ពិធីចុះ​ហត្ថលេខា​លើ​អនុស្សរណៈ​នៃ​ការយោគយល់ និងកិច្ចព្រមព្រៀងរវាងក្រុមហ៊ុនទាំងពីរខាងលើធ្វើឡើង នាព្រឹកថ្ងៃសៅរ័ ទី១៨ ខែមករា ឆ្នាំ២០២៥ ដោយមានវត្តមានចូលរួមពីសំណាក់ លោកឧកញ៉ា  លោក- លោកស្រី- អ្នកនាង កញ្ញា-ភ្ញៀវកិត្តិយសជាតិ-អន្តរជាតិ និង ដៃគូពាណិជ្ជកម្មជាច្រើនទៀត។ 

លោក សាំង សុភ័ក្រ្តរ៉ាឌី ជំនួយការ អគ្គនាយិការង និងនាយកផ្នែកលក់ និងទីផ្សារ​ នៃក្រុមហ៊ុន ឌឺ ផ្លរ៉ា (THE FLORA) បានបង្ហាញ ការស្វាគមន៍ យ៉ាងកក់ក្តៅ ចំពោះវត្តមាន ភ្ញៀវកិត្តិយសជាតិ- អន្តរជាតិ ទាំងអស់ ដែលបានអញ្ចើញចូលរួម ក្នុងពិធីដ៏មាន អត្ថន័យ នាឱកាសនេះ។

បើតាម ប្រសាសន៏ លោក សាំង សុភ័ក្រ្តរ៉ាឌី​ ក្រុម ហ៊ុន ឌឺ ផ្លរ៉ា (THE FLORA) បានបោះទុនវិនិយោគ នៅក្នុងប្រទេសកម្ពុជា ជិត១០ឆ្នាំ មកហើយ។ 

ក្រុមហ៊ុននេះ មានបទពិសោធន៍ ក្នុងការអភិវឌ្ឍ លើវិស័យ អចលនទ្រព្យ ដោយទទួលបាន ភាពជោគជ័យខ្លាំង ចំនួន ៣គំរោង រួចមកហើយ ពិសេស គម្រោងបុរីដ៏ធំមួយ ដែលមានឈ្មោះថា បុរី ឌឹផ្លរ៉ា  (THE FLORA) លាតសន្ធឹង នៅលើផ្ទៃដី ប្រមាណ ២០០ ហិចតា មានទីតាំង ស្ថិត នៅ តាមបណ្តោយ ផ្លូវ ជាតិ លេខ៦អា ខណ្ឌជ្រោយចង្វារ  ដែលមានរួមបញ្ចូល នូវក្លឹបហាត់ ប្រាណ អាងហែលទឹក សួនកុមារ ឧទ្យានបៃតង ផ្សារទំនើប និងស្ថិតនៅជិត មន្ទីពេទ្យ សាលារៀនអន្តរជាតិ និងតំបន់សេដ្ឋកិច្ចពិសេស ដែលកំពុងមានការអភិវឌ្ឍន៍គួរឲ្យកត់សម្គាល់។ 

ជាមួយបទពិសោធន៍ និងភាព ជោគជ័យ ក្នុងវិស័យអចលនទ្រព្យ ជាច្រើនឆ្នាំ គួបផ្សំ និងកត្តា ធនធាន មនុស្ស  ក៏ដូចជាទំនុកចិត្ត និងភាពជឿជាក់ ពីសំណាក់អតិថិជន ពិសេស មើលឃើញ ពីសន្ទុះ នៃការងើបឡើងវិញ នៃវិស័យអចលន ទ្រព្យ នៅក្នុងប្រទេសកម្ពុជា  ក្រុមហ៊ុន ឌឺ ផ្លរ៉ា (THE FLORA) ក៏បានចាប់ដៃគូ ជាមួយក្រុមហ៊ុន​ ប៊ីវ៉ាយឌី ខៀវ អូតូ (BYD KHIEV Auto) ដើម្បីផ្តល់ជូនអតិថិជន ក្នុងការ ទទួលបានផ្ទះ ដែលមានគុណភាពខ្ពស់ ជាមួយរចនាបថទំនើប អមជាមួយរថយន្តអគ្គិសនី ដែលមានគុណភាពល្អ និងបច្ចេកវិទ្យាទំនើបចុងក្រោយបង្អស់។ 

