Tadashi Yanai

អ្នកមានដាច់គេនៅជប៉ុន បរិច្ចាគលុយជាង ៣០លានដុល្លារ ទៅកាន់សាលាមួយនៅអាមេរិក

ឧកញ៉ាសាមញ្ញ — Fri, 04 Oct 2024 08:35:00 +0000

លោក Tadashi Yanai នាយកប្រតិបត្តិក្រុមហ៊ុន Fast Retailing និងជាមហាសេដ្ឋីលំដាប់កំពូលរបស់ប្រទេសជប៉ុន បានបរិច្ចាគទឹកប្រាក់ផ្ទាល់ខ្លួនចំនួន ៣១លានដុល្លារ ដើម្បីផ្តល់មូនិធិទៅកាន់មជ្ឈមណ្ឌល Los Angeles’ College of Humanities នៃសាកលវិទ្យាល័យកាលីហ្វ័រញ៉ា សហរដ្ឋអាមេរិក។ នេះបើតាមការចុះផ្សាយពីសារព័ត៌មាន Bloomberg។

គួរឲ្យដឹងថា ការផ្តល់ទឹកប្រាក់លើកចុងក្រោយនេះ គឺលើសពីចំនួនកំណត់ត្រាពីមុនដែលលោក Yanai បានផ្តល់ជូន ២៥លានដុល្លារ ដល់សាលាក្នុងឆ្នាំ២០២០។ ជំនួយនេះមានគោលបំណងធំក្នុងផ្តោតសំខាន់ទៅលើកម្មវិធីសិក្សាស្រាវជា្រវមួយឈ្មោះថា Yanai Initiative for Globalizing Japanese Humanities ដែលត្រូវបានបង្កើតឡើងកាលពីមួយទសវត្សមុន ដោយលោក Yanai ផ្ទាល់។

លោក Yanai វ័យ ៧៥ឆ្នាំ គឺជាអ្នកមានបំផុតដាច់គេរបស់ប្រទេសជប៉ុន និងជានាយកប្រតិបត្តិក្រុមហ៊ុន Fast Retailing ដែលជាអាណាចក្រសម្លៀកបំពាក់ដែលគ្រប់គ្រងម៉ាកយីហោល្បីៗរួមទាំង Uniqlo និង Theory ខណ:បច្ចុប្បន្នលោកមានទ្រព្យសម្បត្តិសរុបប្រមាណ ៤៨,៣ពាន់លានដុល្លារ។នេះបើយោងសារព័ត៌មាន Bloomberg ៕

ជម្រាបជូនទៀតថា Yanai ក៏បានចំណាយពេលជាច្រើនឆ្នាំ នៅក្នុងនាមជាក្រុមប្រឹក្សាភិបាលម្នាក់របស់ធនាគារ SoftBank Group Corp ផងដែរ មុនពេលចុះចេញពីតំណែងកាលពីជិតប្រាំឆ្នាំមុន៕

The post អ្នកមានដាច់គេនៅជប៉ុន បរិច្ចាគលុយជាង ៣០លានដុល្លារ ទៅកាន់សាលាមួយនៅអាមេរិក appeared first on .

កំពូលអ្នកមានដាច់គេនៅជប៉ុន ១០រូប មិនមានឈ្មោះស្ថាបនិកក្រុមហ៊ុនរថយន្តធំៗម្នាក់សោះ

ឧកញ៉ាសំពៅ — Fri, 15 Dec 2023 09:02:00 +0000

ប្រទេសជប៉ុន ល្បីណាស់ខាងផលិតរថយន្ត ទាំងតម្លៃសមរម្យ ភាពធន់ល្អ និងបច្ចេកវិទ្យាដ៏សំបូរបែបថែមទៀត ប៉ុន្តែស្ថាបនិកនៃក្រុមហ៊ុនផលិតរថយន្តល្បីៗទាំងនេះ បែរជាមិនជាប់ឈ្មោះក្នុងបញ្ជីមហាសេដ្ឋីមានបំផុត ១០រូប ប្រចាំប្រទេសទៅវិញ។

