ពានរង្វាន់ទី១ គឺអ្នកឧកញ៉ាបណ្ឌិត ជា រតនា អគ្គនាយកក្រុមហ៊ុន សាន់ & មូន គ្រុប (SUN & MOON GROUP) និងជាម្ចាស់សណ្ឋាគារលំដាប់ផ្កាយ៥ សាន់ & មូន រីវើសាយ បានឈ្នះពានរង្វាន់ Global Host Award (បទពិសោធន៍ដ៏គួរអោយកោតសសើរ) ពីស្ថាប័ន CorporateConnections ដែលទទួលស្គាល់ពីការចូលរួមរបស់អ្នកឧកញ៉ាបណ្ឌិត ក្នុងការផ្តល់នូវការបណ្ឋារកិច្ច និងបទពិសោធន៍ដ៏ល្អ ជូនដល់ភ្ញៀវជាតិនិងអន្តរជាតិ។

អ្នកឧកញ៉ាបណ្ឌិត ជា រតនា បានស្វាគមន៍យ៉ាងកក់ក្តៅចំពោះ សមាជិក Corporate Connections Cambodia ក្នុងការរៀបចំព្រឹត្តិការណ៍ អបអរសាទរព្រឹត្តិការណ៍សំខាន់ៗ និងការស្នាក់នៅ ក្នុងសណ្ឋាគារ សាន់ & មូន ដោយធានាបាននូវបទពិសោធន៍ដ៏ប្រណិតភាព និងមិនអាចបំភ្លេចបាន។

ដើម្បីពង្រីកវិសាលភាពឱ្យកាន់តែធំទូលាយលើសពីក្នុងប្រទេសកម្ពុជា អ្នកឧកញ៉ា បណ្ឌិត ក៏បានផ្តល់ជូននូវកញ្ចប់បដិសណ្ឋារកិច្ចផ្តាច់មុខ ក្នុងអត្រាឯកសិទ្ធិសម្រាប់សមាជិក Corporate Connections ទូទាំងពិភពលោក ជំរុញឱ្យមានឯកភាពជាសកល និងបង្កើនបទពិសោធន៍របស់ថ្នាក់ដឹកនាំ និងសមាជិកមកពីប្រទេសមួយចំនួនដូចជា វៀតណាម ជប៉ុន ឥណ្ឌា អូស្ត្រាលី តៃវ៉ាន់ សិង្ហបុរី កាណាដា កូរ៉េ និងច្រើនទៀត។ សេចក្តីល្អរបស់អ្នកឧកញ៉ាបណ្ឌិត បានបង្កប់នូវគុណតម្លៃស្នូលដែលពិតជាសាកសម នឹងទទួលបានពានរង្វាន់ដ៏មានកិត្យានុភាពនេះ។

ចំណែកឯពានរង្វាន់ទី២ គឺសណ្ឋាគារ សាន់ & មូន រីវើសាយ បានជាប់ឈ្មោះជា “សណ្ឋាគារប្រណិតលំដាប់ខ្ពស់” ដោយ Trip.com ដែលទទួលស្គាល់នូវសេវាកម្មដ៏ល្អឥតខ្ចោះ ការបំពាក់គ្រឿងបរិក្ខារយ៉ាងល្អ និងការយកចិត្តទុកដាក់ខ្ពស់ចំពោះការបំពេញចិត្តរបស់ភ្ញៀវ។ ពានរង្វាន់នេះក៏រំលេចពីបន្ទប់ Memory Ballroom របស់សណ្ឋាគារ ដែលត្រូវបានបង្កើតឡើង និងក្លាយជាកន្លែងសំខាន់មួយក្នុងរាជធានីភ្នំពេញ សម្រាប់ការជួបជុំពិធីធំៗរបស់ក្រុមហ៊ុន ពិធីមង្គលការ និងការប្រារព្ធពិធីដ៏សំខាន់ផ្សេងៗផងដែរ។

