Sheryl Sandberg

មហាសេដ្ឋីអាមេរិក ប្រកាសដកខ្លួនចេញពីសមាជិកប្រធានក្រុមប្រឹក្សាក្រុមហ៊ុន Facebook

ឧកញ៉ាសំពៅ — Thu, 18 Jan 2024 07:00:00 +0000

មហាសេដ្ឋីអាមេរិក លោកស្រី Sheryl Sandberg បានប្រកាសនៅលើបណ្ដាញសង្គម Facebook កាលពីថ្ងៃទី១៧ ខែមករា ឆ្នាំ២០២៤ ថា លោកស្រីនឹងដកខ្លួនចេញពីសមាជិកនៃក្រុមប្រឹក្សាភិបាល ប្រចាំក្រុមហ៊ុន Meta បន្ទាប់ពីកាន់តំណែងអស់រយៈពេលច្រើនជាងមួយទសវត្ស។ នេះបើតាមការចុះផ្សាយពីសារព័ត៌មាន Forbes។

មហាសេដ្ឋីស្រីរូបនេះបានបញ្ជាក់ថា លោកស្រីនឹងមិនឈរឈ្មោះជាបេក្ខភាពសមាជិកក្រុមប្រឹក្សាភិបាល ដែលនឹងត្រូវបោះឆ្នោតជ្រើសរើសនាខែឧសភាខាងមុខឡើយ ប៉ុន្តែលោកស្រីនឹងបន្តធ្វើជាទីប្រឹក្សាប្រចាំក្រុមហ៊ុន Meta វិញ។

រំលឹកបន្តិចថា លោកស្រី Sheryl Sandberg ត្រូវបានទស្សនាវដ្ដី Forbes ព្យាករណ៍ថា មានទ្រព្យសម្បត្តិសរុប ១,៩ពាន់លានដុល្លារ និងជាប់នៅលេខរៀងទី១៧ ក្នុងបញ្ជីឈ្មោះមហាសេដ្ឋីស្រីអាមេរិក ដែលរកស៊ីពីបាតដៃទទេ។

ជម្រាបបន្ថែមថា ប្រភពចំណូលធំរបស់លោកស្រី គឺជាការលក់ភាគហ៊ុនក្រុមហ៊ុន Meta ពោលចន្លោះពីឆ្នាំ២០១៣ ដល់ឆ្នាំ២០២២ មហាសេដ្ឋីរូបនេះ លក់ភាគហ៊ុនក្រុមហ៊ុន Meta សរុបជាទឹកប្រាក់បានប្រហែល ១,៨ពាន់លានដុល្លារឯណោះ៕

The post មហាសេដ្ឋីអាមេរិក ប្រកាសដកខ្លួនចេញពីសមាជិកប្រធានក្រុមប្រឹក្សាក្រុមហ៊ុន Facebook appeared first on .

អតីតមនុស្សជំនិត Mark Zuckerberg កំពុងស្ថិតក្រោមការស៊ើបអង្កេត ពីករណីកិបកេងប្រយោជន៍ក្រុមហ៊ុន

ឧកញ៉ាសំពៅ — Mon, 13 Jun 2022 08:39:41 +0000

កាលពីថ្ងៃសុក្រសប្ដាហ៍មុន The Wall Street Journal បានរាយការណ៍មកថា ក្រុមមេធាវីកំពុងចាប់ផ្ដើមស៊ើបអង្កេតរឿងក្ដីទាក់ទងនឹងក្រុមហ៊ុន Meta Platforms Inc. ដែលមានការសង្ស័យថា អ្នកស្រី Sheryl Sandberg បានកិបកេងប្រយោជន៍ក្រុមហ៊ុនអស់រយៈពេលជាច្រើនឆ្នាំ។

ប្រភពខាងលើបានបន្ថែមទៀតថា បច្ចុប្បន្នការស៊ើបអង្កេតកំពុងដំណើរការដោយបានសម្ភាសន៍ទៅកាន់បុគ្គលិកមួយចំនួននៃក្រុមហ៊ុន Meta និងបានបង្ហើបថា ការស៊ើបអង្កេតបានចាប់ផ្ដើមតាំងពីរដូវស្លឹកឈើជ្រុះមកម៉្លេះ។

