ត្រូវបានសម្លាប់។

ជម្រាបជូនថា លោក Duterte ដែលបានដឹកនាំប្រទេសហ្វីលីពីន ចន្លោះពីឆ្នាំ២០១៦ ដល់ឆ្នាំ២០២២ នោះ នឹងត្រូវប្រឈមមុខនឹងបទចោទប្រកាន់អំពីឧក្រិដ្ឋកម្មប្រឆាំងមនុស្សជាតិ ពាក់ព័ន្ធនឹងសង្រ្គាមប្រឆាំងគ្រឿងញៀនរបស់លោក ហើយលោកក៏នឹងក្លាយជាអតីតមេដឹកនាំដំបូងម្នាក់ ក្នុងតំបន់អាស៊ីផងដែរ ដែលនឹងត្រូវបង្ហាញមុខនៅក្នុងតុលាការ ICC។

ទន្ទឹមនឹងនេះ តាមដីកាចាប់ខ្លួនរបស់ ICC ត្រូវបានធ្វើឡើង ក្រោមការចោទប្រកាន់លើលោក Duterte ជុំវិញការបង្កើត និងផ្ដល់មូលនិធិ ដល់មន្ត្រីប្រដាប់អាវុធមួយ ក្រុមដែលបានសម្លាប់ជនសង្ស័យជួញដូរគ្រឿងញៀន និងអ្នកប្រើប្រាស់អស់ជាច្រើននាក់៕

The post អតីតប្រធានាធិបតីហ្វីលីពីន លោក Duterte នឹងបង្ហាញខ្លួននៅតុលាការ ICC ជាលើកដំបូង នៅថ្ងៃសុក្រនេះ appeared first on .

អតីតប្រធានហ្វីលីពីន លោក Duterte ត្រូវបានចាប់ខ្លួន នៅព្រឹកថ្ងៃទី១១ ខែមីនានេះ​ ភ្លាមៗបន្ទាប់ពីលោកបានមកដល់អាកាសយានដ្ឋានអន្តរជាតិ Ninoy Aquino ក្នុងទីក្រុងម៉ានីល។ វិមានប្រធានាធិបតីហ្វីលីពីន បាននិយាយថា ប៉ូលីសកំពុងអនុវត្តដីកាចាប់ខ្លួនដែលចេញដោយតុលាការឧក្រិដ្ឋកម្មអន្តរជាតិ (ICC) ប្រឆាំងនឹងលោក Duterte ពាក់ព័ន្ធនឹងយុទ្ធនាការប្រឆាំងគ្រឿងញៀនរបស់លោកពេលកំពុងកាន់តំណែង។

គួរឲ្យដឹងផងដែរថា លោក Duterte បានត្រឡប់មកទីក្រុងម៉ានីលវិញ ពីទីក្រុងហុងកុង តាមជើងហោះហើរ CX907 របស់ក្រុមហ៊ុនអាកាសចរណ៍ Cathay Pacific នៅព្រឹកព្រលឹមថ្ងៃទី១១ ខែមីនា។ហើយយ៉ាងណាមិញ នៅពេលដែលលោក បានដើរចេញពីច្រក ១១៦ នៅអាកាសយានដ្ឋានអន្តរជាតិ Ninoy Aquino មន្រ្តីប៉ូលីសមកពីនាយកដ្ឋានយុត្តិធម៌ នាយកដ្ឋានស៊ើបអង្កេតឧក្រិដ្ឋកម្ម (CIDG) និងសមាជិកនៃ ICC បានរង់ចាំលោករួចជាស្រេច ហើយឈានដល់ការចាប់ខ្លួនតែម្តង។

