ជុំវិញការសម្រេចចិត្តចុងក្រោយនេះ ត្រូវបានធ្វើឡើង ដោយសេវាត្រួតពិនិត្យហិរញ្ញវត្ថុសហព័ន្ធ (Rosfinmonitoring) ដែលទទួលខុសត្រូវក្នុងការប្រមូល និងវិភាគព័ត៌មានប្រតិបត្តិការហិរញ្ញវត្ថុ ដើម្បីប្រយុទ្ធប្រឆាំងនឹងឧក្រិដ្ឋកម្មនៅក្នុងប្រទេសរុស្ស៊ី។

យ៉ាងណាមិញ ចំពោះបុគ្គល និងអង្គការដែលមានឈ្មោះក្នុងបញ្ជីនេះនឹងត្រូវបានហាមឃាត់ដោយរុស្ស៊ីពីការទាក់ទងជាមួយប្រព័ន្ធផ្សព្វផ្សាយ ការបង្ហោះព័ត៌មាននៅលើអ៊ីនធឺណិត ការរៀបចំព្រឹត្តិការណ៍សាធារណៈ ការចូលរួមក្នុងការបោះឆ្នោត និងការចូលប្រើសេវាកម្មហិរញ្ញវត្ថុក្រៅពីការបង់ពន្ធ ការទទួលបានប្រាក់ខែ និងសំណង ជាដើម។

គួរឲ្យដឹងថា Rosfinmonitoring បានធ្វើការសម្រេចចិត្តនេះ ពោលគឺត្រឹមតែមួយថ្ងៃបន្ទាប់ពីសេវាសន្តិសុខសហព័ន្ធរុស្ស៊ី (FSB) បានចេញដីកាចាប់ខ្លួនអន្តរជាតិសម្រាប់លោក Durov ពីបទជួយសម្រួល និងគាំទ្រលើសកម្មភាពភេរវកម្ម។

យោងតាម ​​​​FSB វេទិកា Telegram ដែលដំណើរការដោយលោក Durov បានបរាជ័យក្នុងការលុបខ្លឹមសារដែលប្រើប្រាស់ដោយសេវាពិសេសអ៊ុយក្រែន និងអង្គការភេរវកម្មនានា ដើម្បីអនុវត្តការវាយប្រហារ ភេរវកម្ម ការធ្វើឃាត និងការក្លែងបន្លំតាមអ៊ីនធឺណិតនៅក្នុងប្រទេសរុស្ស៊ី។

ប៉ុន្តែទោះជាយ៉ាងណាក៏ដោយ នាយកប្រតិបត្តិ Telegram លោក Durov ដែលកើតនៅរុស្ស៊ី តែកាន់លិខិតឆ្លងដែនរបស់ប្រទេសអារ៉ាប់រួម និងបារាំង ហាក់នៅមិនទាន់បានចេញមុខធ្វើអត្ថាធិប្បាយណាមួយលើព័ត៌មាននេះនៅឡើយទេ៕​

The post រុស្ស៊ី បន្តដាក់ CEO របស់ក្រុមហ៊ុន Telegram លោក Pavel Durov ទៅក្នុងបញ្ជីឈ្មោះភារវករ appeared first on .

សេវាសន្តិសុខសហព័ន្ធរុស្ស៊ី (FSB) កាលពីថ្ងៃទី២៩ ខែកក្កដា បានចោទប្រកាន់វេទិកា Telegram ដែលបង្កើតឡើង និងដំណើរការដោយលោក Pavel Durov ថាមិនបានលុបខ្លឹមសារ “ដែលប្រើប្រាស់ដោយសេវាកម្មពិសេសអ៊ុយក្រែន និងអង្គការភេរវកម្មផ្សេងៗ ដើម្បីអនុវត្តការវាយប្រហារ ធ្វើភេរវកម្ម ការធ្វើឃាត និងការក្លែងបន្លំតាមអ៊ីនធឺណិត នៅក្នុងប្រទេសរុស្ស៊ី”។

