រដ្ឋមន្ត្រីការបរទេសរូបនេះ ក៏បានបង្ហោះសារមួយនៅលើបណ្តាញសង្គម X កាលពីថ្ងៃទី១០ ខែមីនា ដោយនិយាយថា៖”បន្ទាប់ពីបានពិនិត្យឡើងវិញអស់រយ:ពេលប្រាំមួយសប្តាហ៍មក យើងបានឈានដល់ការលុបចោលជាផ្លូវការនូវកម្មវិធីចំនួន ៨៣% របស់ទីភ្នាក់ងារ USAID”។

យ៉ាងណាមិញ ក្រោយពីការលុបចោលនេះ លោក Rubio បានសង្កត់ធ្ងន់ទៀតថា បច្ចុប្បន្នកម្មវិធីដែលនៅសល់សេសមានចំនួនត្រឹមតែប្រមាណ ១ ០០០ ប៉ុណ្ណោះនៃទីភ្នាក់ងារ USAID ហើយវានឹងត្រូវបានផ្តល់ការគ្រប់គ្រងដោយក្រសួងការបរទេសវិញ បន្ទាប់ពីបុគ្គលិករបស់ទីភ្នាក់ងារនេះភាគច្រើនត្រូវបានព្យួរ ឬបណ្តេញចេញពីតំណែង គិតចាប់តាំងពីខែមករាមក។

គួរឲ្យដឹងផងដែរថា កាលពីខែមករា ប្រធានាធិបតីអាមេរិកលោក ដូណាល់ ត្រាំ បានចុះហត្ថលេខាលើបទបញ្ជាប្រតិបត្តិមួយ ដោយទាមទារឲ្យមានការបង្កកជំនួយបរទេសទាំងអស់របស់សហរដ្ឋអាមេរិក សម្រាប់រយៈពេល ៩០ថ្ងៃ ដើម្បីទុកពេលឲ្យរដ្ឋបាលរបស់លោក វាយតម្លៃ និងពិនិត្យមើលឡើងវិញចំពោះការចំណាយនៅក្រៅប្រទេស។ ហើយជាមួយគ្នានោះ ទីភ្នាក់ងារ USAID គឺជាទីភ្នាក់ងារមួយក្នុងចំណោមទីភ្នាក់ងារដែលត្រូវបានផ្តោតខ្លាំងបំផុត ដោយប្រធានាធិបតី និងអង្គភាព DOGE របស់លោក Elon Musk ។

ជម្រាបជូនផងដែរថា ទាំងលោក ត្រាំ និង​សម្ព័ន្ធមិត្តបាន​ប្រកែក​ថា ជំនួយ​បរទេស​គឺជាការ​ខ្ជះខ្ជាយ ហើយ​វាមិនបាន​បម្រើ​ផលប្រយោជន៍​ណាមួយដល់សហរដ្ឋអាមេរិកនោះឡើយ។ ប៉ុន្តែ​ទន្ទឹមនឹងនេះ ខាងក្រុម​ប្រឆាំងវិញបាន​និយាយ​ថា ជំនួយទាំងនេះមាន​ផលប្រយោជន៍ច្រើនចំពោះ​អាមេរិក ​ដូចជាការលើក​កម្ពស់​ស្ថិរភាព និង​ការ​កែលម្អ​ការថែទាំ​សុខភាព​នៅ​បរទេស ជាដើម៕

The post រដ្ឋមន្ត្រីការបរទេសលោក Rubio ថា អាមេរិកលុបចោលកម្មវិធីទីភ្នាក់ងារ USAID ដល់ទៅ ៨៣% appeared first on .

យោងតាមការជូនដំណឹងមួយ ដែលត្រូវបានដកស្រង់នៅលើគេហទំព័ររបស់ទីភ្នាក់ងារសហរដ្ឋអាមេរិកសម្រាប់ការអភិវឌ្ឍន៍អន្តរជាតិ ហៅកាត់ USAID បានបង្ហាញឲ្យដឹងថា បុគ្គលិកប្រហែល ១ ៦០០ នាក់ ដែលមានមូលដ្ឋាននៅសហរដ្ឋអាមេរិក នឹងត្រូវបញ្ឈប់ពីការងារ ក្នុងកិច្ចខិតខំប្រឹងប្រែងមួយ ដើម្បីកាត់បន្ថយកម្លាំងពលកម្ម។