សូមជម្រាបថា សណ្ឋាគារលំដាប់ផ្កាយ៥ សាន់ & មូន រីវើសាយ មានភាពបត់បែនងាយស្រួលក្នុងការរៀបចំពិធីអាពាហ៍ពិពាហ៍គ្រប់ទម្រង់ បែបប្រពៃណីបុរាណ បែបសម័យទំនើប និងបែបបស្ចឹមប្រទេសក៏ដូចជាកម្មវិធីថ្នាក់ជាតិ និងអន្តរជាតិផ្សេងៗ។ សណ្ឋាគារលំដាប់ផ្កាយ៥ «សាន់ & មូន រីវើសាយ» (SUN & MOON, Riverside Hotel) បង្កើតដោយកូនខ្មែរសុទ្ធសាធ ចំណាយទុនវិនិយោគប្រមាណ៦០លានដុល្លារ ស្ថិតនៅប្របមាត់ទន្លេបាសាក់ កែងនឹងគល់ស្ពានព្រះមុន្នីវង្ស ក្បាល់ថ្នល់ ក្នុងខណ្ឌច្បារអំពៅ រាជធានីភ្នំពេញ៕

The post សណ្ឋាគារ សាន់ & មូន អ្នកឧកញ៉ាបណ្ឌិត ជា រតនា ឈ្នះពានរង្វាន់ចំនួន ២ ពីស្ថាប័នអន្តរជាតិ appeared first on .

ពិធីជប់លៀងបុគ្គលិកប្រចាំឆ្នាំ ២០២៥ នេះធ្វើឡើងដើម្បីជាកាដូលើកទឹកចិត្តបុគ្គលិកនិងក្រុមការងារទាំងអស់នៃសណ្ឋាគារ សាន់ & មូន ដែលបានចំណាយពេលវេលាខិតខំប្រឹងប្រែងបំពេញការងាររបស់ខ្លួន។ នៅក្នុងកម្មវិធីនេះមានសកម្មភាពជាច្រើនរួមមាន ការផ្ដល់រង្វាន់ជូនបុគ្គលិកឆ្នើមប្រចាំឆ្នាំ ២០២៤ ការផ្ដល់រង្វាន់ជូនបុគ្គលិកដែលបម្រើការយូរឆ្នាំចាប់ពី ៥ ៦ ៧ ៨ ៩ និង ១០ ឆ្នាំឡើងទៅ ដែលក្នុងម្នាក់ៗទទួលបានលិខិតសរសើរនិងពានរង្វាន់ម្នាក់មួយពីគណៈគ្រប់គ្រងនៃសណ្ឋាគារ សាន់ & មូន។ លើសពីនេះទៀត កម្មវិធីមានលេងហ្គេមសប្បាយៗ ការចាប់រង្វាន់ផ្សងសំណាងទទួលយករង្វាន់លើកទឹកចិត្តបន្ថែម ការញុំអាហារបូហ្វេដែលមានឳជារសឆ្ងុយឆ្ងាញ់ និងការឡើងរាំជុំគ្នាយ៉ាងសប្បាយរីករាយ។

កញ្ញា ចាន់ សុផានីកា ប្រធានផ្នែកទំនាក់ទំនងនិងព៌ត៍មាននៃសណ្ឋាគារ សាន់ & មូន បានប្រាប់សារព័ត៌មាន ឧកញ៉ាញូស៍ ថា៖ “កម្មវិធីនេះធ្វើឡើងដើម្បីជាការថ្លែងអំណរគុណដល់ក្រុមការងារទាំងអស់។ កញ្ញា បន្តថា យើងជឿជាក់លើការបង្កើតបរិយាកាសរីករាយទាំងអស់នេះនឹងក្លាយជាការចងចាំដ៏ល្អដែលមិនអាចបំភ្លេចបាន មិនមែនត្រឹមតែជាបទពិសោធន៍ល្អដែលយើងផ្ដល់ជូនសម្រាប់ភ្ញៀវកិត្តិយសប៉ុណ្ណោះទេ គឺរួមបញ្ចូលទាំងបុគ្គលិកក្រុមការងារទាំងអស់ដែលជាអ្នកនៅពីក្រោយជួយខ្នះខ្នែងរួមចំណែកបង្កើតឲ្យមានបរិយាកាសនេះឡើង។”

សូមបញ្ជាក់ដែរថា សណ្ឋាគារលំដាប់ផ្កាយ៥ សាន់ & មូន រីវើសាយ​​​​​ មានសាលនិងទីកន្លែងជាច្រើនបែបសម្រាប់ប្រារព្ធកម្មវិធី​ដ៏ទំនើប មានផ្ទៃធំទូលាយរួមជាមួយនឹងប្រណិតភាពរៀបចំឡើងដោយអ្នកជំនាញពិធីការដើម្បីធានាថាកម្មវិធីរបស់លោកអ្នកនឹងទទួលបានភាពល្អឥតខ្ចោះ។ ចំពោះ Memory Ballroom ទំហំ ១.០១៣ ម៉ែត្រការ៉េនៃទំហំបរិវេណខាងក្នុងសម្រាប់ពិធីអាពាហ៍ពិពាហ៍ដ៏ធំដែលស័ក្តិសមសម្រាប់ការទទួលភ្ញៀវបានជាច្រើនអ្នក។

