បុរសវ័យ ៥៨ឆ្នាំរូបនេះ កើតនៅថ្ងៃទី៧ ខែសីហា ឆ្នាំ១៩៦៦ ក្នុងទីក្រុង Huntsville រដ្ឋ Alabama ដោយធំធាត់ក្នុងគ្រួសារដែលសង្វាតលើការសិក្សារៀនសូត្រ និងការអប់រំ ព្រោះមានឳពុកជាអ្នកគ្រប់គ្រងហាងលក់គ្រឿងទេស ខណៈម្តាយវិញបើកសាលារៀនគួរនៅផ្ទះ ខណៈសវតាទាំងនេះហើយ ទើបធ្វើឲ្យលោកមានមូលដ្ឋានគ្រឹះក្នុងការសិក្សាយ៉ាងរឹងមាំ ព្រមទាំងបណ្តុះគំនិតឲ្យលោកស្រឡាញ់ការរៀនសូត្រ។

តាមរយៈខ្សែវីដេអូខ្លីមួយរបស់ Nas Daily បានឲ្យដឹងថា មូលហេតុចម្បងដែលនាំឲ្យលោកមានគោលគំនិតបង្កើតនូវវេបសាយ Wikipedia មិនរកប្រាក់ចំណេញនេះឡើងមក ក៏ដោយសារតែពេលនៅកុមារភាព ខ្លួនចូលចិត្តរៀនសូត្រខ្លាំងណាស់ ហើយពេលអានសៀវភៅម្តងៗ សៀវភៅទាំងនោះពុំបានផ្តល់នូវព័ត៌មានឲ្យបានគ្រប់គ្រាន់ គ្រប់ជ្រុងជ្រោយ និងទាន់តាមការអាប់ឌែតឡើយ។ ២០ឆ្នាំក្រោយមក ពេលដែលវត្តមានអ៊ិនធឺណេតចូលមកដល់ លោកក៏មានគំនិតមួយចង់ឲ្យចំណេះដឹងទាំងអស់នៅលើពិភពលោក ស្ថិតនៅលើអ៊ិនធឺណេត ហើយនោះក៏កើតឡើងបានជា Wikipedia ។

សូមជម្រាបជូនថា Wikipedia ជាគេហទំព័រដែលមានអ្នកចូលតាមដាន ឆែកព័ត៌មានច្រើនជាងគេលំដាប់ទី៦ បន្ទាប់ពី Google, YouTube, Facebook, X, និង Instagram ក៏ប៉ុន្តែផ្ទុស្រឡះនឹងគេហទំព័រ ឬបណ្តាញសង្គមដ៏ទៃទាំងនោះ Wikipedia មិនមែនជាស្ថាប័នរកប្រាក់ចំណេញនោះទេ ហើយពឹងផ្អែកតែលើអ្នកប្រើប្រាស់ជុំវិញពិភពលោកចូលកែព័ត៌មាន និងបន្ថែមព័ត៌មានដោយខ្លួនឯង៕

The post ម្ចាស់វេបសាយល្បីឈ្មោះ Wikipedia តាមពិតក៏ជាសេដ្ឋីមួយរូបផងដែរ appeared first on .

“ខ្ញុំនឹងផ្ដល់ប្រាក់ ១ពាន់លានដុល្លារ បើសិនជាពួកគេប្ដូរឈ្មោះគេហទំព័រ ទៅជា Dickipedia វិញ”។ នេះបើតាមការបង្ហោះសាររបស់លោក Elon Musk នៅលើបណ្ដាញសង្គម X។

មេធំ Tesla ក៏បានបញ្ជាក់ពីលក្ខខណ្ឌផងដែរ ដោយបានបញ្ជាក់ថា ការប្ដូរឈ្មោះនោះ គឺត្រូវមានរយៈពេលយ៉ាងតិច ១ឆ្នាំ ទើបអាចទទួលបានទឹកប្រាក់ ហើយ Wikipedia អាចប្ដូរមកឈ្មោះដើមវិញបាន បន្ទាប់ពីទទួលបានលុយរួច។

សូមជម្រាបដែរថា ការឌឺដងរបស់ Elon Musk ទៅកាន់គេហទំព័រ Wikipedia កើតឡើងក្រោយ​ស្ថាបនិក Wikipedia លោក Jimmy Wales បានធ្វើការរិះគន់ទៅលើម្ចាស់ក្រុមហ៊ុន X ជុំវិញការ​និយាយប៉ះពាល់ទៅកាន់ប្រធានាធិបតីតួកគី លោក Recep Tayyip Erdogan កាលពីខែឧសភា៕

The post Elon Musk ហ៊ានឲ្យលុយ Wikipedia ១ពាន់លានដុល្លារ ដើម្បីប្ដូរឈ្មោះថ្មី appeared first on .