ទន្ទឹមនឹងនេះ បុគ្គលិកផ្សេងទៀតទាំងអស់ដែលត្រូវបានជួលដោយផ្ទាល់ដោយ USAID ក៏នឹងត្រូវប្រាប់ឲ្យឈប់សម្រាកពីការងាររបស់ពួកគេ នៅទូទាំងពិភពលោក លើកលែងតែអ្នកដែលទទួលខុសត្រូវចំពោះមុខងារសំខាន់នៃបេសកកម្ម ភាពជាអ្នកដឹកនាំស្នូល ឬកម្មវិធីដែលបានកំណត់ជាពិសេស ប៉ុណ្ណោះ។

គួរឲ្យដឹងផងដែរថា ជុំវិញសកម្មភាពចុងក្រោយនេះ គឺជាការជំហានឆ្ពោះទៅមុខមួយកម្រិតទៀត ក្នុងកិច្ចខិតខំប្រឹងប្រែងរបស់ប្រធានាធិបតី លោក ត្រាំ ក្នុងការរុះរើទីភ្នាក់ងារ USAID ដែលមានបុគ្គលិកជាង ១០ ០០០ នាក់ ដែលដំណើរការកម្មវិធីមនុស្សធម៌ និងការអភិវឌ្ឍន៍ជាច្រើន នៅជុំវិញពិភពលោក។

ជម្រាបជូនផងដែរថា ក្នុងរយៈពេលជាច្រើនឆ្នាំកន្លងមកនេះ ទីភ្នាក់ងារដែលមានវ័យចំណាស់នេះ បានប្រឈមមុខនឹងការរិះគន់ជាច្រើនក្នុងវិស័យជំនួយសម្រាប់ការចំណាយលើសលប់របស់ខ្លួន ស្របពេលទាំងលោក ត្រាំ និងមហាសេដ្ឋី Elon Musk ដែលកំពុងដឹកនាំអង្គភាពប្រសិទ្ធភាពរដ្ឋាភិបាលនោះ បានចោទប្រកាន់ទៅលើ USAID ថាមានការក្លែងបន្លំ៕

The post រដ្ឋបាលលោក ត្រាំ សម្រេចបញ្ឈប់ការងារបុគ្គលិករបស់ USAID ខ្ទង់ពាន់នាក់បន្ថែមទៀត appeared first on .

ប្រភពដដែលនេះ បានបង្ហាញឲ្យដឹងទៀតថា បច្ចុប្បន្ននេះ ទីភ្នាក់ងារ USAID នៅសល់បុគ្គលិកធ្វើការត្រឹមតែ ២៩៤ នាក់ប៉ុណ្ណោះ​ នៅទូទាំងពិភពលោក រួមទាំងបុគ្គលិកចំនួន ១២ នាក់ នៅការិយាល័យអាហ្វ្រិក និង ៨ នាក់ផ្សេងទៀត នៅក្នុងការិយាល័យអាស៊ី។

ជុំវិញការកាត់បន្ថយចំនួនបុគ្គលិកនេះ អតីតអ្នកគ្រប់គ្រងទីភ្នាក់ងារ USAID លោក J. Brian Atwood បាននិយាយថា នេះគឺជារឿងមិនសមហេតុផលទាល់តែទោះ ដោយលោកបានបន្ថែមទៀតថា ការកាត់បន្ថយយ៉ាងច្រើនចំពោះកម្លាំងការងាររបស់ USAID នេះ គឺនឹងស្មើនឹងការសម្លាប់ទីភ្នាក់ងារដែលគាំទ្រមនុស្សរាប់សិបលាននាក់នៅជុំវិញពិភពលោ។ USAID មានបុគ្គលិកសរុបជាង ១០ ០០០ នាក់នៅទូទាំងពិភពលោក ហើយ ប្រហែល ២ភាគ៣ នៃបុគ្គលិកទាំងនោះ គឺនៅខាងក្រៅសហរដ្ឋអាមេរិក។