យោងតាមការចុះផ្សាយពីគេហទំព័រ Forbes បានបង្ហាញថា មហាសេដ្ឋីមានបំផុតប្រចាំប្រទេសជប៉ុន គឺលោក Tadashi Yanai ជាស្ថាបនិក្រុមហ៊ុនលក់សម្លៀកបំពាក់ ដ៏ល្បីល្បាញទូទាំងពិភពលោក គឺក្រុមហ៊ុន Uniqlo ខណៈបច្ចុប្បន្នទ្រព្យសម្បត្តិរបស់លោកគឺមានប្រមាណ ៣៦,៩ពាន់លានដុល្លារ។

ខាងក្រោមនេះគឺជាបញ្ជីឈ្មោះមហាសេដ្ឋីជប៉ុនទាំង ១០រូប មានទ្រព្យសម្បត្តិច្រើនបំផុតប្រចាំប្រទេស គិតត្រឹមពាក់កណ្ដាលខែធ្នូ ឆ្នាំ២០២៣៖

១/លោក Tadashi Yanai មានទ្រព្យសម្បត្តិប្រមាណ ៣៦,៩ពាន់លានដុល្លារ និងជាស្ថាបនិកក្រុមហ៊ុនលក់សម្លៀកបំពាក់ Uniqlo

២/លោក Masayoshi Son មានទ្រព្យសម្បត្តិប្រមាណ ២៣,១ពាន់លានដុល្លារ និងជាស្ថាបនិក្រុមហ៊ុនទូរគមនាគមន៍ និងធនាគារយក្ស SoftBank Group

៣/លោក Takemitsu Takizaki មានទ្រព្យសម្បត្តិប្រមាណ ២០,២ពាន់លានដុល្លារ និងជាស្ថាបនិកក្រុមហ៊ុនផ្គត់ផ្គង់គ្រឿងបច្ចេកវិទ្យា Keyence

៤/លោក Takahisa Takahara មានទ្រព្យសម្បត្តិប្រមាណ ៦,៤ពាន់លានដុល្លារ និងជាប្រធានក្រុមហ៊ុនផលិតខោទឹកនោម Unicharm

៥/លោក Yasumitsu Shigeta មានទ្រព្យសម្បត្តិប្រមាណ ៤,១ពាន់លានដុល្លារ និងជាស្ថាបនិកក្រុមហ៊ុនលក់ទូរស័ព្ទ Hikari Tsushin

៦/លោក Takao Yasuda មនទ្រព្យសម្បត្តិប្រមាណ ៤ពាន់លានដុល្លារ និងជាស្ថាបនិកក្រុមហ៊ុនលក់ទំនិញរាយគ្រប់ប្រភេទ Pan Pacific International Holdings Corp

៧/លោក Masahiro Noda មានទ្រព្យសម្បត្តិប្រមាណ ៣,៩ពាន់លានដុល្លារ និងជាស្ថាបនិកក្រុមហ៊ុនផ្គត់ផ្គង់សេវាកម្មបច្ចេកវិទ្យា OBIC CO., Ltd

៨/លោក Akio Nitori មានទ្រព្យសម្បត្តិប្រមាណ ៣,៧ពាន់លានដុល្លារ និងជាស្ថាបនិកក្រុមហ៊ុនចែកចាយគ្រឿងសង្ហារិមធំបំផុតមួយនៅជប៉ុន Nitori Holdings

៩/លោក Masahiro Miki មានទ្រព្យសម្បត្តិប្រមាណ ៣,៦ពាន់លានដុល្លារ និងជាស្ថាបនិកក្រុមហ៊ុនលក់ស្បែកជើង ABC-Mart

១០/លោក Akira Mori មានទ្រព្យសម្បត្តិប្រមាណ ៣,៤ពាន់លានដុល្លារ និងជាប្រធានក្រុមហ៊ុនអភិវឌ្ឍអចលនទ្រព្យ Mori Trust៕

The post កំពូលអ្នកមានដាច់គេនៅជប៉ុន ១០រូប មិនមានឈ្មោះស្ថាបនិកក្រុមហ៊ុនរថយន្តធំៗម្នាក់សោះ appeared first on .

