លោក ជី សិលា៖ បិទក៏បិទ ជួយក៏នៅតែជួយព្រោះយើងសុទ្ធតែនៅក្នុងគ្រាដ៏លំបាកទាំងអស់គ្នា

ឧកញ៉ាកោះក្របី — Fri, 26 Mar 2021 12:50:36 +0000

ត្រឹមរយៈពេល ៣៥ថ្ងៃ បន្ទាប់ពីផ្ទុះព្រឹត្តិការណ៍សហគមន៍ ២០កុម្ភៈ កម្ពុជាមានអ្នកឆ្លងសរុបជាបណ្តោះអាសន្នចំនួន ១,៤៤៤នាក់ និងមានអ្នកជាសះស្បើយចំនួន ៥៦៧នាក់ ខណៈអ្នកស្លាប់ដោយសារជំងឺកូវីដ១៩ចំនួន ៨នាក់ ដែលមានមួយករណីថ្មីនៅព្រឹកនេះ។ រាជរដ្ឋាភិបាល ក្រុមគ្រួទេព្យ មន្រ្តីពាក់ពន្ធផ្សេងទៀត បានចូលរួមយ៉ាងសកម្មបំផុត ក្នុងទប់ទល់ប្រយុទ្ធក្នុងសមរភូមិឥតស្រមោល កូវីដ១៩។

ដោយឃើញបេសកកម្មដ៍គ្រោះថ្នាក់របស់ក្រុមគ្រូទេព្យជួរមុខប្រឆាំងកូវីដ១៩ ហ៊ានលះបង់ជំនះគ្រប់ឧបសគ្គដើម្បីរក្សាជីវិត ព្យាបាលជំងឺ របស់បងប្អូនប្រជាពលរដ្ឋដែលឆ្លងកូវីដ១៩ ក្រុមហ៊ុនអាហារ ដូមីណូភីហ្សា បានបន្តឧបត្ថម្ភភីហ្សាដល់លោកគ្រូ-អ្នកគ្រូពេទ្យ ទទួលបន្ទុកចាក់វ៉ាក់សាំងកូវីដ១៩ នៅមន្ទីរពេទ្យកាល់ម៉ែត ដើម្បីរួមគ្នាប្រឆាំងកូវីដ១៩ កុំឲ្យរីករាលដាលបន្តទៀត។

ដូមីណូភីហ្សា បានឲ្យដឹងតាមទំព័រហ្វេសបុករបស់ខ្លួូនថា “មិនថាពេលណា កាលៈទេសៈណា ដូមីណូភីហ្សាតែងតែចូលរួមជួយសង្គមទាំងកម្លាំងកាយ និងកម្លាំងចិត្ត។ សូមអរគុណដល់លោកគ្រូ-អ្នកគ្រូពេទ្យ និងបងៗមន្ត្រីជំនាញពាក់ព័ន្ធទាំងអស់ដែលខិតខំធ្វើការយ៉ាងសស្រាក់សស្រាំ ទាំងថ្ងៃទាំងយប់ ប្រយុទ្ធប្រឆាំងជំងឺកូវីដ១៩ ទាំងអស់គ្នា។ ដោយអនុវត្ត ៣កុំ ៣ការពារ។

លោក ជី សិលា ស្ថាបនិកក្រុមហ៊ុន សប្បាយឌីជីថល និងជាសហស្ថាបនិកដូមីណូភីហ្សាមួយរូបដែលនោះ បានថ្លែងលើទំព័រហ្វេសបុកថា “បិទក៏បិទ ជួយក៏នៅតែជួយ ព្រោះយើងសុទ្ធតែនៅក្នុងគ្រាដ៏លំបាកទាំងអស់គ្នា”។

