Uniqlo

Uniqlo ក្លាយជាក្រុមហ៊ុនបរទេសចុងក្រោយបង្អស់ ប្រកាសដើរចេញពីរុស្ស៊ី

ឧកញ៉ាសាមញ្ញ — Thu, 25 May 2023 09:55:00 +0000

យោងតាមកាសែត Izvestia បានចុះផ្សាយថាម៉ាកយីហោធំបំផុតមួយរបស់ជប៉ុន Uniqlo បានសម្រេចចិត្តថានឹងចាកចេញពីប្រទេសរុស្ស៊ី បន្ទាប់ពីបានផ្អាកអាជីវកម្មរបស់ខ្លួននៅទីនោះ កាលពីឆ្នាំមុនមក ជាមួយនឹងការប្រកាសស្វែងរកម្ចាស់ថ្មី ផងដែរ។

ក្រុមហ៊ុន Fast Retailing ដែលជាម្ចាស់ប្រេន Uniqlo បានសម្រេចផ្អាកអាជីវកម្មលក់សម្លៀកបំពាក់របស់ខ្លួន នៅក្នុងប្រទេសរុស្ស៊ី នៅក្នុងខែមីនា ឆ្នាំ ២០២២ ពោលគឺពួកគេបានចូលរួមជាមួយក្រុមហ៊ុនបរទេសជាច្រើនទៀត ដើម្បីបញ្ឈប់ការឈរជើងរកស៊ីនៅទីនោះ បន្ទាប់ពីរដ្ឋាភិបាលទីក្រុងមូស្គូ បានបើកការឈា្លនពាន ទៅលើប្រទេសអ៊ុយក្រែន ។

មិនតែប៉ុណ្ណោះ ប្រភពពី Izvestia បានរាយការណ៍ទៀតថា អនុរដ្ឋមន្ត្រីក្រសួងឧស្សាកម្ម និងពាណិជ្ជកម្មរុស្ស៊ី លោក Viktor Yevtukhov បាននិយាយថា ក្រុមហ៊ុន Fast Retailing ឥឡូវនេះ បានសម្រេចចិត្តចាកចេញពីរុស្ស៊ីទាំងស្រុងហើយ ប៉ុន្តែនៅមិនទាន់បានដាក់ពាក្យស្នើសុំទៅកាន់រដ្ឋាភិបាលនៅឡើយទេ ដែលនោះមានន័យថាអាជីវកម្មរបស់ពួកគេ នៅមិនទាន់រកបានម្ចាស់ថ្មីនៅឡើយ ។

ជម្រាបជូនផងដែរថា លោក Tadasshi Yania ដែលជាស្ថាបនិកក្រុមហ៊ុន Fast Retailing បានប្រាប់ទៅកាន់អ្នកសារព័ត៌មានជប៉ុនថាម៉ាកយីហោ Uniqlo របស់ខ្លួន កំពុងដំណើរការហាងចំនួន ៥០ នៅក្នុងប្រទេសរុស្ស៊ី ៕

The post Uniqlo ក្លាយជាក្រុមហ៊ុនបរទេសចុងក្រោយបង្អស់ ប្រកាសដើរចេញពីរុស្ស៊ី appeared first on .

មេធំ Uniqlo រំពឹងទទួលបានប្រាក់ចំណេញច្រើនជាងឆ្នាំទៅ ៣០%

ឧកញ៉ាសំពៅ — Tue, 11 Apr 2023 09:13:57 +0000

ក្រុមហ៊ុនមេ Fast Retailing ដែលមានបុត្រសម្ព័ន្ធជាច្រើនដូចជា Uniqlo មានក្ដីរំពឹងថា ប្រាក់ចំណេញប្រចាំត្រីមាស នឹងមានការកើនឡើងប្រមាណ ៣០%។

យោងតាមការចុះផ្សាយពី CNA បានបង្ហាញថា ក្រុមហ៊ុន Fast Retailing នឹងបញ្ចេញទិន្នន័យប្រាក់ចំណេញប្រចាំត្រីមាស ដែលបិទបញ្ជីត្រឹមខែកុម្ភៈ និងមានការកើនឡើង ៣០% ទៅដល់ ៩១ពាន់លានយ៉េន ឬប្រមាណ ៦៨២លានដុល្លារ។

