Taiwan

ប្រធានាធិបតីតៃវ៉ាន់៖ តៃវ៉ាន់តែងតែស្វែងរកការរួមរស់ជាមួយចិនដោយសន្តិភាព និងគ្មានការរឹតត្បិត

monyokn — Wed, 11 Oct 2023 11:30:00 +0000

ប្រធានាធិបតីតៃវ៉ាន់ លោកស្រី Tsai Ing-wen បាននិយាយនៅថ្ងៃបុណ្យជាតិតៃវ៉ាន់កាលពីថ្ងៃអង្គារ ទី១០ ខែតុលាថា តៃវ៉ាន់បានស្វែងរកការរួមរស់ប្រកបដោយសន្តិភាពជាមួយប្រទេសចិន ដែលអាចមានទំនាក់ទំនងដោយសេរី និងគ្មានការរឹតត្បិត។ នេះបើយោងទៅតាមការចុះផ្សាយពីសារព័ត៌មាន CNA ។

លោកស្រី Tsai មិនអាចឈរឈ្មោះអោយគេបោះឆ្នោតជាប្រធានាធិបតីម្តងទៀតទេ នាខែមករាខាងមុខនេះ ដោយសារតែបានកាន់តំណែងអស់រយៈពេល២អាណត្តិហើយ ខណៈកន្លងមកលោកស្រីតែងតែលើកពីសំណើជជែកគ្នាជាមួយចិនដោយសន្តិភាព ប៉ុន្តែត្រូវបានបដិសេធ ដោយសារចិនចាត់ទុកលោកស្រីថាជាជនបំបែកខ្លួន

ថ្លែងនៅមុខការិយាល័យប្រធានាធិបតី លោកស្រី Tsai បាននិយាយថា កម្លាំងនៃការគាំទ្ររបស់អន្តរជាតិមកលើតៃវ៉ាន់ បានឈានដល់កម្រិតខ្ពស់មិនធ្លាប់មានពីមុនមក មួយវិញទៀត នេះជាពេលវេលាដែលយើងអាចប្រឈមមុខនឹងពិភពលោកប្រកបដោយទំនុកចិត្ត ក៏ដូចជាអាចធានាបានដោយខ្លួនឯងក្នុងការប្រឈមមុខនឹងប្រទេសចិន ក្រោមការបង្កើតលក្ខខណ្ឌសម្រាប់ការរួមរស់ប្រកបដោយសន្តិភាព និងការអភិវឌ្ឍន៍នាពេលអនាគតនៅទូទាំងច្រកសមុទ្រតៃវ៉ាន់។

ប្រធានាធិបតីរូបនេះបានបន្ថែមថា វាជាកាតព្វកិច្ចរបស់លោកស្រីក្នុងកិច្ចការពារអធិបតេយ្យភាព និងលទ្ធិប្រជាធិបតេយ្យរបស់តៃវ៉ាន់និងបែបបទរស់នៅពោរពេញដោយសេរីភាព ដោយស្វែងរកទំនាក់ទំនងទៅវិញទៅមកគ្មានបន្ទុក គ្មានការរឹតត្បិត និងមានសេរីភាពរវាងប្រជាជនតៃវ៉ាន់និងប្រជាជនចិន។

សូមជម្រាបថា ប្រទេសចិនតែងតែទាមទារថាតៃវ៉ាន់ជាផ្នែកមួយនៃទឹកដីរបស់ខ្លួន ខណៈកោះនេះបានស្ថិតនៅក្រោមសម្ពាធផ្នែកយោធា និងនយោបាយកាន់តែខ្លាំងឡើងៗពីរដ្ឋាភិបាលទីក្រុងប៉េកាំង រួមទាំងការធ្វើសមយុទ្ធយោធាធំៗពីរលើករបស់ចិននៅជិតកោះនេះ ចាប់តាំងពីខែសីហាឆ្នាំមុនមក ដែលវាកាន់តែបង្កហានិភ័យនៃការផ្ទុះសង្គ្រាមនាពេលខាងមុខ៕

The post ប្រធានាធិបតីតៃវ៉ាន់៖ តៃវ៉ាន់តែងតែស្វែងរកការរួមរស់ជាមួយចិនដោយសន្តិភាព និងគ្មានការរឹតត្បិត appeared first on .

