ត្រឹមតែមួយឆ្នាំ ទ្រព្យសម្បត្តិមេធំ Snapchat ២ រូប របូតអស់ច្រើនជាង ៨០%

ឧកញ៉ាសំពៅ — Tue, 25 Oct 2022 03:53:36 +0000

ទ្រព្យសម្បត្តិរបស់មហាសេដ្ឋី ២ រូប ដែលជាសហស្ថាបនិកក្រុមហ៊ុន Snapchat បានរបូតអស់រាប់ពាន់លានដុល្លារ ដោយសារតម្លៃភាគហ៊ុនបានដាំក្បាលចុះយ៉ាងខ្លាំងនៅក្នុងឆ្នាំនេះ។ នេះបើតាមការចុះផ្សាយពី SMH។

តម្លៃហ៊ុនរបស់ Snap បានធ្លាក់ចុះយ៉ាងខ្លាំង ក្រោយរបាយការណ៍លក់ប្រចាំត្រីមាសកើនឡើងទាបបំផុតមិនធ្លាប់មាន បណ្ដាលឲ្យទ្រព្យសម្បត្តិនាយកប្រតិបត្តិ Evan Spiegel បានធ្លាក់ពី ១៣,៩ ពាន់លានដុល្លារ មកនៅត្រឹម ២,៣ ពាន់លានដុល្លារ ឬ ៨៣% ក្នុងរយៈពេលមួយឆ្នាំ។ នេះបើតាមទិន្នន័យផ្ដល់ឲ្យដោយ Bloomberg Billionaires Index។

ដោយឡែក លោក Bobby Murphy ប្រធានផ្នែកបច្ចេកវិទ្យានៃក្រុមហ៊ុន Snap វិញ ក៏របូតលុយប្រហែល ៨១% នៅក្នុងឆ្នាំ ២០២២ ផងដែរ ពោលទ្រព្យសម្បត្តិនាពេលនេះនៅសល់ប្រមាណ ១,៩ ពាន់លានដុល្លារប៉ុណ្ណោះ។

សូមជម្រាបដែរថា ឆ្នាំ ២០២២ ហាក់ដូចជាឆុងជាមួយក្រុមហ៊ុនបច្ចេកវិទ្យាជាខ្លាំង តួយ៉ាងតម្លៃហ៊ុនរបស់ Snap ធ្លាប់បានឡើងខ្ពស់បំផុតដល់ ៨៣ ដុល្លារ/ហ៊ុននៅខែកញ្ញា ២០២១ ប៉ុន្តែនៅថ្ងៃទី ២១ តុលា ២០២២ តម្លៃហ៊ុននៃក្រុមហ៊ុននេះគឺធ្លាក់សល់តែជាង ៧ ដុល្លារ/ហ៊ុនប៉ុណ្ណោះ៕

The post ត្រឹមតែមួយឆ្នាំ ទ្រព្យសម្បត្តិមេធំ Snapchat ២ រូប របូតអស់ច្រើនជាង ៨០% appeared first on .

មិនធម្មតា! គ្រាន់តែប្រាក់ចំណូលរបស់ TikTok តែមួយ ត្រូវគេព្យាករថា នឹងលើសចំណូល Twitter និង Snapchat រួមបញ្ចូលគ្នាទៀត

ឧកញ៉ាសាមញ្ញ — Tue, 12 Apr 2022 06:05:41 +0000

ថ្មីៗនេះ យោងទៅតាមក្រុមហ៊ុនស្រាវជ្រាវ Insider Intelligence បានបង្ហាញថា ប្រាក់ចំណូលបានពីការផ្សាយពាណិជ្ជកម្មរបស់ក្រុមហ៊ុន TikTok ទំនងជាកើនឡើងបីដង នៅក្នុងឆ្នាំ ២០២២ នេះ ដល់ចំនួនជាង ១១ ពាន់លានដុល្លារ ដែលនេះគឺលើសពីចំណូលរបស់ក្រុមហ៊ុនគូប្រជែង Twitter Inc និង Snap Inc រួមបញ្ចូលគ្នាទៅទៀត ។

ជាក់ស្តែង TikTok ដែលស្ថិតនៅក្រោមការគ្រប់គ្រងរបស់ក្រុមហ៊ុនប្រទេសចិន ByteDance បានក្លាយជាកម្មវិធីនៅក្នុងប្រព័ន្ធផ្សព្វផ្សាយសង្គមដ៏ពេញបំផុត របស់ពិភពលោក ខណ:ដែលមានអ្នកប្រើប្រាស់សកម្មជាង ១ ពាន់លាននាក់ ។

យ៉ាងណា លោក Debra Aho Williamson ជាអ្នកវិភាគនៅក្នុងក្រុមហ៊ុន Insider Intelligence បាននិយាយថា ” មូលដ្ឋានអ្នកប្រើប្រាស់ របស់ TikTok បានផ្ទុះឡើយ ក្នុងរយ:ពេលប៉ុន្មានឆ្នាំចុងក្រោយនេះ ហើយចំនួនពេលវេលា ដែលអ្នកប្រើប្រាស់ ចំណាយលើកម្មវិធីនេះ គឺពិតជាច្រើនខ្លាំងណាស់ ” ។

គួរឱ្យដឹងថា Twitter ត្រូវបានគេរំពឹងថា នឹងអាចរកបានចំណូល ៥,៥៨ ពាន់លានដុល្លារ ខណ:ពេលដែល Snapchat អាចរកបាន ៤,៨៦ ពាន់លានដុល្លារ នៅក្នុងប្រាក់ចំណូល ដែលបានមកពីការផ្សព្វផ្សាយពាណិជ្ជកម្ម សម្រាប់ឆ្នាំ ២០២២ នេះ ហើយចំពោះចំណូលក្រុមហ៊ុនខ្នាតយក្សទាំង ២ នេះ រួមបញ្ចូលគ្នា វានៅតែមានចំនួនតិចជាងចំណូលរបស់ក្រុមហ៊ុន TikTok ដែលព្យាករថានឹងអាចរកបានជាង ១១ ពាន់លានដុល្លារ ៕

ប្រភព: Kelo

The post មិនធម្មតា! គ្រាន់តែប្រាក់ចំណូលរបស់ TikTok តែមួយ ត្រូវគេព្យាករថា នឹងលើសចំណូល Twitter និង Snapchat រួមបញ្ចូលគ្នាទៀត appeared first on .