ដោយឡែក ចំពោះការព្យាករប្រាក់ចំណេញប្រចាំឆ្នាំវិញ មានការរំពឹងថាអាចកើនដល់ ៣៤៧ពាន់លានយ៉េន ឬច្រើនជាងកាលឆ្នាំទៅ ១៧%។

មូលហេតុដែល Fast Retailing រំពឹងការកើនឡើងនៃប្រាក់ចំណេញ ដោយសារចិនទើបនឹងលុបចោលវិធានការណ៍ទប់ស្កាត់កូវីដ ១៩ និងជំរុញវិស័យអាជីវកម្មឯកជន ដូចជាបន្ធូរបន្ថយពន្ធ និងព្យាយាមអូសទាញវិនិយោគិនត្រឡប់មកវិញជាដើម។

ដូច្នេះហើយ Uniqlo ដែលមានសាខាជិត ៩០០ កន្លែងទូទាំងប្រទេសចិន មានក្ដីសង្ឃឹមថាអាចកើបលុយធំឡើងវិញ ក្រោយរងការខាតបង់ ដោយសារជំងឺរាតត្បាតរយៈពេលប៉ុន្មានឆ្នាំមកនេះ៕

The post មេធំ Uniqlo រំពឹងទទួលបានប្រាក់ចំណេញច្រើនជាងឆ្នាំទៅ ៣០% appeared first on .

Uniqlo ប្រកាសតំឡើងប្រាក់ឈ្នួលជូនបុគ្គលិក រហូតដល់ ៤០%

ឧកញ៉ាសំពៅ — Wed, 11 Jan 2023 07:16:55 +0000

ក្រុមហ៊ុនលក់សម្លៀកបំពាក់រាយធំបំផុតនៅជប៉ុន Uniqlo បានបង្ហើបឲ្យដឹងថា ក្រុមហ៊ុនមេ Fast Retailing Co Ltd នឹងតំឡើងប្រាក់ឈ្នួលដល់បុគ្គលិករហូតដល់ ៤០% ខណៈប្រាក់ឈ្នួលបុគ្គលិកនៅជប៉ុន គឺកំពុងមានតម្លៃទាបជាងគេ បើធៀបនឹងប្រទេសជឿនលឿនដទៃ។

យោងតាមការចុះផ្សាយពី Reuters បានបង្ហាញថា សេចក្ដីប្រកាសនេះធ្វើឡើងមុន កិច្ចចរចាប្រាក់ឈ្នួលបុគ្គលិក ចំពេលវិបត្តិអតិផរណា ហើយក៏មានការសំណូមពរពីនាយករដ្ឋមន្ត្រីជប៉ុន Fumio Kishida ក្នុងការតំឡើងប្រាក់ឈ្នួលដូចគ្នា។

ដោយឡែក Fast Retailing ដែលមានសាខាច្រើនជាង ៣ ៥០០ កន្លែងទូទាំងពិភពលោកបាននិយាយថា ពួកគេនឹងរៀបចំប្រព័ន្ធប្រាក់បំណាច់ឆ្នាំពីខែមីនាទៅ ហើយការកែប្រែនោះនឹងផ្លាស់ប្ដូរសេដ្ឋកិច្ចប្រទេសជប៉ុនខ្លាំង។

បន្ថែមពីនោះក្រុមហ៊ុនបានទម្លាយទៀតថា កាលពីឆ្នាំទៅពួកគេបានចំណាយប្រាក់លើបុគ្គលិក ច្រើនជាងរាល់ដង ១៥% ដោយតំឡើងប្រាក់ម៉ោងសម្រាប់បុគ្គលិកក្រៅម៉ោង និងការចំណាយដើម្បីបង្កើនគុណភាពផលិតផល៕

The post Uniqlo ប្រកាសតំឡើងប្រាក់ឈ្នួលជូនបុគ្គលិក រហូតដល់ ៤០% appeared first on .