ល្បីចិនពូកែរកស៊ី តែមហាសេដ្ឋីមានបំផុតនៅអាស៊ីបែរជាជនជាតិឥណ្ឌាវិញ

ឧកញ៉ាសំពៅ — Thu, 14 Sep 2023 08:57:00 +0000

ទ្វីបអាស៊ី គឺប្រមូលផ្ដុំមហាសេដ្ឋីច្រើនបំផុតលើលោក ប្រមាណ ៩៥១នាក់ ដែលក្នុងនោះចិន និងឥណ្ឌាសំបូរមហាសេដ្ឋីច្រើនជាងគេ ពោលចិនមានប្រមាណ ៤៤០ នាក់ ខណៈឥណ្ឌាមាន ១៦១ នាក់ ដោយក្នុងនោះអ្នកមានបំផុតប្រចាំទ្វីបគឺលោក Mukesh Ambani ម្ចាស់ក្រុមហ៊ុន Reliance Industries Limited។

ខាងក្រោមនេះគឺជាបញ្ជីឈ្មោះមហាសេដ្ឋីមានបំផុតប្រចាំទ្វីបអាស៊ី ផ្អែកតាមការចុះផ្សាយពីទស្សនាវដ្ដី Forbes៖

1/ Mukesh Ambani

បុគ្គលឈរនៅកំពូលតារាងរូបនេះ គឺជាមហាសេដ្ឋីជនជាតិឥណ្ឌាដែលមានទំហំទ្រព្យសម្បត្តិប្រមាណ ៩៥,៧ពាន់លានដុល្លារ ហើយលោកគឺជាម្ចាស់ភាគហ៊ុនធំបំផុតនៃក្រុមហ៊ុនថាមពល និងទូរគមនាគមន៍ Reliance Industries ដែលក្ដោបក្ដាប់វិស័យផ្សេងៗដូចជា គីមីឥន្ធនៈ ប្រេង ឧស្ម័ន ទូរគមនាគមន៍ជាដើម។

2/ Zhong Shanshan

បុរសដែលមានរហស្សនាមថា “ស្ដេចទឹកបរិសុទ្ធ” Zhong Shanshan គឺជាស្ថាបនិកនៃក្រុមហ៊ុនផលិតទឹកបរិសុទ្ធ Nongfu Spring គឺជាមហាសេដ្ឋីមានបំផុតទី ២ ប្រចាំទ្វីបអាស៊ីដោយលោកមានដើមកំណើតជាជនជាតិចិន។

បច្ចុប្បន្ន លោកមានទ្រព្យសម្បត្តិប្រមាណ ៦២,២ពាន់លានដុល្លារ។

3/ Gautam Adani

មហាសេដ្ឋីឥណ្ឌាទី ២ គឺលោក Gautam Adani ដែលលោកគឺជា CEO នៃក្រុមហ៊ុន Adani Groups ដែលកាន់កាប់មុខជំនួញជាច្រើនដែលមានដូចជា កំពង់ផែ Mundra Port, Adani Enterprises, Adani Green, Adani Total Gas, Adani Power ជាដើម។

បច្ចុប្បន្ន Adani គឺជាមហាសេដ្ឋីមានបំផុតទី ២ នៅប្រទេសឥណ្ឌា ដែលមានទំហំទ្រព្យសម្បត្តិប្រមាណ ៥៦,៣ពាន់លានដុល្លារ។

4/ Zhang Yiming

សហស្ថាបនិក និងជាអតីត CEO ក្រុមហ៊ុន ByteDacne ដែលជាក្រុមហ៊ុនមេកម្មវិធីល្បីល្បាញ TikTok មានទ្រព្យសម្បត្តិប្រមាណ ៣៩,១ពាន់លានដុល្លារ។

5/ Li Ka-shing

បុរសដែលមានរហស្សនាមថា Superman និងជាមហាសេដ្ឋីហុងកុងតែម្នាក់គត់ក្នុងបញ្ជីមួយនេះ មានទ្រព្យសម្បត្តិប្រមាណ ៣៧,៨ពាន់លានដុល្លារ និងមានអាជីវកម្មជាច្រើននៅក្នុងដៃ។

6/ Tadashi Yanai

ជាជនជាតិជប៉ុនតែម្នាក់គត់ ក្នុងបញ្ជីឈ្មោះមួយនេះ ហើយលោកគឺជាស្ថាបនិក និងជា CEO ក្រុមហ៊ុន Fast Retailing ក្រុមហ៊ុនមេ Uniqlo ខណៈទ្រព្យសម្បត្តិរបស់លោកមានប្រមាណ ៣៥,៩ពាន់លានដុល្លារ។

7/ Pony Ma Huateng

ជានាយកប្រតិបត្តិក្រុមហ៊ុនយក្ស Tencent Holdings ដែលជាប់ឈ្មោះជាក្រុមហ៊ុនធំបំផុតប្រចាំប្រទេស បើផ្អែកតាមមូលធនទីផ្សារ។

