លោក Vivek Ramaswamy ដែលត្រូវបានជ្រើសរើសផ្ទាល់ដោយប្រធានាធិបតីជាប់ឆ្នោតរបស់អាមេរិក លោក ដូណាល់ ត្រាំ ឲ្យធ្វើជាសហប្រធានអង្គភាពជំរុញប្រសិទ្ធភាពការងាររដ្ឋាភិបាល (DOGE) រួមជាមួយមហាសេដ្ឋី Elon Musk នោះ ត្រូវបានគេរំពឹងថានឹងចាកចេញពីការិយាល័យក្នុងពេលឆាប់ៗ ដើម្បីផ្តោតលើយុទ្ធនាការរបស់ខ្លួនសម្រាប់ការងារជាអភិបាលរដ្ឋ Ohio ជំនួសវិញ ដែលនឹងត្រូវចាប់ផ្តើមនៅដើមឆ្នាំ២០២៥ នេះ។

យ៉ាងណាក៏ដោយ ពាក់ព័ន្ធជាមួយនឹងមូលហេតុចម្បងជុំវិញការចាកចេញពីអង្គភាពបង្កើតថ្មីនេះ លោក Ramaswamy ហាក់មិនទាន់ទម្លាយប្រាប់ឲ្យដឹងច្បាស់ជាងនេះនៅឡើយទេ ខណ:កន្លងមក វាត្រូវបានគេរាយការណ៍ថា ទំនាក់ទំនងរវាងអតីតបេក្ខជនប្រធានាធិបតីនៃគណបក្សសាធារណរដ្ឋ និងលោក Musk ហាក់មិនមានភាពចុះសម្រុងនឹងគ្នាឡើយ។

គួរឲ្យដឹងផងដែរថា ប្រសិនបើលោក Ramaswamy ចាកចេញទៅ នោះមហាសេដ្ឋី Elon Musk នឹងក្លាយជាអ្នកដឹកនាំតែមួយគត់របស់ DOGE ដែលជាអង្គភាពទទួលខុសត្រូវក្នុងការជំរុញប្រសិទ្ធភាពការងាររដ្ឋាភិបាលសហរដ្ឋអាមេរិក។

ជម្រាបជូនថា តំណែងជាមេអ្នកដឹកនាំ DOGE នេះ គឺជាការសន្យាយុទ្ធនាការដែល ត្រាំ បានធ្វើឡើងជាពិសេសសម្រាប់លោក Musk ។ ក្រុមប្រឹក្សាភិបាលនេះ ត្រូវបានគេសន្មត់ថា នឹងចូលរួមផ្តល់ដំបូន្មាន និងការណែនាំពីខាងក្រៅរដ្ឋាភិបាល លើកិច្ចខិតខំប្រឹងប្រែងដើម្បីសម្រួលប្រព័ន្ធ កាត់បន្ថយបទប្បញ្ញត្តិ កាត់បន្ថយការចំណាយ និងរៀបចំរចនាសម្ព័ន្ធទីភ្នាក់ងារសហព័ន្ធឡើងវិញ៕

The post មហាសេដ្ឋី Elon Musk អាច​ដឹកនាំ​អង្គភាពប្រសិទ្ធភាព​រដ្ឋាភិបាលតែម្នាក់ឯង ក្រោយលោក Ramaswamy ប្រកាសដើរចេញ appeared first on .

យោងតាមការចុះផ្សាយពីសារព័ត៌មាន Bloomberg បានបង្ហាញថា បេក្ខភាពតំណាងគណបក្សសាធារណរដ្ឋរូបនេះ បានលក់ភាគហ៊ុនផ្ទាល់ខ្លួន ៣លានហ៊ុន ដោយក្នុងមួយហ៊ុនតម្លៃ ១១,០៥ដុល្លារ ហើយបច្ចុប្បន្នលោកនៅសល់ភាគហ៊ុនប្រហែល ៥២លានហ៊ុនទៀត។

រំលឹកបន្តិចថា កាលពីខែកុម្ភៈឆ្នាំមុន មហាសេដ្ឋី Ramaswamy ក៏ធ្លាប់លក់ភាគហ៊ុនដ៏ច្រើនបែបនេះ និងទទួលបានទឹកប្រាក់ជិត ៣២លានដុល្លារ ហើយក៏បានប្រកាសប្រឡូកនៅក្នុងឆាកនយោបាយក្នុងពេលជាមួយគ្នានោះផងដែរ។

សូមជម្រាបដែរថា បើទោះជាលោក Ramaswamy ទើបនឹងប្រឡូកនៅក្នុងឆាកនយោបាយ ជាមួយបទពិសោធន៍តិចតួចក្ដី ប៉ុន្តែលោកគឺជាបេក្ខភាពប្រធានាធិបតីអាមេរិក ដែលមានប្រជាប្រិយភាពបំផុតមួយរូប សម្រាប់ប្រជាពលរដ្ឋអាមេរិក៕

The post បេក្ខភាពប្រធានាធិបតីអាមេរិក លក់ភាគហ៊ុនប្រមូលលុយបានជាង ៣៣លានដុល្លារ appeared first on .