ប្រាក់ចំណេញ Uniqlo កើនឡើងខ្ពស់បំផុត បើទោះជាស្ថិតិលក់នៅចិនធ្លាក់ចុះខ្លាំង

ឧកញ៉ាសំពៅ — Thu, 13 Oct 2022 08:21:23 +0000

កាលពីពេលថ្មីនេះ ក្រុមហ៊ុនលក់សម្លៀកបំពាក់ខ្នាតយក្ស Uniqlo បានបង្ហោះពីរបាយការណ៍ប្រាក់ចំណេញប្រចាំឆ្នាំ ជាមួយនឹងតួលេខខ្ពស់បំផុតមិនធ្លាប់មាន បើទោះជាកន្លងមកក្រុមហ៊ុនជប៉ុនមួយនេះធ្លាប់បង្ហាញក្ដីព្រួយបារម្ភ ជុំវិញការលក់នៅទីផ្សារប្រទេសចិនមានការធ្លាក់ចុះជាខ្លាំង។

យោងតាមការចុះផ្សាយពី CNA បានឲ្យដឹងថា របាយការណ៍ប្រាក់ចំណេញប្រចាំឆ្នាំគិតត្រឹមខែសីហា គឺមាន ២៩៧,៣ ពាន់លានយ៉េន ឬប្រហែល ២,០២ ពាន់លានដុល្លារ ខណៈកាលឆ្នាំទៅពួកគេរកបាន ២៤៩ ពាន់លានយ៉េន។

ទិន្នន័យដែលក្រុមហ៊ុនទទួលបានឆ្នាំនេះ ក៏មានលើសការព្យាករណ៍ទុកមុន ពីសំណាក់ Refinitiv ផងដែរ ដោយពួកគេព្យាករថា Uniqlo អាចនឹងទទួលប្រាក់ចំណេញត្រឹម ២៩១ ពាន់លានយ៉េន ប៉ុន្តែវាបានហក់ឡើងដល់ជាង ២៩៧ ពាន់លានយ៉េនឯណោះ។

ដោយឡែក សម្រាប់ទីផ្សារអន្តរជាតិធំបំផុតរបស់ Uniqlo គឺប្រទេសចិន ទទួលបានប្រាក់ចំណេញតិចជាងឆ្នាំទៅ ១៧% ដោយសារការរឹតបន្តឹងវិធានការទប់ស្កាត់កូវីដ ១៩ នៅក្នុងប្រទេស ប៉ុន្តែក្រុមហ៊ុនរំពឹងថា កំណើននៃការលក់នឹងកើនឡើងវិញនៅត្រីមាសទី ៤ បើសិនជាស្ថានការណ៍កូវីដ ១៩ នៅចិន មានសភាពស្ងប់ស្ងាត់វិញ៕

The post ប្រាក់ចំណេញ Uniqlo កើនឡើងខ្ពស់បំផុត បើទោះជាស្ថិតិលក់នៅចិនធ្លាក់ចុះខ្លាំង appeared first on .

មហាសេដ្ឋីមានបំផុតនៅជប៉ុន ចាប់ផ្ដើមដំបូងពីការលក់ខោអាវតាមចិញ្ចើមផ្លូវជាមួយឪពុក

ឧកញ៉ាសំពៅ — Fri, 08 Jul 2022 08:28:12 +0000

លោក Tadashi Yanai គឺជាបុគ្គលមានទ្រព្យសម្បត្តិច្រើនបំផុតប្រចាំប្រទេសជប៉ុន និងជាស្ថាបនិក Fast Retailing ដែលជាក្រុមហ៊ុនមេនៃក្រុមហ៊ុនលក់ខោអាវដ៏ល្បី Uniqlo ដែលមានសាខារាប់ពាន់ទូទាំងពិភពលោក។

យោងតាមរបាយការណ៍ចុះផ្សាយដោយ Forbes បានឲ្យដឹងថា លោក Tadashi មានទ្រព្យសម្បត្តិសរុបប្រមាណជិត ២៦ ពាន់លានដុល្លារគិតត្រឹមថ្ងៃទី ០៨ កក្កដា និងជាបុគ្គលមានបំផុតលើលោកទី ៥៤។

មុននឹងឈានមកដល់ចំណុចនេះ បុរសវ័យ ៧៣ ឆ្នាំធ្លាប់មានអាជីពជាអ្នកលក់សម្ភារៈផ្ទះបាយ និងសម្លៀកបំពាក់បុរសនៅផ្សារទំនើប JUSCO ក្នុងឆ្នាំ ១៩៧១ ហើយរំលងបានមួយឆ្នាំ លោកក៏ចូលរួមជាមួយឪពុកបើកហាងកាត់ដេរតាមចិញ្ចើមផ្លូវវិញ។