ប្រភព​ដែល​ដឹង​អំពី​បញ្ហា​នេះ​ បាននិយាយ​ទៀតថា បុគ្គលិក​របស់ USAID មួយ​ចំនួន​បាន​ចាប់​ផ្តើម​ទទួល​បាន​ការ​ជូន​ដំណឹង​អំពី​ការ​បញ្ឈប់​ការងាររបស់ពួកគេ​រួច​ហើយ។ គិតត្រឹមទី៧ ខែកុម្ភៈ បុគ្គលិក USAID ដែលធ្វើការដោយផ្ទាល់ទាំងអស់នៅទូទាំងពិភពលោកនឹងបញ្ឈប់ពីការងារ លើកលែងតែបុគ្គលិកសំខាន់ៗក្នុងបេសកកម្ម អ្នកដឹកនាំសំខាន់ៗ និងមន្ត្រីសម្រាប់កម្មវិធីពិសេសៗមួយចំនួនប៉ុណ្ណោះ ដែលអនុញ្ញាតឲ្យបន្តការងាររបស់ពួកគេ។

ជម្រាបជូនផងដែរថា USAID ត្រូវបានបង្កើតឡើងដំបូងក្នុងឆ្នាំ១៩៦១ ហើយត្រូវបានចាត់ទុកថាជាទីភ្នាក់ងារដែលផ្តល់ជំនួយធំជាងគេបំផុតរបស់ពិភពលោក ហើយមានថវិកាសរុបជិត ៤៣ពាន់លានដុល្លារ ត្រូវបានផ្តល់ជូនតាមរយ:ការផ្តល់ជំនួយមនុស្សធម៌ និងជំនួយអភិវឌ្ឍន៍ជាច្រើននៅជុំវិញពិភពលោក។ USAID ផ្តល់ជំនួយមនុស្សធម៌ដល់ប្រទេសជាង ១០០ រួមទាំងជំនួយសង្គ្រោះលើបញ្ហាគ្រោះមហន្តរាយ ជំនួយផ្នែកវេជ្ជសាស្រ្ត និងសុខភាព និងជំនួយស្បៀងអាហារសង្គ្រោះបន្ទាន់ ជាដើម៕

The post អាមេរិក គ្រោងកាត់បន្ថយបុគ្គលិកទីភ្នាក់ងារ USAID មកនៅតិចជាង ៣០០ នាក់ នៅទូទាំងពិភពលោក appeared first on .

ដោយថ្លែងប្រាប់នៅក្នុងបទសម្ភាសជាមួយទូរទស្សន៍ NBC លោក Bill Gates បានបង្ហើបប្រាប់ពីកិច្ចប្រជុំនេះថា ៖”ខ្ញុំបានទៅសេតវិមាន ពីព្រោះវាមានអ្វីជាច្រើនដើម្បីផ្លាស់ប្តូរ ជាពិសេសអ្វីដែលយើងចង់រក្សាទុក ទាក់ទងនឹងជំនួយបរទេស។ ហើយ​ខ្ញុំ​កំពុង​ធ្វើ​វាឲ្យអស់​ពី​សមត្ថភាព​ដើម្បី​ធ្វើឲ្យប្រាកដ​ថា​យើងអាច​រក្សា​របស់​ដែល​ខ្ញុំ​គិត​ថា​មាន​តម្លៃ​ខ្លាំង​ណាស់”។

ទ​ន្ទឹមនឹងនេះ យោងតាមសារព័ត៌មាន NBC News បានចុះផ្សាយថា សហស្ថាបនិក Microsoft បាននិយាយថា លោកមានកិច្ចប្រជុំខ្លីជាមួយប្រធានាធិបតី លោក ដូណាល់ ត្រាំ និងកិច្ចប្រជុំដ៏យូរជាមួយប្រធានបុគ្គលិកសេតវិមាន លោកស្រី Susie Wiles ផងដែរ ខណ:អ្នក​នាំ​ពាក្យ​សេតវិមាន​បាន​បញ្ជាក់​ថា លោក Bill Gates ពិតជាបានចូលរួមនៅក្នុងកិច្ចប្រជុំនៅ​សេតវិមានពិតមែន ប៉ុន្តែ​មិន​បាន​ផ្តល់​ព័ត៌មាន​លម្អិត​បន្ថែម​ទៀត​នោះទេ។

គួរឲ្យដឹងផងដែរថា កាលពីពេលថ្មីៗកន្លងទៅនេះ រដ្ឋបាលរបស់លោក ត្រាំ​ បានសម្រេចបិទទីភ្នាក់ងារ USAID ដែលម្ចាស់ផ្តល់ជំនួយមនុស្សធម៌រាប់ពាន់លានដុល្លារ និងធំជាងគេបំផុតរបស់ពិភពលោក បន្ទាប់ពីនាយកដ្ឋានប្រសិទ្ធភាពរដ្ឋាភិបាល (DOGE) ដែលដឹកនាំដោយមហាសេដ្ឋី Elon Musk បានចោទប្រកាន់ថាទីភ្នាក់ងារនេះថាជា “អង្គការឧក្រិដ្ឋកម្ម” និងចំណាយខ្ជះខ្ជាយ។

