ដើម្បីរៀបចំការភ្ញៀវទេសចរណ៍របស់វានាខ្នាតយក្សនេះ រដ្ឋបាលខេត្តព្រះសីហនុ កាលពីថ្ងៃទី១១ ខែធ្នូ ឆ្នាំ២០២៣ បើកកិច្ចប្រជុំផ្នែកពាក់ព័ន្ធត្រៀមរៀបចំទទួលការមកដល់របស់នាវាទេសចរណ៍ WESTERDAM ដែលនឹងមកដល់ខេត្តព្រះសីហនុ នាថ្ងៃទី២៨ ខែធ្នូ ឆ្នាំ២០២៣ និងមានអ្នកដំណើរសរុបប្រមាណ ៣៥០០នាក់។

សូមជម្រាបជូនថា នាវា​ Westerdam ធ្លាប់បានចូលចតនៅ​កម្ពុជាម្តងមកហើយ កាលពីខែកុម្ភៈ ឆ្នាំ២០២០ ដោយ​ផ្ទុក​អ្នកដំណើរ ១៤៥៥នាក់ និង​សមាជិក​នាវិក ៨០២នាក់ បន្ទាប់ពីប្រទេសមួយចំនួនមិនឲ្យអនុញ្ញាតិឲ្យចូលចត ដោយសារតែការភ័យខ្លាចពីការឆ្លងជំងឺកូវីដ-១៩ ទោះបីជានាវានោះអះអាងថា​មិនមានអ្នក​ដំណើរ​ណា​មួយមានឆ្លងជំងឺនេះក៏ដោយ ដែលធ្វើឱ្យនាវាប្រឈមនឹងការខ្វះស្បៀង ទឹក និងប្រេង។

ការមកដល់របស់ភ្ញៀវទេសចរណ៍នាវា Westerdam នៅពេលនោះ ប្រមុខរាជរដ្ឋាភិបាលកម្ពុជា សម្ដេចតេជោ ហ៊ុន សែន អតីតនាយករដ្ឋមន្ត្រី បានអញ្ជើញទទួលបដិសណ្ឋារកិច្ចស្វាគមន៍ ដែលបានតែលតោលនៅលើសមុទ្រ អស់រយៈពេលពីរសប្តាហ៍កន្លងមក ដោយសារប្រទេសមួយចំនួន មិនអនុញ្ញាតឱ្យចូលចត។

ការអនុញ្ញាតឱ្យនាវា Westerdam ដែលមានអ្នកទេសចរ ១,៤៥៥នាក់ និងសហនាវិក ៨០២នាក់ទៀតចូលចតនេះ សម្ដេចតេជោនាយករដ្ឋមន្ត្រីនាពេលនោះទទួលការស្ញប់ស្ញែង និងវាយតម្លៃខ្ពស់បំផុតពីអ្នកដំណើរនៅលើនាវា ប្រធានាធិបតីអាមេរិក លោក ដូណាល់ ត្រាំ ព្រមទាំងបណ្តាប្រទេស ដែលមានជនជាតិខ្លួននៅលើនាវា និងមេដឹកនាំអង្គការអន្តរជាតិជាច្រើនផ្សេងទៀត។

ការសម្រេចចិត្តរបស់សម្តេចតេជោ ហ៊ុន សែន ក្នុងការជួយសង្គ្រោះមនុស្សលើនាវានេះ នាំឱ្យមនុស្សជាតិលើពិភពលោក បានកោតសរសើរកម្ពុជាថា ជាជាតិសាសន៍មួយពោរពេញដោយបេះដូងមនុស្សធម៌ «កម្ពុជាជាប្រទេសតូច តែបេះដូងធំ»៕

The post នាវាខ្នាតយក្ស​ Westerdam របស់អាមេរិកនឹងដឹកអ្នកដំណើរសរុប ៣៥០០នាក់មកទស្សនាខេត្តព្រះសីហនុ​ appeared first on .