ហាង Uniqlo ដំបូង

លុះដល់ឆ្នាំ ១៩៨៤ លោកបានបើកហាង Uniqlo ដំបូងនៅទីក្រុង Hiroshima និងបានប្ដូរឈ្មោះក្រុមហ៊ុនឪពុកពី Ogori Shoji ទៅជា Fast Retailing នៅឆ្នាំ ១៩៩១។

“ខ្ញុំមើលមកដូចជាជោគជ័យសំបើមណាស់ ប៉ុន្តែខ្ញុំបានបង្កកំហុសរាប់ភ្លេច។ គ្រប់គ្នាតែងតែចាត់ទុកកំហុសជាធំ រហូតស្ទើរបោះបង់ក្ដីស្រមៃ។ អ្នកត្រូវតែរក្សាភាពវិជ្ជមានជានិច្ច ហើយត្រូវតែជឿជាក់លើខ្លួនឯងថា នៅពេលក្រោយអ្នកនឹងទទួលបានជោគជ័យ”។ នេះគឺជាដំបូន្មានរបស់បុគ្គលមានបំផុតនៅជប៉ុន៕

The post មហាសេដ្ឋីមានបំផុតនៅជប៉ុន ចាប់ផ្ដើមដំបូងពីការលក់ខោអាវតាមចិញ្ចើមផ្លូវជាមួយឪពុក appeared first on .

មហាសេដ្ឋីមានបំផុតនៅជប៉ុនរបូតទ្រព្យសម្បត្តិអស់ជិតពាក់កណ្ដាល ដោយសារចិន

ឧកញ៉ាសំពៅ — Fri, 03 Jun 2022 05:35:40 +0000

លោក Tadashi Yanai ដែលជាស្ថាបនិកក្រុមហ៊ុនលក់សម្លៀកបំពាក់ Uniqlo និងជាអ្នកមានបំផុតប្រចាំប្រទេសជប៉ុន បាននឹងកំពុងសំងំពិបាកចិត្ត ដោយសារទ្រព្យសម្បត្តិរបស់លោកបានធ្លាក់ចុះស្ទើរតែពាក់កណ្ដាលពោលគឺ ៤៤% បើធៀបនឹងឆ្នាំទៅ។ នេះបើតាមការចុះផ្សាយពី Forbes។

យោងតាមសារព័ត៌មានអាមេរិកាំងបានឲ្យដឹងថា បច្ចុប្បន្នទ្រព្យសម្បត្តិរបស់បុរសជនជាតិជប៉ុនគឺមានប្រមាណ ២៣,៦ ពាន់លានដុល្លារ ខណៈឆ្នាំទៅគឺមានដល់ប្រហែល ៥០ ពាន់លានដុល្លារ។

ការធ្លាក់ចុះនៃទ្រព្យសម្បត្តិដ៏ច្រើនសន្ធឹកសន្ធាប់បែបនេះ មិនមែនកើតមានតែចំពោះលោកឡើយ ពោលស្ទើរគ្រប់បុគ្គលអ្នកមានៗនៅជប៉ុនទាំងអស់សុទ្ធតែជួបប្រទះបញ្ហានេះដូចៗគ្នា ដោយសារការឡើងថ្លៃទំនិញ ប្រេង ស្របពេលសង្វាក់ផ្គត់ផ្គង់មានបញ្ហារអាក់រអួល។

យ៉ាងណា បញ្ហាធំដែលធ្វើឲ្យមហាសេដ្ឋីមានបំផុតនៅជប៉ុនខាតបង់ធ្ងន់ធ្ងរ គឺដោយសារការនាំចេញទំនិញទៅកាន់ប្រទេសចិនមានភាពយឺតយ៉ាវ និងចំណូលបានមកពីប្រទេសមហាអំណាចមួយនេះមានការថយចុះ ដោយសាររដ្ឋាភិបាលចិនប្រកាន់ខ្ជាប់វិធានការទប់ស្កាត់កូវីដ ១៩ តឹងតែងខ្លាំងពេក។ នេះបើតាមការចុះផ្សាយពី Reuters។