ក្រោយពេលចាប់ខ្លួន ក្រុមប៉ូលីសបាននាំលោក Duterte ទៅកាន់ស្ថានីយ៍មួយផ្សេងទៀត។ ហើយបើតាមប្រភព​មួយចំនួន​បាន​បង្ហាញឲ្យដឹង​ថា អតីតប្រធានាធិបតីរូបនេះ អាច​នឹង​ត្រូវ​​នាំ​ខ្លួន​ទៅ​កាន់ Camp Crame ដែល​ជា​ទីស្នាក់ការ​របស់​ប៉ូលិស​ជាតិ​ហ្វីលីពីន ដើម្បីឃុំខ្លួនបណ្តោះអាសន្ន។

យ៉ាងណាមិញ ក្រោយការចាប់ខ្លួននេះ វិមានប្រធានាធិបតីហ្វីលីពីនបាននិយាយនៅក្នុងសេចក្តីថ្លែងការណ៍មួយថា៖”នៅព្រឹកនេះ ការិយាល័យទីក្រុងម៉ានីលរបស់ Interpol បានទទួលដីកាចាប់ខ្លួនជាផ្លូវការពី ICC។ លោក ​ Duterte ស្ថិត​ក្នុង​ការ​ឃុំឃាំង​របស់​អាជ្ញាធរ ហើយ​គាត់មាន​សុខភាព​ល្អ”។

ជម្រាបជូនផងដែរថា សង្រ្គាមប្រឆាំងគ្រឿងញៀន គឺជាគោលនយោបាយដ៏សំខាន់បំផុត ដែលបានជួយឲ្យលោក Duterte ឡើង​កាន់អំណាចជាប្រធានាធិបតីហ្វីលីពីន កាលពីឆ្នាំ២០១៦។ លោក Duterte បានដកហ្វីលីពីនដោយឯកតោភាគី ចេញពីសន្ធិសញ្ញារបស់ ICC កាលពីឆ្នាំ២០១៩ នៅពេលដែលតុលាការអន្តរជាតិនេះ ចាប់ផ្តើមពិនិត្យមើលជាលើកដំបូងលើ​ការចោទប្រកាន់ អំពីការសម្លាប់មនុស្សជាប្រព័ន្ធនៅក្រៅច្បាប់ អំឡុងសង្រ្គាមបង្រ្កាបគ្រឿងញៀនរបស់លោក៕

The post ក្តៅៗ អតីតប្រធានាធិបតីហ្វីលីពីនលោក Duterte ត្រូវបានចាប់ខ្លួន ដោយតុលាការឧក្រិដ្ឋកម្មអន្តរជាតិ appeared first on .

លោកស្រី Sara Duterte ដែលបច្ចុប្បន្នជាអនុប្រធានាធិបតីហ្វីលីពីន និងជាកូនស្រីរបស់លោក Rodrigo Duterte បានប្រាប់អ្នកយកព័ត៌មានចំពោះគម្រោងប្រកួតប្រជែងការបោះឆ្នោតខាងលើនេះ គឺតិចជាងមួយសប្តាហ៍ប៉ុណ្ណោះ បន្ទាប់ពីលោកស្រី បានសម្រេចចិត្តការលាលែងពីតំណែងគណៈរដ្ឋមន្ត្រី ក្នុងជួររដ្ឋាភិបាលរបស់ប្រធានាធិបតី លោក Ferdinand Marcos Jr។

គួរឲ្យដឹងផងដែរថា ការលាលែងពីតំណែងរបស់លោកស្រី Sara Duterte បានបញ្ជាក់ពីអ្វីដែលអ្នកសង្កេតការណ៍នយោបាយ ធ្លាប់បានព្យាករទុកថា សម្ព័ន្ធភាពរវាងក្រុមគ្រួសារទាំងពីរ ដែលបានជួយលោក Marcos និងលោកស្រី Sara ឲ្យឡើងកាន់អំណាចនៅឆ្នាំ២០២២ នោះ ច្បាស់ជាអាចនឹងត្រូវដួលរលំវិញ ដោយសារតែភាពខុសគ្នាលើការធ្វើនយោបាយ និងគោលនយោបាយផ្ទុយគ្នា។