ក្រសួងសុខាភិបាលនៅថ្ងៃនេះ ប្រកាសរកឃើញអ្នកឆ្លងថ្មី ៩៦នាក់ទៀត ដែលជាករណីឆ្លងចូលក្នុងសហគមន៍ទាំងអស់ ក្នុងនោះក៏មានអ្នកជាសះស្បើយចំនួន ១៨នាក់។ តាមរបាយការណ៍ក្រសួងបង្ហាញចំនួនអ្នកឆ្លង ៩៦នាក់ថ្ងៃនេះ គឺមានខេត្តកណ្ដាល ៧៣នាក់ រាជធានីភ្នំពេញ ២០នាក់ ខេត្តត្បួងឃ្មុំ ១នាក់ និងខេត្តស្វាយរៀង ១នាក់៕

The post លោក ជី សិលា៖ បិទក៏បិទ ជួយក៏នៅតែជួយព្រោះយើងសុទ្ធតែនៅក្នុងគ្រាដ៏លំបាកទាំងអស់គ្នា appeared first on .

នាយកប្រតិបត្តិ Sabay បង្ហើបមូលហេតុមួយ ធ្វើឲ្យក្រុមហ៊ុនជោគជ័យ

កូនចៅឧកញ៉ា — Tue, 19 Nov 2019 01:59:51 +0000

ចូលរួមក្នុងមហាសន្និបាតលំដាប់ពិភពលោក Social Media Week Phnom Penh កាលពីថ្ងៃទី១៧ ខែវិច្ឆិកា នៅផ្សារទំនើបអ៊ីអនម៉លសែនសុខ លោក ជី សិលា ដែលជាស្ថាបនិក និងជានាយកប្រតិបត្តិក្រុមហ៊ុន Sabay Digital Group បានចែករំលែកគោលការណ៍មួយ ដែលធ្វើឲ្យក្រុមហ៊ុនជោគជ័យ។

លោក ជី សិលា បានបកស្រាយថា Sabay តែងតែធ្វើការសម្របខ្លួនទៅតាមការផ្លាស់ប្ដូរដ៏លឿនដូចផ្លេកបន្ទោរនៃបច្ចេកវិទ្យា និងបត់បែនតាមការផ្លាស់ប្ដូរនូវទម្លាប់របស់អ្នកអាន និងអតិថិជនផងដែរ។ ជាក់ស្ដែង នាយកប្រតិបត្តិរូបនេះបានសង្កេតឃើញថាអ្នកអាននាពេលបច្ចុប្បន្នបានប្ដូរទម្លាប់ពីការអាន មកចាប់អារម្មណ៍លើការទស្សនាវីដេអូច្រើនជាងមុន ខណៈពេលដែលបណ្ដាញសង្គមយក្ស Facebook ក៏បានផ្ដោតខ្លាំងលើវីដេអូ ដោយបង្កើតនូវទីតាំងដាច់ដោយឡែកមួយសម្រាប់វីដេអូ។

ដោយមើលឃើញការផ្លាស់ប្ដូរនេះ ក្រុមហ៊ុន Sabay Digital Group បានបង្កើននូវចំនួនវីដេអូរបស់ខ្លួនឲ្យបានកាន់តែច្រើនជាងមុន តាមរយៈការបង្កើតវីដេអូ ដែលមានបញ្ចូលមាតិកាអំពីការកម្សាន្ត កម្មវិធីពិភាក្សាលើប្រធានបទក្ដៅ វីដេអូផ្ដល់នូវចំណេះដឹង វីដេអូកីឡា និងវីដេអូជុំវិញប្រធានបទបច្ចេកវិទ្យាជាដើម។

លោក ជី សិលា បានបន្ថែមថា ការផ្លាស់ប្ដូរនេះមិនមែនជារឿងងាយស្រួលនោះទេ ប៉ុន្តែវាជារឿងដែលក្រុមហ៊ុនជាច្រើនត្រូវគិតគូរដល់ ស្របពេលដែលបដិវត្តន៍ឧស្សាហកម្ម ៤.០ កំពុងចូលមកដល់៕

ប្រភព៖ Sabay អត្ថបទ៖ សុខហេង

The post នាយកប្រតិបត្តិ Sabay បង្ហើបមូលហេតុមួយ ធ្វើឲ្យក្រុមហ៊ុនជោគជ័យ appeared first on .