ទន្ទឹមនឹងនោះ លោក Yanai ក៏ធ្លាប់បានប្រាប់នៅក្នុងកិច្ចសម្ភាសន៍ជាមួយ The Financial Times កាលពីខែមេសាដែរថា៖ “ពួកយើងកំពុងមានបញ្ហាទាំងផ្នែកចំណូល និងការរស់នៅរបស់បុគ្កលិកដោយសារវិធានការទប់ស្កាត់ Covid Zero របស់ចិន។ សាខានៅទីក្រុងសៀងហៃត្រូវបានបង្ខំចិត្តបិទ ហើយការដឹកជញ្ជូនពីកំពង់ផែរឹតតែពិបាកថែមទៀត”។

សូមជម្រាបដែរថា ប្រទេសចិនគឺជាទីផ្សារធំបំផុតសម្រាប់ក្រុមហ៊ុន Uniqlo ដោយសារនៅទីនោះមានសាខារហូតដល់ ៨៦៥ សាខា ខណៈ ៩០ សាខាមានទីតាំងនៅទីក្រុងសៀងហៃ ហើយវិធានការបិទខ្ទប់របស់ចិនពិតជាបានបង្កការខាតបង់យ៉ាងធ្ងន់ធ្ងរស្ថាបនិកនៃក្រុមហ៊ុនមួយនេះ៕

The post មហាសេដ្ឋីមានបំផុតនៅជប៉ុនរបូតទ្រព្យសម្បត្តិអស់ជិតពាក់កណ្ដាល ដោយសារចិន appeared first on .

ហាង Uniqlo របស់មហាសេដ្ឋីជប៉ុន ជាប់ឈ្មោះក្នុងបញ្ជីហាងសម្លៀកបំពាក់ធំបំផុតទាំង ១០ លើលោក

ឧកញ៉ាសំពៅ — Tue, 18 Jan 2022 02:33:52 +0000

ដូចធ្លាប់បានដឹងរួចមកហើយថា ហាងសម្លៀកបំពាក់ដ៏ពេញនិយមនៅជប៉ុន ក៏ដូចជាជុំវិញសកលលោកគឺ Uniqlo គឺជាអាជីវកម្មរបស់លោក Tadashi Yanai ដែលជាអ្នកមានដាច់គេទី ២ នៅជប៉ុន។

មិនត្រឹមតែជា Brand សម្លៀកបំពាក់ធំប្រចាំប្រទេសឡើយ តែ Uniqlo ថែមទាំងជាប់ជា Brand ល្បីទូទាំងពិភពលោក ដែលមានសាខាជាច្រើនកន្លែង ពោលគិតត្រឹមចុងខែវិច្ឆិកា ២០២១ Uniqlo មានសាខា ២ ៣៥៨ កន្លែងរាប់ទាំងនៅជប៉ុន និងអន្តរជាតិ។

ផ្អែកតាមការចុះផ្សាយពី Thevou ហាងរបស់មហាសេដ្ឋីជប៉ុនមួយនេះបានជាប់ចូលក្នុងបញ្ជីហាងសម្លៀកបំពាក់ធំបំផុតលើលោកទាំង ១០ ដោយផ្អែកលើមូលធនទីផ្សារប្រចាំឆ្នាំ ២០២១ និងភាពល្បីល្បាញរបស់ម៉ាកយីហោមួយនេះ។