លោក សាំង សុភ័ក្រ្តរ៉ាឌី ក៏បានបញ្ជាក់បន្ថែមថា កិច្ច​ព្រមព្រៀង​ រវាង​ក្រុមហ៊ុន ឌឺ ផ្លរ៉ា (THE FLORA) និង ក្រុមហ៊ុន​ ប៊ីវ៉ាយឌី ខៀវ អូតូ (BYD KHIEV Auto) មានរយះពេល២ឆ្នាំ ហើយថាវត្តមាន របស់ក្រុមហ៊ុនទាំង២ គឺជាការចូលរួមចំណែក អភិវឌ្ឍជាតិ ផ្តល់ការងារ និងអភិវឌ្ឍ ធន ធានមនុស្ស ដែលស្របជាមួយ យុទ្ធសាស្ត្រ បញ្ចកោណ របស់រាជរដ្ឋាភិបាល និតិកាលទី៧ ដែលដឹកនាំដោយ សម្តេច មហាបវរធិបតី ហ៊ុន ម៉ាណែត ជានាយករដ្ឋមន្ត្រី។ 

សម្រាប់ លោក សាំង សុភ័ក្រ្តរ៉ាឌី អ្វីដែលជាចំណុចពិសេស ក្នុងកិច្ច្ពព្រម ព្រៀងសហការនេះ គឺការបង្កើនកិត្យានុភាព រវាង​ ក្រុមហ៊ុនទាំងពីរ និងបង្កើនគុណភាព និងភាពទាន់ សម័យ នៃលំនៅដ្ឋាន សម្រា​ប់ ប្រណិតភាព ក្នុងការរស់នៅ នឹងការផ្តល់ជូន នូវសេវាកម្ម ដ៏ល្អបំផុត រថយន្តអគ្គីសនី ដ៏ទំនើប និងប្រណិតភាព ។ ក្នុងន័យនេះ លោក សាំង សុភ័ក្រ្ត រ៉ាឌី ចង់បញ្ជាក់ថា គ្រប់អតិថិជន នៅពេលទិញផ្ទះ ពីក្រុមហ៊ុន ឌឺ ផ្លរ៉ា (THE FLORA) ភ្លាម គឺអាចកាន់សោរចូលនៅភ្លាមតែម្តង អមជាមួយការផ្តល់ជូន រថយន្តអគ្គីសនី ទំនើបបច្ចេកវិទ្យាចុងក្រោយ របស់ក្រុមហ៊ុន ប៊ីវ៉ាយឌី ខៀវ អូតូ (BYD KHIEV Auto)មួយគ្រឿងភ្លាមជូនអតិថិជន ដោយមិនចាំបាច់ ផ្សងសំណាងអ្វីនោះឡើយ។ 

*គួរបញ្ជាក់ផងដែរថា  សម្រាប់អតិថិជន ដែលទិញផ្ទះប្រភេទ:.Villa Queen-A និងទទួលបានរថយន្ត  BYD Denza D9 1គ្រឿង។ បើទិញផ្ទះ.Villa Queen-B ទទួលបាន រថយន្ត BYD Sealions6  ចំនួន1គ្រឿង ..ទិញ.Villa Queen-B Masterpiece ទទួលបាន រថយន្ត BYD Sealions6 1គ្រឿង.។ បើទិញផ្ទះ ប្រភេទ.Twin Villa (The FLORA) និងទទួលបាន រថយន្ត BYD Atto3 ចំនួន 1គ្រឿង និងបើទិញ ផ្ទះប្រភេទTwin Villa Sentosa ទទួលបាន BYD Seagull 1គ្រឿង៕

# បុរីឌឺផ្លរ៉ា (THE FLORA) ​ ប្រណិតភាពក្នុងការរស់នៅ

The post ក្រុមហ៊ុន ឌឹ ផ្លរ៉ា​ និងក្រុមហ៊ុន​ ប៊ីវ៉ាយឌី ខៀវ អូតូ ឯ.ក ចុះ​ហត្ថលេខា​លើ​អនុស្សរណៈ​ នៃ​ការ យោគយល់​គ្នា​ដើម្បីផ្តល់ជូនអតិថិជន នូវការទិញផ្ទះ និងទទួលបាន រថយន្តភ្លាមៗ ដោយមិនបាច់ផ្សងសំណាង appeared first on .