យ៉ាងណាមិញ លោក Bill Gates បានសង្កត់ធ្ងន់ទៀតថា លោកមិនទាន់បានជួបជាមួយជាមួយ លោក Musk ដែលជាអ្នកនៅពីក្រោយការបិទទីភ្នាក់ងារ USAID នេះនៅឡើយទេ ចំពេលមានការខិតខំប្រឹងប្រែងរបស់លោកដើម្បីដោះស្រាយ និងពិភាក្សាអំពីបញ្ហានេះ។

ជម្រាបជូនថា ក្នុង​ឆ្នាំ​សារពើពន្ធ២០២៣ សហរដ្ឋ​អាមេរិក​បាន​បញ្ចេញ​ជំនួយ ៧២ពាន់​លាន​ដុល្លារ​នៅ​ជុំវិញ​ពិភពលោក​ទៅ​លើ​ការផ្តល់ជំនួយគ្រប់ប្រភេទ ដោយរាប់ចាប់ពី​សុខភាព​ស្ត្រី​ក្នុង​តំបន់​សង្គ្រាម ​រហូត​ដល់​ការ​ទទួល​បាន​ទឹកស្អាត ការ​ព្យាបាល​វីរុស​ឬ​ជំងឺ​អេដស៍ សន្តិសុខ​ថាមពល និង​ការងារ​ប្រឆាំង​អំពើ​ពុករលួយ ជាដើម។ ទីភ្នាក់ងារ​នេះ​បាន​ផ្តល់​ជំនួយ​មនុស្សធម៌ ៤២% ក្នុង​ចំណោម​ជំនួយ​មនុស្សធម៌​ទាំងអស់​ដែល​កត់ត្រា​ដោយ​អង្គការ​សហប្រជាជាតិ​ក្នុង​ឆ្នាំ២០២៤៕

The post មហាសេដ្ឋី Bill Gates ស្កាត់ជួបលោក ត្រាំ ដល់សេតវិមាន ក្នុងការស៊ូមតិដើម្បីរក្សា USAID បន្ត appeared first on .

នៅថ្ងៃចន្ទនេះ នាយកប្រតិបត្តិរបស់ក្រុមហ៊ុន Tesla និង SpaceX ដែលត្រូវបានលោក ត្រាំ ផ្តល់តួនាទីឲ្យដឹកនាំអង្គភាពកាត់បន្ថយការចំណាយរបស់សហព័ន្ធ (DOGE) នោនះ បានលើកឡើងថា ទីភ្នាក់ងារ USAID គឺស្រោចស្រង់លែងបានហើយ ដោយបន្ថែមទៀតថាប្រធានាធិបតីអាមេរិក លោក ត្រាំ បានយល់ស្របថាវាគួរតែដល់ពេលត្រូវបិទចោលហើយ ។

ជាមួយគ្នានេះ យោងតាមសារព័ត៌មាន Reuters បានរាយការណ៍ថារដ្ឋបាលរបស់លោក ត្រាំ ទើបតែបានដកតំណែងមន្ត្រីសន្តិសុខកំពូលពីរនាក់នៅ USAID កាលពីចុងសប្តាហ៍មុន បន្ទាប់ពីពួកគេបានព្យាយាមបញ្ឈប់មិនឲ្យអ្នកតំណាងមកពីនាយកដ្ឋានប្រសិទ្ធភាពរដ្ឋាភិបាល (DOGE) របស់មហាសេដ្ឋី Musk ចូលទៅកាន់ផ្នែកហាមឃាត់នៃអគាររបស់ USAID។

គួរឲ្យដឹងផងដែរថា USAID គឺជាម្ចាស់ជំនួយដ៏ធំបំផុតរបស់ពិភពលោក។ កាលពីក្នុងឆ្នាំសារពើពន្ធ២០២៣ កន្លងទៅ សហរដ្ឋអាមេរិកបានបញ្ចេញទឹកប្រាក់សរុបប្រមាណ ៧២ពាន់លានដុល្លារ ក្នុងការផ្តល់ជំនួយនៅទូទាំងពិភពលោក ដែលរាប់ចាប់ពីសុខភាពស្ត្រីនៅក្នុងតំបន់មានជម្លោះ ការទទួលបានទឹកស្អាត ការព្យាបាលមេរោគអេដស៍/ជំងឺអេដស៍ សន្តិសុខថាមពល និងការងារប្រឆាំងអំពើពុករលួយ ជាដើម។

