ជុំវិញកិច្ចព្រមព្រៀងធំចុងក្រោយមួយនេះ នឹងឃើញក្រុមហ៊ុនផលិតឱសថ ដែលជាបុត្រសម្ព័ន្ធមួយរបស់ Samsung Group ចាប់ផ្តើមផលិតថ្នាំជាច្រើន ដោយរាប់ចាប់ពីថ្នាំប្រឆាំងទៅនឹងជំងឺមហារីក និងរលាក រហូតដល់ថ្នាំព្យាបាលដោយភាពស៊ាំ នៅរោងចក្រទី៤ របស់ខ្លួន ក្នុងទីក្រុង Incheon ប្រទេសកូរ៉េខាងត្បូង។

យ៉ាងណាមិញ ក្រុមហ៊ុន Samsung Biologics បាននិយាយនៅក្នុងសេចក្តីថ្លែងការណ៍មួយថា ចំពោះកិច្ចព្រមព្រៀង ដែលទើបប្រកាសថ្មីនេះ រួមមានកិច្ចសន្យាថ្មី ក្នុងតម្លៃ ៩២២,៧ពាន់លានវ៉ុន ក៏ដូចជាកិច្ចសន្យាបញ្ជាទិញបន្ថែម ចំនួន ២៥៤,៣ពាន់លានវ៉ុន ដែលត្រូវបានអនុវត្តតាមកិច្ចព្រមព្រៀងចាស់ ដែលក្រុមហ៊ុនទាំងពីរ បានប្រកាសកាលពីក្នុងខែមីនា ផងដែរ ។

មិនតែប៉ុណ្ណោះ ក្រុមហ៊ុន Samsung Biologics បានបង្ហាញទៀតថា ចំពោះកិច្ចព្រមព្រៀងបញ្ជាទិញថ្មីនេះ គឺជាការពង្រីកភាពជាដៃគូយុទ្ធសាស្រ្តមួយ បន្ទាប់ពីខ្លួន ទទួលបានកិច្ចសន្យា ដែលមានតម្លៃសរុបរហូតដល់ទៅ ១,៩៣ទ្រីលានវ៉ុនរួចមកហើយ រហូតមកដល់ពេលនេះ ដែលជាចំនួនលើសពីឆ្នាំមុន។ ខណ:កាលពីដើមឆ្នាំនេះ Samsung Biologics ក៏បានចុះហត្ថលេខាលើកិច្ចព្រមព្រៀងជាមួយក្រុមហ៊ុនឱសថធំៗផ្សេងទៀត ដូចជា Eli Lilly Kinsale និង GlaxoSmithKline ផងដែរ ៕

The post ក្រុមហ៊ុន Samsung Biologics ឈានដល់ការចុះកិច្ចព្រមព្រៀងតម្លៃជិត ១ពាន់លានដុល្លារ ជាមួយ Pfizer appeared first on .