សាលនេះមានឆាកបំពាក់ដោយផ្ទាំង LED ធំដ៏ទំនើប មានជញ្ជាំងបែងចែក និងឧបករណ៍លើកទំនិញសម្រាប់វត្ថុធំៗរួមទាំងរថយន្តផងដែរ។ អ្វីដែលកាន់តែពិសេសនោះគឺលោកអ្នកអាចសន្សំបាននូវការចំណាយលើការដេគ័រផ្កា ដោយសារអាគាររបស់សណ្ឋាគារ សាន់ & មូន រីវើសាយ ត្រូវបានដេគ័របែបទំនើបនិងថ្លៃថ្នូរ រួមទាំងមានបំពាក់នូវបច្ចេកវិទ្យា ចុងក្រោយបង្អស់ ការផ្តល់គ្រឿងបរិក្ខារ និងប្រព័ន្ធភ្លើង LED ដ៏ឆ្លាតវៃ។

ទីតាំងរបស់សណ្ឋាគារលំដាប់ផ្កាយ៥ សាន់ & មូន រីវើសាយ មានភាពបត់បែនងាយស្រួលក្នុងការរៀបចំពិធីអាពាហ៍ពិពាហ៍គ្រប់ទម្រង់ បែបប្រពៃណីបុរាណ បែបសម័យទំនើប និងបែបបស្ចឹមប្រទេសក៏ដូចជាកម្មវិធីថ្នាក់ជាតិនិងអន្តរជាតិផ្សេងៗផងដែរ។ សណ្ឋាគារលំដាប់ផ្កាយ៥ «សាន់ & មូន រីវើសាយ» (SUN & MOON, Riverside Hotel) បង្កើតដោយកូនខ្មែរសុទ្ធសាធចំណាយទុនវិនិយោគប្រមាណ៦០លានដុល្លារស្ថិតនៅប្របមាត់ទន្លេបាសាក់ កែងនឹងគល់ស្ពានព្រះមុន្នីវង្ស ក្បាល់ថ្នល់ ក្នុងខណ្ឌច្បារអំពៅ រាជធានីភ្នំពេញ៕

The post សណ្ឋាគារ សាន់ & មូន របស់អ្នកឧកញ៉ាបណ្ឌិត ជា រតនា ប្រារព្ធពិធីជប់លៀងបុគ្គលិកប្រចាំឆ្នាំក្នុងសាលធំដែលមានផ្ទាំង LED បច្ចេកវិទ្យាទំនើបចុងក្រោយបង្អស់ appeared first on .

ថ្លែងប្រាប់សារព័ត៌មាន ឧកញ៉ាញូស៍ អ្នកឧកញ៉ាបណ្ឌិត ជា រតនា បានរំឭកពីដំណើរដើមចមនៃសទ្ធាជ្រះថ្លាឈានទៅផ្តួចផ្តើមកសាងព្រះវិហារ «ឧបោសថាគារ» មួយខ្នងនេះថា «កាលពីឆ្នាំ១៩៧៨ សម័យប៉ុលពត ខ្ញុំរស់នៅស្រុកបាកាន ខេត្តពោធិ៍សាត់ កាលនោះ ខ្ញុំបានបាត់បង់សាច់ញាតិ ជាពិសេសប្អូនប្រុសបង្កើតឈ្មោះ រតនៈ និងប្អូនស្រីជីដូនមួយម្នាក់ទៀតឈ្មោះថា ស្រីលក្ខណ៍ ហើយក្រោយមក ខ្ញុំបាត់បង់ឳពុកមារចំនួនពីរនាក់ទៀត ដោយម្នាក់បាត់បង់នៅឆ្នាំ១៩៧៩ និងម្នាក់ខ្ទង់ឆ្នាំ១៩៨៣ ដូច្នេះហើយទើបធ្វើឲ្យខ្ញុំមានអារម្មណ៍ដិតដាមខ្លាំងជាបន្តបន្ទាប់ក្នុងទឹកដីនៃខេត្តពោធិ៍សាត់»។