តៃវ៉ាន់កោះតូចមែន តែបរទេសចូលចិត្តទៅលេងណាស់ មានហេតុផល ៧ ចំណុចនេះ

ឧកញ៉ាសំពៅ — Fri, 23 Jul 2021 02:43:53 +0000

តៃវ៉ាន់ជាទឹកដីដែនកោះ មានផ្ទៃដីប្រមាណ ៣៦ ១៩៧ គីឡូម៉ែត្រការ៉េ ពោលគឺតូចជាងកម្ពុជាដល់ទៅ ៥ ដងឯណោះ។

ថ្វីបើតូចមែន តែតៃវ៉ាន់គឺតូចខ្លឹម ពោលបើនិយាយពីសេដ្ឋកិច្ចជាប់រហស្សនាមជាខ្លាមួយក្នុងចំណោមខ្លាសេដ្ឋកិច្ចទាំង ៤ នៅអាស៊ី។ ហេតុផល ៧ យ៉ាងដែលជនបរទេសប្រាថ្នាចង់ទៅលេងទឹកដីកោះតៃវ៉ាន់។

1/ ប្រជាជនតៃវ៉ាន់ជាមនុស្សរួសរាយ

ចំណុចមួយនេះ គឺស្រដៀងនឹងខ្មែរយើងដែរ ដោយប្រជាជនតៃវ៉ាន់ភាគច្រើន មិនថាប្រុសស្រី ក្មេង ឬចាស់ឡើយ គឺពួកគេមានភាពរួសរាយរាក់ទាក់ មិនថាអ្នកចង់ទៅទិញឥវ៉ាន់ ឬទៅដើរលេងកន្លែងសប្បាយៗជាដើម។

2/ ប្រព័ន្ធសុខាភិបាលនៅតៃវ៉ាន់គឺល្អបំផុតក្នុងពិភពលោក

កាលពីឆ្នាំ ២០១៩ កោះតៃវ៉ាន់ជាប់លេខ ១ មានប្រព័ន្ធសុខាភិបាលល្អបំផុតក្នុងពិភពលោក ដោយទស្សនាវដ្ដី CEOWorld Magazine។ តាមរយៈការដាក់ពិន្ទុតាមរយៈអ្នកជំនាញផ្នែកសុខភាព តម្លៃសេវាកម្ម ភាពងាយស្រួលនៃការផ្ដល់ថ្នាំ និងការណែនាំ ក៏ដូចជាហេដ្ឋារចនាសម្ព័ន្ធល្អឥតខ្ចោះថែមទៀត។

ជាការពិតប្រព័ន្ធសុខាភិបាលនៅតៃវ៉ាន់មានគុណភាពល្អ រហូតដល់ថ្នាក់ជនបរទេស ជាពិសេសជនជាតិអាមេរិកលាន់មាត់សរសើរ និងស្ទើរតែមិនជឿថា គុណភាពសេវាកម្មល្អឥតខ្ចោះរបៀបហ្នឹង ម៉េចបានជាអស់ថ្លៃពិនិត្យទាបម៉្លេះ។

3/ កត្តាម្ហូបអាហារដែលឆ្ងាញ់ និងងាយស្រួលរក

រឿងមួយដែលឲ្យតែគ្រប់គ្នានិយាយដល់កោះតៃវ៉ាន់ ហើយពួកគេនឹកឃើញមុនគេនោះ គឺម្ហូបអាហារ ដ្បិតម្ហូបនៅទីនោះគឺងាយស្រួលរក ហើយថែមទាំងមានតម្លៃសមរម្យទៀតផង។

អ្នកអាចរកមើលអាហារតាមចិញ្ចើមផ្លូវ Street Food បានគ្រប់ពេលគ្រប់កន្លែងតែម្ដង ហើយវាមានតម្លៃថោក តែឆ្ងាញ់មិនធម្មតាឡើយ។

4/ ការចំណាយគឺអស់តិច

វាអាចជារឿងដែលមិនគួរឲ្យជឿមួយ បើប្រាប់ថាការរស់នៅលើកោះតៃវ៉ាន់មានការចំណាយតិចតួច តែវាជារឿងពិត លើកលែងតែអ្នកចង់ទៅរស់នៅទីក្រុងតៃប៉ិ ព្រោះនៅទីនោះតម្លៃជួលផ្ទះអាចមានតម្លៃថ្លៃ។