បញ្ជាក់ផងដែរថា អាណត្តិប្រធានាធិបតីរបស់លោក Rodrigo Duterte បានបញ្ចប់ទៅនៅក្នុងឆ្នាំ២០២២។ កូនប្រុសច្បងរបស់លោក គឺលោក Paolo Duterte គឺបច្ចុប្បន្នជាសមាជិកសភា ខណៈកូនប្រុសម្នាក់ទៀតគឺលោក Sebastian Duterte ជាអភិបាលក្រុង Davao ដែលស្ថិតនៅភាគខាងត្បូងប្រទេសហ្វីលីពីន។

ទន្ទឹមនឹងនេះ លោកស្រី Sara Duterte បានបញ្ជាក់ទៀតផងដែរថា ចំពោះលោក Sebastian Duterte ក៏គ្រោងនឹងឈរឈ្មោះប្រកួតប្រជែងសម្រាប់តំណែងជាប្រធានាធិបតីហ្វីលីពីន នៅឆ្នាំ២០២៨ ផងដែរ៕

The post អតីតប្រធានាធិបតីហ្វីលីពីន និងកូនប្រុសពីរនាក់ គ្រោងឈរឈ្មោះក្នុងការបោះឆ្នោតសមាជិកព្រឹទ្ធសភា នៅឆ្នាំក្រោយ appeared first on .

យោងតាមការចុះផ្សាយពីសារព័ត៌មាន CNA បានបង្ហាញថា លោក Ferdinand Marcos Jr ត្រូវបាន​ជាប់ឆ្នោតជា​ប្រធានាធិបតី ក្នុងឆ្នាំ ២០២២ សម្រាប់អាណត្តិរយៈពេល ៦ឆ្នាំ ហើយ​ក្រោមការដឹក​នាំ​របស់លោក ហ្វីលីពីន​ព្យាយាម​កាត់បន្ថយការពឹងផ្អែក​ទៅលើចិន ដោយងាក​មក​ចាប់ដៃជាមួយ​អាមេរិក​វិញ។

ដោយឡែក ក្នុងជំនួបជាមួយអតីតប្រធានាធិបតីហ្វីលីពីន ថ្នាក់ដឹកនាំកំពូលចិនបានលើកឡើង​ថា៖ ខ្ញុំសង្ឃឹមថា អ្នកនឹងបន្តដើរតួយ៉ាងសំខាន់ ក្នុងការ​ពង្រឹងកិច្ចសហប្រតិបត្តិការ​រវាង​ចិន និងហ្វីលីពីន។

ប្រធានាធិបតីចិនបានប្រាប់ទៅកាន់លោក Rodrigo បន្ថែមទៀតថា៖ ក្នុងអំឡុងពេលកាន់តំណែងជាប្រធានាធិបតីហ្វីលីពីន អ្នកបានធ្វើការសម្រេចចិត្តយ៉ាងម៉ឺងម៉ាត់ នូវជម្រើសជាយុទ្ធសាស្ត្រ ដើម្បីកែលម្អទំនាក់ទំនងជាមួយប្រទេសចិន ក្នុងអាកប្បកិរិយាទទួលខុសត្រូវចំពោះប្រជាជន និងចំពោះប្រវត្តិសាស្ត្រ។

សូមជម្រាបបន្ថែមថា កាលពីខែមុន អតីតប្រធានាធិបតីហ្វីលីពីន Rodrigo ធ្លាប់បាន​ប្រាប់​បណ្ដាញ​សារព័ត៌មាន​ក្នុងស្រុកថា ហ្វីលីពីនអាចនឹងក្លាយជា “ទីបញ្ចុះសព” បើសិនជា​ហ៊ាន​ផុងខ្លួន​កាន់តែជ្រៅ ក្នុងទំនាស់រវាង​មហាអំណាចអាមេរិក និងចិន៕

The post ស៊ី ជិនពីង ប្រាប់អតីតប្រធានាធិបតីហ្វីលីពីន ព្យាយាមរឹតចំណងមិត្តភាពប្រទេសទាំង២ ឡើងវិញ appeared first on .