អ្នកឧកញ៉ាម្ចាស់ដើមបុណ្យបញ្ចុះខណ្ឌសីមានៅវត្តមណីរតនារាមរូបនេះបញ្ជាក់បន្ថែមថា៖ លើសពីនេះ អ្នកឧកញ៉ាក៏ធ្លាប់បានវិវិនិយោគនៅក្រុមហ៊ុនកសិកម្មមួយនៅស្រុកក្រគរ ហើយក្រោយមកក៏បានធ្វើការងារមនុស្សធម៌កាកបាទក្រហមកម្ពុជាអស់រយៈពេល ៥ឆ្នាំ ដូចជាការចូលរួមកសាងសាលាអនុសាខាកាកបាទក្រហមខេត្តជាច្រើនកន្លែង និងបាននាំយករថយន្តសង្គ្រោះបន្ទាន់របស់សម្តេចតេជោ ហ៊ុន សែន និងសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ជាច្រើនគ្រឿងប្រគល់ជូនមន្ទីរពេទ្យនៅទីនោះរហូតបានស្គាល់ទីអារាមកាលអំឡុងដែលកាលនោះឧបាសក សាន សុជា នៅជាព្រះសង្ឃនៅឡើយ ជាហេតុទាំងអស់នេះហើយ ទើបជំរុញទឹកចិត្តអ្នកឧកញ៉ាឲ្យមានសទ្ធារជ្រះថ្លាសម្រេចកសាងព្រះវិហារនៅវត្តមណីរតនារាម នៅទឹកដីខេត្តពោធិ៍សាត់តែម្តង។

កម្មវិធីបញ្ចុះខណ្ឌសីមាព្រះវិហារ «ឧបោសថាគារ» រយៈពេល៣ថ្ងៃនោះ ក៏មានព្រះវត្តមាននៃការយាងនិមន្តប្រទានធម្មទេសនារបស់សម្ដេចព្រះពោធិវង្សគតិបណ្ឌិត ណយ ច្រឹក សម្ដេចព្រះសង្ឃនាយករងទី១ គណៈមហានិកាយនៃព្រះរាជាណាចក្រកម្ពុជា និងជាព្រះគ្រូចៅអធិការវត្តចន្ទបុរីវង្ស ហៅវត្តសំរោងខាងជើង, សម្ដេចព្រះពុទ្ធជ័យមុនីបណ្ឌិត ឃឹម សន ព្រះសង្ឃនាយករងទី៣ គណៈមហានិកាយនៃព្រះរាជាណាចក្រកម្ពុជា និងជាព្រះប្រធានលេខារដ្ឋានគណៈនាយកនៃព្រះរាជាណាចក្រកម្ពុជា និងជាព្រះមេគុណរាជធានីភ្នំពេញ, សម្ដេចព្រះព្រហ្មរតនមុនី ពិន សែម ឧត្ដមទីប្រឹក្សាគណៈសង្ឃនាយក ជាសមាជិកថេរសភាព្រះពុទ្ធសាសនានៃព្រះរាជាណាចក្រកម្ពុជា និងជាព្រះចៅអធិការវត្តរាជបូណ៏ខេត្តសៀមរាប ព្រះព្រហ្មាភិតែ កែវ កន រតនប្បញ្ញោព្រះពោធិវង្សាវិមល មេគុណខេត្តពោធិ៍សាត់ និងជាព្រះចៅអធិការវត្តកែវវិជ័យ រួមទាំងធម្មសន្ទនា ដោយធម្មវាគ្មិនជាសង្ឃ និងគ្រហស្ថដឹកនាំកម្មវិធីដោយ ឧបាសក សាន សុជា ផងដែរ។