មានជនជាតិបរទេសជាច្រើនបានទៅកោះតៃវ៉ាន់ និងសម្រេចរស់នៅទីនោះ ដោយខ្លះធ្វើជាគ្រូបង្រៀន និងខ្លះទៀតបើកមុខជំនួញ ឬធ្វើការជាដើម ខណៈតម្លៃជួលផ្ទះគឺអាចមានទាបបំផុតដល់ ១៥% នៃប្រាក់ខែរបស់ពួកគេ បើធៀបនឹងប្រទេសដទៃអាចមានដល់ ៣០-៥០% ឯណោះ។

សម្រាប់ការហូបចុកវិញ អ្នកអាចចំណាយតិចបំផុត ១ ដុល្លារសម្រាប់អាហារមួយពេល និងការធ្វើដំណើរគឺ ២ ដុល្លារសម្រាប់ការជិះតាក់ស៊ី ឬថោកជាងនេះបើធ្វើដំណើរតាមឡានក្រុង។

5/ កត្តាអាកាសធាតុ

សម្រាប់ចន្លោះខែមិថុនា ដល់ខែកញ្ញា សីតុណ្ហភាពនៅកោះតៃវ៉ាន់អាចក្ដៅខ្លាំង តែ ៨ ខែផ្សេងទៀតអាកាសធាតុគឺមិនក្ដៅ ហើយក៏មិនត្រជាក់ដែរ ដែលវាអំណោយផលដល់ការដើរហាត់ប្រាណ ជិះកង់ ឬចំណាយពេលជាមួយមិត្តភក្ដិក្នុងការដើរលេងជុំវិញកោះបានយ៉ាងរីករាយ។

សម្រាប់រដូវក្ដៅ សីតុណ្ហភាពអាចមានចន្លោះពី ២៨-៣៥ អង្សាសេ រីឯរដូវរងាវិញគឺកម្រមានក្រោម ១៥ អង្សាសេណាស់ ពោលគឺភាគច្រើនស្ថិតនៅខ្ទង់ ២០ អង្សាសេ។

6/ តៃវ៉ាន់គឺជាទឹកដីមានសុវត្ថិភាពបំផុតមួយ

បើអ្នកគិតថា ជប៉ុនជាប្រទេសដែលមានសុវត្ថិភាពបំផុតនោះ អ្នកគិតត្រូវហើយ តែសូមកុំភ្លេចដាក់កោះតៃវ៉ាន់បន្ទាប់ពីជប៉ុនគឺជាដែនដីដែលមានសុវត្ថិភាពបំផុតលើពិភពលោក។

បើសិនជាអ្នករស់នៅកោះតៃវ៉ាន់ អ្នកមិនចាំបាច់ព្រួយបារម្ភពីការប្លន់តាមផ្លូវ ចោរលូកហោប៉ៅឡើយ ស្របពេលករណីអំពើហិង្សាវិញ គឺកម្រកើតមានខ្លាំងណាស់។

7/ ការទិញឥវ៉ាន់នៅផ្សាររាត្រី

ក្រៅពីប៉ុន្មានចំណុចរៀបរាប់ខាងលើរួចមក ចំណុចសំខាន់ចុងក្រោយគឺ ផ្សាររាត្រីនៅតៃវ៉ាន់ ព្រោះនៅទីនោះមិនត្រឹមតែមានម្ហូបញាំឆ្ងាញ់ៗទេ សូម្បីឥវ៉ាន់ផ្សេងៗក៏មានតម្លៃធូរថ្លៃមិនគួរឲ្យជឿទៀតផង៕

ប្រភព: tastythailand

The post តៃវ៉ាន់កោះតូចមែន តែបរទេសចូលចិត្តទៅលេងណាស់ មានហេតុផល ៧ ចំណុចនេះ appeared first on .

Taiwan

ប្រធានាធិបតីតៃវ៉ាន់៖ តៃវ៉ាន់​តែងតែស្វែងរក​ការ​រួមរស់​ជាមួយ​ចិនដោយ​សន្តិភាព​ និងគ្មានការរឹតត្បិត

តៃវ៉ាន់​កោះ​តូច​មែន តែ​បរទេស​ចូលចិត្ត​ទៅ​លេង​​ណាស់ មាន​ហេតុផល ៧ ចំណុច​នេះ

ប្រធានាធិបតីតៃវ៉ាន់៖ តៃវ៉ាន់តែងតែស្វែងរកការរួមរស់ជាមួយចិនដោយសន្តិភាព និងគ្មានការរឹតត្បិត

តៃវ៉ាន់កោះតូចមែន តែបរទេសចូលចិត្តទៅលេងណាស់ មានហេតុផល ៧ ចំណុចនេះ