គួរឲ្យដឹងផងដែរថា Telegram ដែលជាកម្មវិធីផ្ញើសារដ៏ល្បីល្បាញបំផុតមួយពិភពលោក ដែលបានចាប់ផ្តើមដំណើរការឡើងតាំងពីឆ្នាំ២០១៣ បានអះអាងថាមានអ្នកប្រើប្រាស់រហូតដល់ជាងមួយពាន់លាននាក់ ហើយត្រូវបានប្រើប្រាស់យ៉ាងទូលំទូលាយដោយភាគីទាំងពីរនៅក្នុងជម្លោះអ៊ុយក្រែន។ក្នុងរយៈពេលប៉ុន្មានឆ្នាំថ្មីៗនេះ រុស្ស៊ីបានស្វែងរកម្តងហើយម្តងទៀតដើម្បីរឹតបន្តឹងការប្រើប្រាស់ Telegram ដោយសារតែលេចធ្លាយឯកសារសំងាត់ និងការគំរាមកំហែងផ្សេងៗ។

ជម្រាបជូនផងដែរថា លោក Durov កើតនៅប្រទេសរុស្ស៊ី ប៉ុន្តែកាន់លិខិតឆ្លងដែនរបស់ប្រទេសអារ៉ាប់រួម (UAE) និងបារាំង។ លោកធ្លាប់ត្រូវបានរដ្ឋាភិបាលបង្ខំឲ្យលក់បណ្តាញសង្គម VKontakte ដែលត្រូវបានគេដាក់ឈ្មោះថាជា “ហ្វេសប៊ុករបស់រុស្ស៊ី” នៅឆ្នាំ២០១៤ រហូតដល់លោក សម្រេចចិត្តលែងរស់នៅប្រទេសរុស្ស៊ីតទៀត៕

The post រុស្ស៊ី ចេញដីកាចាប់ខ្លួននាយកប្រតិបត្តិក្រុមហ៊ុន Telegram លោក Pavel Durov ពាក់ព័ន្ធអំពើភេវរកម្ម appeared first on .

យោងតាមទីភ្នាក់ងារធ្វើតេស្តថ្នាក់ជាតិរបស់ក្រសួងអប់រំ បានបង្ហាញឲ្យដឹងថា ជុំវិញការបិទជាបណ្តោះអាសន្ននេះ ត្រូវបានធ្វើឡើងដើម្បីជាការឆ្លើយតបទៅនឹងការប្រើប្រាស់វេទិកា Telegram ដើម្បីចែកចាយវិញ្ញាសារដល់បេក្ខជនដែលត្រៀមខ្លួនសម្រាប់ការប្រឡងវេជ្ជសាស្រ្តថ្នាក់ជាតិ។

យ៉ាងណាមិញ កាលពីខែមុន រដ្ឋាភិបាលឥណ្ឌា ក៏បានលុបចោលការប្រឡងចូលរៀនថ្នាក់បរិញ្ញាបត្រ NEET សម្រាប់មហាវិទ្យាល័យវេជ្ជសាស្ត្រផងដែរ បន្ទាប់ពីអាជ្ញាធរបាននិយាយថា ពួកគេកំពុងស៊ើបអង្កេតការចោទប្រកាន់ថាសំណួររបស់ខ្លួនត្រូវបានលេចធ្លាយ មុនពេលមានការប្រឡង។

គួរឲ្យដឹងផងដែរថា ជុំវិញបញ្ហានេះ បង្កឱ្យមានបាតុកម្មតវ៉ាយ៉ាងខ្លាំងក្លាពីនិស្សិតនៅទូទាំងប្រទេស រួមទាំងមានបាតុកម្មពីគណបក្សប្រឆាំង Cockroach Janta Party ដ៏ល្បីល្បាញផងដែរ ដើម្បីទាមទារឱ្យរដ្ឋមន្ត្រីក្រសួងអប់រំ លោក Dharmendra Pradhan ចុះចេញពីតំណែង។