បុរសរូបនេះមានដើមកំណើតជាជនជាតិចិន ដែលមានទំហំទ្រព្យសម្បត្តិសរុប ៣៥,២ពាន់លានដុល្លារ។

8/ Colin Zheng Huang

ស្ថាបនិកក្រុមហ៊ុន Pinduoduo ដែលឥឡូវនេះជាវេទិកាកសិកម្មដ៏ធំបំផុតនៅក្នុងប្រទេសចិន ខណៈបច្ចុប្បន្នទ្រព្យសម្បត្តិរបស់លោក មានប្រមាណ ៣៤,៦ពាន់លានដុល្លារ។

9/ William Lei Ding

ស្ថាបនិក និងជា CEO ក្រុមហ៊ុន NetEase ដែលជំនាញលើការផលិតហ្គេម ផ្គត់ផ្គង់សេវាកម្មអ៊ីនធឺណិត និងការធ្វើពាណិជ្ជកម្មអេឡិចត្រូនិច មានទ្រព្យសម្បត្តិប្រមាណ ៣២,១ឹពាន់លានដុល្លារ

10/ Robin Zeng

ជាស្ថាបនិកក្រុមហ៊ុន CATL ដែលជាអ្នកផលិតអាគុយលីចូម – អ៊ីយ៉ុងសម្រាប់រថយន្តអគ្គិសនី ធំបំផុតមួយលើពិភពលោក ហើយទ្រព្យសម្បត្តិរបស់លោកមានប្រមាណ ៣៤ពាន់លានដុល្លារ។

សូមជម្រាបដែរថា ចំណែកឯមហាសេដ្ឋីនៅតំបន់អាស៊ីអាគ្នេយ៍វិញមានសរុប ១១៤ នាក់ តៃវ៉ាន់មាន ៤៥ នាក់ កូរ៉េខាងត្បូងមាន ២៨ នាក់ និងជប៉ុនមាន ២៧ នាក់។ នេះបើតាមការចុះផ្សាយពីសារព័ត៌មាន Nikkei Asia៕

The post ល្បីចិនពូកែរកស៊ី តែមហាសេដ្ឋីមានបំផុតនៅអាស៊ីបែរជាជនជាតិឥណ្ឌាវិញ appeared first on .

តស់! មកស្គាល់ស្ដេចត្រាញ់ ៥រូបមានប្រាក់វាល់លាន រកស៊ីក្នុងវិស័យឧស្សាហកម្មសម្លៀកបំពាក់

ឧកញ៉ាសំពៅ — Mon, 10 Jul 2023 03:42:52 +0000

វិស័យឧស្សាហកម្មម៉ូដសម្លៀកបំពាក់ គឺជាប្រភពរកប្រាក់ចំណូលរាប់ពាន់លានដុល្លារ សម្រាប់ក្រុមមហាសេដ្ឋី ហើយវាក៏ជាឧស្សាហកម្មបែបចាស់បុរាណ ប៉ុន្តែគ្មានថ្ងៃសាបរលាបងាយៗឡើយ។

យោងតាមការចុះផ្សាយពីគេហទំព័រ Nairametrics បានបង្ហាញថា ទំហំទឹកប្រាក់នៅក្នុងវិស័យមួយនេះ មានរហូតដល់ ២,៥ទ្រីលានដុល្លារ មុនពេលមានជំងឺរាតត្បាត ហើយវាត្រូវបានគេរំពឹងថា នឹងកើនឡើងចន្លោះពី ៥% ដល់ ១០% ក្នុងរយៈពេលប៉ុន្មានឆ្នាំខាងមុខ។

ខាងក្រោមនេះគឺជាបញ្ជីឈ្មោះមហាសេដ្ឋីមានបំផុត ៥រូប ដែលកំពុងរកស៊ី និងកើបលុយបានក្រាស់ក្រែលពីឧស្សាហកម្មមួយនេះ ផ្អែកតាមការចុះផ្សាយពីគេទំព័រ Forbes៖

៥. មហាសេដ្ឋីជប៉ុន Tadashi Yanai មានទ្រព្យសម្បត្តិប្រមាណ ៣៦,៧ពាន់លានដុល្លារ ជាម្ចាស់ក្រុមហ៊ុន Fast Retailing

