កម្មវិធីអ្នកច្នៃប្រឌិតវ័យក្មេង SmartStart ដែលផ្តួចផ្តើមដោយក្រុមហ៊ុន Smart Axiata សហការជាមួយ Impact Hub Phnom Penh គឺជាកម្មវិធីអភិវឌ្ឍន៍អ្នកមានទេពកោសល្យផ្នែកឌីជីថលឈានមុខគេនៅកម្ពុជា ដើម្បីស្វែងរក និងបណ្ដុះបណ្ដាលអនាគតអ្នកដឹកនាំផ្នែកសហគ្រិនភាពឌីជីថលនៅប្រទេស​កម្ពុជា។

ក្រុមទាំង ៥ ដែលនឹងត្រូវឡើងទៅកាន់វគ្គបន្តគឺវគ្គ Incubation and Internship រួមមាន៖-

KAKVEI៖ ជាបច្ចេកវិទ្យាបញ្ញាសិប្បនិម្មិត (Al) ដែលធ្វើឱ្យការសរសេរភាសាខ្មែរមានភាពប្រសើរឡើងតាមរយៈបំប្លែងការសរសេរអក្សរខ្មែរបែបរ៉ូម៉ាំងទៅជាអក្សរខ្មែរ ដោយមានការកែតម្រូវវេយ្យាករណ៍ខ្មែរ និងកំហុសអក្ខរាវិរុទ្ធដោយស្វ័យប្រវត្តិ។ ឧទាហរណ៍ “nh der lg” ដែលនឹងបំប្លែងទៅជា “ខ្ញុំដើរលេង” ។

MOVERY៖ ជាកម្មវិធីដែលផ្តល់សេវាកម្មផ្លាស់ទី ឬរើសទីលំនៅ ដែលផ្តល់ជូនភាពងាយស្រួល ភាពទុកចិត្តបាន និងវិជ្ជាជីវៈសម្រាប់ទាំងគ្រួសារ និងក្រុមហ៊ុន។

HOMATIC៖ ជាប្រព័ន្ធសុវត្ថិភាពគេហដ្ឋានស្វ័យប្រវត្តិ ដែលប្រកាសអាសន្នពេលមានចោរកំពុងធ្វើសកម្មភាព និង ផ្តល់ដំណឹងដល់ប៉ូលិសមូលដ្ឋានដោយស្វ័យប្រវត្តិ។

DOLFIN៖ ជាកម្មវិធីបរិយាបន្នហិរញ្ញវត្ថុ ដែលផ្តល់ព័ត៌មានជូនអ្នកប្រើប្រាស់អំពីផលិតផលកម្ចី ការតភ្ជាប់ទំនាក់ទំនងដោយផ្ទាល់ទៅកាន់មន្រ្តីឥណទាន និងការប្រឹក្សាអំពីកម្ចីផ្ទាល់ខ្លួន។

SKINOREA៖ កម្មវិធីទីផ្សារថែរក្សាស្បែកតាមទូរស័ព្ទសម្រាប់ប្រជាជនដែលកើតនៅចន្លោះចុងទសវត្សរ៍ឆ្នាំ១៩៩០ ដល់ដើមទសវត្សរ៍ឆ្នាំ២០១០ (Gen Z) ដែលជួយផ្តល់ជម្រើសផ្សេងៗតាមរយៈ Machine learning។

ក្រុមទាំង ៥ នឹងបន្តឡើងទៅកាន់វគ្គទី៥ គឺវគ្គ Grand Final Pitch នៃកម្មវិធីអ្នកច្នៃប្រឌិតវ័យក្មេង SmartStart ដើម្បីប្រកួតប្រជែងដណ្តើមយករង្វាន់ធំជាទឹកប្រាក់ ១ ម៉ឺនដុល្លារ និងមានឱកាសឈ្នះដំណើរទស្សនកិច្ចកម្សាន្តទៅចូលរួមក្នុងសន្និសិទ្ធបច្ចេកវិទ្យាក្នុងតំបន់ដោយទទួលបានការឧបត្ថម្ភទាំងស្រុង។