ជម្រាបជូនថា រដ្ឋាភិបាលឥណ្ឌា សម្រេចកំណត់ថ្ងៃប្រឡងជាថ្មីដែលនឹងធ្វើឡើងនៅថ្ងៃទី ២១ ខែមិថុនា ខណៈ Telegram នឹងត្រូវបើកឱ្យដំណើរការជាធម្មតាវិញ នៅថ្ងៃទី២២ ខែមិថុនា៕​

The post ឥណ្ឌា បិទ Telegram បណ្តោះអាសន្ន ដើម្បីទប់ស្កាត់ការបែកធ្លាយវិញ្ញាសារប្រឡងថ្នាក់ជាតិ appeared first on .

គណៈកម្មការទំនាក់ទំនង និងពហុព័ត៌មានម៉ាឡេស៊ី (MCMC) បាននិយាយនៅក្នុងសេចក្តីថ្លែងការណ៍មួយថា នេះគឺជាចំណាត់ការផ្លូវច្បាប់ជាលើកដំបូងប្រឆាំងនឹងវេទិកាប្រព័ន្ធផ្សព្វផ្សាយសង្គម នៅក្នុងប្រទេស។

MCMC បានបន្ថែមឲ្យដឹងទៀតថា ឆាណែល Telegram ក្នុងស្រុកចំនួនពីរគឺ “Edisi Siasat” និង “Edisi Khas” ត្រូវបានគេរកឃើញថាបានចេញផ្សាយខ្លឹមសារដែលបំពានលើបទប្បញ្ញត្តិនៅក្រោមច្បាប់ទំនាក់ទំនង និងពហុព័ត៌មានឆ្នាំ១៩៩៨។

នៅក្នុងពាក្យបណ្តឹងនោះ ស្ថាប័នខាងលើ បានចោទប្រកាន់ Telegram ពី ការបរាជ័យយ៉ាងធ្ងន់ធ្ងរក្នុងការដោះស្រាយខ្លឹមសារដែលត្រូវបានរាយការណ៍ម្តងហើយម្តងទៀតទៅកាន់ក្រុមហ៊ុន បើទោះបីជាមានការខិតខំប្រឹងប្រែងចរចាផ្សេងៗ ពីសំណាក់ MCMC ក៏ដោយ។

មិនតែប៉ុណ្ណោះ MCMC ក៏បានព្រមានទៀតផងដែរថា អាជ្ញាធរនឹងមិនស្ទាក់ស្ទើរក្នុងការចាត់វិធានការស្រដៀងគ្នានេះប្រឆាំងនឹងក្រុមហ៊ុនបណ្តាញសង្គមផ្សេងទៀតទេ ដោយបន្ថែមថាវេទិកាប្រព័ន្ធផ្សព្វផ្សាយសង្គមទាំងអស់ មានទំនួលខុសត្រូវសង្គម ដើម្បីធានាបានថាខ្លឹមសាររបស់ពួកគេ មិនបំពានច្បាប់ម៉ាឡេស៊ី៕

The post ម៉ាឡេស៊ី ប្តឹង Telegram ជុំវិញការផ្សព្វផ្សាយខ្លឹមសារបង្កគ្រោះថ្នាក់ appeared first on .

នៅក្នុងបទសម្ភាសជាមួយទស្សនាវដ្តីបារាំង Le Point មហាសេដ្ឋីសញ្ជាតិរុស្ស៊ីរូបនេះ បានចែករំលែកថា លោកមានឆន្ទៈបែងចែកទ្រព្យសម្បត្តិចំនួន ១៧,១ពាន់លានដុល្លាររបស់លោក ក្នុងចំណោមកូនៗទាំង ៦ នាក់ ដែលកើតចេញពីម្តាយបីរូបផ្សេងគ្នា ក៏ដូចជាកូនៗទាំង ១០០ នាក់ ដែលស្ថិតនៅក្នុង ១២ ប្រទេសផ្សេងគ្នា ដែលកើតចេញពីមេជីវិតឈ្មោលដែលលោកបានបរិច្ចាគ ក្នុងរយៈពេល ១៥ឆ្នាំកន្លងមកនេះ។