សារព័ត៌មានអាមេរិកខាងលើបានទម្លាយទៀតថា បុគ្គលិកក្រុមហ៊ុន Meta មួយចំនួននឹងទទួលបានការឃ្លាំមើលយ៉ាងហ្មត់ចត់អំពីរឿងក្ដីមួយនេះ ស្របពេល Reuters មិនអាចស្នើសុំការបកស្រាយពីក្រុមហ៊ុន Meta ឬក៏អ្នកស្រី Sheryl Sandberg បាននៅឡើយ។

បញ្ជាក់ដែរថា Sheryl Sandberg គឺជាមនុស្សជំនិតរបស់ Mark Zuckerberg អស់រយៈពេលប្រមាណ ១៤ ឆ្នាំកន្លងមក ហើយអ្នកស្រីក៏ជាចំណែកធំមួយជួយឲ្យ Facebook ឈរជើងបានខ្លាំងជាបណ្ដាញសង្គមធំបំផុតក្នុងលោក ប៉ុន្តែកាលពីប៉ុន្មានសប្ដាហ៍មុនអ្នកស្រីស្រាប់តែលាលែងពីតំណែងជា COO ប្រចាំក្រុមហ៊ុនយ៉ាងតក់ក្រហល់ និងបានបង្កការភ្ញាក់ផ្អើលជាខ្លាំងផងដែរ៕

The post អតីតមនុស្សជំនិត Mark Zuckerberg កំពុងស្ថិតក្រោមការស៊ើបអង្កេត ពីករណីកិបកេងប្រយោជន៍ក្រុមហ៊ុន appeared first on .

មហាសេដ្ឋីនីកំពូលៗ ទាំង៣នេះ បង្ហើបវិជ្ជាគុណសម្រាប់មនុស្សស្រីគួរមាន

ឧកញ៉ាកោះក្របី — Mon, 04 Jan 2021 11:26:52 +0000

ឧកញ៉ាញូស៍ សូមនាំលោកអ្នកសិក្សាអំពីសេដ្ឋីនីល្បីៗ លំដាប់ពិភពលោក មកបង្ហាញជូនដូចខាងក្រោម ដែលជាគុណសម្បត្តិរបស់មនុស្សស្រីសម័យទំនើបត្រូវមានពីកំពូលស្ត្រី ៣ រូប៖

១. ហ៊ានចាប់យកក្ដីស្រមៃរបស់ខ្លួន

អ្នកស្រី Tory Burch ជាសេដ្ឋីនីអាមេរិកាំងដែលជោគជ័យក្នុងវិស័យជំនួញមួយរូប។ ស្ត្រីវ័យ ៥៤ ឆ្នាំរូបនេះ ប្រាប់ថា មនុស្សស្រីមានមហិច្ឆតាធំ ជាស្ត្រីដែលមានភាពក្លាហានបំផុត។

ម្ចាស់អាជីវកម្មច្នៃម៉ូដរូបនេះលើកឡើងថា ក្រុមហ៊ុនសម្លៀកបំពាក់ Tory Burch របស់ខ្លួនមិនមែនជោគជ័យតែឯងពិតមែន ប៉ុន្តែចំណុចខ្លាំងដែលធ្វើឲ្យអ្នកស្រីបន្តអាចដើរមកទល់នឹងសព្វថ្ងៃ គឺ មហិច្ឆតាហ៊ានចាប់យកក្ដីស្រមៃជាមួយនឹងការផ្ដោតលើគោលដៅផងដែរ។