ជម្រាបជូនទៀតថា USAID បានផ្តល់ជូន ៤២% នៃជំនួយមនុស្សធម៌ទាំងអស់ដែលត្រូវបានតាមដានដោយអង្គការសហប្រជាជាតិ ក្នុងឆ្នាំ២០២៤។ បច្ចុប្បន្ន USAID មាន​បុគ្គលិកសរុប​ជាង ១ ម៉ឺន​នាក់ ស្របពេលគេហទំព័រផ្លូវការរបស់ទីភ្នាក់ងារនេះ បានបិទដំណើរការរួចទៅហើយ ខណ:អ្នកប្រើប្រាស់មួយចំនួនមិនអាចចូលទៅប្រើវាបានទៀតនោះឡើយ គិតត្រឹមថ្ងៃអាទិត្យម្សិលមិញនេះ៕

The post មហាសេដ្ឋី Elon Musk បង្ហើបថា លោក ត្រាំ កំពុងផ្តល់ការយល់ព្រមបិទទីភ្នាក់ងារផ្តល់ជំនួយរបស់អាមេរិក USAID appeared first on .

 បើយោងតាមសេចក្តីប្រកាសព័ត៌មានខាងលើ បញ្ជាក់ថាគម្រោងនេះមានឈ្មោះថា “USAID អភិរក្ស”។ គម្រោងនេះនឹងពង្រីកការគាំទ្ររបស់ USAID ទៅដល់សហគមន៍ដែលរស់នៅក្នុង និងជុំវិញតំបន់ការពារធម្មជាតិ ក្នុងខេត្តព្រះវិហារ កំពង់ធំ ស្ទឹងត្រែង និងក្រចេះ។ ទន្ទឹមគ្នាគម្រោង“USAID អភិរក្ស”នេះ នឹងអនុវត្តគំនិតផ្តួចផ្តើមថ្មីៗសម្រាប់សហគមន៍ទាំងឡាយ ដែលរស់នៅជុំវិញបឹងទន្លេសាប និងតាមតំបន់ឆ្នេរនៃខេត្តកោះកុង និងខេត្តព្រះសីហនុ។

គម្រោង USAID អភិរក្សនឹងបន្តកិច្ចខិតខំប្រឹងប្រែងរបស់ USAID ក្នុងការផ្តល់មូលនិធិផ្ទាល់ដល់សហគមន៍មូលដ្ឋាន តាមរយៈជំនួយបន្តចំនួន ៨លានដុល្លារសហរដ្ឋអាមេរិក ជាជំនួយខ្នាតតូច ទៅដល់សហគមន៍មូលដ្ឋាន អង្គការ និងវិស័យឯកជន យ៉ាងតិចចំនួន ២៥០ ក្នុងប្រទេសកម្ពុជា។ទីភ្នាក់ងារសហរដ្ឋអាមេរិកសម្រាប់ការអភិវឌ្ឍអន្តរជាតិ (USAID) នឹងពង្រីកការគាំទ្របន្តទៅលើគម្រោងហិរញ្ញប្បទានកាបូនព្រៃឈើ ដែលធ្លាប់បានទទួលជោគជ័យកន្លងមក តាមរយៈការគាំទ្រដល់កិច្ចខិតខំប្រឹងប្រែងក្នុងការអភិវឌ្ឍគម្រោងប្ល៊ូកាបូននៅក្នុងតំបន់ព្រៃលិចទឹក និងតំបន់ឆ្នេររបស់ព្រះរាជាណាចក្រកម្ពុជា។ គម្រោង USAID អភិរក្ស នឹងបង្កើតយុទ្ធនាការផ្លាស់ប្តូរឥរិយាបថសង្គម នៅថ្នាក់ជាតិ ខេត្ត ស្រុក និងឃុំ ដែលផ្តោតលើការប្រយុទ្ធប្រឆាំងការជួញដូរសត្វព្រៃខុសច្បាប់។