លោក Durov បាននិយាយទៀតថា ៖”ខ្ញុំចង់បញ្ជាក់ថា ខ្ញុំនឹងបែងចែកស្មើៗគ្នា ទាំងកូនៗរបស់ខ្ញុំដែលកើតមកដោយធម្មជាតិ និងកូនៗដែលកើតមកជាមួយមេជីវិតឈ្មោលដែលខ្ញុំផ្តល់ឲ្យ។ ពួកគេទាំងអស់សុទ្ធតែជាកូនរបស់ខ្ញុំ ហើយនឹងមានសិទ្ធិដូចគ្នា។ ខ្ញុំមិនចង់ឲ្យពួកគេដណ្តើមទ្រព្យសម្បត្តិរបស់ខ្ញុំ បន្ទាប់ពីខ្ញុំលាចាកលោកនេះទៅនោះទេ” ។

ប៉ុន្តែទោះជាយ៉ាងណាក៏ដោយ លោក Durov បានសង្កត់ធ្ងន់ទៀតថា លោកនឹងបរិច្ចាគទ្រព្យសម្បត្តិរបស់ខ្លួន​ ទៅឲ្យកូនៗ នៅក្នុងរយ:ពេល ៣០ឆ្នាំខាងមុខ ព្រោះថាលោកចង់ឲ្យពួកគេរៀនរស់នៅដូចមនុស្សធម្មតា អភិវឌ្ឍខ្លួនឯង រៀនជឿជាក់លើខ្លួនឯង និងចេះបង្កើតអ្វីសម្រាប់ខ្លួនឯង មិនមែនពឹងផ្អែកតែលើលុយលោកនោះឡើយ។

គួរជម្រាបជូនថា លោក Durov កើនកើតនិងធំធាត់ឡើងនៅក្នុងទីក្រុង Saint Petersburg ប្រទេសរុស្ស៊ី និងបានបង្កើតកម្មវិធីផ្ញើសារដ៏ល្បីល្បាញបំផុតមួយរបស់ពិភពលោក Telegram នៅក្នុងឆ្នាំ២០១៣។ ប៉ុន្តែក្រោយមកលោកបានផ្លាស់ទៅរស់នៅប្រទេសអារ៉ាប់រួម ក្នុងឆ្នាំ២០១៤។ យោងតាមទស្សនាវដ្ដី Forbes ប៉ាន់ប្រមាណថា Pavel Durov មានទ្រព្យសម្បត្តិសរុបប្រហែល ១៧,១ពាន់លានដុល្លារ៕

The post មេធំ Telegram បង្ហើបថា នឹងរក្សាទុកទ្រព្យសម្បត្តិ ដើម្បីចែកទៅឲ្យកូនៗជាង ១០០ នាក់របស់ខ្លួន appeared first on .

រម្លឹកផងដែរថាលោក Durov ត្រូវបានចាប់ឃាត់ខ្លួននៅឯអាកាសយានដ្ឋានមួយក្បែរទីក្រុងប៉ារីស កាលពីខែសីហា ឆ្នាំមុន ហើយត្រូវបានដាក់ឲ្យស្ថិតនៅក្រោមការស៊ើបអង្កេតជាផ្លូវការ ជាមួយនឹងការដាក់បម្រាមមិនឲ្យចាកចេញពីប្រទេសបារាំងជាដាច់ខាត។