មិនត្រឹមតែប៉ុណ្ណោះនៅថ្ងៃទី៣នៃពិធីបុណ្យបញ្ចុះខណ្ឌសីមាព្រះវិហារនៅវត្តមណីរតនារាម ខេត្តពោធិ៍សាត់នោះ មូលនិធិអ្នកឧកញ៉ាបណ្ឌិត ជា រតនា និងអ្នកឧកញ៉ា លីហៀក រតនា ព្រមទាំងសប្បុរសជននានា ក៏បានរៀបចំកម្មវិធីចួបជុំជនពិការកំបុតដៃទាំងពីរទូទាំងប្រទេសលើកទី១៥ ឆ្នាំ២០២៥ ដោយមានជនពិការកំបុតដៃទាំងពីរចូលរួមចំនួន ១៨៥នាក់ ម្នាក់ៗទទួលបានថវិកាឧបត្ថម្ភចំនួន ១លានរៀល អាហារ១កញ្ចប់ និងភេសជ្ជៈ ព្រមទាំងជនពិការមិនត្រូវតាមលក្ខខណ្ឌរបស់មូលនិធិចំនួន ១៤នាក់ ម្នាក់ទទួលបានថវិការ ១០ម៉ឺនរៀល អាហារ១កញ្ចប់ និងភេសជ្ជៈ។

សូមជម្រាបថា អ្នកឧកញ៉ាបណ្ឌិត ជា រតនា និងភរិយាអ្នកឧកញ៉ា លីហៀក រតនា ក្រៅពីបង្កើតការងាររាប់ពាន់កន្លែង ជំរុញញសេដ្ឋកិច្ចជាតិតាមរយៈវិស័យជំនួញក្នុងក្រុមហ៊ុន សាន់ & មូន គ្រុប (SUN & MOON GROUP) និងក្រៅតែពីមាន «មូលនិធិអ្នកឧកញ៉ាបណ្ឌិត ជា រតនា និងអ្នកឧកញ៉ា លី ហៀក រតនា ព្រមទាំងសប្បុរសជននានា» ដែលកៀរគរថវិកាពីសប្បុរសជនជួយទំនុកបម្រុងឧបត្ថម្ភដល់ជនពិការកំបុតដៃទាំងពីរទូទាំងប្រទេសហើយនោះ អ្នកឧកញ៉ាតែងតែមានវត្តមានជានិច្ចក្នុងការផ្តល់ជំនួយរថយន្តពេទ្យសង្រ្គោះបន្ទាន់របស់សម្តេចតេជោ ហ៊ុន សែន និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រគល់ជូនតាមបណ្តាអង្គភាពកងទ័ព នគរបាល មន្ទីរពេទ្យបង្អែក មណ្ឌលសុខភាព មណ្ឌលកែប្រែ និងស្ថាប័នផ្សេងទៀត ជាពិសេសអ្នកឧកញ៉ាបណ្ឌិត និងភរិយាបានគិតគូរដល់សុខទុក្ខដល់ស្ត្រីមានគត៌ និងស្ត្រីមានកូនតូច ដែលកំពុងស្ថិតក្នុងមណ្ឌលកែប្រែថែមទៀតផង៕

The post មានអនុស្សាវរីយ៍ដិតដាមរាប់មិនអស់នៅទឹកដីខេត្តពោធិ៍សាត់! អ្នកឧកញ៉ាបណ្ឌិត ជា រតនា ជ្រះថ្លាកៀរគរពុទ្ធបរិស័ទកសាងព្រះវិហារ «ឧបោសថាគារ» នៅវត្តមណីរតនារាម តម្លៃដល់ទៅជាង ១លាន ១សែនដុល្លារ អាម៉េរិក appeared first on .

តាម​ការ​ឱ្យដឹង​ពី​សណ្ឋាគារ សាន់ & មូន រីវើសាយ កាលពី​ថ្ងៃទី២៤ ខែមករា ​ការឈ្នះពានរង្វាន់ប្រណិត​លំដាប់ពិភពលោក​ដ៏មានកិត្យានុភាពចំនួនបី ​​គឺ​​មាន​ដូចជា៖

