ធនាគារ SCB ដែលបានចុះបញ្ជីក្នុងទីផ្សារភាគហ៊ុន SET របស់ប្រទេសថៃ កំពុងនាំមុខគេក្នុងចំណោមគូប្រជែងផ្សេងទៀត បន្ទាប់ពីពួកគេបានផ្តល់ជូនកិច្ចព្រមព្រៀងដ៏ធំបំផុតមួយ ដល់ធនាគារ Home Credit Vietnam សម្រាប់ការទិញយកនៅក្នុងតម្លៃចន្លោះពី ៨០០លានដុល្លារទៅ ៩០០លានដុល្លារ ។

ទន្ទឹមនឹងនេះ បើតាមគេហទំព័រ Bloomberg News បានរាយការណ៍ផងដែរថា Home Credit បានចាប់ផ្តើមដំណើរការដាក់លក់ធនាគាររបស់ខ្លួនកាលពីឆ្នាំមុន ដោយទទួលបានការចាប់អារម្មណ៍ពីសំណាក់ធនាគារ Kasikornbank របស់ប្រទេសថៃ និងធនាគារ KB Kookmin ដែលស្ថិតក្រោមការគ្រប់គ្រងរបស់ក្រុមហ៊ុនមេ KB Financial Group របស់កូរ៉េខាងត្បូង ផងដែរ។

ជម្រាបជូនផងដែរថា ដោយត្រូវបានបង្កើតឡើងដំបូងក្នុងឆ្នាំ១៩៩៧ ធនាគារ Home Credit មានប្រតិបត្តិការ នៅក្នុងប្រទេសជាច្រើននៅទូទាំងតំបន់អាស៊ី អឺរ៉ុបកណ្តាល អឺរ៉ុបខាងកើត និងអតីតសហភាពសូវៀត។ ដោយធនាគារដ៏ធំបំផុតរបស់វៀតណាមនេះ ស្ថិតនៅក្រោមការគ្រប់គ្រងដោយ PPF ដែលជាក្រុមហ៊ុនដែលកាន់កាប់ដោយក្រុមគ្រួសាររបស់មហាសេដ្ឋីឆេក Petr Kellner ជាមួយនឹងការផ្តល់សេវាកម្មជាច្រើនដូចជាផ្នែកហិរញ្ញវត្ថុ ទូរគមនាគមន៍ ការផលិត ប្រព័ន្ធផ្សព្វផ្សាយ និងជីវបច្ចេកវិទ្យា៕

The post SCB កំពុងខិតជិតក្នុងការទិញយកធនាគារ Home Credit របស់វៀតណាម ក្នុងតម្លៃ ៩០០លានដុល្លារ appeared first on .

ជាក់ស្តែង SCB កាលពីឆ្នាំមុន បានប្រកាសអំពីការរៀបចំរចនាសម្ព័ន្ធ និងការពង្រីកអាជីវកម្មរបស់ខ្លួន ជាមួយនឹងគោលដៅ ទាញយកអតិថិជនឱ្យបាន ២០០ លាននាក់ នៅឆ្នាំ ២០២៥ ក្នុងតំបន់អាស៊ីអាគ្នេយ៍ ខណ:ពេលដែលក្រុមហ៊ុនរបស់ពួកគេ កំពុងប្រតិបត្តិការនៅក្នុងទីផ្សារចំនួន ៦ ក្នុងតំបន់ ។

ដោយឡែក លោក Arak Sutivong ប្រធានក្រុមហ៊ុន SCB បាននិយាយនៅក្នុងសេចក្តីថ្លែងការណ៍មួយថា ” ការវិនិយោគរបស់យើង នៅក្នុង Akulaku គឺស័ក្តិសមជាមួយនឹងគោលដៅក្នុងតំបន់របស់យើង ដើម្បីបម្រើទីផ្សារ ដែលមិនទាន់បានមានការច្នៃប្រឌិត ដោយប្រើប្រាស់ប្រព័ន្ធឌីជីថល ” ។

គួរឱ្យដឹងផងដែរថា នៅក្នុងខែវិច្ឆិកាកន្លងទៅ ធនាគារនេះ បានប្រកាសទិញយកអាជីវកម្មប្តូរប្រាក់ឌីជីថលរបស់ថៃ Bitkub នៅក្នុងតម្លៃប្រមាណ ៥៣៧ លានដុល្លារ ខណ: SCB ក៏ដំណើរ App ដឹកជញ្ជូនអាហារផ្ទាល់ខ្លួន ដោយរួមបញ្ចូលទាំងផែនការធ្វើដំណើរ និងសេវាកម្មផ្សេងទៀតផងដែរ នៅឆ្នាំនេះ ៕

ប្រភព: Kelo News

The post ធនាគារ SCB របស់ថៃ ប្រកាសវិនិយោគទឹកប្រាក់ ១០០លានដុល្លារ ទៅក្នុងក្រុមហ៊ុនឥណ្ឌូនេស៊ី Akulaku appeared first on .