ប៉ុន្តែទោះជាយ៉ាងណាក៏ដោយ កាលពីពេលថ្មីៗនេះ លោក Durov បានចេញមុខនិយាយជាសាធារណ: ជាលើកដំបូងថា លោកបានចំណាយពេលអស់ជាច្រើនខែនៅក្នុងប្រទេសបារាំង ដោយសារតែមានការស៊ើបអង្កេតទាក់ទងទៅនឹងសកម្មភាពរបស់ឧក្រិដ្ឋជននៅលើ Telegram។ ប៉ុន្តែទោះជាយ៉ាងណាក៏ដោយ លោកត្រូវបានអនុញ្ញាតឲ្យវិលត្រលប់ទៅកាន់ផ្ទះរបស់ខ្លួន នៅទីក្រុងឌុយបៃវិញហើយ បន្ទាប់ពីមានដំណើរការស៊ើបអង្កេតអស់រយ:ពេលជាយូរមក។

ជាមួយគ្នានេះ លោក Durov បាននិយាយទៀតថា ៖” ខ្ញុំចង់អរគុណដល់ចៅក្រមអង្កេតដែលបានអនុញ្ញាតឲ្យយរឿងនេះកើតឡើង ក៏ដូចជាមេធាវី និងក្រុមការងាររបស់ខ្ញុំ សម្រាប់ការខិតខំប្រឹងប្រែងឥតឈប់ឈររបស់ពួកគេ ក្នុងការបង្ហាញឲ្យឃើញថា នៅពេលនិយាយអំពីការសម្របសម្រួល កិច្ចសហប្រតិបត្តិការ និងការប្រយុទ្ធប្រឆាំងទៅនឹងឧក្រិដ្ឋកម្ម អស់រយៈពេលជាច្រើនឆ្នាំកន្លងមកនេះ Telegram គឺបានបំពេញតាមកាតព្វកិច្ចផ្លូវច្បាប់របស់ខ្លួនយ៉ាងម៉ឺងម៉ាត់ជាទីបំផុត” ។

ជម្រាបជូនផងដែរថា នៅក្នុងប្រទេសបារាំង Telegram ត្រូវបានជាប់ពាក់ព័ន្ធក្នុងសំណុំរឿងឧក្រិដ្ឋកម្មជាច្រើន ដែលពាក់ព័ន្ធនឹងការរំលោភបំពានផ្លូវភេទលើកុមារ ការជួញដូរគ្រឿងញៀន និងឧក្រិដ្ឋកម្មផ្សេងៗទៀត។ ហើយទន្ទឹមនឹងនោះ ព្រះរាជអាជ្ញាកំពូលទីក្រុងប៉ារីស លោក Laure Beccuau កាលពីឆ្នាំមុន បាននិយាយថា អង្គភាពរបស់ខ្លួនបានបង្ហាញពីកង្វះនៃការឆ្លើយតបរបស់ក្រុមហ៊ុន Telegram របស់លោក Durov នៅពេលត្រូវបានស្នើសុំឲ្យសហការជាមួយការអនុវត្តច្បាប់ ទើបឈានដល់ការចាប់ឃាត់ខ្លួនស្ថាបនិកក្រុមហ៊ុនរូបនេះតែម្តង៕

The post ស្ងាត់ៗមេធំ Telegram វិលត្រលប់ទៅផ្ទះនៅឌុយបៃវិញហើយ ក្រោយត្រូវបានឃាត់ខ្លួននៅបារាំងជាច្រើនខែ appeared first on .

កាលពីខែកក្កដាឆ្នាំនេះ លោក Durov បានអះអាងថា គាត់ពិតជាបានផ្តល់កំណើត និងមានកូនជាង ១០០ នាក់​ នៅក្នុងប្រទេសដល់ទៅ ១២ ផ្សេងគ្នា តាមរយ:ការបរិច្ចាគមេជីវិតឈ្មោលរបស់ខ្លួន។

មិនតែប៉ុណ្ណោះ មហាសេដ្ឋីជនជាតិរុស្ស៊ីរូបនេះ ក៏បានផ្តល់ជូនផងដែរនូវសេវាបង្ករកំណើត IVF ដោយឥតគិតថ្លៃ សម្រាប់ស្រ្តីដែលចង់បានមេជីវិតរបស់ខ្លួន តាមរយ:ភាពជាដៃគូជាមួយគ្លីនិក Altravita ផងដែរ។