លោកស្រី Kerry Pelzman នាយិកាបេសកកម្មនៃទីភ្នាក់ងារជំនួយសហរដ្ឋអាមេរិកសម្រាប់ការអភិវឌ្ឍអន្តរជាតិ (USAID) មានប្រសាសន៍ថា “គម្រោង USAID អភិរក្សឆ្លុះបញ្ចាំងអំពីការប្តេជ្ញាចិត្តចំពោះការធ្វើមូលដ្ឋានីយកម្មនៃជំនួយអភិវឌ្ឍន៍របស់យើង។តាមរយៈគម្រោងនេះ យើងនឹងគាំទ្រដល់កិច្ចខិតខំប្រឹងប្រែង ដែលដឹកនាំដោយសហគមន៍ក្នុងការបង្កើតការងារក្នុងស្រុក ដោយផ្អែកលើការប្រើប្រាស់ធនធានធម្មជាតិប្រកបដោយនិរន្តរភាព និងការប្រើប្រាស់ទុនឯកជនដើម្បី វិនិយោគក្នុងដំណោះស្រាយរយៈពេលវែងចំពោះវិបត្តិអាកាសធាតុ។ តាមរយៈវិធីសាស្រ្តនេះ គម្រោង USAID អភិរក្ស  នឹងផ្តល់ការគាំទ្រដល់ការប្តេជ្ញាចិត្តរបស់រាជរដ្ឋាភិបាលកម្ពុជាក្នុងការសម្រេចបាននូវអព្យាក្រឹតកាបូននៅឆ្នាំ២០៥០”៕អត្ថបទ៖សារេត

The post ប្រកាសគម្រោងថ្មីមានទឹកប្រាក់២៤លានដុល្លារ ដើម្បីការពារនិងអភិរក្សជីវៈចម្រុះ និងធនធានធម្មជាតិនៅកម្ពុជា appeared first on .

នៅក្នុងជំនួបនេះ លោកស្រី វ៉ិចតូរីយ៉ា នូលែន បានគូសបញ្ជាក់ថា សហរដ្ឋអាមេរិក ស្វាគមន៍ឱកាសដើម្បីពង្រីកកិច្ចសហប្រតិបត្តិការ រវាងប្រទេសទាំងពីរ តាមរយៈការធ្វើការជិតស្និទ្ធជាមួយ សម្ដេចធិបតី និងចង់ឃើញសម្ដេចធិបតី ក៏ដូចប្រទេសកម្ពុជាទាំងមូលទទួលបានជោគជ័យ។

នៅចំនោះមុខសម្តេចធិបតីនាយករដ្ឋមន្រ្តី លោកស្រី វ៉ិចតូរីយ៉ា នូលែន បានបញ្ជាក់ថា សហរដ្ឋអាមេរិកបានសម្រេចផ្ដល់ជូនឡើងវិញ នូវជំនួយក្នុងទំហំទឹកប្រាក់ប្រមាណ ១៨លានដុល្លារអាមេរិក តាមរយៈទីភ្នាក់ងារអាមេរិកសម្រាប់ការអភិវឌ្ឍអន្តរជាតិ (USAID) ដែលសហរដ្ឋអាមេរិកបានផ្អាក ក្រោយការបោះឆ្នោតជ្រើសតាំងតំណាងរាស្ត្រ នីតិកាលទី៧ ឆ្នាំ២០២៣។

ក្រៅពីនេះ ភាគីទាំងពីរក៏បានពិភាក្សាផងដែរ លើវិស័យដែលប្រទេសទាំងពីរកំពុងយកចិត្តទុកដាក់៕

The post អាមេរិកសម្រេចផ្ដល់ជំនួយឡើងវិញឲ្យកម្ពុជាក្នុងទំហំទឹកប្រាក់ប្រមាណ ១៨លានដុល្លារ appeared first on .

គម្រោងនេះ​ ត្រូវបានគេស្គាល់ថា ជា “Harvest III” ​ដែលនឹងត្រូវបានអនុវត្តក្នុងរយ:ពេល ៥ ឆ្នាំ ជាមួយនឹងការផ្តល់មូលនិធិដោយគំនិតផ្តួចផ្តើម Feed the Future តាមរយ:រដ្ឋាភិបាលសហរដ្ឋអាមេរិក និងគ្រប់គ្រងដោយ USAID ។

