Virgin Galactic ទម្លាយតម្លៃសំបុត្រទៅទស្សនាលំហអាកាសក្នុងតម្លៃពិសេស លក់ជូនត្រឹម ១ ពាន់នាក់ប៉ុណ្ណោះ

ឧកញ៉ាសំពៅ — Wed, 16 Feb 2022 07:50:20 +0000

ក្រុមហ៊ុន Virgin Galactic គឺជាដៃគូប្រកួតប្រជែងជាមួយនឹងក្រុមហ៊ុន SpaceX របស់មហាសេដ្ឋី Elon Musk ក្នុងវិស័យផលិតយានអវកាស ឬអាចហៅបានថា ដំណើរកម្សាន្តបែបថ្មីលំដាប់អភិជន។

កន្លងមក ក្រុមហ៊ុន Virgin Galactic បានជោគជ័យក្នុងការបង្ហោះយានរបស់ពួកគេទៅកាន់លំហអាកាស ហើយថ្មីៗនេះលឺល្ហៀងៗមកថា បានទម្លាក់តម្លៃសំបុត្រសម្រាប់ភ្ញៀវដែលចង់បាននូវបទពិសោធន៍ថ្មីស្រឡាងមួយនេះ។

យោងទៅតាមការប្រកាសឲ្យដឹងពីក្រុមហ៊ុនផ្ទាល់ ការដាក់លក់សំបុត្រជាសាធារណៈនឹងធ្វើឡើងចាប់ពីថ្ងៃទី ១៦ កុម្ភៈតទៅ ខណៈកៅអីក៏មានកំណត់ផងដែរ ពោលគឺលក់ជូនត្រឹមតែ ១ ០០០ នាក់ប៉ុណ្ណោះ។

រីឯតម្លៃសំបុត្រវិញ គឺ ៤៥០ ០០០ ដុល្លារ ហើយប្រសិនបើអតិថិជនសម្រេចចិត្តច្បាស់ ក្រុមហ៊ុនតម្រូវឲ្យបង់ប្រាក់មុន ១៥០ ០០០ ដុល្លារ ស្របពេលការចំណាយ ៤៥០ ០០០ ដុល្លារ អតិថិជននឹងទទួលបានបទពិសោធន៍ជិះយានអវកាស ៩០ នាទី និងវត្ថុអនុស្សាវរីយជាច្រើនផងដែរ។

អ្វីដែលកាន់តែភ្ញាក់ផ្អើលនោះគឺ គ្រាន់តែប្រកាសតម្លៃសំបុត្រជាង ៤០ ម៉ឺនដុល្លារហើយ ភ្លាមភាគហ៊ុននៃក្រុមហ៊ុន Virgin Galactic បានលោតឡើងយ៉ាងខ្លាំងដល់ទៅ ៣០% បើធៀបនឹងមុនពេលប្រកាសបន្តិច។

បញ្ជាក់ដែរថា កាលពីឆ្នាំទៅ ក្រុមហ៊ុនមួយនេះបានលក់អស់ ១០០ សំបុត្រសម្រាប់ដំណើរកម្សាន្តទៅលំហអាកាសជាមួយនឹងតម្លៃដូចបានរៀបរាប់ ស្របពេលមានមនុស្សជាង ៧០០ នាក់សម្រុកនាំគ្នាកក់សំបុត្រសម្រាប់ជើងហោះហើរថ្មី ដែលក្នុងនោះក៏មាន Elon Musk ផងដែរ៕

ប្រភព: Yahoo

The post Virgin Galactic ទម្លាយតម្លៃសំបុត្រទៅទស្សនាលំហអាកាសក្នុងតម្លៃពិសេស លក់ជូនត្រឹម ១ ពាន់នាក់ប៉ុណ្ណោះ appeared first on .

ក្រុមហ៊ុន Virgin Galactic បង្កើនតម្លៃសំបុត្រមួយទ្វេជាពីរសេដ្ឋីៗណាចង់ឡើងទៅលេងទីអវកាស

ឧកញ៉ាសំពៅ — Wed, 11 Aug 2021 00:35:24 +0000

ការប្រកួតរវាងមហាសេដ្ឋី និងមហាសេដ្ឋីក្នុងដំណើរកម្សាន្តទៅកាន់លំហអាចសន្មតបានថាសេដ្ឋី Richard Branson បានយកឈ្នះ ស្ថាបនិកក្រុមហ៊ុន Amazon លោក Jeff Bezos ដោយសារយាន Virgin Galactic បានធ្វើការហោះហើរមុន Blue Origin។

បន្ទាប់ពីជោគជ័យដំណើរកម្សាន្តដ៏ព្រឺព្រួចបែបមហាសេដ្ឋីនេះ ក្រុមហ៊ុន Virgin Galactic បានប្រកាសលក់សំបុត្រដំណើរកម្សាន្តទៅកាន់លំហអាកាសសាជាថ្មី ដោយតម្លៃសំបុត្រលើកនេះគឺចាប់ពី ៤៥០ ០០០ ដុល្លារឡើងទៅ។

តម្លៃនេះគឺកើនទ្វេដង បើធៀបមុនពេល Richard ហោះហើរទៅទីអវកាសលើកទីមួយ ដែលកាលនោះសំបុត្រកក់ចន្លោះពី ២០ ទៅ ២៥ ម៉ឺនដុល្លារតែប៉ុណ្ណោះ។ ក្រុមហ៊ុនក៏ផ្ដល់ជាជម្រើសសម្រាប់អតិថិជនដូចជាមានកៅអីម្នាក់ឯង កៅអី ២ ជាប់គ្នាសម្រាប់គូស្នេហ៍ មិត្តភក្ដិ ឬគ្រួសារ និងជម្រើសអស្ចារ្យគឺ ម៉ៅផ្ដាច់មួយយានតែម្ដង។

យានអវកាសរបស់ Virgin គឺរចនាមកផ្ទុកបានចំនួនមនុស្ស ៦ នាក់ តែក្រុមហ៊ុនចេញមុខអះអាងថា បច្ចុប្បន្ន ៤ នាក់ក្នុងមួយយាន គឺជាចំនួនដែលក្រុមហ៊ុនកំណត់៕

ប្រភព: scmp

The post ក្រុមហ៊ុន Virgin Galactic បង្កើនតម្លៃសំបុត្រមួយទ្វេជាពីរសេដ្ឋីៗណាចង់ឡើងទៅលេងទីអវកាស appeared first on .

Virgin Galactic

Virgin Galactic ទម្លាយ​តម្លៃ​សំបុត្រ​ទៅ​ទស្សនា​លំហអាកាស​ក្នុង​តម្លៃ​ពិសេស លក់​ជូន​ត្រឹម ១ ពាន់​នាក់​ប៉ុណ្ណោះ

ក្រុមហ៊ុន Virgin Galactic បង្កើន​តម្លៃ​​សំបុត្រ​មួយ​ទ្វេ​ជាពីរសេដ្ឋីៗ​ណា​ចង់​ឡើង​ទៅ​លេង​ទី​អវកាស​​

Virgin Galactic ទម្លាយតម្លៃសំបុត្រទៅទស្សនាលំហអាកាសក្នុងតម្លៃពិសេស លក់ជូនត្រឹម ១ ពាន់នាក់ប៉ុណ្ណោះ

ក្រុមហ៊ុន Virgin Galactic បង្កើនតម្លៃសំបុត្រមួយទ្វេជាពីរសេដ្ឋីៗណាចង់ឡើងទៅលេងទីអវកាស