ពិធីបើកការដ្ឋានបុកគ្រឹះសាងសង់ជាផ្លូវការ សណ្ឋាគារអន្តរជាតិ MERCURE HOTEL PHNOM PENH នេះត្រូវបានធ្វើឡើងនាព្រឹកថ្ងៃព្រហស្បតិ៍  ទី០៧ ខែវិច្ឆិកា ឆ្នាំ២០២៤ ដោយមានវត្តមានចូលរួមពីសំណាក់ លោកឧកញ៉ា  លោក-លោកស្រី-អ្នកនាងកញ្ញា-ភ្ញៀវកិត្តិយសជាតិ- អន្តរជាតិ និងដៃគូពាណិជ្ជកម្មជាច្រើន។

លោកឧកញ៉ា  លឹម កុកឡុង ជាអគ្គនាយកនៃក្រុមហ៊ុន ឌឺ ផ្លរ៉ា(THE FLORA) បានបង្ហាញការស្វាគមន៍យ៉ាងកក់ក្តៅ ចំពោះវត្តមានភ្ញៀវកិត្តិយសជាតិ-អន្តរជាតិទាំងអស់ ដែលបានចូលរួមក្នុងពិធីបើកការដ្ឋានបុកគ្រឹះសាងសង់ សណ្ឋាគារអន្តរជាតិ មឺខ្យូរ ហូថែល ភ្នំពេញ ( MERCURE HOTEL PHNOM PENH) នាឱកាសនេះ។

បើតាមលោកឧកញ៉ា  លឹម កុកឡុង មានប្រសាសន៏ថា អាគារសណ្ឋាគារ MERCURE HOTEL PHNOM PENH ដែលត្រូវបើកការដ្ឋានបុកគ្រឹះសាងសង់នាពេលនេះ គឺសាងសង់ទន្ទឹមគ្នានឹងអគារខុនដូ ឌឺផ្លរ៉ាស្វីត (The Flora Suites ) ដែលមានកម្ពស់ ៣៦ជាន់ មានទីតាំងនៅតំបន់ដ៍មានសក្តានុពលល្អបំផុត (ម្តុំផ្សារបឹងកេងកង) ក្បែរវិទ្យាល័យជាស៊ីមបឹងកេងកង ក្នុងភូមិសាស្ត្រនៃសង្កាត់បឹងកេងកង១ ខ័ណ្ឌចំកាមន។  មឺខ្យួរ ហូថែល (MERCURE HOTEL) ជាសណ្ឋាគារកម្រិតផ្កាយ៤មួយ ក្នុងចំណោមសណ្ឋាគារទាំង ៥៣០០កន្លែង នៃ ៤៥ប្រេន  នៅក្នុង ១១០ប្រទេស របស់ Accor Group។  សំរាប់ MERCURE HOTEL PHNOM PENH មានជាង ២០០បន្ទប់ ដែលមានរួមបញ្ចូលនូវសាលសន្និសិទ្ធដ៏ធំទូលាយ (MULTI- PURPOSE HALL) – ភោជនីយ៏ដ្ឋានដ៏ប្រណិត (OMAKASE/VIP PARTY ROOM), ហាងកាហ្វេ ក្លឹបហាត់ប្រាណ ស្ប៉ា សូណា បណ្ណាល័យ អាងហែលទឹក សួនកុមារ ឧទ្យានបៃតង ចំណតរថយន្ត និងចំណតម៉ូតូដ៏ធំទូលាយ។

លោកឧកញ៉ា  លឹម កុកឡុង ក៏បានបញ្ជាក់បន្ថែមផងដែរថា វត្តមាន THE MERCURE HOTEL PHNOM PENH គឺជាការចូលរួមចំណែកអភិវឌ្ឍជាតិ ផ្តល់ការងារ និងអភិវឌ្ឍធនធានមនុស្ស ដែលស្របជាមួយយុទ្ធសាស្ត្របញ្ចកោណរបស់រាជរដ្ឋាភិបាល និតិកាលទី៧ ដែលដឹកនាំដោយសម្តេច មហាបវរធិបតី ហ៊ុន ម៉ាណែត ជានាយករដ្ឋមន្ត្រី។