អត្ថន័យបទចម្រៀង ” WESTERDAM THANK YOU CAMBODIA” នេះដែរនិយាយរៀបរាប់​អំពីថ្ងៃ​១៣​ កុម្ភៈ ឆ្នាំ២០២០ ដែលកូនខ្មែរ និង បណ្ដាប្រទេសនៅជុំវិញពិភពលោក​ចងចាំមិនភ្លេច​ដែលនាវា Westerdam ផុតកម្មពីជំងឺភ័យ ដោយសារសមុទ្រកម្ពុជាបើកជំហរផ្ដល់ក្ដីសង្ឃឹមថ្មីចម្រុះ​ជាតិសាសន៍​ឲ្យចូលចត។ ចំណែកឯថ្ងៃ១៤ កុម្ភៈវិញបានបញ្ជាក់ក្ដីស្រឡាញ់ទេសចរណ៍ជាង២ពាន់នាក់ទះដៃ​រំភើប​អបអរ​អគុណ​ដល់កម្ពុជាបិតាសន្តិភាពខេមរា ក្រោមការដឹកនាំរបស់សម្ដេចអគ្គ​មហាសេនា​បតីតេជោ ហ៊ុន សែន ដោយមិនប្រកាន់ឬ រើសអើងពូជសាសន៍ដទៃក្នុងពេលជួបគ្រោះភ័យអាសន្ន។

ចំពោះអត្ថន័យបទចម្រៀង “WESTERDAM THANK YOU CAMBODIA” ទទួលបានកោតសរសើរ និងគាំទ្រយ៉ាងខ្លាំងពីសំណាក់ពុកម៉ែបងប្អូន និងមហាជនគ្រប់មជ្ឈដ្ឋានដោយពួកគាត់បានលើក​ឡើង​ថា ក្រៅពីកាន់កម្មវិធី “ចម្រៀងគ្រួសារខ្មែរ” ឲ្យល្បីល្បាញមានតារាចម្រៀងល្បីៗ​ចូល​រួមច្រើន​ហើយនោះលោក អ៊ុក ណារីម និង និងអ្នកនាង ឆោម ឆពុំ ឆ្លៀតដាក់មួយបទខាងលើ​ទម្លុះបេះ​ដូង​កូន​ខ្មែរ​ឲ្យចងចាំមិនភ្លេចទៀតក្នុងព្រឹត្តិការណ៍១៣ កុម្ភៈ៕

The post ករណី​ នាវា Westerdam អ៊ុក ណារីម និង ឆោម ឆពុំ ចេញ​បទ​ចម្រៀង​១​បទ ចាក់ដោត​​បេះដូងខ្មែរ​គ្រប់​​រូប​ appeared first on .

ក្រោយពីបានពិនិត្យសុខភាពយ៉ាងហ្មត់ចត់ទៅលើអ្នកទេសចរមួយចំនួនដែលគ្មានសញ្ញាវិជ្ជមាននៃមេរោគកូវីដ១៩ (កូរ៉ូណា)នៅពេលនេះ រាជរដ្ឋាភិបាលកម្ពុជាបានអនុញ្ញាតអោយអ្នកទេសចរចំនួន ៥០០ នាក់បានមកស្នាក់នៅបណ្តោះអាសន្ននៅសណ្ឋាគារសុខាទីក្រុងភ្នំពេញ ដើម្បីរៀបចំសំបុត្រយន្តហោះចេញពីកម្ពុជាឆ្ពោះទៅកាន់ប្រទេសកំណើតពួកគេវិញ។

ទន្ទឹមនឹងនេះដែរ សម្តេចតេជោនាយករដ្ឋមន្រ្តី បានផ្តល់យោបល់អោយ សាលាក្រុងភ្នំពេញសហការជាមួយក្រសួងសុខាភិបាល និងស្ថាប័នពាក់ព័ន្ធរៀបចំរថយន្តដឹកអ្នកទេសចរដែលកំពុងស្នាក់នៅទីក្រុងភ្នំពេញបានទស្សនារាជធានីភ្នំពេញ ដែលល្អប្រសើរជាងទុកពួកគេអោយរស់នៅតែក្នុងបន្ទប់សណ្ឋាគារពោរពេញដោយអារម្មណ៍តប់ប្រម៉ល់ភ័យខ្លាច ដែលពួកគេអាចយកពេលវេលារង់ចាំនេះ បានលំហែអារម្មណ៍សប្បាយរីករាយនៅក្នុងរាជធានីភ្នំពេញ ហើយបានស្គាល់ប្រទេសនិងប្រជាពលរដ្ឋខ្មែរយើងកាន់តែច្រើនថែមទៀត។