១)សណ្ឋាគារ ដែលមានសាលប្រជុំ​និងកន្លែងរៀបចំកម្មវិធីដ៏ប្រណិត

២)សណ្ឋាគារ​ដែលមានរចនាបថបែបប្រណិត និង

៣)សណ្ឋាគារដែលមានភាពទំនើបស៊ីវិល័យ។

ជាមួយ​នឹង​ភាព​ជោគជ័យ​ថ្មី​នេះ សណ្ឋាគារ សាន់ & មូន រីវើសាយ ក៏​សូមគោរព​ថ្លែង​អរគុណដល់ភ្ញៀវ បុគ្គលិក និងដៃគូ​សហការ​ដ៏ល្អទាំងអស់ ដែល​បាន​រួម​ចំណែក​ធ្វើ​ឱ្យ​សណ្ឋាគារ​មួយ​នេះ​ សម្រេចបាននូវកិត្យានុភាពដ៏អស្ចារ្យទាំងនេះ។ SUN & MOON, Riverside Hotel ​ប្តេជ្ញាថានឹងបន្តផ្តល់សេវាកម្មល្អ គំនិតច្នៃប្រឌិត និងការស្នាក់នៅ​ដែលប្រកបដោយ​ប្រណិត​ភាព។ ពេលវេលាល្អៗដែលមិនអាចបំភ្លេច​បាននៅមានជាច្រើនទៀត ជាមួយនឹងសណ្ឋាគារ សាន់ អែន មូន រីវើសាយ។

គួរ​រំឭក​ថា កាលពី​ថ្ងៃទី១៥ ខែសីហា ឆ្នាំ២០២៣ ក្រសួង​ទេសចរណ៍​ ​​បាន​ចេញ​វិញ្ញាបនបត្រ​ទទួល​ស្គាល់ សណ្ឋាគារ សាន់ & មូន ហូថេល ជា​សណ្ឋាគារ​ជ័យលាភី​ ជាប់ឈ្មោះជា “អាជីវកម្មទេសចរណ៍ឆ្នើម ក្នុងយុទ្ធនាការឆ្នាំទស្សនាកម្ពុជា ២០២៣” ផង​ដែរ។

​សូមជម្រាប​ជូន​ថា ​សណ្ឋាគារ សាន់ & មូន រីវើសាយ សាងសង់ប្រកបដោយគំនិតច្នៃប្រឌិត​ខ្ពស់​ បែបបដិសណ្ឋារកិច្ច​ វិនិយោគដោយកូនខ្មែរ ដោយមាន អ្នកឧកញ៉ាបណ្ឌិត ជា រតនា ជាសហគ្រិនឆ្នើមក្នុងវិស័យសណ្ឋាគារ និងបដិសណ្ឋារកិច្ច, និងជាប្រធានក្រុមប្រឹក្សាភិបាល នៃក្រុមហ៊ុន សាន់ & មូន គ្រុប ជាអ្នកផ្ដួចផ្ដើមស្ថាបនា។ សណ្ឋាគារផ្កាយ ៥ លំដាប់អន្តរជាតិ សាន់ & មូន រីវើសាយ មានទីតាំង ស្ថិតនៅប្របនឹងមាត់ទន្លេបាសាក់ កែងគល់ស្ពានព្រះមុន្នីវង្ស ក្បាលថ្នល់ ក្នុងខណ្ឌច្បារអំពៅ៕

The post សណ្ឋាគារ SUN & MOON HOTEL អ្នកឧកញ៉ាបណ្ឌិត ជា រតនា ឈ្នះពានរង្វាន់ប្រណិតលំដាប់ពិភពលោកចំនួន៣ appeared first on .

ឧកញ៉ា រ៉ាត់ ដារ៉ារ័ត្ន បច្ចុប្បន្នជាអ្នកគ្រប់គ្រងក្រុមហ៊ុន សណ្ឋាគារ សាន់ អ៊ែនមូន ជាកូនប្រសារអ្នកឧកញ៉ា ជា រតនា អគ្គនាយកក្រុមហ៊ុន សណ្ឋាគារ សាន់ អ៊ែនមូន គ្រុប និងជាទីប្រឹក្សាផ្ទាល់សម្តេចតេជោនាយករដ្ឋមន្រ្តី។ លោកត្រូវបានព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ ត្រាស់បង្គាប់ផ្តល់គោរមងារ «ឧកញ៉ា» កាលថ្ងៃទី២ ខែមករា ឆ្នាំ២០២៣ តាមព្រះរាជក្រឹត្យលេខ នស/រកត/០១២៣/០០៨ ក្នុងព្រះរាជក្រឹត្យជាមួយភរិយារបស់លោក គឺលោកស្រី ជា ឡាក់គី។

សូមជម្រាបជូនថា សមាគមសណ្ឋាគារកម្ពុជា បច្ចុប្បន្នដឹកនាំដោយលោក ឌិន សុមេធារិទ្ធ និងមានអនុប្រធានចំនួន ៦រូប ហើយសមាគមនេះក៏មានប្រធានសាខានៅបណ្តាលខេត្តមួយចំនួន ដូចជាខេត្តសៀមរាប កែប និងកំពតជាដើម៕

The post កូនប្រសារអ្នកឧកញ៉ាថៅកែ SUN &MOON ជាប់ឆ្នោតជាប្រធានសមាគមសណ្ឋាគារកម្ពុជាអាណត្តិថ្មី appeared first on .

