ស្ថានីយប្រេងឥន្ធនៈថ្មីរបស់ TotalEnergies ផ្តល់ជូនដល់អតិថិជននូវហាងទំនិញគ្រប់មុខ សេវាកម្ម និងឥន្ធនៈគ្រប់ប្រភេទដែលមានគុណភាពខ្ពស់ ខណៈដែលសេវាកម្មទាំងនោះរួមាន Café Bonjour និង Quartz Auto Care ជាដើម។

លោក Asif Iqbal អគ្គនាយកនៃក្រុមហ៊ុន Total Cambodge បានថ្លែងថា “យើងពិតជាមានមោទនភាពណាស់ក្នុងការបើកស្ថានីយប្រេងឥន្ធនៈទាំងពីរនេះជាមួយនឹងម៉ាកយីហោ TotalEnergies ថ្មី ។ យើងខ្ញុំក៏ចង់ឱ្យអតិថិជនជាច្រើនទៀតទទួលបាននូវបទពិសោធន៍នៃសេវាកម្មទាំងឡាយរបស់ TotalEnergies និងស្វែងយល់បន្ថែមពីអត្ថន័យពិត នៃភាពល្អឥតខ្ចោះ និងគុណភាព” ។

លោកបន្ថែមថា ស្ថានីយជាង១០០ទីតាំងរបស់យើង ដែលកំពុងមានវត្តមាននៅទូទាំងប្រទេសកម្ពុជា នឹងត្រូវផ្លាស់ប្តូរទៅជា “ម៉ាកយីហោ TotalEnergies ថ្មីត្រឹមដំណាច់ឆ្នាំ ២០២២ ខាងមុខ ហើយក៏សូមអរគុណដល់ក្រុមការងារទាំងអស់ ដែលបានប្តេជ្ញាចិត្តចំពោះការផ្លាស់ប្តូរនេះ”។

សូមបញ្ជាក់ថា TotalEnergies គឺជាក្រុមហ៊ុនថាមពលដ៏ទូលំទូលាយដែលផលិត និងធ្វើទីផ្សារថាមពលមានលក្ខណៈជាសកលដូចជា ប្រេងឥន្ធនៈនិងជីវឥន្ធនៈ ឧស្ម័នធម្មជាតិនិងឧស្ម័នបៃតង ថាមពលកកើតឡើងវិញ និងថាមពលអគ្គិសនីជាដើម។ ពេលបច្ចុប្បន្នក្រុមហ៊ុនមាន បុគ្គលិក ១០៥,០០០ នាក់ក្នុងការផ្គត់ផ្គង់ថាមពលដែលមានតម្លៃកាន់តែសមរម្យ កាន់តែស្អាត កាន់តែជឿទុកចិត្តបាន និងងាយស្រួលរកប្រើប្រាស់បានសម្រាប់មនុស្សកាន់តែច្រើន។

TotalEnergies មានសកម្មភាពនៅលើប្រទេសជាង១៣០ ហើយក៏មាន ការវិវត្តន៍និរន្តរភាពនៅក្នុងគ្រប់វិស័យ ដែលជាបេះដូងនៃគម្រោង និងប្រតិបត្តិការរបស់ខ្លួន ក្នុងការរួមចំណែកដល់សុខុមាលភាពរបស់ប្រជាជន៕

The post ឈរជើងជាង ២៨ឆ្នាំ TotalEnergies បោះជំហានបើកទីតាំងប្រេងឥន្ធនៈថ្មី ២ទីតាំងដំបូងបង្អស់របស់ខ្លួន appeared first on .

កិច្ចព្រមព្រៀងមួយនេះ ត្រូវបានចុះហត្ថលេខាកាលពីថ្ងៃអាទិត្យសប្តាហ៍មុន ដោយមានការចូលរួមផ្ទាល់ពីសំណាក់ នាយករដ្ឋមន្ត្រីលោក Mustafa al-Kadhimi ផងដែរ។ នេះបើតាមសេចក្តីថ្លែងការណ៍មួយ ដែលចេញដោយក្រសួងប្រេងរបស់អារ៉ាប់ ។

ទោះជាយ៉ាងណា ក្រុមហ៊ុន Total បានចុះកិច្ចសន្យាមួយនេះ គឺដើម្បីធ្វើការអភិវឌ្ឍន៍ទៅលើ អណ្តូងរ៉ែរ៉ាតាវី នៅភាគខាងត្បូងប្រទេសអ៊ីរ៉ាក់ ដែលជាមជ្ឈមណ្ឌលកែច្នៃឧស្ម័នពីអណ្តូងប្រេងចំនួន ៥ កន្លែង រួមទាំងគម្រោងកែច្នៃទឹកប្រៃ និងការចាក់ចូលអាងស្តុក ដើម្បីរក្សាកម្រិតផលិតកម្មប្រេងផងដែរ ។