ដើម្បីបង្ហាញពីក្តីស្រឡាញ់ ភាពកក់ក្តៅ និងបេះដូងមនុស្សធម៌ពិតរបស់កម្ពុជាចំពោះភ្ញៀវទេសចរទាំងអស់ មកពីនាវា MS Westerdam សម្តេចតេជោ ហ៊ុន សែន មានបំណងនឹងរៀបចំពិធីជប់លៀងជូនពួកគេទៀតផង ហើយសម្តេចតេជោក៏គ្រោងនឹងអញ្ជើញមន្រ្តីតំណាងទូតនៃប្រទេសនីមួយដែលមានពលរដ្ឋរបស់ខ្លួនកំពុងជាប់នៅកម្ពុជាក្នុងនាវាទេសចរណ៍នេះ មានឱកាសបានមកជួបសួរសុខទុក្ខ និងចូលរួមរកមធ្យោបាយផ្សេងៗដើម្បីជួយពលរដ្ឋខ្លួនអោយឆាប់បានវិលត្រឡប់ទៅកាន់ប្រទេសកំណើតវិញ។

ពិតណាស់ ចំពោះនាវាទេសចរណ៍ដែលមានអ្នកធ្វើដំណើរជាង ២០០០នាក់ ដែលបានមកដល់ទីសុវត្ថិភាពក្នុងទឹកដីកម្ពុជាហើយ សម្តេចតេជោ ហ៊ុន សែន បានមានប្រសាសន៍បញ្ជាក់ច្បាស់ណាស់ថា បើសាម៉ីប្រទេសគេមិនទទួលខុសត្រូវទេ គឺកម្ពុជានឹងបន្តមើលថែពួកគេរហូតដល់ថ្ងៃបានវិលត្រឡប់ទៅកាន់ប្រទេសកំណើតវិញ៕

អត្ថបទ និងរូបថត៖ ហ្វេសប៊ុកសម្តេច ហ៊ុន សែន

The post សម្តេចតេជោ ហ៊ុន សែនគ្រោង​​រៀបចំពិធីជប់លៀងជូនភ្ញៀវទេសចរដែលជាប់ក្នុងនាវា MS Westerdam អោយបានស្គាល់​បេះ​ដូង​មនុស្សធម៌កម្ពុជាពិត appeared first on .

ការអញ្ជើញទទួលស្វាគមន៍ នាវាទេសចរណ៍ដ៏ធំមួយនេះ ធ្វើឡើងក្នុងគោលបំណងមនុស្សធម៌ ទឹកចិត្តសណ្តោសប្រណីមិនរើសអើងពូជសាសន៍ ជួយគ្នាក្នុងគ្រាមានអាសន្ន ជាពិ​សេស​​ដើម្បីផ្ដល់ក្តីស្រឡាញ់ ជំនឿទុកចិត្ត ភាពកក់ក្តៅដល់អ្នកធ្វើដំណើរលើនាវារួមមានទាំងមនុស្សចាស់ ស្ត្រី និងកូនក្មេងដែលកំពុងជាប់នៅក្នុងនាវាដ៏ធំនេះកុំឲ្យភ័យតក់ស្លុតអស់សង្ឃឹម។