ទន្ទឹមនឹងនេះ គេហទំព័រផ្លូវការរបស់គ្លីនិក Altravita បានសរសេរថា ៖“យើងរីករាយក្នុងការផ្តល់ជូនអ្នកនូវឱកាសពិសេសមួយ! មានតែនៅក្នុងគ្លីនិករបស់យើងទេដែលអ្នកអាចធ្វើការបង្ករកំណើត IVF ដោយមិនគិតថ្លៃ ដោយប្រើមេជីវិតឈ្មោលរបស់ Pavel Durov ដែលជាសហគ្រិនដ៏ល្បីល្បាញ និងជោគជ័យបំផុតនៅសម័យរបស់យើង”។

គួរឲ្យដឹងផងដែរថា យោងតាមការចេញផ្សាយដោយកាសែតរុស្សី RT សហគ្រិនដ៏ជំនាញផ្នែកព័ត៌មានវិទ្យារូបនេះ បាននិយាយថា លោកបានចាប់ផ្តើមផ្តល់មេជីវិតឈ្មោលតាំងពី ១៥ឆ្នាំ មុនមកម្ល៉េះ នៅពេលដែលមិត្តម្នាក់ បានមករកលោកជាមួយនឹងសំណើដ៏ចម្លែកមួយ។ ​ពួកគេបាន​សុំ​ឲ្យលោក​បរិច្ចាគ​មេ​ជីវិត​ឈ្មោល​នៅ​គ្លីនិក​មួយ​ដើម្បី​ឱ្យ​ពួកគេអាចមានកូនបាន។ ដំបូងលោកអស់សំណើចយ៉ាងខ្លាំង ប៉ុន្តែក្រោយមកទើបដឹងថាពួកគេនិយាយពិតមែន។

មិនតែប៉ុណ្ណោះ លោក Durov បាននិយាយទៀតថា គិតមកដល់ពេលបច្ចុប្បន្នននេះ សកម្មភាពបរិច្ចាគមេជីវិតរបស់លោក បានជួយគូស្វាមីភរិយាឲ្យមានកូនជាង ១០០ នាក់ ក្នុងចំណោម ១២ ប្រទេសផ្សេងទៀត។ ហើយបើទោះបីជាលោកបានឈប់បរិច្ឆាគអស់ពេលជាច្រើនឆ្នាំហើយក៏ដោយ ប៉ុន្តែគ្លីនិកដែលផ្តល់សេវា​បង្ករ​​កំណើត​ IVF យ៉ាងហោចណាស់មួយ នៅតែមានមេជីវិតឈ្មោលរបស់លោក សម្រាប់ប្រើប្រាស់ដល់គ្រួសារដែលចង់មានកូន ផងដែរ៕

The post មេធំ Telegram បង្ហើបថាធ្លាប់បរិច្ចាគមេជីវិត ដើម្បីផ្តល់កំណើតដល់កូនជាង ១០០នាក់ ក្នុងប្រទេស ១២ ផ្សេងគ្នា appeared first on .

យោងតាមការចុះផ្សាយពីសារព័ត៌មាន SCMP បានបង្ហាញថា ជុំវិញរឿងរ៉ាវចាប់ខ្លួនមហាសេដ្ឋីរូបនេះ អង្គការសហប្រជាជាតិ ក៏បានបញ្ចេញប្រតិកម្មផងដែរ ដោយបានលើកឡើងអំពីហានិភ័យ នៃការប៉ះទង្គិចលើសិទ្ធមនុស្ស។

អ្នកនាង Ravina Shamdasani អ្នកនាំពាក្យការិយាល័យសិទ្ធមនុស្សប្រចាំអង្គការសហប្រជាជាតិ បានលើកឡើងថា៖ ករណីនេះគឺជារឿងសាំញ៉ាំមែនទែន ដោយវាមានការប៉ះពាល់ដល់បញ្ហាសិទ្ធមនុស្សជាខ្លាំង។

