ស្ត្រីមានបំផុតនៅអាស៊ី លេចមុខក្នុងបញ្ជីឈ្មោះមហាសេដ្ឋីស្រីមានបំផុតលើលោក ១០រូប

ឧកញ៉ាសំពៅ — Thu, 23 Nov 2023 04:01:00 +0000

យោងតាមការចុះផ្សាយពីទស្សនាវដ្ដីនិយាយពីអ្នកមាន Forbes បានរាយការណ៍ថា ស្ត្រីមានបំផុតនៅអាស៊ី អ្នកស្រី Savitri Jindal បានលេចវត្តមាននៅក្នុងបញ្ជីឈ្មោះមហាសេដ្ឋីស្រីមានបំផុតនៅលើពិភពលោក ជាមួយទំហំទ្រព្យសម្បត្តិ ២៦,៤ពាន់លានដុល្លារ។

មហាសេដ្ឋីជនជាតិឥណ្ឌាម្នាក់នេះ គឺជាអ្នកនយោបាយ និងជាប្រធានក្រុមហ៊ុន Jindal ដែលឈានមុខគេមួយលើវិស័យផលិតស៊ីម៉ងត៍ ថាមពល និងគ្រឿងសាងសង់ហេដ្ឋារចនាសម្ព័ន្ធដូចជា ដែកថែបជាដើម។

ខាងក្រោមនេះគឺជាបញ្ជីឈ្មោះមហាសេដ្ឋីស្រីមានបំផុតនៅលើពិភពលោក គិតត្រឹមថ្ងៃទី២៣ ខែវិច្ឆិកា ឆ្នាំ២០២៣ ផ្អែកតាមរបាយការណ៍ពី Forbes៖

១/ Francoise Bettencourt Meyers មានទ្រព្យសម្បត្តិប្រមាណ ៩៣,៧ពាន់លានដុល្លារ ខណៈប្រភពចំណូលគឺ ក្រុមហ៊ុន L’Oreal

២/ Alice Walton មានទ្រព្យសម្បត្តិប្រមាណ ៦០,៣ពាន់លានដុល្លារ ខណៈប្រភពចំណូលគឺ ក្រុមហ៊ុន Walmart

៣/ Julia Koch មានទ្រព្យសម្បត្តិប្រមាណ ៥៧,៥ពាន់លានដុល្លារ ខណៈប្រភពចំណូលគឺ ក្រុមហ៊ុន Koch Industries

៤/ Mackenzie Scott មានទ្រព្យសម្បត្តិប្រមាណ ៣៩,៣ពាន់លានដុល្លារ ខណៈប្រភពចំណូលគឺ ក្រុមហ៊ុន Amazon

៥/ Jacqueline Mars មានទ្រព្យសម្បត្តិប្រមាណ ៣៧,១ពាន់លានដុល្លារ ខណៈប្រភពចំណូលគឺ ក្រុមហ៊ុន Mars Incorporated

៦/ Miriam Adelson មានទ្រព្យសម្បត្តិប្រមាណ ៣៣ពាន់លានដុល្លារ ខណៈប្រភពចំណូលគឺ ក្រុមហ៊ុនកាស៊ីណូ

៧/ Rafaela Aponte-Diamant មានទ្រព្យសម្បត្តិប្រមាណ ២៧,១ពាន់លានដុល្លារ ខណៈប្រភពចំណូលគឺ វិស័យដឹកជញ្ជូន

៨/ Gina Rinehart មានទ្រព្យសម្បត្តិប្រមាណ ២៦,៧ពាន់លានដុល្លារ ខណៈប្រភពចំណូលគឺ ក្រុមហ៊ុន Hancock Prospecting

៩/ Savitri Jindal មានទ្រព្យសម្បត្តិប្រមាណ ២៦,៤ពាន់លានដុល្លារ ខណៈប្រភពចំណូលគឺ ក្រុមហ៊ុន Jindal

១០/ Abigail Johnson មានទ្រព្យសម្បត្តិប្រមាណ ២៥,៥ពាន់លានដុល្លារ ខណៈប្រភពចំណូលគឺ ក្រុមហ៊ុន Fidelity Investments៕

The post ស្ត្រីមានបំផុតនៅអាស៊ី លេចមុខក្នុងបញ្ជីឈ្មោះមហាសេដ្ឋីស្រីមានបំផុតលើលោក ១០រូប appeared first on .

ស្ត្រីមេម៉ាយឥណ្ឌា ផ្ដួលស្ដេចត្រាញ់អចលនទ្រព្យចិន ក្លាយជាមហាសេដ្ឋីស្រីមានបំផុតនៅអាស៊ី

ឧកញ៉ាសំពៅ — Wed, 08 Mar 2023 07:55:00 +0000

ដោយសារតែបច្ចុប្បន្ន វិស័យអចលនទ្រព្យនៅប្រទេសចិនកំពុងជួបប្រទះវិបត្តិហិរញ្ញវត្ថុជាខ្លាំង បណ្ដាលឲ្យក្រុមវិនិយោគិន និងអ្នកអភិវឌ្ឍជាច្រើនរូបទទួលការខាតបង់ស្ទើរគ្រប់គ្នា ហើយ Yang Huiyan ក៏បានរបូតតំណែងមហាសេដ្ឋីស្រីមានបំផុតនៅអាស៊ី ក៏ព្រោះតែហេតុផលនេះដូចគ្នា។

ជាមួយគ្នានោះ ស្ត្រីឥណ្ឌាមួយរូបដែលមានឈ្មោះថា Savitri Jindal បានក្លាយជាអ្នកស្នងតំណែងបន្តរបស់ស្ត្រីជនជាតិចិន ដោយបានក្លាយជាមហាសេដ្ឋីស្រីមានបំផុតនៅអាស៊ីជាមួយទ្រព្យសម្បត្តិប្រមាណ ១៧,៤ពាន់លានដុល្លារ។ នេះបើតាមការចុះផ្សាយពី Forbes។

លោកស្រី Savitri គឺមានដើមកំណើតនៅ Tinsukia, Assam ហើយបានរៀបការជាមួយស្ថាបនិកក្រុមហ៊ុន Jindal លោក Om Prakash Jindal នៅទសវត្សឆ្នាំ ១៩៧០ ហើយបន្ទាប់ពីស្វាមីបានចែកឋាននៅក្នុងឧបទ្ទវហេតុធ្លាក់ឧទ្ធម្ភាគចក្រកាលពីឆ្នាំ ២០០៥ លោកស្រីត្រូវបានតែងតាំងជាប្រធានក្រុមហ៊ុន Jindal។

ក្រុមហ៊ុន Jindal គឺជាក្រុមហ៊ុនឈានមុខគេមួយលើវិស័យផលិតស៊ីម៉ងត៍ ថាមពល និងគ្រឿងសាងសង់ហេដ្ឋារចនាសម្ព័ន្ធដូចជា ដែកថែបជាដើម។

សូមជម្រាបដែរថា លោកស្រី Jindal គឺជាបុគ្គលទី ០៦ នៃបញ្ជីអ្នកមានបំផុតប្រចាំប្រទេសឥណ្ឌា និងជាស្ត្រីមានបំផុតប្រចាំឥណ្ឌា និងនៅអាស៊ីជាមួយទំហំទ្រព្យសម្បត្តិប្រមាណ ១៧,៤ពាន់លានដុល្លារ៕

The post ស្ត្រីមេម៉ាយឥណ្ឌា ផ្ដួលស្ដេចត្រាញ់អចលនទ្រព្យចិន ក្លាយជាមហាសេដ្ឋីស្រីមានបំផុតនៅអាស៊ី appeared first on .