សូមបញ្ជាក់ជូនថាដើម្បីធានាសុវត្ថិភាពទាំងអស់គ្នា មន្ត្រីជំនាញរបស់ក្រសួងសុខាភិបាលកម្ពុជា បានធ្វើការពិនិត្យអាការសុខភាព របស់អ្នកដំណើរទាំងអស់មុនពេលអនុញ្ញាតអោយ​​ចេញក្រៅនាវា និងបន្តដំណើរ តាមរថយន្ត Bus រួចឡើងយន្តហោះ នៅអាកាស​យាន​ដ្ឋាន កេងកង ទៅកាន់ប្រទេសគោលដៅ។ ក្រៅពីនេះពួកគេអាចមានជម្រើសបន្តដើរ​ទស្សនកិច្ច នៅខេត្តព្រះសីហនុ ឬខេត្តសៀមរាបបន្តទៀតបាន ដោយមានឯកឧត្តម ទេស​រដ្ឋមន្ត្រី ស៊ុន ចាន់ថុល និងឯកឧត្តម គួច ចំរើន ជាអ្នកសម្របសម្រួលចាត់ចែង។ សម្តេចតេជោបានបន្ថែមទៀតថា នាវានេះអាចបន្តស្នាក់នៅពី៥ថ្ងៃ ឬរហូតដល់មួយខែទៀត ដោយមិនមានគិតកម្រៃសេវាអ្វីទាំងអស់។

ថ្លែងទៅកាន់ក្រុមអ្នកទេសចរណ៍នាឱកាសនោះ សម្ដេចនាយករដ្ឋមន្ត្រី បានអំពាវនាវដល់បងប្អូនប្រជាពលរដ្ឋនៅទីនោះកុំឱ្យមានការភ័យខ្លាច ចំពោះការឆ្លងជំងឺរហូតដល់តក់ស្លុតភ័យខ្លាចហួសហេតុ និងសូមចូលរួមក្នុងសកម្មភាពមនុស្សធម៌ផងដែរ។

សម្ដេចនាយករដ្ឋមន្ត្រីបានគូសបញ្ជាក់ផងដែរថា កម្ពុជាមិនមានទ្រព្យសម្បត្តិច្រើនដូចប្រទេសផ្សេងទេ ប៉ុន្តែកម្ពុជាមានទឹកចិត្តក្នុងការចូលរួមសាមគ្គី និងសហការប្រកបដោយស្មារតីទទួលខុសត្រូវខ្ពស់ជាមួយសហគមអន្តរជាតិក្នុងការដោះស្រាយបញ្ហាសកល៕

The post អ្នកដំណើរលើនាវា Westerdam មួយចំនួន បន្តដំណើរ ទៅកាន់ប្រទេស​គោលដៅ មួយចំនួនទៀត អាចដើរកម្សាន្តនៅ ខេត្តព្រះសីហនុ ឬ តសៀមរាប ដោយមិនមានគិតកម្រៃសេវាអ្វីទាំងអស់ appeared first on .

ការ​អនុញ្ញាតឲ្យចូលចតនៅកំពង់ផែ ក្រុងព្រះសីហនុ ​នេះ បន្ទាប់ពីបរាជ័យក្នុងសុំប្រទេស និងកោះសរុបចំនួន៦ ចូលចត ប៉ុន្តែត្រូវគេបដិសេធ ។

​តាម​Facebook ផ្លូវការរបស់ក្រុមហ៊ុន Holland America Line បានបង្ហោះដំណឹងដ៏រីករាយនេះប្រាប់ដល់ពិភពលោក និងអ្នកធ្វើដំណើរទាំងអស់ក្នុងនាវាថា កម្ពុជាបានអនុញ្ញាតឲ្យចូលចតនៅកំពង់ផែ ក្រុងព្រះសីហនុ បន្ទាប់ពីបរាជ័យក្នុងសុំប្រទេស និងកោះសរុបចំនួន៦ ចូលចត ប៉ុន្តែត្រូវគេបដិសេធ ។

