ក្រុមហ៊ុន Singapore Airlines បាននិយាយនៅក្នុងរបាយការណ៍ហិរញ្ញវត្ថុថា ប្រាក់ចំណូលរបស់ខ្លួនបានកើនឡើង ២% ដល់ចំនួន ៤,៨ពាន់លានដុល្លារសិង្ហបុរី នៅក្នុងត្រីមាសទី២ ប៉ុន្តែទន្ទឹមនឹងនោះការចំណាយក៏បានកើនឡើងរហូតដល់ ១៤,៧% ផងដែរ ក្នុងរយ:ពេលនោះ។

“ទិដ្ឋភាពប្រតិបត្តិការនឹងបន្តមានការប្រកួតប្រជែងកាន់តែខ្លាំង។ ដូច្នេះហើយក្រុមហ៊ុន ចាំបាច់ត្រូវតែចំណាត់ការឲ្យបានឆាប់រហ័ស ជាមួយនឹងការកែសម្រួលបណ្តាញអ្នកដំណើរ និងសមត្ថភាពដឹកជញ្ជូនរបស់ខ្លួន ដើម្បីផ្គូផ្គងតាមតម្រូវការដែលកំពុងវិវត្ត”។ នេះបើតាមការបញ្ជាក់បន្ថែមរបស់ក្រុមហ៊ុន។

គួរឲ្យដឹងផងដែរថា ក្រុមហ៊ុន Singapore Airlines ប្រតិបត្តិការយន្តហោះចំនួនសរុបចំនួន ២០៥ គ្រឿង ដោយក្នុងនោះមានយន្តហោះប្រភេទ Boeing 787-10 ចំនួន ៤ គ្រឿងដែលត្រូវបានបន្ថែម នៅអំឡុងក្នុងត្រីមាសទី៣ នេះ។

ទន្ទឹមនឹងនេះ ក្រុមហ៊ុនក៏បានបង្កើនចំនួនជើងហោះហើរទៅកាន់គោលដៅពេញនិយមបន្ថែមទៀត ដូចជា ទីក្រុងហាណូយ ទីក្រុងហូជីមិញ Johannesburg មែលប៊ន ភូកេត និងសេអ៊ូល ផងដែរ៕

The post ក្រុមហ៊ុនអាកាសចរណ៍សិង្ហបុរី ប្រកាសពីការធ្លាក់ចុះប្រាក់ចំណេញជិត ៦០% ក្នុងត្រីមាសទី៣ appeared first on .

ជាក់ស្តែងនិយតករអាកាសចរណ៍របស់រដ្ឋ-ទីក្រុង បានសម្រេចអនុម័តឲ្យបើកជើងហោះហើរប្រភេទ  737 MAX ឡើងវិញកាលពីខែកញ្ញា ក្រោយជាងពីរឆ្នាំ បន្ទាប់ពីជើងហោះហើរនេះត្រូវបានផ្អាក ដោយសារការកើតឧបទ្ទវហេតុធ្លាក់ចំនួន ២ ដង ។

ប៉ុន្តែយ៉ាងណា ក្រុមហ៊ុន Singapore Airlines មិនទាន់បានបញ្ជូនប្រភេទយន្តនេះ មកបម្រើសេវាកម្មហោះហើរឡើងវិញនៅឡើយទេ ដោយសារតែវាត្រូវការទទួលបានភ្លើងខៀវ ពីបណ្តាប្រទេសផ្សេងៗទៀតជាមុនសិន ដើម្បីអាចហោះហើរយន្តហោះប្រភេទ 737 MAX នៅក្នុងដែនអាកាស និងចុះចត នៅក្នុងប្រទេសទាំងនោះ ។ ​

មិនតែប៉ុណ្ណោះ លោក Lee Lik Hsin អនុប្រធានប្រតិបតិ្តក្រុមហ៊ុនអាកាសចរណ៍សឹង្ហបុរី បានប្រាប់អ្នកយកព័ត៌មានជុំវិញការវិលត្រលប់មកហោះហើរវិញ របស់  737 MAX ថា ៖ ” យើងពិតជាសង្ឃឹមថា វានឹងអាចវិលមកហោះហើរបានវិញ នៅក្នុងពេលឆាប់ៗតាមដែលអាចធ្វើទៅបាន ។ ហើយយើងរំពឹងថាវានឹងមានវត្តមាន នៅមុនដំណាច់ឆ្នាំនេះ ” ។

គួរបញ្ជាក់ផងដែរថា ឥណ្ឌា ម៉ាឡេស៊ី អូស្ត្រាលី និងជប៉ុន សុទ្ធសឹងតែស្ថិតនៅក្នុងចំណោមប្រទេសអាស៊ីដទៃទៀត ដែលបានយល់ព្រមឲ្យយន្តហោះ  737 MAX ត្រលប់មកបម្រើសេវាកម្មវិញ ខណ:ចិន និងឥណ្ឌូនេស៊ី នៅតែស្ថិតនៅក្នុងចំណោមប្រទេសដែលមិនបានអនុញ្ញាតនោះឡើយ ៕​

ប្រភព: Kelo

The post អាកាសចរណ៍សឹង្ហបុរី ត្រៀមដំណើរការហោះហើយន្តហោះប្រភេទ 737 MAX ឡើងវិញ ក្រោយខកខានជាយូរ ដោយសារឧបទ្ទវហេតុ appeared first on .