កម្មវិធីអ្នកច្នៃប្រឌិតវ័យក្មេង SmartStart រដូវកាលទី៥ នៅឆ្នាំនេះបានចាប់ផ្តើមនៅក្នុងខែមិថុនា ហើយនឹងបញ្ចប់នៅខែធ្នូ។ កម្មវិធីអ្នកច្នៃប្រឌិតវ័យក្មេង SmartStart មានគោលបំណងពង្រីកគំនិតរបស់សិស្សជំនាន់ក្រោយរតាមរយៈបច្ចេកវិទ្យា និងភាពជាសហគ្រិន ដោយផ្តល់ឱ្យពួកគេនូវឱកាសបញ្ចេញសមត្ថភាព អភិវឌ្ឍ និងបង្កើតគំនិតអនាគតរបស់ពួកគេ។ បន្ទាប់ពីឆ្លងកាត់វគ្គជម្រុះមួយចំនួនរួចមកដែលរួមមានការប្រកួតប្រជែងក្នុងវគ្គ “Hatch” និង “Digithon” ដែលពាក់ព័ន្ធនឹងការដោះស្រាយបញ្ហាប្រឈមក្នុងជីវិតពិតដោយប្រើបច្ចេកវិទ្យា Internet of Things និងបង្ហាញគំនិតរបស់ពួកគេសម្រាប់វគ្គ “Technopreneurship Challenge” រួចមក ក្រុមដែលទទួលបានជោគជ័យទាំង៥ នឹងធ្វើកម្មសិក្សាជាមួយនឹងការបណ្តុះបណ្តាលនៅក្រុមហ៊ុនបង្កើតថ្មីក្នុងស្រុកខាងផ្នែកបច្ចេកវិទ្យា ដើម្បីយល់កាន់តែច្បាស់អំពីដំណើរការអាជីវកម្ម និងពង្រីកមូលដ្ឋានចំណេះដឹងរបស់ពួកគេ។

ដោយបង្កើតឡើងក្នុងឆ្នាំ២០១៧ កម្មវិធីអ្នកច្នៃប្រឌិតវ័យក្មេង SmartStart បានបណ្ដុះបណ្ដាលនិស្សិត សាកលវិទ្យាល័យនៅប្រទេសកម្ពុជាឱ្យផ្តើមដំណើរការអាជីវកម្មឌីជីថលទើបបង្កើតថ្មី ដោយផ្តល់នូវបទពិសោធសិក្សាល្អៗបំផុតតាមរយៈផ្ដល់ការណែនាំ និងការគាំទ្រផ្នែកហិរញ្ញវត្ថុ។ កម្មវិធី SmartStart បានពង្រីកវិសាលភាពដើម្បីផ្តល់ការអប់រំផ្នែកសហគ្រិនភាពដល់យុវជនកម្ពុជាបន្ថែមទៀត និងបានផ្ដល់អត្ថប្រយោជន៍ដល់និស្សិតប្រហែលមួយពាន់នាក់។

The post ៥ ក្រុម​ឡើងទៅវគ្គបន្ត​​ កម្មវិធីអ្នកច្នៃប្រឌិតវ័យក្មេង ក្នុង​​ដំណើរ​ឆ្ពោះទៅ​​អភិវឌ្ឍ​អាជីវកម្មឌីជីថល appeared first on .

​​លោក​ Thomas Hundt អគ្គនាយក​ក្រុមហ៊ុន Smart Axiata បាន​ឲ្យ​ដឹង​ថា ក្នុង​ឆ្នាំ​ ២០២១ ក្រុមហ៊ុន​នឹង​វិនិយោគ​ទឹកប្រាក់​ច្រើន​ជាង ​៩០​ លាន​ដុល្លារ​ទៅ​លើ​ហេដ្ឋារចនា​សម្ព័ន្ធ​បណ្ដាញ​ទូរស័ព្ទ​ចល័ត​​​ ​ដោយ​ពង្រីក​និង​ធ្វើ​ឲ្យ​ប្រសើរ​ឡើង​នូវ​បណ្តាញ​ទំនាក់ទំនង​​ដើម្បី​ធានា​ឲ្យ​បាន​នូវ​ស្ថិរភាព​និង​ល្បឿន​នៃ​បណ្ដាញ​អ៊ីនធឺណិត​ សម្រាប់​អតិថិជន​ទូទាំង​ប្រទេស​។​

លោក​បញ្ជាក់​យ៉ាង​ដូច្នេះ​ថា ខណៈ​ពេល​ដែល​អតិថិជន​ Smart ​បាន​ចាប់​ផ្ដើម​ប្រើប្រាស់​ 4G​ នៅ​ក្នុង​​ឆ្នាំ ២០២១ ​ក្រុមហ៊ុន​នឹង​ផ្លាស់​ប្ដូរ​វិសាលភាព​​​បណ្ដាញ​សេវា​ 3G​ ​ទៅ​ជា​ 4G ​វិញ​ទាំង​អស់​ រួម​ទាំំង​រៀបចំ​តំឡើង​ប្រព័ន្ធ​ 5G ​ដែល​​ផ្តល់​​គុណភាព​នៃ​ល្បឿន​អុិនធឺណិត​កាន់​តែ​ប្រសើរ។​

