SCG

ប្រាក់ចំណូលប្រចាំឆ្នាំនៃក្រុមហ៊ុនផលិតស៊ីម៉ង់ត៍ធំបំផុតរបស់ថៃ អាចមានទាបជាងការរំពឹងទុក

ឧកញ៉ាសំពៅ — Fri, 28 Jul 2023 11:57:00 +0000

ក្រុមហ៊ុនឧស្សាហកម្មផលិតស៊ីម៉ង់ត៍ធំបំផុតរបស់ប្រទេសថៃ Siam Cement Group (SCG) បានរំពឹងថាប្រាក់ចំណូលរបស់ខ្លួន នឹងខុសពីទិសដៅដែលបានរំពឹងទុកនៅឆ្នាំនេះ ពោលគឺនឹងទទួលបានតិចជាងឆ្នាំទៅ ដោយសារមូលហេតុនៃក្រុមហ៊ុនកំពុងជួបនូវវិបត្តិនៃការធ្លាក់ចុះបរិមាណនៃការលក់ និងផលប៉ះពាល់នូវបញ្ហាផ្នែកនយោបាយនៅក្នុងស្រុក ។

បើតាមការចុះផ្សាយពីសារព័ត៌មាន BangkokPost ដោយបានស្រង់សំដីរបស់នាយកប្រតិបត្តិក្រុមហ៊ុន SCG លោក Roongrote Rangsiyopash ដែលបាននិយាយថា “SCG ទំនងជាមិនសម្រេចគោលដៅប្រាក់ចំណូលនៅឆ្នាំនេះនោះទេ ដោយលោកបានបន្តថា វាជាឆ្នាំមួយដ៏លំបាកសម្រាប់អាជីវកម្មរបស់យើង នេះក៏ដោយសារបញ្ហាសេដ្ឋកិច្ចនៅទីផ្សារក្នុងស្រុក និងក្រៅប្រទេសមិនសូវជាល្អដូចគ្នា” ។

មួយវិញទៀត លោកក៏បានសន្មតដែរថា ការថយចុះនៃប្រាក់ចំណូលក្នុងឆ្នាំ ២០២៣នេះ គឺជាការធ្លាក់ចុះនៃបរិមាណនៃការលក់ និងភាពមិនប្រាកដប្រជាផ្នែកនយោបាយ ។

ដោយឡែកនៅក្នុងឆ្នាំ២០២៣ នៃឆមាសទីមួយ SCG បានខាតបង់ប្រាក់ចំណូលរបស់ខ្លួនដោយធ្លាក់ចុះប្រមាណ ១៧% ឬស្មើរនិង ២៥៣,៣ ពាន់លានបាត ពីមួយឆ្នាំទៅមួយឆ្នាំ ។

រំលឹកបន្តិចថា កាលពីដើមឆ្នាំកន្លងទៅ ក្រុមហ៊ុនបានកំណត់គោលដៅនៃកំណើនប្រមាណ ១០% ពី ៥៦៩,៦ពាន់លានបាតនូវប្រាក់ដែលខ្លួនរកបានកាលពីឆ្នាំមុន៕

The post ប្រាក់ចំណូលប្រចាំឆ្នាំនៃក្រុមហ៊ុនផលិតស៊ីម៉ង់ត៍ធំបំផុតរបស់ថៃ អាចមានទាបជាងការរំពឹងទុក appeared first on .

ប្រាក់ចំណូលរបស់ SCG រំពឹងថានឹងអាចកើនឡើង ១០% នៅឆ្នាំ ២០២២ នេះ

ឧកញ៉ាសាមញ្ញ — Fri, 29 Apr 2022 06:00:48 +0000

Siam Cement Group (SCG) ដែលជាក្រុមហ៊ុនផលិតស៊ីម៉ងត៍ដ៏ធំបំផុតរបស់ប្រទេសថៃ និងជាក្រុមហ៊ុនឧស្សាហកម្ម ដែលបានចុះបញ្ជីចុះបញ្ជីក្នុងទីផ្សាហ៊ុនរបស់ថៃ SET រំពឹងថា ប្រាក់ចំណូលរបស់ខ្លួន នៅក្នុងឆ្នាំ ២០២២ នេះ អាចនឹងកើនឡើង ១០% ពីចំនួន ៥៣០ ពាន់លានបាត កាលពីឆ្នាំមុន ដោយសារតែការកើនឡើងនៃតម្លៃផលិតផលរបស់ខ្លួន ។