ឯកអគ្គរដ្ឋទូសហរដ្ឋអាមេរិក ប្រចាំនៅកម្ពុជា លោក W.Patrick Murphy បានមានប្រសាសន៍ថា រដ្ឋាភិបាលសហរដ្ឋអាមេរិក បានវិនិយោគជិត ១០០ លានដុល្លារ ក្នុងរយ:ពេលមួយទសវត្សរ៍កន្លងមកនេះ ដើម្បីបង្កើនទាំងអាហារូបត្ថម្ភ និងប្រាក់ចំណូលគ្រួសារ នៅកម្ពុជា តាមរយ:ការពង្រឹងទៅលើវិស័យកសិកម្ម របស់ប្រទេស ។

គួរឱ្យដឹងថា គម្រោង Harvest III នេះ នឹងធ្វើការជាមួយសហករណ៍កសិកម្ម អ្នកផ្តល់បច្ចេកវិទ្យា រួមទាំងស្ថាប័នហិរញ្ញវត្ថុ និងអ្នកពាក់ព័ន្ធផ្សេងទៀត ដើម្បីបង្កើតកម្លាំងពលកម្មជំនាញ ក៏ដូចជាបង្កើតការងារ និងចាប់យកឱកាសទីផ្សារ ក្នុងវិស័យកសិកម្ម ដោយធ្វើការជាមួយវិស័យឯកជន ។

មិនតែប៉ុណ្ណោះ គម្រោងនេះ​ គឺជាការវិនិយោគបន្ថែមទៀត ទៅលើគម្រោងដែល USAID/Cambodia មានស្រាប់ ក្នុងការលើកកម្ពស់ឱកាសសេដ្ឋកិច្ចប្រកបដោយនិរន្តរភាព និងបច្ចេកវិទ្យាកសិកម្មឆ្លាតវៃ ៕

The post USAID ចាប់ផ្តើមដំណើរការគម្រោងថវិកា ២៥ លានដុល្លារ ដើម្បីជំរុញវិស័យកសិកម្មនៅ កម្ពុជា appeared first on .

លោកស្រី Veena Reddy នាយកទីភ្នាក់ងារ USAID ប្រចាំក្រកម្ពុជាលើកឡើងដូច្នោះក្នុងជំនួបជាមួយរដ្ឋមន្រ្តីក្រសួងកសិកម្ម រុក្ខាប្រមាញ់ និងនេសាទ លោក វេង សាខុន នាឪកាសដែលបញ្ចប់បេសកកម្មនៅកម្ពុជា កាលពីថ្ងៃទី២៨ ខែមិថុនា។

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

លោកស្រីសង្ឃឹមថាសមិទ្ធផលនេះ និងគម្រោងកម្មវិធីបន្តបន្ទាប់ទៀតដែលទីភ្នាក់ងារ USAID គ្រោងនឹងជួយដល់កម្ពុជា ប្រាកដជាចូលរួមចំណែកធ្វើការអភិវឌ្ឍប្រទេសមួយនេះឲ្យមានការរីកចម្រើនប្រកបដោយចីរភាព និរន្តរភាព និងវិបុលភាពនាពេលអនាគត។

លោករដ្ឋមន្ត្រី វេង សាខុន បានសម្តែងនូវការគាំទ្រ និងស្វាគមន៍ចំពោះគម្រោង Cold Chain Logistic System ព្រោះវានឹងជួយលើកកម្ពស់ប្រសិទ្ធភាពផលិតកម្មបន្លែ ផ្លែឈើ ត្រី សាច់ឲ្យកាន់តែល្អប្រសើរជាជំហានៗផ្អែកទៅលើកស្តង់ដារផលិត វេចខ្ចប់ ថែក្សារ ដឹកជញ្ជូន និងដាក់តាំងបង្ហាញពិតប្រាកដមួយ ដែលត្រូវបានទទួលស្គាល់ទាំងក្នុងតំបន់ និងអន្តរជាតិ។

លោកបញ្ជាក់ថា នេះគឺជាគម្រោងដែលក្រសួងចង់បានដើម្បីលើកកម្ពស់គុណភាព សុវត្ថិភាពនៃផលិតផលកសិកម្ម បង្កើនផលិតកម្ម និងធានាគុណភាពកសិផល សុខមាលភាពសម្រាប់អ្នកបរិភោគ និងកំណើនតម្លៃបន្ថែម។

