មកស្គាល់ថ្លៃសេវារដ្ឋបាលទាំង ០៥ នេះសិន អ្នកធ្លាប់ខ្ចីលុយធនគារទើបដឹង

ឧកញ៉ាសម្រែ — Tue, 19 Jan 2021 10:34:06 +0000

ជាទូទៅ អតិថិជនពេលទៅរកកម្ចីធនាគារ គួរស្វែងរកព័ត៌មានឲ្យបានគ្រប់ជ្រុងជ្រោយ។ លោក គា បុរាណ ប្រធានសមាគមគ្រឹះស្ថានមីក្រូហិរញ្ញវត្ថុកម្ពុជាបានឲ្យដឹងថា ជាទូទៅធនាគារតែងតែគិតថ្លៃសេវារដ្ឋបាលពីអតិថិជន ដែលជាថ្លៃចំណាយលើការរត់ឯកសារផ្តល់កម្ចី។ គោលការណ៍នេះអនុវត្តតាមសភាពជាក់ស្តែង តាមធនាគារនីមួយៗ។

សេវារដ្ឋបាលដែលលោក គា បុរាណលើកឡើងមានដូចជា៖

១. ចំណាយកម្រៃសេវាពី ០.៥% ទៅ ១% នៃទំហំកម្ចី
២. សេវាចុះបន្ទុកការីនៅអង្គភាពសុរិយោដី
៣. សេវាមេធាវី
៤. សេវាធានារ៉ាប់រងប្រចាំឆ្នាំ
៥. សេវាឆែក CBC (Credit Bureau Cambodia)

បើតាមលោកគា បុរណា ធនាគារខ្លះយកការប្រាក់ទាប តែគេគិតថ្លៃសេវារដ្ឋបាលខ្ពស់ ចំណែកធនាគារខ្លះយកការប្រាក់ខ្ពស់ តែគេអាចលើកលែងថ្លៃសេវារដ្ឋបាល។ ការគិតថ្លៃសេវារដ្ឋបាលនេះមិនអនុវត្តជាទូទៅទេ អាស្រ័យតាមគោលការណ៍ធនាគារនីមួយៗ រួមទាំងការចរចារវាងអតិថិជននិងសាមីធនាគារផ្ទាល់។

លោកគា បុរណា បានក្រើនរំលឹកថា មុនទៅស្វែងរកកម្ចីនៅធនាគារណាមួយ អតិថិជនត្រូវសាកសួរព័ត៌មានលម្អិតឱ្យបានច្បាស់លាស់ ដើម្បីងាយស្រួលក្នុងការសម្រេចចិត្ត។

តាមរបាយការណ៍ឆ្នាំ ២០២០ កម្ពុជាមានគ្រឹះស្ថានធនាគារនិងហិរញ្ញវត្ថុដែលរួមមាន ធនាគារពាណិជ្ជចំនួន៥១ ធនាគារឯកទេសចំនួន ១៤ គ្រឹះស្ថានមីក្រូហិរញ្ញវត្ថុទទួលប្រាក់បញ្ញើពីសាធារណជនចំនួន ៦ គ្រឹះស្ថានមីក្រូហិរញ្ញវត្ថុមិនទទួលប្រាក់បញ្ញើចំនួន ៧៦ និងគ្រឹះស្ថានឥណទានជនបទចំនួន ២៤៦៕

The post មកស្គាល់ថ្លៃសេវារដ្ឋបាលទាំង ០៥ នេះសិន អ្នកធ្លាប់ខ្ចីលុយធនគារទើបដឹង appeared first on .

របស់ ៤យ៉ាង ដែលអាចនាំលាភសំណាងលុយហូរចូលផ្ទះ

ឧកញ៉ាតូច — Tue, 04 Jun 2019 07:32:56 +0000

មានរបស់ ៤យ៉ាង ដែលត្រូវបានគេមានជំនឿជាយូរមកហើយថា វាពិតជាសំខាន់អាចនាំលាភសំណាងចូលផ្ទះ។ ជាពិសេស តាមក្បួនហុងស៊ុយរបស់ជនជាតិចិន បើចង់ឲ្យក្នុងផ្ទះមានភាពសប្បាយរីករាយ មានលុយហូរហៀរ គួរមានរបស់ ៤យ៉ាងនេះ។

១. កណ្តឹង

គេមានជំនឿថា ការភ្ជួរកណ្តឹងនៅមុខទ្វារខាងក្រៅផ្ទះ អាចជួយនាំយកលុយកាក់ មាសប្រាក់ របស់ល្អៗជាច្រើនទៀត ចូលមកក្នុងផ្ទះ។

២. កាក់បុរាណចិន

វាគឺជាប្រភេទកាក់ ដែលមានរន្ធរាងជ្រុងនៅចំកណ្តាល និងមានខ្សែក្រហមចងភ្ជាប់គ្នាចំនួន៣កាក់។ កាក់បុរាណចិននេះដែរ គេតែងដាក់ភ្ជួរជាប់នឹងទ្វារផ្ទះ ដើម្បីទទួលបានលាភនិងលុយកាក់ ប៉ុន្តែហាមមិនឲ្យលើសពី៣កាក់ ពុំដូច្នោះទេ អ្នកនឹងអាចជួបរឿងមិនល្អ។

៣. ចិញ្ចឹមត្រីមាស ឬតាំងជារូបភាពក៏បាន

តាមក្បួនហុងស៊ុយរបស់ជនជាតិចិន គេមានជំនឿថា ការចិញ្ចឹមត្រីមាស ឬដាក់តាំងជារូបភាពធម្មជាតិដូចជា ផ្កា ទឹក ក្តាន់ សេះ អាចនាំលាភសំណាងជាក់ជាមិនខាន។

៤. ដាំរុក្ខជាតិផ្សេងៗ

រុក្ខជាតិតូចធំមិនត្រឹមតែជួយផ្តល់ម្លប់និងសោភ័ណភាពប៉ុណ្ណោះទេ វាថែមទាំងអាចនាំលាភសំណាងចូលផ្ទះទៀតផង ប៉ុន្តែអ្នកត្រូវស្រោចទឹកដាក់ជីឲ្យបានល្អ ព្រោះបើវាក្រៀមងាប់ស្វិត ជាសញ្ញាមិនល្អនោះទេ៕្

ប្រភព: សប្បាយ

The post របស់ ៤យ៉ាង ដែលអាចនាំលាភសំណាងលុយហូរចូលផ្ទះ appeared first on .

tips

មក​ស្គាល់​ថ្លៃ​​សេវា​​រដ្ឋបាលទាំង ០៥​ នេះ​សិន អ្នក​ធ្លាប់​ខ្ចី​លុយ​ធនគារ​ទើប​ដឹង

របស់​​​​​​ ៤​យ៉ាង ​ដែល​​អាច​នាំ​​​លាភ​​​​សំណាង​​លុយ​​ហូរ​​​​​​​ចូល​​​ផ្ទះ​​​

មកស្គាល់ថ្លៃសេវារដ្ឋបាលទាំង ០៥ នេះសិន អ្នកធ្លាប់ខ្ចីលុយធនគារទើបដឹង

របស់ ៤យ៉ាង ដែលអាចនាំលាភសំណាងលុយហូរចូលផ្ទះ