ការិយាល័យប្រធានាធិបតីតៃវ៉ាន់បាន​ចេញសេចក្ដីថ្លែងការណ៍ថា លោកស្រី Tsai មាន​អាការៈ​មិនសូវ​ស្រួលខ្លួន និងធ្វើតេស្តឃើញវិជ្ជមានកូវីដ ១៩ តាមរយៈ​ការធ្វើតេស្តរហ័ស។ នេះបើតាមការចុះផ្សាយពីសារព័ត៌មាន CNA។

“ប្រធានាធិបតី Tsai កំពុងបង្ហាញរោគសញ្ញាស្រាលៗ ហើយបច្ចុប្បន្ន​កំពុង​ស្ថិតក្រោម​ការ​យកចិត្តទុកដាក់ពីក្រុមគ្រូពេទ្យ”។ នេះបើតាម​អត្ថន័យសេចក្ដីថ្លែងការ​ចេញដោយ​ការិយាល័យ​ប្រធានាធិបតី។

សេចក្តីថ្លែងការណ៍នោះក៏បានបញ្ជាក់ដែរថា ថ្នាក់ដឹកនាំតៃវ៉ាន់ បានជំរុញឱ្យនាយករដ្ឋមន្ត្រី Chen Chien-jen ធ្វើការយ៉ាងជិតស្និទ្ធជាមួយរដ្ឋបាល ដើម្បីបង្កើនការត្រៀមលក្ខណៈ ខណៈដែលព្យុះទីហ្វុង Doksuri ត្រូវបានគេរំពឹងថា នឹងបោកបក់កាត់ភាគខាងត្បូងតៃវ៉ាន់ ដោយនាំមកនូវខ្យល់បក់ខ្លាំង និងភ្លៀងធ្លាក់ជោគជាំ៕

The post ប្រធានាធិបតីតៃវ៉ាន់ ធ្វើតេស្តឃើញវិជ្ជមានកូវីដ ១៩ appeared first on .

យោងតាម​ការ​ចុះផ្សាយពី CNA បាន​ទម្លាយ​ថា សហភាពអឺរ៉ុបបានរាប់បញ្ចូលតៃវ៉ាន់ ក្នុងបញ្ជីដៃគូពាណិជ្ជកម្មរបស់ខ្លួន ​សម្រាប់កិច្ចព្រមព្រៀងវិនិយោគទ្វេភាគីដ៏មានសក្តានុពល​ កាលពី​ឆ្នាំ ២០១៥ ហើយ​តាំងពីពេលនោះ​មក​ EU មិនដែល​លើក​បញ្ហា​នេះ​មក​ជជែក​ជាមួយ​តៃវ៉ាន់​សោះ។

បើទោះជាពួកគេជាប្រភពវិនិយោគបរទេសដ៏ធំបំផុតរបស់តៃវ៉ាន់ ប៉ុន្តែសហភាពអឺរ៉ុប និងរដ្ឋជាសមាជិករបស់ខ្លួន មិនមានទំនាក់ទំនងការទូតផ្លូវការ ជាមួយកោះដែលគ្រប់គ្រងតាមបែបប្រជាធិបតេយ្យនោះទេ ដោយសារមានការជំទាស់ពីប្រទេសចិន ដែលចាត់ទុកតៃវ៉ាន់ជាខេត្តមួយរបស់ខ្លួន។

អំឡុងពេលជួបជាមួយគណៈប្រតិភូមកពីគណៈកម្មាធិការសភាអឺរ៉ុបស្តីពីពាណិជ្ជកម្មអន្តរជាតិ លោកស្រី Tsai បាននិយាយថា តៃវ៉ាន់ និងសហភាពអឺរ៉ុបគួរតែបង្កើត “សម្ព័ន្ធភាពប្រជាធិបតេយ្យរឹងមាំ” ។

លោកស្រីបានបន្ថែមថា “តៃវ៉ាន់ស្វែងរកការពង្រឹងការផ្លាស់ប្តូរសេដ្ឋកិច្ច និងពាណិជ្ជកម្មទ្វេភាគី ពង្រឹងសន្តិសុខសង្វាក់ផ្គត់ផ្គង់ និងពន្លឿនវឌ្ឍនភាពលើកិច្ចព្រមព្រៀងវិនិយោគទ្វេភាគីតៃវ៉ាន់-សហភាពអឺរ៉ុប ដែលនឹងជំរុញឱ្យមានទំនុកចិត្តដល់អាជីវកម្មទាំងសងខាងដើម្បីពង្រីកការវិនិយោគ”៕

The post តៃវ៉ាន់ ចង់ពន្លឿនកិច្ចសហការជាមួយអឺរ៉ុប ដែលជាប់គាំងរយៈពេល ៧ ឆ្នាំ appeared first on .