បើតាមការចុះផ្សាយពីសារព័ត៌មាន Reuters បានរាយការណ៍ឲ្យដឹងទៀតថា កិច្ចប្រជុំដ៏គួរឲ្យភ្ញាក់ផ្អើលនេះ ត្រូវបានគេរំពឹងថានឹងប្រព្រឹត្តធ្វើឡើនៅឯខាងក្រៅមហាសន្និបាតអង្គការសហប្រជាជាតិ នៅក្នុងទីក្រុងញូវយ៉ក។

គួរឲ្យដឹងថា លោក បៃដិន កន្លងមកបាន​ខ្នះខ្នែង​យ៉ាងខ្លាំងក្នុងការ​ពង្រឹង​ទំនាក់ទំនង​ជាមួយវៀតណាម ដែលត្រូវបានចាត់ទុកថាជា​ប្រទេស​​យុទ្ធសាស្ត្រនៅ​អាស៊ីអាគ្នេយ៍ និង​ជាមជ្ឈមណ្ឌល​ផលិតកម្ម​ដ៏ធំបំផុតមួយក្នុងតំបន់។

កាលពីខែកញ្ញាឆ្នាំមុន លោក Biden បានទៅបំពេញទស្សនកិច្ចនៅវៀតណាម និងធានាបាននូវកិច្ចព្រមព្រៀងស្តីពីបន្ទះឈីប Semiconductors និងរ៉ែ និងការធ្វើប្រសើរឡើងនូវឋានៈការទូតរដ្ឋាភិបាលទីក្រុងហាណូយ ឲ្យឡើងដល់កម្រិតខ្ពស់បំផុតជាមួយប្រទេសចិន និងរុស្ស៊ី ផងដែរ។

យ៉ាងណាមិញ សម្រាប់ដំណើរទស្សនកិច្ចលើកដំបូងបំផុត ក្នុងនាមជាថ្នាក់ដឹកនាំកំពូលរបស់ប្រទេសវៀតណាម លោក To Lam នឹងឡើងនិយាយនៅក្នុងមហាសន្និបាតរបស់អង្គការសហប្រជាជាតិ ក៏ដូចជាបន្តជួបជាមួយអ្នកតំណាងមកពីក្រុមហ៊ុនខ្នាតយក្សរបស់អាមេរិក ដូចជា Alphabet និង Meta ផងដែរ៕

The post លោក ចូ បៃដិន គ្រោងជួបថ្នាក់ដឹកនាំកំពូលរបស់វៀតណាម នាថ្ងៃពុធខាងមុខ appeared first on .

យោងតាមការចុះផ្សាយពីសារព័ត៌មាន Reuters បានបង្ហាញថា លោក To Lam នឹងធ្វើដំណើរទស្សនកិច្ចផ្លូវការជាលើកដំបូង ទៅកាន់សហរដ្ឋអាមេរិក បន្ទាប់ពីលោកចូលកាន់តំណែងកំពូលនៅវៀតណាម កាលពីដើមខែសីហាកន្លងទៅ។

ក្នុងដំណើរទស្សនកិច្ចមួយនោះ ប្រមុខរដ្ឋវៀតណាម នឹងជួបជជែកការងារជាមួយអ្នកតំណាងក្រុមហ៊ុនធំៗជាច្រើន ដូចជា ក្រុមហ៊ុន Google និង Meta Platforms ជាដើម។

ក្រៅពីការជួបជាមួយអ្នកតំណាងក្រុមហ៊ុនធំៗហើយ ក៏មានក្ដីរំពឹងទុកខ្ពស់ថា ប្រមុខរដ្ឋវៀតណាមរូបនេះ អាចនឹងជួបជាមួយប្រធានាធិបតីអាមេរិក លោក ចូ បៃដិន ផងដែរ ក៏ប៉ុន្តែមកទល់ពេលនេះ នៅមិនទាន់មានដំណឹងបញ្ជាក់ផ្លូវការនោះឡើយ៕

The post ប្រមុខរដ្ឋវៀតណាម គ្រោងជួបជាមួយក្រុមហ៊ុនកំពូលខ្នាតយក្សជាច្រើននាសប្ដាហ៍ក្រោយ appeared first on .

យោងតាមការចុះផ្សាយពីសារព័ត៌មាន Reuters បានបង្ហាញថា ដំណើរទស្សនកិច្ចរបស់លោក To Lam ធ្វើឡើងដើម្បីបង្ហាញពីចំណងមិត្តភាពដ៏រឹងមាំ ជាមួយមហាអំណាចសេដ្ឋកិច្ចធំបំផុតទី២ លើលោក បើទោះជាបច្ចុប្បន្នប្រទេសទាំង២ ហាក់កំពុងជជែកតវ៉ា ពីជម្លោះដែនទឹកសមុទ្រចិនខាងត្បូងនៅឡើយ។

លោក To Lam មានគម្រោងធ្វើដំណើរទៅដល់ទីក្រុងប៉េកាំង នៅថ្ងៃទី១៨ ខែសីហា និងមានផែនការជួបជជែកគ្នា ជាមួយមេដឹកនាំកំពូលចិន លោក ស៊ី ជិនពីង ក៏ដូចជាមន្ត្រីជាន់ខ្ពស់ចិនជាច្រើនរូបផងដែរ។

សូមជម្រាបបន្ថែមថា ក្នុងដំណើរទស្សនកិច្ចផ្លូវរដ្ឋរយៈពេល ២ថ្ងៃនោះ មេដឹកនាំប្រទេសទាំង២ នឹងពិភាក្សាពីកិច្ចសហប្រតិបត្តិការលើវិស័យជាច្រើន ដូចជាវិស័យពាណិជ្ជកម្ម និងបញ្ហាដែនសមុទ្រចិនខាងត្បូងជាដើម៕

The post មេដឹកនាំវៀតណាមថ្មី គ្រោងបំពេញទស្សនកិច្ចទៅប្រទេសចិននាសប្ដាហ៍ក្រោយ appeared first on .