សូមជម្រាបដែរថា ការចាប់ខ្លួនមហាសេដ្ឋីរូបនេះ បានធ្វើឲ្យមានការបញ្ចេញមតិជាច្រើន ជុំវិញការហាមឃាត់សិទ្ធមនុស្ស និងសិទ្ធសេរីភាពក្នុងការបញ្ចេញមតិ តួយ៉ាងមេធំ Tesla មហាសេដ្ឋី Elon Musk ក៏បានបង្ហោះសារមួយដែរថា សិទ្ធសេរីភាពនៅតំបន់អឺរ៉ុប កំពុងទទួលរងការគំរាមកំហែងហើយ៕

The post អង្គការសហប្រជាជាតិ បញ្ចេញប្រតិកម្មជុំវិញការចាប់ខ្លួនមហាសេដ្ឋី Telegram appeared first on .

តាមការអះអាងពីក្រុមប៉ូលិសបានឲ្យដឹងថា ការចាប់ខ្លួនមហាសេដ្ឋីមានសញ្ជាតិបារាំង និងអារ៉ាប់រួម ដែលមានដើមកំណើតរុស្ស៊ីរូបនេះ គឺជាផ្នែកមួយនៃការស៊ើបអង្កេតបឋមទៅលើក្រុមហ៊ុន Telegram ទាក់ទិននឹងករណីរីកសុះសាយនៃឧក្រិដ្ឋកម្ម បណ្ដាលមកពីកង្វះខាតការគ្រប់គ្រង និងកិច្ចសហប្រតិបត្តិការ ជាមួយក្រុម​ប៉ូលិស​។

យ៉ាងណាមិញ ខាងក្រោមនេះគឺជាចំណុចសំខាន់ៗមួយចំនួនដែលអ្នកគួរដឹងអំពីលោក Durov និងកម្មវិធី Telegram ៖

Telegram ជាវេទិកាប្រើប្រាស់ដោយឥតគិតថ្លៃ និងត្រូវបានចាត់ទុកថាជាបណ្តាញទំនាក់ទំនងសង្គមដ៏ធំបំផុត រួមជាមួយប្រព័ន្ធផ្សព្វផ្សាយសង្គមផ្សេងទៀត ដូចជា WhatsApp របស់ Facebook ឬ Instagram, TikTok និង Wechat ជាដើម។ កម្មវិធី Telegram បច្ចុប្បន្នមានអ្នកប្រើប្រាស់សកម្មសរុបជិត ១ពាន់លាននាក់។

Telegram មានឥទ្ធិពលបំផុតនៅក្នុងប្រទេសរុស្ស៊ី អ៊ុយក្រែន និងបណ្តាប្រទេសមួយចំនួនដែលធ្លាប់ជាអតីតសហភាពសូវៀត។ ប្រព័ន្ធទំនាក់ទំនងសង្គមនេះ បាន​ក្លាយ​ជា​ប្រភព​ដ៏​សំខាន់​នៃ​ការចែកចាយព័ត៌មាន​អំពី​សង្រ្គាម​រុស្ស៊ី​ នៅ​អ៊ុយក្រែន ដែលវា​ត្រូវ​បាន​ប្រើ​ច្រើនបំផុត​ដោយ​ទាំងក្រុម​មន្ត្រី​ទីក្រុង​ម៉ូស្គូ និង​ទីក្រុង​កៀវ។ អ្នកវិភាគខ្លះហៅកម្មវិធីនេះថា “សមរភូមិនិម្មិត” សម្រាប់សង្គ្រាម។

លោក Durov ជនជាតិរុស្សី វ័យ ៣៩ឆ្នាំ គឺជាស្ថាបនិក និងជានាយកប្រតិបត្តិរបស់ Telegram ដោយលោកបានបង្កើតកម្មវិធីនេះដំបូង នៅក្នុងឆ្នាំ២០១៣។ លោកបានសម្រចចិត្តចាកចេញពីប្រទេសរុស្ស៊ី ក្នុងឆ្នាំ២០១៤ បន្ទាប់ពីបានបដិសេធមិនធ្វើតាមការទាមទាររបស់រដ្ឋាភិបាល ក្នុងការបិទប្រព័ន្ធផ្សព្វផ្សាយសង្គម VKontakte ដែលលោកបានលក់វាចេញរួចទៅហើយ។