សំរាប់លោកឧកញ៉ា  លឹម កុកឡុង        អ្វីដែលជាចំណុចពិសេស សណ្ឋាគារ     មឺខ្យួរហូថែល  (MERCURE HOTEL PHNOM PENH) និង ខុនដូ ឌឺផ្លរ៉ាស្វីត (THE FLORA SUITES) គឺជាអគារពីរទន្ទឹមគ្នា ដែលមានកំពស់ប្រដំប្រសងគ្នា ហើយបំពេញអោយគ្នាទៅវិញទៅមក  នាពេលអនាគត។ បានន័យថា រាល់អតិថិជនដែលស្នាក់ ឬបំពេញការងារនៅខុនដូ ឌឺផ្ល័រ៉ាស្វីត  ប្រសិនមានតម្រូវការ ផ្នែកបដិសណ្ឋារកិច្ច  ឬចង់បានម្ហូបអាហារ ភេសជ្ជះ ឬសេវាកម្មផ្សេងៗទៀត គឺអាចទំនាក់ទំនង ឬកម្ម៉ង់បានពីក្នុងសណ្ឋាគារ មឺខ្យួរភ្នំពេញនេះ  ជាមួយសេវ៉ាកម្មលឿនរហ័សទាន់ចិត្ត និងទំនុកចិត្ត ដោយមិនបាច់ចំណាយពេលចេញក្រៅនោះឡើយ៕

..អំពីក្រុមហ៊ុន THE FLORA  :

-បានបោះទុន វិនិយោគ នៅក្នុងប្រទេសកម្ពុជា ជាង១០ឆ្នាំមកហើយ។ ក្រុមហ៊ុននេះមានបទពិសោធន៍លើការអភិវឌ្ឍវិស័យអចលនទ្រព្យ ទទួលបានភាពជោគជ័យខ្លាំង ចំនួន៣គំរោងរួចមកហើយ  ពិសេសគម្រោងបុរីដ៏ធំមួយ ដែលមានឈ្មោះថា ( បុរី ឌឹផ្លរ៉ា) ( THE FLORA) លាតសន្ធឹង នៅលើផ្ទៃដីប្រមាណ ២០០ហិចតា មានទីតាំងស្ថិតនៅតាមបណ្តោយផ្លូវជាតិ លេខ៦អា ខណ្ឌជ្រោយចង្វារ។

-ជាមួយបទពិសោធន៍ និងភាពជោគជ័យក្នុងវិស័យអចលនទ្រព្យជាច្រើនឆ្នាំ គួបផ្សំនឹងកត្តាធនធាន  ក៏ដូចជាទំនុកចិត្ត និងភាពជឿជាក់ ពីសំណាក់អតិថិជន ពិសេសមើលឃើញពីសន្ទុះនៃការងើបឡើងវិញនៃវិស័យអចលនទ្រព្យ និងវិស័យបដិសណ្ឋារកិច្ចនៅក្នុងប្រទេសកម្ពុជា  ក្រុមហ៊ុន THE FLORA ក៏បានចាប់ដៃគូជាមួយ ACCOR Group ដើម្បីបើកដំណើរការការដ្ឋានបុកគ្រឹះសាងសង់ជាផ្លូវការ សណ្ឋាគារអន្តរជាតិ MERCURE HOTEL PHNOM PENH កម្រិតផ្កាយ៤ មានកំពស់ ៣៦ជាន់ ក្នុងសង្កាត់បឹងកេងកង១ ខ័ណ្ឌចំការមន រាជធានីភ្នំពេញ នាពេលនេះ។

– ក្រៅពីមានបទពិសោធន៍ដ៏ជោគជ័យ នៅក្នុងអចលនទ្រព្យ និងបដិសណ្ឋារកិច្ច The Flora ក៏ជាតំណាងចែកចាយរថយន្តBYD ផងដែរ ដែលមានចំនួន ២សាខា ក្នុងនោះសាខា ទី១ស្ថិត នៅលើមហាវិថីព្រះមុន្នីវង្ស និងសាខាទី២ នៅខ័ណ្ឌច្បារអំពៅ៕

The post ឧកញ៉ា លឹម កុកឡុង បើកការដ្ឋានសាងសង់សណ្ឋាគារលំដាប់ផ្កាយ៤ កំពស់៣៦ជាន់ បង្អួតរាងក្បែរខុនដូ The Flora Suites កណ្តាលក្រុងភ្នំពេញ appeared first on .

