យុទ្ធនាការឃោសនារកសន្លឹកឆ្នោតរបស់លោក Tharman គឺមានចាយលុយច្រើនជាងគេបំផុត ក្នុងចំណោមបេក្ខភាពទាំង ៣រូប ពោលលោក Ng Kok Song ចាយអស់ ៣១២ ១៣១ដុល្លារសាំងហ្គាពួរ ខណៈលោក Tan Kin Lian ចាយអស់តែ ៧១ ៣៦៦ដុល្លារសាំងហ្គាពួរ​ប៉ុណ្ណោះ។

សូមជម្រាបដែរថា គណៈកម្មការរៀបចំការបោះឆ្នោតសិង្ហបុរី បានកំណត់ឲ្យបេក្ខភាពនីមួយៗ អាចចំណាយលុយច្រើនបំផុត ៨១២ ៨២២,១០ដុល្លារសាំងហ្គាពួរ សម្រាប់ការឃោសនារកសន្លឹកឆ្នោត។

រំលឹកបន្តិចថា លោក Tharman ទទួលបានសម្លេងគាំទ្រច្រើនបំផុត នៅក្នុងការបោះឆ្នោតជ្រើសរើសប្រធានាធិបតីសិង្ហបុរី ដោយទទួលបានសម្លេងគាំទ្ររហូតដល់ ៧០,៤% ខណៈលោក Ng ទទួលបាន ១៥,៧២% និងលោក Tan Kin Lian ទទួលបាន ១៣,៨៨%៕

The post ប្រធានាធិបតីសិង្ហបុរី ចាយលុយជាងកន្លះលានដុល្លារ ក្នុងយុទ្ធនាការឃោសនារកសន្លឹកឆ្នោត appeared first on .

ជុំវិញការឡើងកាន់តំណែងនេះ ឧកញ៉ាញូវ សូមលើកយកប្រវត្តិទាក់ទងខ្លះៗអំពីលោក Tharman ដូចតទៅ ៖

លោក Tharman បានកើតនៅថ្ងៃទី ២៥ ខែកុម្ភ: ឆ្នាំ ១៩៥៧ ដែលបច្ចុប្បន្នមានវ័យ ៦៦ ឆ្នាំ ដោយលោកជាកូនម្នាក់ ក្នុងចំណោមបងប្អូនបីនាក់របស់សាស្រ្តាចារ្យ Emeritus K. Shanmugaratnam ដែលជាអ្នកវិទ្យាសាស្ត្រវេជ្ជសាស្រ្ត និងត្រូវគេស្គាល់ថាជា “បិតានៃរោគវិទ្យានៅប្រទេសសិង្ហបុរី” ។

​លោក Tharman បានបញ្ចប់ការសិក្សាពីសាលាសេដ្ឋកិច្ចពីទីក្រុងឡុងដ៏ ចក្រភពអង់គ្លេស ដោយទទួលបានសញ្ញាបត្រផ្នែកវិទ្យាសាស្រ្តសេដ្ឋកិច្ច។ ហើយក្រោយមក លោកបានបន្តការសិក្សានៅមហាវិទ្យាល័យ Wolfson នៃសាកលវិទ្យាល័យ Cambridge ដែលជាកន្លែងលោកបានបញ្ចប់ថ្នាក់អនុបណ្ឌិតទស្សនវិជ្ជាផ្នែកសេដ្ឋកិច្ច។

ក្រោយបញ្ចប់ការសិក្សា លោក Tharman​ បានចូលបម្រើការជាប្រធាននាយកដ្ឋានសេដ្ឋកិច្ចនៃ MAS។ លុះក្រោយមក លោកបានចូលរួមនៅក្នុងឆាកនយោបាយជាលើកដំបូង នៅក្នុងការបោះឆ្នោតសកល ឆ្នាំ ២០០១ ដោយទទួលបានភាពជោគជ័យ និងបន្តជាប់ឆ្នោតនៅក្នុងសភា ក្នុងការបោះឆ្នោតសកលជាបន្តបន្ទាប់ ក្នុងឆ្នាំ ២០០៦, ២០១១, ២០១៥ និង ២០២០ ។

លោក Tharman​ បានកាន់តួនាទីជារដ្ឋមន្ត្រីក្រសួងអប់រំចន្លោះឆ្នាំ ២០០៣ ដល់ឆ្នាំ ២០០៨ ជារដ្ឋមន្ត្រីហិរញ្ញវត្ថុចន្លោះឆ្នាំ ២០០៧ ដល់ ២០១៥ ជារដ្ឋមន្ត្រីធនធានមនុស្សចន្លោះឆ្នាំ ២០១១ ដល់ឆ្នាំ ២០១២ និងរដ្ឋមន្ត្រីគោលនយោបាយសង្គម ចន្លោះឆ្នាំ ២០១៥ ដល់ឆ្នាំ ២០២៣។

ទន្ទឹមនឹងនោះ លោក Tharman​ ក៏បានធ្វើជាប្រធានគណៈកម្មាធិការរូបិយវត្ថុ និងហិរញ្ញវត្ថុអន្តរជាតិ ដែលជាគណៈកម្មាធិការប្រឹក្សាគោលនយោបាយរបស់មូលនិធិរូបិយវត្ថុអន្តរជាតិ (IMF) ពីឆ្នាំ ២០១១ ដល់ ២០១៤។

នៅចន្លោះឆ្នាំ ២០១១ ដល់ ២០១៩ លោកក៏បានបម្រើការជាឧបនាយករដ្ឋមន្ត្រីសិង្ហបុរី និងបន្តធ្វើជារដ្ឋមន្ត្រីជាន់ខ្ពស់ ក្នុងគណៈរដ្ឋមន្ត្រី ចន្លោះឆ្នាំ ២០១៩ ដល់ ២០២៣។ ក្នុងពេលជាមួយគ្នានោះ លោកក៏​បាន​ដឹក​នាំ​ក្រុម​ប្រឹក្សារដ្ឋ និង​ក្រុម​ប្រឹក្សា​អន្តរជាតិ​កម្រិត​ខ្ពស់​នានា​ផង​ដែរ។

ជម្រាបជូនផងដែរថា លោក Tharman នឹង​ក្លាយ​ជា​ប្រធានាធិបតី​ទី​ប្រាំបួន​របស់​សិង្ហបុរី និង​ជា​មនុស្ស​ទី​បី​ដែល​មាន​ដើម​កំណើត​ពី​ឥណ្ឌា ដែលនឹងត្រូវដឹកនាំរដ្ឋដីកោះនេះ បន្តពីលោកស្រី Halimah Yacob ដែលនឹងបញ្ចប់អាណត្តិរយៈពេលប្រាំមួយឆ្នាំរបស់លោកស្រី នៅថ្ងៃទី១៣ ខែកញ្ញា ឆ្នាំ ២០២៣ ខាងមុខ៕

The post មកដឹង​សាវតា​ខ្លះៗរបស់ប្រធានាធិបតីទី៩ របស់ប្រទេសសិង្ហបុរី appeared first on .