ក្រៅពីរៀបចំកម្មវិធីប្រគល់ថវិកា និងអំណោយឧបត្ថម្ភផ្សេងៗជូនជនពិការកំបុតដៃទាំង២ ទូទាំងប្រទេស ក្នុងថ្ងៃជាមួយគ្នានោះដែរ  អ្នកឧកញ៉ាបណ្ឌិត ជា រតនា និងក្រុមគ្រួសារ ព្រមទាំងសប្បុរសជននានា ក៏បាននិមន្តព្រះសង្ឃ ១០៨ អង្គ សូត្រមន្តចម្រើនព្រះបរិត្ត អាយុវឌ្ឍនមង្គល សិរីវិឌ្ឍិ ព្រមទាំងពិធីប្រគល់រថយន្តពេទ្យសង្គ្រោះបន្ទាន់លេខរៀងទី៥៨ ផងដែរ។ 

អ្នកឧកញ៉ា បណ្ឌិត ជា រតនា ម្ចាស់សណ្ឋាគារ SUN & MOON, Riverside Hotel ​​បាន​ប្រកាស​ជូន​ដំណឹង​នៅ​លើ​​ទំព័រហ្វេសប៊ុក​របស់​លោក​យ៉ាង​ដូច្នេះ​ថា៖ “​ខ្ញុំបាទ និងភរិយា សូមគោរពជម្រាបជូនដំណឹងដល់ ឯកឧត្តម លោកជំទាវ អ្នកឧកញ៉ា លោកឧកញ៉ាលោក លោកស្រី អ្នកនាងកញ្ញា ដែលជាសប្បុរសជនទាំងអស់ ដែលបាន​ចូលរួម​ជួយមូលនិធិ អ្នកឧកញ៉ាបណ្ឌិត ជា រតនា និងអ្នកឧកញ៉ា លីហៀក រតនា ព្រមទាំងសប្បុរសជននានា ដើម្បីជួយទ្រងទ្រង់ជនពិការកំបុតដៃទាំង២ មេត្តាជ្រាបថា នៅថ្ងៃទី២៥ ខែឧសភា ឆ្នាំ២០២៣ មូលនិធិ នឹង​រៀបចំកម្មវិធីជួបជុំជនពិការកំបុតដៃទាំង២ ទូទាំងប្រទេសលើកទី១២ នៅសណ្ឋាគារ សាន់ & មូន រីវើសាយ ជាប់ស្ពានអាកាសក្បាលថ្នល់” ។

ស្ថាបនិកក្រុមហ៊ុន SUN & MOON GROUP ​​បាន​ឱ្យ​ដឹង​បន្ថែម​ថា សម្រាប់​កម្មវិធី ម៉ោង៧:០០ព្រឹក ជនពិការ​មកដល់ និងបើកអាវយឺត ហើយ​នៅ​ម៉ោង ៨:០០ព្រឹក ភ្ញៀវកិត្តិយសអញ្ជើញដល់ និងចាប់ផ្តើមកម្មវិធី​ជាបន្ត​បន្ទាប់។ អ្នកឧកញ៉ា បន្ត​ថា​ នេះចាត់ទុកជាសេចក្តីជូនដំណឹង ដល់ជនពិការកំបុតដៃទាំង២ទាំងអស់ ដើម្បី​អញ្ជើញ​ចូលរួមតាម កាលបរិច្ឆេទ និងពេលវេលាខាងលើ។