៤.មហាសេដ្ឋីបារាំង François Pinault មានទ្រព្យសម្បត្តិប្រមាណ ៣៩,២ពាន់លានដុល្លារ ជាម្ចាស់ក្រុមហ៊ុនម៉ាកយីហោល្បីៗដូចជា Gucci និង Yves Saint Laurent

៣.មហាសេដ្ឋីអាមេរិក Phil Knight មានទ្រព្យសម្បត្តិប្រមាណ ៤១,១ពាន់លានដុល្លារ ជាសហស្ថាបនិកក្រុមហ៊ុន Nike

២.មហាសេដ្ឋីអេស្ប៉ាញ Amancio Ortega មានទ្រព្យសម្បត្តិប្រមាណ ៨៨,៩ពាន់លានដុល្លារ ជាម្ចាស់ក្រុមហ៊ុន Inditex

១.មហាសេដ្ឋីបារាំង Bernard Arnault មានទ្រព្យសម្បត្តិប្រមាណ ២២២ពាន់លានដុល្លារ ជាម្ចាស់ក្រុមហ៊ុន LVMH៕

The post តស់! មកស្គាល់ស្ដេចត្រាញ់ ៥រូបមានប្រាក់វាល់លាន រកស៊ីក្នុងវិស័យឧស្សាហកម្មសម្លៀកបំពាក់ appeared first on .

មហាសេដ្ឋីមានបំផុតនៅជប៉ុន ចាប់ផ្ដើមដំបូងពីការលក់ខោអាវតាមចិញ្ចើមផ្លូវជាមួយឪពុក

ឧកញ៉ាសំពៅ — Fri, 08 Jul 2022 08:28:12 +0000

លោក Tadashi Yanai គឺជាបុគ្គលមានទ្រព្យសម្បត្តិច្រើនបំផុតប្រចាំប្រទេសជប៉ុន និងជាស្ថាបនិក Fast Retailing ដែលជាក្រុមហ៊ុនមេនៃក្រុមហ៊ុនលក់ខោអាវដ៏ល្បី Uniqlo ដែលមានសាខារាប់ពាន់ទូទាំងពិភពលោក។

យោងតាមរបាយការណ៍ចុះផ្សាយដោយ Forbes បានឲ្យដឹងថា លោក Tadashi មានទ្រព្យសម្បត្តិសរុបប្រមាណជិត ២៦ ពាន់លានដុល្លារគិតត្រឹមថ្ងៃទី ០៨ កក្កដា និងជាបុគ្គលមានបំផុតលើលោកទី ៥៤។

មុននឹងឈានមកដល់ចំណុចនេះ បុរសវ័យ ៧៣ ឆ្នាំធ្លាប់មានអាជីពជាអ្នកលក់សម្ភារៈផ្ទះបាយ និងសម្លៀកបំពាក់បុរសនៅផ្សារទំនើប JUSCO ក្នុងឆ្នាំ ១៩៧១ ហើយរំលងបានមួយឆ្នាំ លោកក៏ចូលរួមជាមួយឪពុកបើកហាងកាត់ដេរតាមចិញ្ចើមផ្លូវវិញ។

ហាង Uniqlo ដំបូង

លុះដល់ឆ្នាំ ១៩៨៤ លោកបានបើកហាង Uniqlo ដំបូងនៅទីក្រុង Hiroshima និងបានប្ដូរឈ្មោះក្រុមហ៊ុនឪពុកពី Ogori Shoji ទៅជា Fast Retailing នៅឆ្នាំ ១៩៩១។

“ខ្ញុំមើលមកដូចជាជោគជ័យសំបើមណាស់ ប៉ុន្តែខ្ញុំបានបង្កកំហុសរាប់ភ្លេច។ គ្រប់គ្នាតែងតែចាត់ទុកកំហុសជាធំ រហូតស្ទើរបោះបង់ក្ដីស្រមៃ។ អ្នកត្រូវតែរក្សាភាពវិជ្ជមានជានិច្ច ហើយត្រូវតែជឿជាក់លើខ្លួនឯងថា នៅពេលក្រោយអ្នកនឹងទទួលបានជោគជ័យ”។ នេះគឺជាដំបូន្មានរបស់បុគ្គលមានបំផុតនៅជប៉ុន៕

The post មហាសេដ្ឋីមានបំផុតនៅជប៉ុន ចាប់ផ្ដើមដំបូងពីការលក់ខោអាវតាមចិញ្ចើមផ្លូវជាមួយឪពុក appeared first on .