ក្រុមហ៊ុននេះបានវិនិយោគគម្រោងបុរីដ៏ធំនៅតាមផ្លូវជាតិលេខ ៦A ។ បច្ចុប្បន្ន ឌឹផ្លរ៉ា កំពុងអភិវឌ្ឍន៍គម្រោងខុនដូ The FLORA Suites និង សណ្ឋាគារ ibis styles នៅក្នុងតំបន់បឹងកេងកង១ ផងដែរ។

តើឧកញ៉ារូបណាជាថ្នាក់ដឹកនាំក្រុមហ៊ុនបុរី ឌឹ ផ្លរ៉ា?

ក្រុមហ៊ុនបុរីនេះដឹកនាំសហគ្រិនខ្មែរដែលទទួលបានងារជាឧកញ៉ាក្នុងថ្ងៃខែតែមួយ គ្រាន់តែព្រះរាជក្រឹត្យដាច់ដោយឡែកពីគ្នា ហើយត្រូវជាឪពុកកូនទៀតផង។ ទី១ គ្មាននរណាក្រៅពីពាណិជ្ជករឈ្មោះថា ឧកញ៉ា លឹម ចាំងស្រ៊ុន ដែលមានតួនាទីប្រធានក្រុមប្រឹក្សាភិបាលក្រុមហ៊ុន ឌឹ ផ្លរ៉ា ។

លោក ចាំងស្រ៊ុន ត្រូវបានព្រះករុណា ព្រះបាទ សម្ដេចព្រះបរមនាថ នរោត្តម សីហមុនី ព្រះមហាក្សត្រ ត្រាស់បង្គាប់ផ្តល់គោមងារជា «ឧកញ៉ា» នៅថ្ងៃទី២០ ខែធ្នូ ឆ្នាំ២០១៩ តាមព្រះរាជក្រឹត្យលេខ នស/រកត/១២១៩/១៩៣៦។

ទី២ ឧកញ៉ា លឹម កុកជាំង កាន់ដំណែងជាអគ្គនាយកក្រុមហ៊ុន ឌឹផ្លរ៉ា ចំណែកភរិយារបស់លោក គឺលោកស្រី តាំង សុខគីម អគ្គនាយិការង ក្រុមហ៊ុន ឌឹ ផ្លរ៉ា ។ លោក កុកជាំង ទទូលបានគោរមងារ«ឧកញ៉ា» ពីព្រះមហាក្សត្រ តាមរយៈព្រះរាជក្រឹត្យលេខ នស/រកត/១២១៩/១៩៣៩ ចុះថ្ងៃទី២០​ខែធ្នូ ឆ្នាំ២០១៩ ។

ឧកញ៉ា លឹម ចាំងស្រ៊ុន បានបោះទុនវិនិយោគលើក្រុមហ៊ុន ឌឹ ផ្លរ៉ា នៅថ្ងៃទី០១ ខែកញ្ញា ឆ្នាំ២០១៥ ហើយបើគិតមកដល់ពេលបច្ចុប្បន្ននេះ មានរយៈពេល ៩ឆ្នាំ។ ក្រុមហ៊ុនមានបុត្រសម្ព័ន្ធចំនួន ៥ គឺបុរី ឌឹ ផ្លរ៉ា, ខុនដូ ឌឹ ផ្លរ៉ា ស្វីត, ផ្សារទំនើប ឌឹ ផ្លរ៉ា ស៊ែ្វរ, ផ្សារទំនើប The Almond Supermarket, និង Mercure Phnom Penh Beung Keng Kong 1 ៕

The post តើឧកញ៉ារូបណាជាថ្នាក់ដឹកនាំក្រុមហ៊ុនបុរី ឌឹ ផ្លរ៉ា? appeared first on .