អាជ្ញាធរកម្ពុជានឹងសម្របសម្រួលគ្រប់និតីវិធីទាំងអស់ ទាំងការត្រួតពិនិត្យសុខភាពនៅលើកប៉ាល់, មិនយកថ្លៃ Visa និងសេវាផ្សេងៗ ដែលទាំងនេះបង្ហាញទឹកចិត្ត ដ៏ប្រពៃបំផុតរបស់​ប្រមុខ​រាជ​រដ្ឋា​ភិបាល​កម្ពុជា សម្តេចតេជោ ហ៊ុន សែន ចំពោះផ្នែកកិច្ចការមនុស្សធម៌ និងគ្មានការរើសអើង​ពូជសាសន៍​ប្រទេសដទៃនោះទេ។ ក្រៅពីនោះអាជ្ញាធរនឹងចែកក្រមាដល់អ្នកដំណើរ​ទាំង​អស់នោះផងដែរ។

លោក W. Patrick Murphy អគ្គរដ្ឋទូតសហរដ្ឋអាមេរិកប្រចាំនៅកម្ពុជា បានបង្ហោះសារមួយ​តាម​បណ្តាញ​សង្គម Twitter ដោយសូមអរគុណ និងកោតសរសើរយ៉ាង​ខ្លាំង​ចំពោះទឹកចិត្តរាជរដ្ឋាភិបាល​កម្ពុជា ដែលបានអនុញ្ញាតជួយឱ្យកប៉ាល់ខ្នាតយក្ស Westerdam ដែល​មានមូលដ្ឋាន​នៅ​សហរដ្ឋអាមេរិក ដែលកំពុងវិលវល់នោះចូលចតនៅកំពង់ផែ ខេត្តព្រះសីហនុ នៅព្រឹកថ្ងៃទី១៣ ខែកុម្ភៈ ឆ្នាំ២០២០នេះ។

បើតាមលោកអគ្គរដ្ឋទូត, អ្នកនៅលើកប៉ាល់នោះក៏មានពលរដ្ឋអាមេរិកជាច្រើននាក់ផងដែរ។ ហើយ​តាមសេចក្តីរាយការណ៍កប៉ាល់បានឲ្យដឹងថា មិនមាននរណាម្នាក់ផ្ទុកមេរោគកូរ៉ូណាថ្មីនោះទេ ដែលត្រូវបានត្រួតពិនិត្យ និងធ្វើតេស្តដោយគ្រូពេទ្យនៅលើកប៉ាល់នេះតែម្តង។

សូមបញ្ជាក់ថា រាជរដ្ឋាភិបាលកម្ពុជា បានអនុញ្ញាតឲ្យនាវាទេសចរណ៍ខ្នាតយក្សដែល​មានម្ចាស់​ជាជនជាតិហូឡង់កាត់អាមេរិក និងមានមូលដ្ឋាននៅសហរដ្ឋអាមេរិក ដែលផ្ទុកមនុស្ស​ជាង​២២០០​នាក់ ចូលសំចតនៅ កំពង់ផែខេត្តព្រះសីហនុរបស់កម្ពុជា ក្រោយពីប្រទេស និងកោះ​សរុប​ចំនួន៦ បដិសេធមិនឲ្យនាវាដ៏ធំមួយនេះចូលចត ដោយសារភ័យខ្លាច​អ្នកដំណើរ​មាន​ផ្ទុក​វីរុស​កូរ៉ូណា​ថ្មី។ ការអនុញ្ញាតឲ្យចូលចតនេះធ្វើឡើង បន្ទាប់ពីមានការធានាច្បាស់លាស់​ពីអ្នកគ្រប់គ្រង​នា​វាទេសចរណ៍ Westerdam ថា មនុស្សទាំងអស់លើកប៉ាល់មិនមានអ្នកណាម្នាក់ ផ្ទុកវីរុសកូរ៉ូណាថ្មី ឬ Covid-19 នោះទេ។