ហាង Brand សម្លៀកបំពាក់ធំៗទាំង ១០ លើលោកទាំងនោះមានដូចជា៖

ហាង NIKE មានទីស្នាក់ការកណ្ដាលនៅសហរដ្ឋអាមេរិក មូលធនទីផ្សារឆ្នាំ ២០២១ គឺ ៣០,៥ ពាន់លានដុល្លារ
ហាង GUCCI មានទីស្នាក់ការកណ្ដាលនៅប្រទេសអ៊ីតាលី មូលធនទីផ្សារឆ្នាំ ២០២១ គឺ ១៥,៦ ពាន់លានដុល្លារ
ហាង Louis Vuitton មានទីស្នាក់ការកណ្ដាលនៅប្រទេសបារាំង មូលធនទីផ្សារឆ្នាំ ២០២១ គឺ ១៤,៨ ពាន់លានដុល្លារ
ហាង Adidas មានទីស្នាក់ការកណ្ដាលនៅប្រទេសអាល្លឺម៉ង់ មូលធនទីផ្សារឆ្នាំ ២០២១ គឺ ១៤,៣ ពាន់លានដុល្លារ
ហាង Chanel មានទីស្នាក់ការកណ្ដាលនៅប្រទេសបារាំង មូលធនទីផ្សារឆ្នាំ ២០២១ គឺ ១៣,២ ពាន់លានដុល្លារ
ហាង ZARA មានទីស្នាក់ការកណ្ដាលនៅប្រទេសអេស្ប៉ាញ មូលធនទីផ្សារឆ្នាំ ២០២១ គឺ ១៣,១ ពាន់លានដុល្លារ
ហាង UNIQLO មានទីស្នាក់ការកណ្ដាលនៅប្រទេសជប៉ុន មូលធនទីផ្សារឆ្នាំ ២០២១ គឺ ១៣,១ ពាន់លានដុល្លារ
ហាង H&M មានទីស្នាក់ការកណ្ដាលនៅប្រទេសស៊ុយអែត មូលធនទីផ្សារឆ្នាំ ២០២១ គឺ ១២,៤ ពាន់លានដុល្លារ
ហាង Cartier មានទីស្នាក់ការកណ្ដាលនៅប្រទេសបារាំង មូលធនទីផ្សារឆ្នាំ ២០២១ គឺ ១២ ពាន់លានដុល្លារ
ហាង Hermes មានទីស្នាក់ការកណ្ដាលនៅប្រទេសបារាំង មូលធនទីផ្សារឆ្នាំ ២០២១ គឺ ១១,៦ ពាន់លានដុល្លារ៕

ប្រភព: thevou

The post ហាង Uniqlo របស់មហាសេដ្ឋីជប៉ុន ជាប់ឈ្មោះក្នុងបញ្ជីហាងសម្លៀកបំពាក់ធំបំផុតទាំង ១០ លើលោក appeared first on .

Uniqlo

Uniqlo ក្លាយជាក្រុមហ៊ុនបរទេសចុងក្រោយបង្អស់ ប្រកាសដើរចេញពីរុស្ស៊ី

មេធំ Uniqlo រំពឹងទទួលបានប្រាក់ចំណេញច្រើនជាងឆ្នាំទៅ ៣០%

Uniqlo ប្រកាសតំឡើងប្រាក់ឈ្នួលជូនបុគ្គលិក រហូតដល់ ៤០%

ប្រាក់​ចំណេញ Uniqlo កើនឡើងខ្ពស់បំផុត បើទោះជាស្ថិតិលក់នៅចិនធ្លាក់ចុះខ្លាំង

មហាសេដ្ឋី​មាន​បំផុត​នៅ​ជប៉ុន ចាប់ផ្ដើម​ដំបូង​ពី​ការ​លក់​ខោអាវ​តាម​ចិញ្ចើម​ផ្លូវ​ជាមួយ​ឪពុក

មហាសេដ្ឋី​មាន​បំផុត​នៅ​ជប៉ុន​របូត​ទ្រព្យសម្បត្តិ​អស់​ជិត​ពាក់​កណ្ដាល​ ដោយសារ​ចិន

ហាង​ Uniqlo របស់​មហាសេដ្ឋី​ជប៉ុន ជាប់​ឈ្មោះ​ក្នុង​បញ្ជី​ហាង​សម្លៀកបំពាក់​ធំ​បំផុត​ទាំង ១០ លើ​លោក

ប្រាក់ចំណេញ Uniqlo កើនឡើងខ្ពស់បំផុត បើទោះជាស្ថិតិលក់នៅចិនធ្លាក់ចុះខ្លាំង

មហាសេដ្ឋីមានបំផុតនៅជប៉ុន ចាប់ផ្ដើមដំបូងពីការលក់ខោអាវតាមចិញ្ចើមផ្លូវជាមួយឪពុក

មហាសេដ្ឋីមានបំផុតនៅជប៉ុនរបូតទ្រព្យសម្បត្តិអស់ជិតពាក់កណ្ដាល ដោយសារចិន

ហាង Uniqlo របស់មហាសេដ្ឋីជប៉ុន ជាប់ឈ្មោះក្នុងបញ្ជីហាងសម្លៀកបំពាក់ធំបំផុតទាំង ១០ លើលោក