ក្រោយមកទៀត លោក Durov បានផ្លាស់ប្តូរទីតាំងក្រុមហ៊ុន Telegram របស់លោក ទៅកាន់ទីក្រុងឌុយបៃ ប្រទេសអារ៉ាប់រួម ក្នុងឆ្នាំ២០១៧ និងទទួលបានសញ្ជាតិនៅទីនោះ។ បើយោងតាមប្រព័ន្ធផ្សព្វផ្សាយរុស្ស៊ី និងបារាំងបាននិយាយថា លោក Durov ក៏ទទួលសញ្ជាតិបារាំងផងដែរ នៅក្នុងឆ្នាំ២០២១។

ជម្រាបជូនថា បើតាមទស្សនាវដ្តី Forbes ទ្រព្យសម្បត្តិសរុបរបស់លោក Durov ត្រូវបានប៉ាន់ប្រមាណថាមានចំនួន ១៥,៥ពាន់លានដុល្លារ ហើយក្រៅតែពីលុយ ឬ Bitcoin លោកបញ្ជាក់ថាគ្មានទ្រព្យសម្បត្តិធំៗផ្សេងទៀត ដូចជាអចលនទ្រព្យ យន្តហោះ ឬនាវាអ្វីនោះឡើយ ពោលគឺលោកចង់រស់នៅដោយមានសេរីភាព៕

The post មកដឹងពីចំណុចសំខាន់ៗមួយចំនួនរបស់មេធំ Telegram ដែលទើបត្រូវបានចាប់ខ្លួន appeared first on .

តាមការអះអាងពីក្រុមប៉ូលិសបានឲ្យដឹងថា ការចាប់ខ្លួនមហាសេដ្ឋីមានសញ្ជាតិបារាំង និងអារ៉ាប់រូមនេះ គឺជាផ្នែកមួយនៃការស៊ើបអង្កេតបឋមទៅលើក្រុមហ៊ុន Telegram ទាក់ទិននឹងករណីរីកសុះសាយនៃឧក្រិដ្ឋកម្ម បណ្ដាលមកពីកង្វះខាតការគ្រប់គ្រង និងកិច្ចសហប្រតិបត្តិការ ជាមួយក្រុមប៉ូលិស។

ក្រោយផ្ទុះករណីចាប់ខ្លួនមហាសេដ្ឋីរូបនេះ រដ្ឋាភិបាលរុស្ស៊ី ក៏ដូចជាកំពូលអ្នកមានបំផុតលើលោក Elon Musk ក៏បានចេញមុខរិះគន់លើអាជ្ញាធរបារាំង ដោយអះអាងថា សេរីភាពក្នុងការបញ្ចេញមតិនៅតំបន់អឺរ៉ុប កំពុងត្រូវបានបាត់បង់ម្ដងបន្តិចៗហើយ។

សូមជម្រាបដែរថា ក្រុមហ៊ុន Telegram ក៏បានចេញមកប្រតិកម្មភ្លាមៗ ដោយបានបញ្ជាក់ច្បាស់ៗថា ខ្លួនមិនមានអ្វីលាក់បាំង ហើយក៏មិនបានល្មើសច្បាប់ដោយប្រការណាមួយឡើយ ខណៈការចាប់ខ្លួនស្ថាបនិកក្រុមហ៊ុនបែបនេះ គឺជាទង្វើមួយដែលមិនអាចទទួលយកបានទាល់តែសោះ៕

The post មហាសេដ្ឋីវ័យក្មេង និងជាស្ថាបនិក Telegram ត្រូវបានចាប់ខ្លួននៅប្រទេសបារាំង appeared first on .