សម្តេចតេជោ ហ៊ុន សែន បានមានប្រសាសន៍ឆ្លើយតបថា «ហេតុអ្វីត្រូវសម្រេចអនុញ្ញាតឲ្យនាវា​នេះ​ចូលចត តើត្រូវឲ្យពួកគេទៅណា បើគេបានបិទអស់ហើយ, ដូចដែលខ្ញុំបាននិយាយហើយថា ជំងឺ​ពិតប្រាកដគឺភាពភ័យខ្លាច មិនមែនជាជំងឺកូរ៉ូណានោះទេ។ ការអនុញ្ញតឲ្យចូលនេះបង្ហាញពីការលុប​បំបាត់នូវ​ជំងឺភ័យខ្លាច ដែលកំពុងកើតមាននៅលើពិភពលោកយើងនេះ ហើយកម្ពុជាគ្មាន​ឡើយ​ការ​រើស​អើង​ពូជសាសន៍ ត្រូវតែចូលរួមសង្រ្គោះក្នុងកិច្ចការមនុស្សធម៌ ខណៈពួក​គេ​កំពុង​ជួប​គ្រោះ​អាសន្ន»។ «យើងត្រូវសហការគ្នា ទាំងអ្នកជាប់នៅលើនាវា ដើម្បីជួយសង្រ្គោះដោយមិនខ្វល់ពីជាតិសាសន៍ ទោះ​បីជាតិសាសន៍ណាក៏ដោយ កិច្ចការនេះបង្ហាញពីការងារ មនុស្សធម៌ដ៏ប្រពៃ និងសណ្តានចិត្ត​របស់​កម្ពុជាសម្រាប់មនុស្សលើពិភពលោក ក្នុងការយកអាសារសម្រាប់ជាតិសាសន៍ដទៃ។

បើគេមិនទទួលកម្ពុជាទទួល, កម្ពុជាក៏ចង់បង្ហាញថា កម្ពុជាមិនមែនគ្រាន់តែសហការជាមួយចិន​នោះ​ទេ គឺធ្វើជាមួយគ្រប់ជាតិសាសន៍ទាំងអស់ ព្រោះបញ្ហានេះវាក្លាយជាបញ្ហាប្រឈម ជា​សកលរួច​ទៅ​ហើយ និងម្យ៉ាងទៀតបញ្ហាមនុស្សធម៌ក៏គ្មានព្រំដែនដែរ។ យើងត្រូវតែជួយពួកគេនៅពេលដែលពួកគេសុំឱ្យយើងជួយ យើងត្រូវតែជួយគេប្រកប ដោយ​ស្មារតីទទួលខុសត្រូវ», នេះជាប្រសាសន៍របស់សម្តេចតេជោ ហ៊ុន សែន បញ្ជាក់បន្ថែមយ៉ាងដូច្នេះ។

នៅព្រឹកថ្ងៃទី១៣ ខែកុម្ភៈ ឆ្នាំ២០២០នេះ ក្រុមការងារចម្រុះ របស់កម្ពុជា រួមមាន​ទាំង​មន្ត្រីន​គរបាល​ច្រកទ្វារ ថ្នាក់ដឹកនាំខេត្តព្រះសីហនុ ថ្នាក់​ដឹកនាំកំពង់ផែស្វយ័ត ក៏ដូចជាមន្ត្រីក្រសួងសុខាភិបាល និង​មន្ទីរសុខាភិបាលខេត្តព្រះសីហនុ បាន​ចុះទៅយកសំណាកនៅលើនាវាទេសចរណ៍ ឈ្មោះ Westerdam ដើម្បី​ត្រួតពិនិត្យ​យ៉ាង​យក​ចិត្ត​ទុកដាក់ នៅលើនាវានោះ ជាមុនសិន មុន​នឹង​អនុញ្ញាត​ឱ្យ​មនុស្សនៅលើនាវា នោះ ឡើង​មក​លើ​ច្រាំង ដើម្បី​ធានា​ថា​មិន​មាន​អ្នក​ណា​ម្នាក់​ឆ្លង​នូវវីរុស ខូវីន-១៩។

The post នាវា Westerdam ចូលចតកំពង់​ផែ​​​ហើយ អាជ្ញាធរកម្ពុជា ទទួល​ស្វាគមន៍​ នឹង ​ប្រុងប្រយ័ត្ន​ខ្ពស់​ appeared first on .