យោងតាមសេចក្តីប្រកាសរបស់ផ្សារហ៊ុនថៃ បានបង្ហាញថា ក្រុមហ៊ុន Telenor បានយល់ព្រមលក់ភាគហ៊ុនសរុបចំនួន ២៤,៩៥% នៅក្នុងក្រុមហ៊ុន True Corporation ដែលមានតម្លៃប្រមាណ ១០០,៩ពាន់លានបាត ឬស្មើជាង ៣,៣ពាន់លានដុល្លារ ទៅឲ្យក្រុមហ៊ុន Arise Digital Technology Company Limited កាន់កាប់ជំនួសវិញ។

ប៉ុន្តែទោះជាយ៉ាងណាក៏ដោយ ក្រុមហ៊ុន True Corporation បានជម្រាបជូននៅទីក្នុងទីផ្សារហ៊ុនថៃថា ការលក់ភាគហ៊ុនរបស់ក្រុមហ៊ុន Telenor នេះ មិនរំពឹងថានឹងមានផលប៉ះពាល់ខ្លាំងទៅលើក្រុមហ៊ុន ឬប្រតិបត្តិការអាជីវកម្មរបស់ខ្លួននោះឡើយ។

ជម្រាបជូនថា ក្រុមហ៊ុន Telenor បានចូលមកកាន់ប្រទេសថៃជាលើកដំបូង ក្នុងឆ្នាំ២០០០ តាមរយៈការវិនិយោគនៅក្នុងក្រុមហ៊ុន Total Access Communications (TAC) ដែលក្រោយមកប្តូរទៅជា DTAC ដែលបានរីកចម្រើនទៅជាប្រតិបត្តិករទូរស័ព្ទចល័តឈានមុខគេមួយរបស់ប្រទេស។ ក្រុមហ៊ុន True Corporation ត្រូវបានបង្កើតឡើងតាមរយៈការរួមបញ្ចូលគ្នារវាងក្រុមហ៊ុន True និង dtac ក្នុងឆ្នាំ២០២៣ ហើយសព្វថ្ងៃនេះបម្រើអតិថិជនប្រហែល ៦០លាននាក់៕​

The post ក្រុមហ៊ុនខ្នាតយក្ស Telenor សម្រេចដកខ្លួនចេញពីទីផ្សារថៃ ក្រោយឈរជើងអស់ ២៥ឆ្នាំ appeared first on .

ជាក់ស្តែងភាគហ៊ុនដែល Telenor មាននៅក្នុងក្រុមហ៊ុន Digital Money Myanmar ឬត្រូវបានគេស្គាល់ថាជា Wave Money ទាំងអស់នឹងត្រូវលក់ទៅឱ្យក្រុមហ៊ុន Yoma Strategic Holdings Ltd ដែលបានចុះបញ្ជីនៅក្នុងប្រទេសសឹង្ហបុរី បន្ទាប់ពីពួកគេបានផ្តល់មូនិធិក្នុងការទិញយក នៅក្នុងតម្លៃប្រមាណ ៥៣ លានដុល្លារ ស្របពេល Yoma Strategic ត្រូវបានគេដឹងថា គឺស្ថិតនៅក្រោមការគ្រប់គ្រងរបស់មហាសេដ្ឋីអចលនទ្រព្យកើតនៅមីយ៉ាន់ម៉ា លោក Serge Pun ។

យ៉ាងណាបើតាមកិច្ចព្រមព្រៀងចុងក្រោយនេះ មានន័យថា Yoma នឹងក្លាយជាម្ចាស់ភាគហ៊ុនធំជាងគេរបស់ Wave Money ដែលធ្លាប់បានគ្រប់គ្រងទៅលើការផ្ទេរសាច់ប្រាក់ និងការទូទាត់ចំនួន ៨,៧ ពាន់លានដុល្លារ នៅក្នុងឆ្នាំ ២០២០ ឬស្មើនឹង ២១% នៃផលិតផលក្នុងស្រុកសរុប របស់ប្រទេសមីយ៉ាន់ម៉ា ។

គួរឱ្យដឹងផងដែរថា ក្រុមហ៊ុន Telenor កាលពីឆ្នាំមុន ក៏បានយល់ព្រមលក់ក្រុមហ៊ុនផ្តល់សេវាកម្មទូរស័ព្ទ នៅក្នុងប្រទេសមីយ៉ាន់ម៉ារបស់ខ្លួន ទៅឱ្យក្រុមហ៊ុន M1 Group ដែលមានមូលដ្ឋាននៅក្នុងទីក្រុង Beirut ក្នុងតម្លៃ ១០៥ លានដុល្លារផងដែរ ។

តែទោះជាយ៉ាងណាក៏ដោយ មានរបាយការណ៍បានលើកឡើងអំពីការពន្យាពេល ក្នុងការបិទបញ្ចប់កិច្ចព្រមព្រៀងមួយនេះ ស្របពេលរបបដែលដឹកនាំដោយយោធា ចង់បានម្ចាស់កម្មសិទ្ធភាគហ៊ុនថ្មី គឺជាជនជាតិមីយ៉ាន់ម៉ា ហើយជាមួយគ្នានោះ លោក Serge Pun ត្រូវបានគេមើលឃើញថាជាភាគីមួយ ក្នុងចំណោមភាគីដទៃទៀត ដែលចាប់អារម្មណ៍ទៅលើការទិញយកភាគហ៊ុននេះ ។

សូមបញ្ជាក់ថា ក្រុមហ៊ុន Telenor ដ៏ធំរបស់ន័រវេសមួយនេះ បានស្ថិតនៅក្នុងចំណោមក្រុមហ៊ុនធំៗដ៏ទៃទៀត ដែលកំពុងចង់ចាកចេញពីមីយ៉ាន់ម៉ា បន្ទាប់ពីប្រទេសនេះ បានធ្លាក់ចូលទៅក្នុងភាពចលាចល ក្រោយពីរដ្ឋប្រហារកាលពីខែកុម្ភ:ឆ្នាំមុន ដែលដឹកនាំដោយមេទ័ព Min Aung Hlaing ៕

ប្រភព: Bangkok Post  

The post ក្រុមហ៊ុន Telenor របស់ន័រវេស សម្រេចចិត្តលក់ភាគហ៊ុនគ្មានសល់ ដើម្បីដកខ្លួនចេញពីប្រទេសមីយ៉ាន់ម៉ា appeared first on .