បច្ចុប្បន្ន​ក្រុមហ៊ុន​ Smart​ ​មាន​ស្ថានីយ៍​បណ្ដាញ​ចំនួន​ច្រើន​ជាង​ ៣០០០​ ទីតាំង​ ហើយ​​ចុង​ឆ្នាំ​ ២០២០ ​ក្រុមហ៊ុន​គ្រោង​សាង​សង់​ស្ថានីយ៍​បណ្តាញ​ចំនួន​ ៣៥០ ​កន្លែង​បន្ថែម​ទៀត​ ​ដើម្បី​បំពេញ​តម្រូវ​ការ​នៃ​ការ​ប្រើប្រាស់​សេវា​អ៊ឺនធឺណិត​ចល័ត​ដែល​កំពុង​កើន​ឡើង​ក្នុង​ប្រទេស​កម្ពុជា។

​

The post ឆ្នាំ ២០២១ ​Smart គ្រោង​បញ្ឈប់​ការ​ប្រើប្រាស់​​សេវា​ 3G​ ​ឆ្នាំ ងាក​ទៅប្រើបច្ចេកវិទ្យា​​ 4G ទាំងអស់​ appeared first on .

ក្រុម Small World Small Band Adda និង G-devith ពួក​គេ​បាន​ធ្វើ​ឲ្យ​អ្នក​គាំទ្រ​ពួក​គេ​​ដែល​ភាគ​ច្រើន​ជា​យុវវ័យ ទទួល​បាន​ភាព​រីក​រាយ​ជា​ខ្លាំង ជា​មួយ​និង​​បទ​​ច្រៀង​ដោយ​ផ្ទាល់ ឯ​នៅ​ផ្សារ​ទំនើប​Aeon Mall Sen Sok City ។ អ្វី​ដែល​កាន់​អស្ចារ្យ​និង​រំភើប ក្រុមហ៊ុន​បាន​រៀប​ចំ​ការ​ផ្ដល់​រង្វាន់​​ប្លែក គឺ​ដាក់​ក្នុង​ប៉ោងៗ ហើយ​ទម្លាក់​​ជូន​អតិថិជន​តែ​ម្ដង។ រង្វាន់​ទាំង​​នោះ គឺ​មាន​នៅ​ក្នុង​ប៉ោងៗ អ្នក​ដែល​មាន​​សំណាង​បំបែក​ប៉ោងៗ​ ឃើញ​មាន​រូប ក្រុម​​តារា Small World Small Band Adda និង G-devith ទទួល​បាន​ iPhone XR​១​គ្រឿង មាន​រង្វាន់​ជា កាត​ទូរសព្ទ សំបុត្រ​កុន និង អាវយឺត ឧបករណ៍​បំពង​សម្លេង ជា​ដើម។

ទទឹម​គ្នា​នោះ​ដែរ ចំពោះ​អតិជន​ដែល​ចូល​​ទៅ​​ទស្សនា​ភាពយន្ត​រឿង”x-men dark phoenix​”ក៏​ទទួល​បាន​រង្វាន់​គ្រប់​គ្នា ក្នុង​នោះ​មាន​ iPhone ​XR​១​គ្រឿង ទូរសព្ទ​១០ ដុល្លារ ១០ រង្វាន់ ព្រម​ទាំង សំបុត្រ​កុន និង អាវយឺត ដាក់​កញ្ចប់​តាម​កៅអី​នីមួយៗ​តែ​ម្ដង។

ក្រុមហ៊ុន Smart ត្រូវ​បាន​គេ​ដឹង​ថា ជា​ក្រុមហ៊ុន​ប្រតិបត្តករទូរស័ព្ទចល័តឈានមុខគេនៅកម្ពុជា។ក្រៅ​ពី​កម្មវិធី​សប្បាយៗ​ខាង​លើ អំឡុង​ខួប​លើក​ទី​១០​ឆ្នាំ​របស់​ខ្លួន​នេះ ក្រុមហ៊ុន​បាន​រៀប​ចំព្រឹត្តិការណ៍​ពិសេសៗជាច្រើន​ផ្សេង​ទៀត​ផង​ដែរ ដើម្បីថ្លែងអំណរគុណ ចំពោះអតិថិជនរបស់ខ្លួន។ សម្រាប់ព័ត៌មានបន្ថែម និងកម្មវិធីថ្មីៗ ពីក្រុមហ៊ុន Smart Axiata សូមចូលទៅកាន់ទំព័រ Facebook របស់ Smart តាមរយៈ www.facebook.com/SmartAxiata ឬចូលទៅកាន់គេហទំព័រ www.smart.com.kh ៕

The post សប្បាយ​កប់​ហ្ម៎ង! ជា​មួយ​តារា​ល្បី​ហើយ​មាន​រង្វាន់​យ៉ាង​ច្រើន​សន្ធឹកសន្ធាប់​ទៀត ខួប​១០ឆ្នាំ Smart appeared first on .