មហាសេដ្ឋីមានបំផុតនៅជប៉ុនរបូតទ្រព្យសម្បត្តិអស់ជិតពាក់កណ្ដាល ដោយសារចិន

ឧកញ៉ាសំពៅ — Fri, 03 Jun 2022 05:35:40 +0000

លោក Tadashi Yanai ដែលជាស្ថាបនិកក្រុមហ៊ុនលក់សម្លៀកបំពាក់ Uniqlo និងជាអ្នកមានបំផុតប្រចាំប្រទេសជប៉ុន បាននឹងកំពុងសំងំពិបាកចិត្ត ដោយសារទ្រព្យសម្បត្តិរបស់លោកបានធ្លាក់ចុះស្ទើរតែពាក់កណ្ដាលពោលគឺ ៤៤% បើធៀបនឹងឆ្នាំទៅ។ នេះបើតាមការចុះផ្សាយពី Forbes។

យោងតាមសារព័ត៌មានអាមេរិកាំងបានឲ្យដឹងថា បច្ចុប្បន្នទ្រព្យសម្បត្តិរបស់បុរសជនជាតិជប៉ុនគឺមានប្រមាណ ២៣,៦ ពាន់លានដុល្លារ ខណៈឆ្នាំទៅគឺមានដល់ប្រហែល ៥០ ពាន់លានដុល្លារ។

ការធ្លាក់ចុះនៃទ្រព្យសម្បត្តិដ៏ច្រើនសន្ធឹកសន្ធាប់បែបនេះ មិនមែនកើតមានតែចំពោះលោកឡើយ ពោលស្ទើរគ្រប់បុគ្គលអ្នកមានៗនៅជប៉ុនទាំងអស់សុទ្ធតែជួបប្រទះបញ្ហានេះដូចៗគ្នា ដោយសារការឡើងថ្លៃទំនិញ ប្រេង ស្របពេលសង្វាក់ផ្គត់ផ្គង់មានបញ្ហារអាក់រអួល។

យ៉ាងណា បញ្ហាធំដែលធ្វើឲ្យមហាសេដ្ឋីមានបំផុតនៅជប៉ុនខាតបង់ធ្ងន់ធ្ងរ គឺដោយសារការនាំចេញទំនិញទៅកាន់ប្រទេសចិនមានភាពយឺតយ៉ាវ និងចំណូលបានមកពីប្រទេសមហាអំណាចមួយនេះមានការថយចុះ ដោយសាររដ្ឋាភិបាលចិនប្រកាន់ខ្ជាប់វិធានការទប់ស្កាត់កូវីដ ១៩ តឹងតែងខ្លាំងពេក។ នេះបើតាមការចុះផ្សាយពី Reuters។

ទន្ទឹមនឹងនោះ លោក Yanai ក៏ធ្លាប់បានប្រាប់នៅក្នុងកិច្ចសម្ភាសន៍ជាមួយ The Financial Times កាលពីខែមេសាដែរថា៖ “ពួកយើងកំពុងមានបញ្ហាទាំងផ្នែកចំណូល និងការរស់នៅរបស់បុគ្កលិកដោយសារវិធានការទប់ស្កាត់ Covid Zero របស់ចិន។ សាខានៅទីក្រុងសៀងហៃត្រូវបានបង្ខំចិត្តបិទ ហើយការដឹកជញ្ជូនពីកំពង់ផែរឹតតែពិបាកថែមទៀត”។

សូមជម្រាបដែរថា ប្រទេសចិនគឺជាទីផ្សារធំបំផុតសម្រាប់ក្រុមហ៊ុន Uniqlo ដោយសារនៅទីនោះមានសាខារហូតដល់ ៨៦៥ សាខា ខណៈ ៩០ សាខាមានទីតាំងនៅទីក្រុងសៀងហៃ ហើយវិធានការបិទខ្ទប់របស់ចិនពិតជាបានបង្កការខាតបង់យ៉ាងធ្ងន់ធ្ងរស្ថាបនិកនៃក្រុមហ៊ុនមួយនេះ៕

The post មហាសេដ្ឋីមានបំផុតនៅជប៉ុនរបូតទ្រព្យសម្បត្តិអស់ជិតពាក់កណ្ដាល ដោយសារចិន appeared first on .