ជាក់ស្តែង លោក Roongrote Rangsiyopash ដែលជាប្រធាន និងជានាយកប្រតិបត្តិរបស់ SCG បាននិយាយថា ការកើនឡើងតម្លៃថាមពល និងវត្ថុធាតុដើម សម្រាប់ផលិតកម្ម គឺជាមូលហេតុចម្បងនៃការកើនឡើងប្រាក់ចំណូលរបស់ក្រុមហ៊ុន ។

មិនតែប៉ុណ្ណោះ លោក Roongrote បាននបន្តទៀតថា ” តម្លៃនឹងនៅតែបន្តកើនឡើង ដោយសារតែឥទ្ធិពលនៃសង្គ្រាមរវាងរុស្ស៊ី និងប្រទេសអ៊ុយក្រែន ” ។

នៅក្នុងត្រីមាសទីមួយនៃឆ្នាំ ២០២២ នេះ SCG បានមើលឃើញពីប្រាក់ចំណូលរបស់ខ្លួនកើនឡើង ២៥% ដល់ចំនួន ១៥២ ពាន់លានបាត ប៉ុន្តែប្រាក់ចំណេញរបស់ខ្លួន គឺបានធ្លាក់ចុះ ៤១% កាលពីឆ្នាំមុន មកនៅត្រឹម ៨,៨៤ ពាន់លានបាតប៉ុណ្ណោះ ។

គួរឱ្យដឹងផងដែរថា ថ្លៃដើមនៃការផលិតចំណីសត្វ បានរួមចំណែក ៧០-៨០% នៃអាជីវកម្មគីមីឥន្ធន:របស់ SGC ស្របពេលការចំណាយលើថាមពលមានចំនួន ២០% នៅក្នុងអាជីវកម្មស៊ីម៉ងត៍ និងសម្ភារ:សំណង់របស់ក្រុមហ៊ុន ខណ: ៥-១៥% នៅក្នុងអាជីវកម្មវេចខ្ចប់របស់ខ្លួន៕

ប្រភព: Bangkok Post

The post ប្រាក់ចំណូលរបស់ SCG រំពឹងថានឹងអាចកើនឡើង ១០% នៅឆ្នាំ ២០២២ នេះ appeared first on .

ក្រុមហ៊ុន SCG របស់ថៃ បង្ហាញពីប្រាក់ចំណូលកប់ក្ដោង ពីការលក់ផលិតផល ក្នុងឆ្នាំ ២០២១ កន្លងទៅ

ឧកញ៉ាសាមញ្ញ — Mon, 14 Feb 2022 05:14:41 +0000

ថ្មីៗនេះ ក្រុមហ៊ុន Siam Cement Group (SCG) ដែលជាកម្មសិទ្ធិរបស់ប្រទេសថៃ បានធ្វើការរាយការណ៍អំពីការកើនឡើង ៣២% នៃប្រាក់ចំណូលរបស់ខ្លួន ដល់ ១,៥២ ពាន់លានដុល្លារ កាលពីឆ្នាំ ២០២១ ។

ជាក់ស្តែង ប្រាក់ចំណូលនៅឆមាសទី ៤ របស់ក្រុមហ៊ុនខាងលើ បានកើនឡើង ៤៦% ពីមួយឆ្នាំទៅមួយទៅឆ្នាំ ដល់ចំនួនទឹកប្រាក់ប្រមាណ ៤៤០ លានដុល្លារ ។

គួរឱ្យដឹងផងដែរថា SCG មានសាខានៅក្នុងប្រទេសធំៗជាច្រើន ហើយដោយគិតត្រឹមថ្ងៃទី ៣១ ខែធ្នូ ឆ្នាំ២០២១ ក្រុមហ៊ុននេះ មានតម្លៃរហូតដល់ជាង ៦ ទ្រីលានដុល្លារ ដែលជាកើនឡើង ៣២% បើធៀបនឹងឆ្នាំមុន ។

សរុបជារួមមក ក្រុមហ៊ុន SCG បានរាយការណ៍ពីប្រាក់ចំណេញជាង ១,៤ ពាន់លានដុល្លារ កាលពីឆ្នាំមុន ដែលកើនឡើង ៣៨% លើប្រាក់ចំណូលសរុបកើនឡើង ៣៣ % ក្នុងចំនួន ១៦,៥ ពាន់លានដុល្លារ ដោយសារតែការកើនឡើងតម្លៃនៃផលិតផល គីមីឥន្ធន: ក៏ដូចជាទិន្នផល៕

ប្រភព: VN Express

The post ក្រុមហ៊ុន SCG របស់ថៃ បង្ហាញពីប្រាក់ចំណូលកប់ក្ដោង ពីការលក់ផលិតផល ក្នុងឆ្នាំ ២០២១ កន្លងទៅ appeared first on .