មិនតែប៉ុណ្ណោះ ក៏មានការចុះហត្ថលេខាលើគម្រោងសាងសង់រោងចក្រអគ្គិសនី ដើរដោយថាមពលពន្លឺព្រះអាទិត្យ ក្នុងទំហំ ១.០០០ មេហ្គាវ៉ាត់ទៀតផង ។

អ៊ីរ៉ាក់ត្រូវបានមើលឃើញថាជាប្រទេស ដែលសម្បូរទៅដោយធនធានប្រេង និងឧស្ម័នជាច្រើនប្រភេទ ប៉ុន្តែប្រទេសនេះនៅខ្វះខាតបច្ចេកទេស ក្នុងការទាញយកឧស្ម័ទាំងនោះ មកប្រើប្រាស់ ។

ដូច្នេះហើយទើប អ៊ីរ៉ាក់សង្ឃឹមថាការចុះកិច្ចព្រមព្រៀងជាមួយនឹងក្រុមហ៊ុន Total ក្នុងពេលថ្មីៗនេះ នឹងអាចជួយជំរុញឲ្យប្រទេសខ្លួន អាចបង្កើនសមត្ថភាពទាញយកចំណូលបានកាន់តែច្រើនពីប្រេង និងឧស្ម័ន ស្របពេលចំណូលសរុបរបស់ប្រទេសមួយនេះ ៩០ ភាគរយហើយ ដែលទទួលបានមកពីឧស្សាហកម្មប្រេង និងឧស្ម័ន ៕

ប្រភព: Aljazeera

The post ក្រុមហ៊ុនប្រេងបារាំង Total ចំណាយជិត ៣០ ពាន់លានដុល្លារ អភិវឌ្ឍន៍គម្រោងយក្សមួយនៅអ៊ីរ៉ាក់ appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

ជាមួយ​ការ​ចាប់​ដៃគូ​នេះ​ អតិថិជន​ ABA​ អាច​ទូទាត់​មិន​ប្រើ​សាច់ប្រាក់​ ដោយ​ស្គែ​ន​កូដ​ QR​ របស់​ ABA​ PAY​ ឬ​ប្រើ​កាត​ចរន្ត​ជិត​ (Contactless)​ រាល់ពេល​ចាក់​សាំង​ ឬ​ទិញ​អីវ៉ាន់​នៅ​តាម​ស្ថានីយ​ TotalEnergies​ ជាង​ 100​ កន្លែង​ទូ​ទាំង​ប្រទេស​។​

លើស​ពី​នេះ​ ដៃគូ​ចែកចាយ​របស់​ក្រុមហ៊ុន​ TotalEnergies​ ក៏​អាច​ទូទាត់​ថ្លៃ​ផលិតផល​ និង​សេវាកម្ម​នានា​តាម​កម្មវិធី​ ABA​ Mobile​ ខណៈ​ដែល​សមាជិក​ TOTAL​ Club​ ក៏​អាច​បញ្ចូល​លុយ​កាត​ចាក់​សាំង​របស់​ខ្លួន​ដោយ​ប្រើ​កម្មវិធី​ធនាគារ​តាម​ទូរស័ព្ទ​ដៃ​នេះ​បាន​ផង​ដែរ​។​

សូមបញ្ជាក់ថា ABA​ ដែល​ជា​ធនាគារពាណិជ្ជ​ឈានមុខ​ផ្នែក​ហិរញ្ញវត្ថុ​ឌី​ជី​ថ​ល​ និង ​Total​ Cambodge​ ដែល​ជា​ក្រុមហ៊ុន​សម្ព័ន្ធ​របស់​ TotalEnergies​ និង​ជា​ក្រុមហ៊ុន​ផ្គត់ផ្គង់​ថាមពល​ធំ​ជាងគេ​លំដាប់​ទី​បួន​របស់​ពិភពលោក​ បាន​ចុះហត្ថលេខា​លើ​កិច្ចព្រមព្រៀង​ភាព​ជា​ដៃគូ​ ដើម្បី​បង្កើន​បទ​ពិសោធ​ទូទាត់​បែប​ឌី​ជី​ថ​ល​របស់​អតិថិជន​ឲ្យ​កាន់តែ​សម្បូរ​បែប​នៅ​តាម​ស្ថានីយ​ TotalEnergies​៕

The post កាន់តែស្រួល! ABA ចាប់ដៃគូជាមួយក្រុមហ៊ុនអន្តរជាតិដើម្បីផ្ដល់សេវាទូទាត់បែបឌីជីថល ជាង​ 100​ កន្លែង appeared first on .