ជាមួយគ្នានេះ លោករដ្ឋមន្ត្រី បានស្នើសុំទៅទីភ្នាក់ងារ USAID ថារាល់គម្រោង ឬកម្មវិធីជំនួយគួរគិតពិចារណាលើគោលបំណងរបស់គម្រោងធ្វើយ៉ាងណាឲ្យស្របទៅតាមការវិវឌ្ឍន៍រីកចម្រើនទាំងសេដ្ឋកិច្ច និងសង្គម ពិសេសស្របតាមបរិបទនៃការរីករាលដាលជំងឺឆ្កងកូវិដ-១៩។

លោករដ្ឋមន្ត្រី និយាយថា រាល់គម្រោង ឬកម្មវិធីជំនួយឧបត្ថម្ភរបស់ទីភ្នាក់ងារ USAID បាននឹងកំពុងចូលរួមចំណែកយ៉ាងសំខាន់ក្នុងការអភិវឌ្ឍវិស័យកសិកម្មកម្ពុជាឲ្យមានការរីកចម្រើន ធានាបាននូវសន្តិសុខស្បៀង បង្កើនប្រាក់ចំណូល កែប្រែកម្រិតជីវភាព និងបង្កើនបរិមាណផលិតប្រកបដោយនិរន្តរភាព តាមរយ:ការអនុវត្តបច្ចេកវិទ្យាសមស្រប ទំនើបទាន់ សម័យ ធននឹងការប្រែប្រួលអាកាសធាតុ បរិយាប័ន្ន និងនវានុវត្តន៍ សំដៅឈានទៅសម្រេចឲ្យបាននូវចក្ខុវិស័យរបស់រាជរដ្ឋាភិបាល នាឆ្នាំ២០៣០ និង ២០៥០ និងជាពិសេសឈានជាជំហានៗ ឆ្ពោះទៅជាប្រទេសនាំចេញកសិផលទៅកាន់ទីផ្សារអន្តរជាតិ៕

The post លោកស្រី Veena Reddy ស្នើសុំទៅរដ្ឋាភិបាលអាមេរិកក្នុងចំនួនទឹកប្រាក់ ៣លានដុល្លារ យកមកអនុវត្តគម្រោងរបស់ក្រសួងកសិកម្ម appeared first on .

សូមចុច Subscribe Telegram oknha_news ដើម្បីទទួលបានព័ត៌មានគ្រប់​សកម្មភាព​ឧកញ៉ា​ អាជីវកម្ម ចែក​រំលែក ជោគជ័យ

សហគ្រិនស្ត្រីវ័យក្មេងនៅកម្ពុជានឹងទទួលបានអត្ថប្រយោជន៍ពីសេវាកម្មហិរញ្ញវត្ថុពិសេសដែលជាលទ្ធផលនៃការចុះហត្ថលេខាលើអនុស្សរណៈនៃការយោគយល់គ្នារវាងគម្រោងសហគ្រិននារីសកម្ម (WE Act) ដែលគាំទ្រថវិកាដោយទីភ្នាក់ងារជំនួយអាមេរិក USAID និងអនុវត្តដោយអង្គការផេក (Pact) និង ធនាគារ វីង (ខេមបូឌា) ម.ក ។

តាមរយៈការចុះអនុស្សរណៈនៃការយោគយល់គ្នានេះបានផ្តល់នូវសេវាកម្ម និងផលិតផលហិរញ្ញវត្ថុ ដែលមានតំលៃសមរម្យដើម្បីបង្កើនលទ្ធភាពទទួលបានហិរញ្ញប្បទានសម្រាប់សហគ្រិនស្ត្រីដែលមិនទាន់ទទួលបានសេវាហិរញ្ញវត្ថុគ្រប់គ្រាន់នៅកម្ពុជា ជាពិសេស សហគ្រិនស្ត្រីវ័យក្មេងដែលមានអាជីវកម្មខ្នាតមីក្រូ និងខ្នាតតូច ដែលច្រើនតែមិនត្រូវនឹងលក្ខខណ្ឌរបស់គ្រឹះស្ថានហិរញ្ញវត្ថុ ហើយបានរងផលប៉ះពាល់យ៉ាងធ្ងន់ធ្ងរពីវិបត្តិនៃជំងឺរាតត្បាតកូវីដ-១៩៕

The post សហគ្រិនស្ត្រីវ័យក្មេងនៅកម្ពុជានឹងទទួលបានអត្ថប្រយោជន៍ជាច្រើនពីសេវាកម្មហិរញ្ញវត្ថុ តាមរយៈធនាគារ វីង និងអង្គការផេក appeared first on .