អ្នកជំនួញ​មួយ​រូប​នោះ​គឺ Dennis Uy ដែល​បាន​ពង្រីក​អាណាចក្រ​ជំនួញ​របស់​ខ្លួន​រយៈ​ពេល ៦ ឆ្នាំ​អំឡុងពេល​លោក Duterte នៅ​កាន់កាប់​អំណាច ហើយ​បច្ចុប្បន្ន​មហាសេដ្ឋី​ម្នាក់​នេះ​បាន​ប្រកាស​លក់​ក្រុមហ៊ុន​ដូចជា​ស្ថានីយ​ប្រេង Malampaya និង Clark Global City ក្នុង​តម្លៃ​ប្រហែល ១ ពាន់​លាន​ដុល្លារ​សម្រាប់​មួយ​ក្រុមហ៊ុន។ នេះ​បើ​តាម​ការ​បង្ហើប​ឲ្យ​ដឹង​ពី​ប្រភព​ជិតស្និទ្ធ​ទៅ​កាន់ Reuters។

ប្រភព​ដដែល​នោះ​បាន​បង្ហើប​ទៀត​ថា ក្រុម​អ្នក​ទិញ​ក្រុមហ៊ុន​ទាំងនោះ​កំពុង​សម្លឹង​ឃើញ​អាជីវកម្ម​មួយ​ចំនួន​ទៀត​របស់​បុរស​វ័យ ៤៨ ឆ្នាំ រាប់​បញ្ចូល​ទាំង​ក្រុមហ៊ុន​លក់​ប្រេង​រាយ Phoenix Petroleum និង​ក្រុមហ៊ុន​ទូរគមនាគមន៍ DITO ក៏​ដូចជា​សាលា​ឯកជន និង​អាជីវកម្ម​លក់​អាហារ​ និង​ភេសជ្ជៈ​មួយ​ចំនួន​ទៀត។

មកទល់​​នឹង​ពេល​នេះ​ អ្នកតំណាង​របស់ Dennis នៅ​មិនទាន់​បង្ហើប​ពី​មូលហេតុ​នៃ​ការ​ដាក់​លក់​អាជីវកម្ម​ដ៏​មហាសាល​របស់​លោក​នៅ​ឡើយ​ទេ ខណៈ​កន្លង​មក​អ្នកជំនួញ​ម្នាក់​នេះ​ធ្លាប់​ច្រានចោល​ការ​ចោទប្រកាន់​ថា​ សន្ទុះ​នៃ​ការ​កើនឡើង​លឿន​បែប​នេះ ដោយសារ​តែ​មាន​ប្រធានាធិបតី​នៅ​ពី​ក្រោយ។

បញ្ជាក់​ដែរ​ថា លោក Duturte នឹង​ចុះចេញ​ពី​តំណែង​ជា​ថ្នាក់​ដឹកនាំ​កំពូល​ប្រចាំ​ប្រទេស​ហ្វីលីពីន ក្រោយ​ពេល​លោក Ferdinand Marcos Jr ដែល​ត្រូវ​ជា​កូនប្រុស​របស់​អតីត​មេដឹកនាំ​ផ្ដាច់ការ​ដ៏​ល្បី​មួយរូប​ជាប់​ឆ្នោត​ជា​ប្រធានាធិបតី​កាលពី​ថ្ងៃច័ន្ទ​កន្លង​ទៅ៕

ប្រភព: CNA

The post អ្នកជំនួញ​ស្និទ្ធស្នាល​ប្រធានាធិបតី​ហ្វីលីពីន ប្រកាស​លក់​មុខ​ជំនួញ​រាប់​ពាន់​លាន​ដុល្លារ appeared first on .