លោក Sugianto Kusuma បាននិយាយទៀតថាក្រុមហ៊ុនរបស់ខ្លួន ប្រហែលជាត្រូវការទឹកប្រាក់លើសពី ៥ទ្រីលានរូពៀ (៣១៤លានដុល្លារ) នៅក្នុងការចំណាយមូលធននៅឆ្នាំក្រោយ ដើម្បីបំពេញផែនការពង្រីកគម្រោងដ៏ធំរបស់ខ្លួនមួយនេះ។

លោក Kusuma មានមហិច្ឆតាចង់អភិវឌ្ឍទីក្រុងថ្មីមួយមានឈ្មោះថា Pantai Indah Kapuk Dua ដោយមានទីតាំងស្ថិតនៅភាគខាងជើងទីក្រុងហ្សាកាតា។ ហើយគម្រោងអចលនទ្រព្យដែលត្រូវបានគេស្គាល់យ៉ាងទូលំទូលាយនៅក្នុងស្រុកថា PIK 2 នេះ បច្ចុប្បន្នមានតម្លៃប៉ាន់ស្មានសរុបប្រហែល ១៦ពាន់លានដុល្លារ។

ទន្ទឹមនឹងនេះ លោក Kusuma បាននិយាយថា ៖”វានឹងត្រូវការការចំណាយដ៏ច្រើន ដើម្បីអភិវឌ្ឍលើគម្រោងនេះ ប៉ុន្តែយើងនឹងមិនសាងសង់អ្វីៗគ្រប់យ៉ាង ក្នុងពេលតែមួយនោះទេ ពោលគឺចាប់ពីបន្តិចម្តងៗ។ នេះមិនមែនជាគម្រោងដែលមានរយៈពេលខ្លីទេ។ គម្រោងនេះនឹងមិនបញ្ចប់ទៅត្រឹមខ្ញុំនោះឡើយ ហើយប្រហែល​អ្នក​ជំនាន់​ក្រោយ​អាច​បន្ត​វា​បាន។ ប៉ុន្តែបច្ចុប្បន្ន​យើង​ចង់​ដាក់​គ្រឹះ​វាជា​មុន​សិន”។

ជម្រាបជូនផងដែរថា លោក Kusuma បច្ចុប្បន្នមានទ្រព្យសម្បត្តិសរុបប្រមាណ ១០,៣ពាន់លានដុល្លារ ដោយធ្វើឲ្យលោកជាប់ចំណាត់ថ្នាក់ជាមហាសេដ្ឋីមានដាច់គេបំផុតទី៥ របស់ប្រទេសឥណ្ឌូណេស៊ី។ នេះបើតាមការចុះផ្សាយពីសារព័ត៌មាន Forbes៕

The post មហាសេដ្ឋីកំពូលឥណ្ឌូណេស៊ី គ្រោងបង្កើតសួនកម្សាន្ត និងទីលានប្រណាំងរថយន្ត F1 នៅក្នុងគម្រោងតម្លៃ ១៦ពាន់លានដុល្លាររបស់ខ្លួន appeared first on .