មានឈ្មោះជាបេក្ខភាពប្រជែងតំណែងប្រធានាធិបតីអាមេរិក៏ពិតមែន ប៉ុន្តែអ្នកជំនួញវ័យ ៣៨ឆ្នាំ មិនដែលមានបទពិសោធន៍ទាល់តែសោះ សម្រាប់ការប្រឡូកលើឆាកនយោបាយ ពោលជំនាញ​តែខាងរកស៊ីប៉ុណ្ណោះ។ នេះបើតាមការចុះផ្សាយពីសារព័ត៌មាន Businessinsider។

សេដ្ឋីប្រាក់វ៉ាល់លានដុល្លារម្នាក់នេះ ក៏ធ្លាប់មានប្រវត្តិតស៊ូមិនធម្មតា ដោយលោកគឺជាកូនប្រុស​របស់ជនភៀសខ្លួនឥណ្ឌា ប៉ុន្តែឆ្លាត និងជោគជ័យខ្លាំងលើការសិក្សា ដោយបានចូលរៀន​នៅសាកលវិទ្យាល័យកំពូល Harvard ថែមទៀត។

លោកបានបញ្ចប់ការសិក្សានៅវិទ្យាល័យ St. Havier High School ដោយមានពិន្ទុខ្ពស់ដាច់គេ និងធ្លាប់ជាកីឡាករវាយកូនបាល់ លំដាប់ថ្នាក់ជាតិផ្នែកយុវជនផងដែរ។

ចូលរៀននៅសកលវិទ្យាល័យ Havard លោកបានចាប់យកជំនាញជីវវិទ្យា និងឆ្លៀតបង្កើតអាជីវកម្មមួយកាលពីឆ្នាំ ២០០៧ ដែលមានឈ្មោះថា StudentBusinesses.com ដែល​ផ្ដល់ភាពងាយស្រួលដល់​សហគ្រិនក្មេងៗ ក្នុងការស្វែងរកព័ត៌មាន និងក្រោយមកត្រូវបានទិញយកដោយក្រុមហ៊ុន Ewing Marion Kauffman Foundation ក្នុងឆ្នាំ២០០៩។

ពីឆ្នាំ២០០៧ ដល់២០១៤ លោកបានធ្វើការនៅស្ថាប័ន QVT Financial ហើយដោយសារភាពវ័យ​ឆ្លាត​លើការធ្វើពាណិជ្ជកម្ម គួបផ្សំនឹងចំណេះដឹងលើផ្នែកឱសថផង Ramaswamy បានក្លាយជាដៃគូពាណិជ្ជកម្មជាមួយក្រុមហ៊ុនមួយនេះ ត្រឹមវ័យ២៨ឆ្នាំប៉ុណ្ណោះ។

ក្រោយពីសម្រេចចិត្តឈប់ធ្វើការនៅ QVT Financial នៅឆ្នាំ២០១៤ បុរសកូនកាត់ម្នាក់នេះ ចាប់ផ្ដើមបើកជំនួញផ្ទាល់ខ្លួន លើផ្នែកលក់ឱសថ ដោយដាក់ឈ្មោះក្រុមហ៊ុនថា Roivant និងទទួលបានការវិនិយោគពីអតីតមិត្តរួមការងារ ប្រមាណ ៩៣លានដុល្លារ។

គោលបំណងនៃការបង្កើត Roivant គឺដើម្បីផលិតឱសថ ដែលក្រុមហ៊ុនផ្សេងៗបោះបង់ចោល ហើយចាប់ផ្ដើមដំបូង មានតែបុគ្គលិក ១០នាក់ប៉ុណ្ណោះ ប៉ុន្តែបន្ទាប់ពីទទួលបានការវិនិយោគ​ពី SoftBank Vision Fund ក្រុមហ៊ុនមួយនេះបានផ្ទុះខ្លាំងនៅក្នុងឆ្នាំ២០១៧។

ក្រោយមក Ramaswamy ត្រូវបានទស្សនាវដ្ដី Forbes ជ្រើសរើសជាសហគ្រិនមានបំផុតមួយរូប ប្រចាំសហរដ្ឋអាមេរិក ដែលមានវ័យក្រោម៤០ឆ្នាំ ខណៈបច្ចុប្បន្នបុរសម្នាក់នេះមានទ្រព្យសម្បត្តិ​ប្រហែល ៩៥០លានដុល្លារ។

នៅឆ្នាំ២០២១ លោក Ramaswamy បានលាលែងពីតំណែងជា CEO នៃក្រុមហ៊ុន Roivant ក្រោម​ហេតុផលថា លោកចង់ផ្ដោតអារម្មណ៍លើការសរសេរសៀវភៅ និងប្រឡូកលើឆាកនយោបាយ​វិញម្ដង។

ថ្វីបើអតីតអ្នកជំនួញកូនកាត់ម្នាក់នេះ មិនមានបទពិសោធន៍លើឆាកនយោបាយក្ដី ប៉ុន្តែលោកគឺ​ជាបេក្ខភាពប្រធានាធិបតីអាមេរិក លេចធ្លោរបំផុតទី០៦ ក្នុងចំណោមបេក្ខភាព ១០រូប ខណៈគោលនយោបាយរបស់លោកផ្ដោតសំខាន់លើការអភិរក្សនិយម៕

The post អ្នកជំនួញកូនកាត់ឥណ្ឌាម្នាក់ក្លាយជាបេក្ខភាពប្រធានាធិបតីអាមេរិក ទាំងគ្មានបទពិសោធន៍លើឆាកនយោបាយ appeared first on .