នៅក្នុងឯកសារមួយដែលបានផ្ញើទៅកាន់ទីផ្សារហ៊ុនហុងកុង ក្រុមហ៊ុន Vanke បាននិយាយថា ២០២៤ គឺឆ្នាំដ៏ពិបាកខ្លាំងបំផុតរបស់ខ្លួន ហើយបានប្រកាសសុំទោសចំពោះការធ្វើឲ្យបាត់បង់ទំនុកចិត្តរបស់ក្រុមអ្នកវិនិយោគ ដែលបណ្តាលមកពីការធ្លាក់ចុះយ៉ាងខ្លាំងនៃការលក់ ការខាតបង់យ៉ាងច្រើន និងសម្ពាធលើសាច់ប្រាក់ងាយស្រួល ផងដែរ។

យោងតាមឯកសារផ្លូវការ បានបង្ហាញឲ្យដឹងថា កាលពីឆ្នាំមុន ក្រុមហ៊ុន Vanke បានកត់សម្គាល់ពីការខាតបង់ដ៏ធំបំផុតប្រចាំឆ្នាំជាលើកដំបូង ពោលគឺចាប់តាំងពីពួកគេត្រូវបានចុះបញ្ជីក្នុងឆ្នាំ១៩៩១ មក ដែលឈានដល់ចំនួនប្រមាណ ៦,៨ពាន់លានដុល្លារ ដោយទំហំនេះគឺលើសពីការប៉ាន់ស្មានពីមុនរបស់ក្រុមហ៊ុន ដែលមានចំនួនត្រឹម ៦,២ពាន់លានដុល្លារ។

ទន្ទឹមនឹងនេះ ប្រាក់ចំណូលសរុបរបស់ក្រុមហ៊ុនវិញ ក៏បានធ្លាក់ចុះដល់ទៅ ២៦% មកនៅត្រឹមចំនួនប្រមាណ ៤៧,៣ពាន់លានដុល្លារ បើធៀបទៅនឹងឆ្នាំ២០២៣។

យោងតាមក្រុមហ៊ុនស្រាវជ្រាវ CRIC បានឲ្យដឹងថា ក្រុមហ៊ុន Vanke ដែលចុះបញ្ជីនៅហុងកុង គឺជាកម្មសិទ្ធិមួយផ្នែកមួយរបស់រដ្ឋាភិបាលក្រុង Shenzhen និងជាក្រុមហ៊ុនអចលនទ្រព្យធំជាងគេលំដាប់ទីបួនរបស់ប្រទេសចិន ផ្នែកលើការលក់ កាលពីឆ្នាំមុន៕

The post ត្រឹមមួយឆ្នាំ ក្រុមហ៊ុនអចលនទ្រព្យខ្នាតយក្សចិនមួយ ប្រកាសខាតបង់ជិត ៧ពាន់លានដុល្លារ appeared first on .

យោងតាមក្រុមហ៊ុនឯកទេសផ្នែកអចលនទ្រព្យ CRIC បានបង្ហាញឲ្យដឹងថា Vanke គឺជាក្រុមហ៊ុនអភិវឌ្ឍដ៏ធំបំផុតលដាប់ទីពីរ នៅក្នុងប្រទេសចិនកាលពីឆ្នាំមុន​ ដែលទាក់ទងនឹងចំនួននៃការលក់។

ប៉ុន្តែទោះជាយ៉ាងណាក្រុមហ៊ុននេះ បានរាយការណ៍ពីការខាតបង់សុទ្ធរបស់ខ្លួនចំនួន ៩,៩ពាន់លានយ៉ន់ (១,៤ពាន់លានដុល្លារ) នៅក្នុងឆមាសទីមួយនៃឆ្នាំ២០២៤ ដែលបានបញ្ចប់កាលពីថ្ងៃ​ទី៣០ ខែមិថុនា។ នេះបើយោងតាមឯកសារផ្លូវការមួយរបស់ក្រុមហ៊ុនដែលបានដាក់ទៅកាន់ផ្សារហ៊ុនហុងកុង កាលពីថ្ងៃសុក្រម្សិលមិញ។

នៅក្នុង​ឯកសារដដែលនោះក្រុមហ៊ុន Vanke បាននិយាយថា ខ្លួនត្រូវការពេលវេលាបន្ថែមទៀតសម្រាប់ការស្ដារឡើងវិញនូវទំនុកចិត្តរបស់អ្នកស្រុក ក្នុងការទិញផ្ទះ ចំពេលទីផ្សារអចលនទ្រព្យរបស់ប្រទេសចិន នៅតែបន្តប្រឈមមុខនឹងបញ្ហាជាច្រើនដែលមិនធ្លាប់មានពីមុនមក ដែលជាហេតុធ្វើឲ្យក្រុមហ៊ុនអភិវឌ្ឍមួយចំនួនជិតឈាននដល់ការប្រកាសក្ស័យធន និងតម្លៃអចលនទ្រព្យបន្តធ្លាក់ចុះ ដែលបានរារាំងដល់ការវិនិយោគនៅក្នុងប្រទេស៕

The post ក្រុមហ៊ុនអចលនទ្រព្យកំពូលចិន Vanke ប្រកាសខាតលុយ ១,៤ពាន់លានដុល្លារ ក្នុងឆមាសទី១ appeared first on .