២. មានភាពឯករាជ្យលើខ្លួនឯង

អ្នកស្រី Sheryl Sandberg ជាសេដ្ឋីនីប្រាក់ពាន់លានដុល្លារ និងជានាយកផ្នែកប្រតិបត្តិ ក្នុងក្រុមហ៊ុនហ្វេសប៊ុក។ ស្ត្រីវ័យ ៥១ ឆ្នាំរូបនេះ បានថ្លែងថា មនុស្សស្រីសម័យថ្មីរមែងបង្កើតហានិភ័យសម្រាប់ខ្លួនឯងជារឿយៗដោយមិនព្រមផ្ដល់ឱកាសឲ្យខ្លួនទទួលបានសេរីភាព និងចូលចិត្តពឹងផ្អែកលើអ្នកដទៃខ្លាំងពេក។

Sheryl Sandberg មានប្រសាសន៍ទៀតថា ទោះបីអតីតកាលមនុស្សស្រីមិនសូវមានការលើកស្ទួយ តែបច្ចុប្បន្នវាផ្ទុយគ្នាហើយ។ ចំពោះអ្នកស្រីមិនដែលចុះញមឡើយ ព្រោះខ្លួនមិននិយមនៅក្រោមការគ្រប់គ្រងរបស់អ្នកដទៃទាំងស្រុងទេ បែបនេះហើយទើបសម្រេចចិត្តចូលប្រឡូកក្នុងសង្គម ដើម្បីបានធ្វើរឿងដែលខ្លួនស្រឡាញ់។

៣. មិនចុះចាញ់នឹងបញ្ហា

តារាចម្រៀងស្រី Beyonce ជាសិល្បការរិនីជនជាតិអាមេរិក នាងបានបង្ហើបប្រាប់ថា មូលហេតុដែលនាំឲ្យខ្លួនអាចឈរជើងរហូតដល់បច្ចុប្បន្នគឺនាងតែងតែបង្វឹកខ្លួនឯងឲ្យក្រោកឈរឡើងជានិច្ច នៅពេលដែលជួបឧបសគ្គ។ នាងថា ជាញឹកញាប់នៅពេលបញ្ហាចូលមក នាងមិនដែលប្រលែងចោលនោះទេ ដោយតែងព្យាយាមដោះស្រាយឲ្យអស់ពីលទ្ធភាពជានិច្ច។

ការរៀនសូត្រជីវិតរបស់បុគ្គលជោគជ័យទាំងឡាយ រមែងអាចបង្កើតកម្លាំងចិត្តដល់គ្នាយើងឲ្យហ៊ានពុះពារ ជឿជាក់ និងបន្តទៅសម្រេចក្ដីស្រមៃរបស់ខ្លួន។

ដូចគ្នាដែរ មនុស្សស្រីជំនាន់ថ្មី គួរសិក្សាពីចំណុចល្អៗជាច្រើនពីស្ត្រីជោគជ័យនានាជុំវិញពិភពលោក ដើម្បីបង្វឹកបង្ហាត់ខ្លួនឯងឲ្យរឹងមាំ និងរីកចម្រើនទាន់សម័យកាល។

ប្រភព៖ Forbes

The post មហាសេដ្ឋីនីកំពូលៗ ទាំង៣នេះ បង្ហើបវិជ្ជាគុណសម្រាប់មនុស្សស្រីគួរមាន appeared first on .

Sheryl Sandberg

មហាសេដ្ឋីអាមេរិក ប្រកាសដកខ្លួនចេញពីសមាជិកប្រធានក្រុមប្រឹក្សាក្រុមហ៊ុន Facebook

អតីត​មនុស្ស​ជំនិត Mark Zuckerberg កំពុង​ស្ថិត​ក្រោម​ការ​ស៊ើបអង្កេត​ ពី​ករណី​កិបកេង​ប្រយោជន៍​ក្រុមហ៊ុន

មហាសេដ្ឋីនីកំពូលៗ ទាំង៣នេះ បង្ហើបវិជ្ជាគុណសម្រាប់មនុស្សស្រីគួរមាន

អតីតមនុស្សជំនិត Mark Zuckerberg កំពុងស្ថិតក្រោមការស៊ើបអង្កេត ពីករណីកិបកេងប្រយោជន៍ក្រុមហ៊ុន