សូម​ជម្រាប​ថា មូលនិធិ អ្នកឧកញ៉ាបណ្ឌិត ជា រតនា និងអ្នកឧកញ៉ា លីហៀក រតនា ព្រមទាំងសប្បុរសជននានា តែងតែ​ខិតខំ​កៀរគរ​ថវិកា​ពី​សប្បុរស​ជន​នានា ​ទាំង​ក្នុង​និងក្រៅប្រទេស ដើម្បី​ជួយទ្រងទ្រង់ និង​ជួយ​សម្រាល​បន្ទុក​ដល់​​ជនពិការ​កំបុតដៃទាំង២​​ទូទាំង​ប្រទេស​កម្ពុជា។ កន្លង​​មកក្រោមគំនិតផ្ដួចផ្ដើមរបស់ អ្នកឧកញ៉ាបណ្ឌិត ជា រតនា និងអ្នកឧកញ៉ា លីហៀក រតនា មូលនិធិ​ បាន​ជួយ​ឧបត្ថម្ភជាថវិកា និងសម្ភារៈផ្សេងៗ ដល់​ជនពិការ​​កំបុតដៃទាំង២ ជា​រៀង​រាល់​ឆ្នាំ ធ្វើជាដើមទុនបង្កើតមុខរបរ ផ្គត់ផ្គង់ការរៀនសូត្រ ពង្រីកចំណេះជំនាញវិជ្ជាជីវៈ សម្រាប់អនាគតពួកគាត់ជាដើម។ 

ប្រសិនបើ ឯកឧត្តម លោកជំទាវ អ្នកឧកញ៉ា លោកឧកញ៉ា លោក – លោកស្រីអ្នកនាងកញ្ញា ដែលជា​សប្បុរស​ជន មានបំណងចង់ចូលរួមឧបត្ថម្ភបន្ថែមជួយជនពិការដៃទាំង២ ជាមួយមូលនិធី សូមមេត្តាទាក់ទងតាមប្រព័ន្ធទូរសព្ទដូចខាងក្រោម៖

-012 699 999 | 095 959 697

-គណនីធនាគារ ABA 011266828 (Lak Chendarith)

The post មូលនិធិ អ្នកឧកញ៉ាបណ្ឌិត ជា រតនា និងអ្នកឧកញ៉ា លីហៀក រតនា ប្រកាសផ្តល់អំណោយដល់ជនពិការកំបុតដៃទាំង២ ទូទាំងប្រទេស ជាលើកទី១២  appeared first on .

ក្រៅពី​ទទួល​បាន​បន្ទប់គេង​ដ៏​ទំនើប និង​ប្រកប​ដោយ​ផាសុកភាព អតិថិជន​ក៏​នឹង​ទទួល​បាន​សេវាកម្មបោកអ៊ុត​ដោយ​ឥតគិតថ្លៃ ទទួល​បាន​ស៊ីមកាត​មួយ​ដោយ​ឥតគិតថ្លៃ និង​ទទួល​ទាន​អាហារ​ពេលព្រឹក និងថ្ងៃត្រង់​ថែមទៀត។

រង់ចាំដល់ពេលណា​ទើប​កក់​បន្ទប់ Stay Inspired Package នៅ​ Sun & Moon Riverside?! តោះ! រួសរាន់ឡើង ​កញ្ចប់​ដ៏ពិសេស​មួយ​នេះ​នឹង​មាន​សុពលភាព​ពី​ថ្ងៃទី ០៦ មករារហូតដល់​ថ្ងៃទី ៣១ មីនា ២០២៣។

កុំ​ឲ្យ​ឱកាស​ដ៏​អស្ចារ្យមួយនេះ​រំលង​ផុត​ឲ្យសោះ! កក់បន្ទប់​ឥឡូវនេះ​តាម​រយៈ៖ Link

The post សណ្ឋាគារ Sun & Moon Riverside អ្នកឧកញ៉ាបណ្ឌិត ជា រតនា ផ្ដល់ជូនអតិថិជនកញ្ចប់ពិសេសរហូតដល់ចុងខែមីនា appeared first on .

ការត្រាស់បង្គាប់ផ្តល់គោរមងារ «ឧកញ៉ា» លោក រ៉ាត់ ដារ៉ារ័ត្ន និងលោកស្រី ជា ឡាក់គី តាមសេចក្តីក្រាបបង្គំទូលថ្វាយរបស់សម្តេចតេជោ ហ៊ុន សែន នាយករដ្ឋមន្ត្រីកម្ពុជា។

សូមជម្រាបជូនថា លោក រ៉ាត់ ដារ៉ារ័ត្ន បច្ចុប្បន្នកំពុងកាន់តួនាទីជាអគ្គនាយករងក្រុមហ៊ុន SUN & MOON GROUP៕

The post ព្រះមហាក្សត្រផ្តល់គោរមងារ «ឧកញ៉ា» ដល់កូនស្រីបង្កើត និងកូនប្រសារ អ្នកឧកញ៉ា ជា រតនា appeared first on .